Morgunblaðið - 26.03.2003, Blaðsíða 24
24 B MIÐVIKUDAGUR 26. MARS 2003 MORGUNBLAÐIÐ
bílar
GÍSLI Magnússon rekur samnefnt
fyrirtæki á sviði verktöku í
Reykjavík og býr yfir ágætum
vélakosti. Hann starfar mikið
ásamt syni sínum, Magnúsi, fyrir
gatnamálastjóra, m.a. við breikkun
gatna og gerð hraðahindrana inn í
hverfi með 30 km hámarkshraða.
Gísli vinnur mest á þýskri Schaeff
HML 42-hjólavél, ellefu tonna.
Hann lætur mjög vel af vélinni og
segir hana afar lipra og nákvæma
og henta vel til verka þar sem
þrengsli eru mikil. Vél Gísla er vel
búin, m.a. á belgdekkjum, með
vökvahamri, hallaskóflu sem hægt
er að hella úr horninu á, t.d. eins
og þegar verið er að sanda yfir
strengi. Einnig er stýri á öllum
hjólum, liður við húsið, servó-
stjórntæki, hraðtengi og þrískipt
bakkó.
Vélin kom í góðar þarfir þegar
kviknaði í Teppalandi í Fákafeni
síðastliðið sumar, en þá var hún
notuð með brothamri til að brjóta
leið inn í kjallarann. „Þar kom í
ljós hve mikill kostur er að hafa
liðbómu. Hamarinn gróf sig niður
með húsinu og stakk sér svo inn í
það. Svo var rótað út því sem var
logandi innan við vegginn. Vélin er
náttúrulega ekki ætluð fyrir svona
verk en þetta sýnir hvað er raun-
verulega hægt að gera með henni
þegar hún er vel útbúin,“ segir
Gísli.
Hann segir að brothamarinn
henti mjög vel í minni brot en síð-
ur til að maska niður heilu húsin.
„Við vinnum mest fyrir gatna-
málastjóra. Við erum að setja upp
eyjur, skipta götum upp í tvennt
og í fleiri aðgerðum sem miða í ör-
yggisátt í umferðinni. Við erum
líka að setja upp hraðahindranir
og 30 km hliðin.“
Þeir feðgar eru með aðra
Schaeff-vél sem er með bakkó-
grafarmi og venjulegri framskóflu.
Hamarvélin er á belgdekkjum
með miklu floti, 70 metra breiðum.
Þau fljóta mun betur en venjuleg
dekk og skera síður jarðveginn og
skemma. Hægt er að nota vélina á
blautu túni á þessum dekkjum án
þess að tjón verði. Þetta eykur
notagildið því vélin er ekki með
driflæsingum og því auðvelt að
festa hana þegar aðstæður eru
með þeim hætti.
Vinnur á lipurri
Schaeff HML
42-hjólavél
Schaeff-grafan er fjölhæft tæki.
POULSEN ehf. hefur verið
að sækja í sig veðrið á sviði
vinnuvéla og fylgihluta
þeirra. Fyrirtækið telst nýtt
á þessu sviði, en fyrir tæpu
ári flutti það sig af Suður-
landsbrautinni í Skeifuna 2.
„Það má segja að við
séum nýir á þessu sviði.
Fyrirtækið stofnaði land-
búnaðardeild og færði sig
meira út á það svið. Þá var
hér sameining við Á.
Bjarnason og fylgdi Ásgeir
Bjarnason eigandi þess fyr-
irtækis sinni starfsemi.
Þetta var bæði hagræðing,
auk þess sem aukið var við
úrval þess sem fyrirtækið
hefur upp á að bjóða. Með
Á. Bjarnasyni komu inn í
reksturinn smurkerfi fyrir
vinnuvélar og iðnaðartæki,
en fyrir vorum við mikið í
smurfeiti á hvers kyns
kerfi, legum, snúnings-
ljósum, vinnuljósum af
ýmsum gerðum, hjörul-
iðskrossum, tengjum
o.m.fl.,“ sagði Kristján
Jónsson í spjalli við Morg-
unblaðið.
Poulsen eykur framboðið
Nokkrir starfsmanna Poulsen ehf., Kristján Jónsson, Ásgeir Bjarnason, Bergþór Valur
Þórisson, Agnar Hjartar og Ásbjörn Gunnar Guðmundsson.
AUSTFJARÐALEIÐ bætti nýlega
við þriðja nýja bílnum í flota sinn á
tveimur árum. Fyrirtækið er nú með
2⁄3 af bílahluta sínum sem stenst Euro
2 og 3 mengunarstaðla. Það var
Hekla á Austurlandi sem seldi Aust-
fjarðaleið sinn nýjasta bíl og er um
að ræða nýjan Volkswagen LT fólks-
flutningabíl. Bíllinn er 18 manna,
með árekstrarprófuðum sætum. Öll
sætin eru búin þriggja punkta ör-
yggisbeltum, stillanlegum bökum,
fótskemlum og hliðarfærslu. Frá-
gangur bifreiðarinnar er allur hinn
glæsilegasti en það var Bifreiða-
smiðja Sigurbjörns Bjarnasonar í
Kópavogi sem gekk frá bílnum. LT
bifreiðar eru framleiddar í verk-
smiðjum Volkswagen í Hannover.
Hægt er að fá LT bifreiðar í fjölda
mismunandi útfærslna, allt eftir því
sem viðskiptavinur óskar eftir.
Hekla Austurlandi er á Reyðarfirði.
Fyrirtækið selur og þjónar öllum
gerðum bifreiða og véla fyrir Heklu
hf. Þjónustuverkstæði Heklu á Aust-
urlandi er búið góðum tækjabúnaði
til viðgerða og bilanagreiningar.
Meðal búnaðar er ein fullkomnasta
hjólastillingavél á landinu. Auk þess
að sinna viðgerðum á vélum og tækj-
um selur Hekla á Austurlandi hjól-
barða frá Goodyear. Fyrirtækið var
stofnað árið 2001.
Austfjarðaleið með VW LT
Helgi Magnússon, hjá Heklu Austurlandi, afhenti Hlífari Þorsteinssyni, fram-
kvæmdastjóra Austfjarðaleiða, bílinn.
VÉLASVIÐ Heklu hefur fengið sýn-
ingareintak af nýja Flex-plógnum frá
Mählers AB. Fyrirtækið er með að-
setur í Norður-Svíþjóð og er leiðandi
fyrirtæki í framleiðslu á plógum og
undirtönnum fyrir vörubíla.
Tönnin er 3,7 m á breidd. Skekkj-
anleg í báðar áttir. Hún er búin sér-
stökum gúmmíkjarna á milli skera og
tannar sem dregur úr hljóðmyndun.
Mählers er með einkaleyfi á þessum
búnaði.
Gísli Guðnason í Þorlákshöfn hefur
prófað plóginn í nokkrar vikur, en
hann sér um að ryðja Árborgarhring-
inn og hluta af Hellisheiði og
Þrengslum.
„Tönnin er alveg frábær, hún er
mun léttari en sú tönn sem ég hef í
dag. Mikill kostur er að hún er skekkj-
anleg í báðar áttir sem auðveldar
þegar hreinsað er við gatnamót og
hringtorg og er hún þó ótrúlega stöð-
ug. Einnig er frábært hversu hljóðlát
hún er, sem er mjög mikilvægur kost-
ur þegar ekið er um miðja nótt í
gegnum bæjarfélög,“ segir Gísli. Þess
má geta að Gísli hefur um nokkurt
skeið verið með undirtönn frá Mä-
hlers undir sínum bíl af Scania-gerð.
Vélasvið
Heklu kynnir
Flex-plóginn
Tönnin er 3,7 m á breidd, skekkjanleg í báðar áttir.