Morgunblaðið - 26.03.2003, Blaðsíða 31

MORGUNBLAÐIÐ MIÐVIKUDAGUR 26. MARS 2003 B 31
formúlan
K i r k j u s a n d i • 1 5 5 R e y k j a v í k • w w w . g l i t n i r . i s • S í m i 4 4 0 4 4 0 0
G l i t n i r e r h l u t i a f Í s l a n d s b a n k a
Notu› atvinnutæki
og fólksbílar
Smelltu flér á sölutorgi›!
Á vef Glitnis er a› finna til sölu: Nota›a fólksbíla og atvinnutæki, s.s.
atvinnubifrei›ar, vinnuvélar, i›na›arvélar, skrifstofu- og tölvubúna›.
fiar eru ítarlegar uppl‡singar og myndir, auk fless sem hægt er a›
reikna út grei›slubyr›i lána og senda tilbo›.
Kíktu á www.glitnir.is og sko›a›u frambo›i›!
H
V
ÍT
A
H
Ú
S
IÐ
/
S
ÍA
Ó
LÍKT öllum öðrum öku-
þórum fyrr og síðar hafði
Räikkönen ekki fetað sig
hina hefðbundnu leið
gegnum Formúlu-3 og
Formúlu-3000, heldur komið beint
inn úr unglinga- og smábílaformúl-
unni bresku, Formúlu-Renault.
Hann drottnaði í þeirri íþrótt þrátt
fyrir að þurfa fljúga aftur heim til
Finnlands milli móta til að sinna her-
skyldu. Fyrir keppni í Bretlandi hafði
hann einungis stundað körtuakstur
en er hann gerðist keppandi í Form-
úlu-Renault árið 1999 hafði hann af-
rekað meira á körtum en landi hans
Mika Häkkinen sem keppti með
McLaren uns hann rýmdi sætið og
útnefndi Räikkönen sem arftaka sinn
í vertíðarlok 2001.
Klifur Räikkönens upp á tind akst-
ursíþróttanna er einstakt og sakir
reynsluleysis var keppnisleyfið í
Formúlu-1 skilorðsbundið í fyrstu
mótunum meðan athugað skyldi
hvort hann þyldi álagið. Nú, tæpum
tveimur árum síðar, er verkamanns-
sonurinn frá Espoo í Finnlandi fram-
tíðarandlit íþróttarinnar.
Tímabær jómfrúarsigur
Vegna frammistöðu hans m.a. í
franska kappakstrinum og þeim
belgíska í fyrra og yfirburða hans
gegn Michael Schumacher í Mel-
bourne í ár þótti ýmsum jómfrúar-
sigur hans löngu tímabær. En með
sigrinum í Malasíu á sunnudag boðar
hann komu nýrrar kynslóðar kapp-
akstursstjarna.
Sigur Räikkönens varð til þess að
tár komu fram á hvarma stálkarlsins
Ron Dennis, liðsstjóra McLaren, sem
sér í honum sömu eiginleika og í
Häkkinen, sem var Dennis svo náinn
meðan hann keppti fyrir liðið. „Það er
tæpast hægt að lýsa því hversu mik-
ilvægur fyrsti sigurinn er ökuþórum
og hversu mikilli pressu er létt af
þeim. Hann verðskuldaði þennan sig-
ur virkilega,“ sagði Dennis.
Óhjákvæmilega er gerður saman-
burður milli Mika Häkkinen og Kimi
Räikkönen en sá síðarnefndi þykir
þegar sýna sama andlega styrkleika
og keppnishörku og heimsmeistarinn
fyrrverandi þegar hann var upp á sitt
besta. Viðurnefnið „Ísmaðurinn“,
sem skrifað stendur á keppnishjálm-
inum, þykir lýsa vel geðslagi Räikk-
önens. Sjaldan sést tilfinningadrátt-
um bregða fyrir í andliti hans, hvort
sem gengur vel eða illa.
Häkkinen keppti 95 sinnum áður
en hann vann sinn fyrsta mótssigur í
Formúlu-1 í lokamótinu í Jerez á
Spáni árið 1997. Eftir það opnuðust
flóðgáttir og hann varð heimsmeist-
ari næstu tvö árin. Til samanburðar
vinnur Räikkönen jómfrúarsigur
sinn í 36. móti.
Hungraður í sigur
Þegar er talað um Räikkönen sem
heimsmeistara næstu framtíðar, ekki
síst í ljósi þess hvernig hann af-
greiddi Michael Schumacher, heims-
meistarann hjá Ferrari, í fyrsta móti
ársins, í Melbourne í byrjun mars. Og
jafnvel þegar í fyrra er hann stefndi
til sigurs í franska kappakstrinum og
hélt Schumacher einnig fyrir aftan
sig allt þar til hann ók í olíupoll og
rann út úr beygju sex hringjum frá
marki.
„Kimi er ótrúlega hungraður í sig-
ur og það minnir mig á Mika því hann
var svo oft nærri sigri áður en hann
vann fyrsta sinni,“ sagði fram-
kvæmdastjóri McLaren, Martin
Whitmarsh, nokkrum dögum fyrir
kappaksturinn í Sepang. Eftir að
hann varð annar í keppninni um rás-
pól belgíska kappakstursins í fyrra
sagði Whitmarsh: „Hann vinnur fyrr
en seinna, það liggur í loftinu, maður
skynjar það innan liðsins og í Kimi,
að hann vinnur brátt sigur.“
Alonso
Félagi Finnans unga hjá McLaren,
David Coulthard, veit að hann verður
ekki auðveld bráð en þeir hafa unnið
sitt af fyrstu tveimur mótum ársins
hvor. „Við sáum af ítrekuðum frá-
bærum bardögum hans við Juan
Pablo Montoya í fyrra að hann er
meira en fær um að keppa hjól við
hjól. Ég býst ekki við að hann gefi
neitt eftir nema brýna nauðsyn beri
til. Það er góður kostur þegar menn
keppa við mann á borð við Schumach-
er því hann gefur ekki eftir tommu.“
Coulthard er á sinni áttundu vertíð
með McLaren og er mun reynslu-
meiri en veit að það dugar ekki mikið
lengur. „Ég hef reynslu og hraða,
hann hefur hraða en ekki reynslu.“
Við hlið Räikkönens á verðlauna-
pallinum í Sepang stóð 21 árs Spán-
verji, Fernando Alonso hjá Renault,
sem varð þriðji á mark eftir að hafa
byrjað kappaksturinn á sínum fyrsta
ráspól. Er það rásstaður sem Räikkö-
nen hefur enn ekki komist á og afar
sjaldgæft er að ökuþór vinni móts-
sigur áður en hann vinnur keppni um
ráspól. Sú sjón, sem við blasti á verð-
launapallinum, hefur ugglaust glatt
alráð Formúlu-1, Bernie Ecclestone,
sem veit að íþróttin þarf á nýjum sig-
urvegurum og nýjum andlitum að
halda. Þannig viðheldur hún lífsþrótti
sínum. Á sunnudag var nýju lífi
hleypt í Formúlu-1, nýjum krafti gef-
inn laus taumur.
Ísmaðurinn hefur farið ótroðnar slóðir
Reuters
Kimi Räikkönen fagnar sigrinum í Malasíu 23. mars sl.
agas@mbl.is
Reuters
Räikkönen á fullri ferð í gegnum beygju í Malasíu.
Allar skrifaðar og óskrifaðar
reglur voru brotnar þegar Kimi
Räikkönen kom til skjalanna í
Formúlu-1 fyrir þremur árum.
Átti hann einungis 23 kapp-
akstra að baki er hann fékk
svonefnt ofurökuskírteini sem
er forsenda keppni í Form-
úlu-1. Ágúst Ásgeirsson
fjallar hér um nýja ofurstjörnu
íþróttarinnar.