Morgunblaðið - 26.03.2003, Blaðsíða 2

2 B MIÐVIKUDAGUR 26. MARS 2003 MORGUNBLAÐIÐ
bílar
FLATAHRAUNI 31 • HAFNARFIRÐI • SÍMI 555 6025 • www.kia.is
KIASportage
KIA ÍSLAND
H
ið
O
P
IN
B
E
R
A
!
Fögnum vetri
á einstökum jeppa!
KIA ~ kominn til að vera!
KIA Sportage er verulega rúmgóður, alvöru jeppi með háu og lágu drifi og
LSD læsingu á afturdrifi. Hann er byggður á öflugri grind og 2000 cc, 4 cyl.
vélin, gefur 128 hestöfl. Þetta er bíllinn sem kemur þér á fjöll án þess að
kollkeyra fjárhaginn! KIA Sportage fæst í tveimur útgáfum, Classic og
Wagon, dísil eða bensín, beinskiptur eða sjálfskiptur – Þitt er valið.
Fjallabakurinn . . .
Sjón er sögu ríkari og
reynsluakstur KIA Sportage
óviðjafnanlegur. Komdu og mátaðu
nýjan jeppa við þig og fjölskylduna.
Verð frá 2.150.000 kr.
INGÓLFUR Bender, hagfræðing-
ur hjá greiningardeild Íslands-
banka, spáir mikilli aukningu í
bílasölu á næstu árum. Aukin bíla-
sala verði knúin áfram af vaxandi
kaupmætti og endurnýjunarþörf á
bílaflota landsmanna. Hann sagði
að framundan væru einhverjar
stærstu framkvæmdir Íslandssög-
unnar og þær væru þegar farnar
að hafa áhrif, ekki síst á bílgrein-
ina, „í gegnum aukna eftirspurn,
gengisþróun krónunnar og í gegn-
um fjármagnskostnað fyrirtækja
sem eru að
sækja sér fé á
innlendan mark-
að“, sagði Ing-
ólfur.
Framundan
væri góður hag-
vöxtur og búast
mætti við enn
frekari styrk-
ingu krónunnar
og launahækkunum. „Þessi bjarta
mynd endurspeglast í sölu á bif-
reiðum eins og við áætlum hana.
Við gerum ráð fyrir að vaxandi
kaupmáttur á næstu árum muni
endurspeglast í mikillli uppsveiflu
í sölu bifreiða. Heildarsala bif-
reiða getur að okkar mati vel farið
yfir 16.000 bíla á árinu 2005.
Fólksbílasalan verður ríflega
9.000 á þessu ári og ef eitthvað er
þá er það að mínu mati vanmat.
Við gætum farið í og jafnvel yfir
11.000 bifreiðir á næsta ári. Þetta
er knúið áfram af kaupmáttar-
aukningunni og endurnýjunar-
þörfinni,“ sagði Ingólfur.
Bjart framundan í bílasölunni
Ingólfur Bender
GEIR H. Haarde fjármálaráð-
herra sagði á aðalfundi Bílgreina-
sambandsins að hugmyndir um
breytingu á þungaskattskerfinu
hefðu mætt andstöðu frá olíufélög-
unum og leigubílstjórum. Engu að
síður væri stefnt að því að koma á
olíugjaldi í stað þungaskatts fyrir
meginþorra bílaflotans. Fjármála-
ráðherra sagði jafnframt að allt
benti til þess að mikil uppsveifla
væri framundan í sölu á ökutækj-
um. Ekkert vafamál væri að mikill
innflutningur væri framundan á
ökutækjum og vinnuvélum í
tengslum við þær miklu fram-
kvæmdir sem framundan væru.
Sem dæmi um umsvifin framundan
nefndi hann að á næstu mánuðum,
frá apríl fram í september, væri
von á 70 skipsförmum í hafnirnar í
Fjarðabyggð í tengslum við Kára-
hnjúkavirkjun.
Mörgu verið komið í verk
Hann sagði að miklu hefðu verið
komið í verk í sambandi við bíl-
greinina á þeim fimm árum sem
hann hefði setið sem fjármálaráð-
herra. Fyrir þremur árum hefði
gjaldflokkum í vörugjaldi á öku-
tæki verið fækkað úr þremur í tvo.
Áður voru gjaldflokkarnir mest sjö
og mikil neyslustýring samfara
því. „Það vaknar sú spurning hvort
og hvenær það er tímabært að
sameina þessa gjaldtöku alla í einn
vörugjaldsflokk. Með því væri
horfið algjörlega frá þeirri stýr-
ingu sem óneitanlega er í þessu
kerfi þegar miðað er við slagrými
vélar.“
Hann sagði að ekki væri raun-
hæft að reikna með miklum skipu-
lagsbreytingum hvað varðaði vöru-
gjald á eldsneyti. Margir hefðu
hins vegar knúð á um breytingar á
þungaskattskerfinu. „Á síðasta
þingi, [2001–2002], lagði ég frum-
varp fyrir Alþingi um breytingar á
kerfinu. Það frumvarp fór til um-
sagnar á síðasta sumri til allra að-
ila sem telja sig eiga hagsmuna að
gæta í þessum máli og þeir eru
margir. Þegar við fórum yfir um-
sagnirnar kom í ljós að það eru
mjög skiptar skoðanir um þetta
mál. Það byggist á því að sumir
hagnast á því en aðrir tapa. Flestir
hagnast á því. Hverjir tapa á því?
Til dæmis þeir sem eru með bíla
sem eru mikið keyrðir en eru á
föstu gjaldi, t.d. leigubílstjórarnir.
Sendibílstjórar eru hins vegar
ánægðir með slíka breytingu. Al-
menningur sem á dísilbíla til
einkanota vill auðvitað frekar
borga skattinn af olíunni við dæl-
una í stað þess að fá gíróseðil
tvisvar á ári upp á 70–80 þúsund
kr.,“ sagði Geir.
Andstaða olíufélaganna
Hann sagði að breyting yfir í ol-
íugjald myndi ekki verða til óhag-
ræðis eða leiða til hækkunar á
vöruverði úti á landi.
„Ætlunin er að gera þetta þann-
ig að ríkissjóður komi skaðlaus út
úr því. Til þess að svo megi verða
og án þess að olíuverðið fari yfir
bensínverðið verður óhjákvæmi-
legt að hafa áfram einhvers konar
þungaskatt á allra þyngstu bílun-
um. Við þetta myndi fækka mjög
gjaldskyldum bílum í þungaskatts-
kerfinu, úr því að vera nokkrir
tugir þúsunda bíla, niður í um 5
þúsund bíla.“
Hann sagði að ástæða þess að
ekki væri fyrir löngu búið að koma
þessu í framkvæmd væri andstaða
hjá ákveðnum hópum. Olíufélögin
hafa talið að þetta væri óhagræði
og þau þyrftu að leggja í aukinn
kostnað vegna tvöfalds kerfis og
sá kostnaður myndi lenda á neyt-
endunum fyrr eða síðar.
„Þetta mál verður ábyggilega
ofarlega á baugi á nýju kjörtíma-
bili. Það er ekki vafi á því að það
er þjóðhagslega hagkvæmt að
auka notkun á dísilolíu á Íslandi.
Hún er ódýrari á heimsmarkaði,
mengar minna með þeim nútíma-
legu vélum sem nú eru komnar og
mun þess vegna lækka olíureikn-
ing þjóðarbúsins. Vandinn er að
koma breytingunni í gegn án þess
að tilteknir hópar skaðist í stórum
stíl. Einhvern veginn verðum við
samt að brjótast út úr þessu kerfi
og taka slag í kringum það. Oft
þarf að brjótast út úr vissri fast-
heldni og kyrrstöðu sem myndast í
kringum svona mál,“ sagði Geir H.
Haarde fjármálaráðherra.
Geir H. Haarde fjármálaráðherra mælir með olíugjaldi á aðalfundi Bílgreinasambandsins
Þarf að brjótast
út úr þunga-
skattskerfinu
Morgunblaðið/Árni Sæberg
Fjölmennt var á aðalfundi Bílgreinasambandsins sem haldinn var á Hótel Loftleiðum.
Geir H. Haarde sagði að brjótast þyrfti út úr núverandi þungaskattskerfi.