Morgunblaðið - 14.05.2003, Side 12

VIÐSKIPTI/ATHAFNALÍF
12 MIÐVIKUDAGUR 14. MAÍ 2003 MORGUNBLAÐIÐ
HAGNAÐUR Búnaðarbanka Ís-
lands hf. á fyrsta fjórðungi ársins var
581 milljón króna eftir skatta. Hagn-
aður sama tímabils árið 2002 nam
846 milljónum króna. Að mati Sólons
R. Sigurðssonar bankastjóra er af-
koman nokkuð góð. Hann segir
hagnað á fyrsta ársfjórðungi 2002
hafa verið óvenjulega háan.
„Ég tel að þetta sé viðunandi út-
koma. Hagnaður er að vísu lægri en í
fyrra en þó 80 milljónum króna meiri
en áætlað var, þannig að ég tel þetta
nokkuð gott. Á fyrsta ársfjórðungi í
fyrra var gengishagnaður af hluta-
bréfum óvenjuhár og skýrir lægri af-
komu en í fyrra,“ segir Sólon.
Rekstraráætlun bankans fyrir ár-
ið 2003 gerir ráð fyrir 2,3 milljarða
árshagnaði og skv. því hefði hagn-
aður fyrsta ársfjórðungs átt að vera
603 milljónir króna. Í tilkynningu frá
bankanum segir að afkoma fyrsta
ársfjórðungs sé í takt við áætlanir.
Hreinar vaxtatekjur samstæðunn-
ar námu 1.923 milljónum króna en
voru 1.506 milljónir á sama tímabili
2002. Vaxtamunur, þ.e. vaxtatekjur
að frádregnum vaxtagjöldum í hlut-
falli af meðalstöðu heildarfjármagns,
var 3,02% á fyrsta ársfjórðungi en
2,88% á árinu 2002. Í tilkynningu
segir að aukning vaxtamunar skýrist
að mestu af hærri verðbólgu á tíma-
bilinu.
Aðrar rekstrartekjur án gengis-
hagnaðar námu 737 milljónum króna
en námu 618 milljónum á sama tíma-
bili í fyrra og hækka um 19,3%.
Gengishagnaður af hlutabréfum
nam 271 milljón. Gengishagnaður af
skuldabréfaeign bankans nam 94
milljónum. Hreinar rekstrartekjur
voru alls 3.023 milljónir á tímabilinu,
eða nær óbreyttar frá 2002.
Kostnaðarhlutfall hærra
Rekstrargjöld voru 1.830 milljónir
króna sem er um 2,87% af meðal-
stöðu efnahags á tímabilinu og er
það sambærilegt hlutfall og á síðast-
liðnu ári. Kostnaður sem hlutfall af
tekjum var 60,6% í fjórðungnum en
var 56,8% á öllu árinu 2002.
„Tekjurnar eru nánast þær sömu
en kostnaður hefur vaxið. Laun og
launatengd gjöld hafa hækkað um
16% frá sama tíma í fyrra en það á
sér allt saman eðlilegar skýringar,“
segir Sólon. Hann segir skýringuna
m.a. liggja í fjölgun starfsfólks og
auknum bónusgreiðslum, auk minni
gengishagnaðar.
Arðsemi eigin fjár Búnaðarbank-
ans var á tímabilinu janúar til mars
sl. 16,4% eftir skatta. Stöðugildi voru
samtals 780 hjá móðurbankanum,
Lýsingu og Búnaðarbankanum Int-
ernational í Lúxemborg.
Heildareignir bankans eru nú 264
milljarðar króna eða 7,4% meiri en
um áramót. Útlán bankans voru 200
milljarðar í lok fyrsta ársfjórðungs,
sem er hækkun um 13,5 milljarða.
Innlán í lok tímabilsins voru tæpir 92
milljarðar og lækkuðu um rúman
milljarð frá áramótum, segir í til-
kynningu.
Eigið fé bankans er nú tæpir 16
milljarðar króna og útgáfa víkjandi
lána um 6,7 milljarðar króna. Eig-
infjárhlutfall samkvæmt CAD-
reglum er 10,5%, þar af er A-hluti
eiginfjár 7,9%.
Hagnaður í
takt við áætlanir
Árshlutauppgjör Búnaðarbanka Íslands
VÍSITALA neysluverðs lækkaði um
0,18% í maímánuði, sem er nokkuð
meiri lækkun en almennt hafði verið
gert ráð fyrir hjá greiningardeildum
fjármálafyrirtækjanna. Síðastliðna 12
mánuði hefur vísitalan hækkað um
2,2% og vísitala neysluverðs án hús-
næðis um 0,9%. Undanfarna þrjá
mánuði hefur vísitala neysluverðs
hækkað um 1%, sem jafngildir 4,2%
verðbólgu á ári.
Í hálf fimm fréttum Búnaðarbank-
ans kemur fram að það sem búi að
baki lækkun vísitölunnar nú sé geng-
isstyrking krónunnar að undanförnu
og lækkun á bensínverði á heims-
markaði, en þeir liðir sem höfðu mest
áhrif til lækkunar vísitölunnar í maí
voru matur og drykkjarvörur auk
bensíns og díselolíu. Gisting á hótel-
um og gistiheimilum hækkaði um
7,5%, en hækkunin er árstíðabundin
vegna fjölgunar ferðamanna. „Geng-
isstyrking krónunnar að undanförnu
kemur fram í 1,4% lægra verði á inn-
fluttum mat- og drykkjarvörum, en
athygli vekur að verð á nýjum bílum
og varahlutum hækkaði um 0,3% og
aðrar innfluttar vörur hækkuðu um
0,1%.“
Í Markaðsyfirliti Landsbankans í
gær segir að lækkunin hafi verið held-
ur meiri en flestir sérfræðingar á fjár-
málamarkaði hefðu reiknað með. Mið-
að við að 12 mánaða verðbólga mælist
núna 2,2% og að mikil umsvif eru fyr-
irsjáanleg í hagkerfinu á næstu árum
þá verður styttra verðbólguálagið að
teljast full lágt og reiknar greining-
ardeild með að komi til leiðréttingar á
því innan skamms.
Samkvæmt greiningardeild Ís-
landsbanka er verðbólgan lítil og
nokkuð undir 2,5% verðbólgumark-
miði Seðlabankans. „Undirliggjandi
verðbólga er einnig lítil en kjarnavísi-
tala 1, sem er vísitala neysluverðs án
búvöru, grænmetis, ávaxta og bens-
íns, hefur hækkað um 2,6% á síðustu
tólf mánuðum og kjarnavísitala 2, sem
er kjarnavísitala 1 án opinberrar
þjónustu, um 2,1%.
2,5% verðbólga í ár
Greining ÍSB spáir því að verðbólg-
an muni færast í aukana á næstunni
en engu að síður haldast lág og við
verðbólgumarkmið Seðlabankans.
Greining ÍSB spáir 2,5% verðbólgu í
ár og 2,8% verðbólgu á næsta ári.“
Í Morgunpunktum Kaupþings seg-
ir: „Athygli vekur að vísitala neyslu-
verðs án húsnæðis lækkar um 0,31%.
Að þessu sinni er það hækkun hús-
næðisliðarins sem er að halda uppi
tólf mánaða verðbólgu og er niður-
staðan því í takt við það sem greining-
ardeild fjallaði um í síðustu verð-
bólguspá sinni að fyrir utan hækkun
húsnæðisliðar þá er fátt sem fóðrar
verðbólguna.“
Að mati greiningardeildar er verð-
bólgan ofmetin og á Seðlabankinn að
forðast að líta á þætti sem Seðlabank-
inn getur ekki haft áhrif á með pen-
ingamálastefnu sinni. En auk hús-
næðisliðarins er það opinber þjónustu
og eldsneytisverð sem hefur hækkað
hvað mest.“
Þá telur greiningardeild ekki rétt
að hækka vexti 16. maí nk., þegar
Peningamál Seðlabanka koma út.

 


  





  



 

 


 





 






   




  





   

!
"
  

#$"%& '
(
 


 !"#$   


#$"

 '()"$& *)* +  

%
&' 



+#)"
%") , 

!&
)
  

(

)!*!  * 


,-"
".(  

/0("
(
 



, 
#)

"&  
1&
2" +  
 !"#$#
%&' $(&)*

+,-
3
+
+
(

./0
4

3 4 4
+
4


,


-%

-
(

,


4 5 
4 5

Verðhjöðnun
í maímánuði
HAGNAÐUR af rekstri Skeljungs hf.
nam 129 milljónum króna á fyrsta
ársfjórðungi sem er óviðunandi af-
koma að mati stjórnenda félagsins.
Hagnaður á fyrsta fjórðungi ársins
2002 var 201 milljón króna. Árshluta-
reikningur sem lagður var fram í gær
er samstæðureikningur félagsins og
dótturfélaganna Hans Petersen hf. og
Bensínorkunnar ehf.
Velta Skeljungs nam 3.224 milljón-
um króna á fyrstu þremur mánuðun-
um sem er um 6% lækkun frá sama
tímabili 2002 en þá var velta félagsins
3.430 milljónir króna. Hreinar rekstr-
artekjur voru 798 milljónir króna á
tímabilinu en voru 884 milljónir á
sama tíma í fyrra. Rekstrargjöld án
afskrifta voru 707 milljónir og hækk-
uðu um rúm 6% frá fyrra ári, voru þá
665 milljónir króna. Hagnaður fyrir
afskriftir og fjármagnsgjöld
(EBITDA) nam tæpri 91 milljón
króna en árið áður var sama tala um
221 milljón.
Í tilkynningu frá Skeljungi segir að
sömu reikningsskilaaðferðum sé beitt
og í fyrra að öðru leyti en því að verð-
leiðréttingu er hætt. Verðleiðréttur
árshlutareikningur hefði sýnt 52
milljónum króna meiri hagnað.
Eigið fé Skeljungs hf. þann
31.mars sl. nam 5.515 milljónum
króna en var 4.238 milljónir 2002.
Eiginfjárhlutfall samstæðunnar í
lok tímabilsins var 39,4% en var
37,9% í lok sama tímabils 2002. Veltu-
fé frá rekstri samstæðunnar var 239
milljónir króna á tímabilinu og veltu-
fjárhlutfall var 0,8 í lok tímabilsins.
Handbært fé til rekstrar var 500
milljónir á fyrsta ársfjórðungi 2003.
Minni eldsneytissala
Í tilkynningu frá Skeljungi segir að
minni eldsneytissala hafi einkennt
fyrsta ársfjórðung og að skýringu á
því megi helst finna í samdrætti í
loðnuveiðum. Þá segir að slök afkoma
dóttur- og hlutdeildarfélaga valdi
vonbrigðum „en afkoma dótturfélag-
anna er alla jafna erfiðust á fyrsta
ársfjórðungi.“
Stjórnendur félagsins telja afkom-
una óviðunandi og gera ráð fyrir betri
afkomu af rekstri félagsins á öðrum
ársfjórðungi, „en sem fyrr mun geng-
isþróun krónunnar ráða miklu um
niðurstöðuna,“ segir í tilkynningunni.
Óviðunandi afkoma hjá
Skeljungi og dótturfélögum
SAS gengur allt í óhag þessa stund-
ina og afkoma fyrsta ársfjórðungs
var mun verri en gert var ráð fyrir.
Skandinavíska flugfélagið tapaði
tæpum 1,9 milljörðum sænskra
króna á tímabilinu janúar til mars
eða sem nemur rúmum 17 milljörð-
um íslenskra króna. Á sama tímabili
árið 2002 tapaði SAS jafnvirði ríflega
13 milljarða íslenskra króna. Geng-
ishagnaður félagsins nam hins vegar
582 milljónum sænskra króna eða yf-
ir 5 milljörðum íslenskra króna á
fyrstu þremur mánuðum þessa árs
og því hafði verið gert ráð fyrir
minna tapi en raun varð.
Þessar slöku afkomutölur þýða að
SAS þarf að herða sultarólina enn
frekar. Félagið hefur þegar boðað
víðtækan niðurskurð en í frétt Reut-
ers segir að fjármálasérfræðingar
séu óánægðir með hversu hægt SAS
gangi að skera niður kostnað. „Á síð-
ustu 12 mánuðum höfum við heyrt af
niðurskurði. Afkoma síðustu þriggja
ársfjórðunga hefur verið skelfileg og
við höfum ekki enn séð SAS skera
niður kostnað,“ sagði einn þeirra.
Á síðustu 12 mánuðum hefur fjöldi
starfsmanna hjá SAS haldist
óbreyttur, 35.000 manns, þrátt fyrir
að félagið hafi tilkynnt að segja þurfi
upp 4.000 manns til að mæta minnk-
andi eftirspurn eftir flugsætum.
Gengi hlutabréfa í SAS í kauphöll-
inni í Kaupmannahöfn hefur lækkað
um tæp 26% það sem af er þessu ári.
Lokagengi bréfanna í gær var 31,50
danskar krónur á hlut.
Mjög slæm afkoma SAS
Reuters
Tap SAS á fyrsta ársfjórðungi var meira en gert var ráð fyrir.