Morgunblaðið - 30.05.2003, Page 2

FRÉTTIR
2 FÖSTUDAGUR 30. MAÍ 2003 MORGUNBLAÐIÐ
ÁNÆGÐIR MEÐ FUNDINN
Bæði Ísraelar og Palestínumenn
kváðust ánægðir með fund Ariels
Sharons, forsætisráðherra Ísraels,
og Mahmoud Abbas, forsætisráð-
herra Palestínumanna, í Jerúsalem í
gærkvöld. Ræddu ráðherrarnir
ásteytingarsteina og hinn svonefnda
Vegvísi, er verður meginefni fundar
þeirra með Bandaríkjaforseta í
Jórdaníu í næstu viku.
Óvissa á Raufarhöfn
Íbúar á Raufarhöfn eru uggandi
um framtíðina eftir uppsagnir hjá
Jökli og telja að margir neyðist til að
flytja á brott og skilja eignir sínar
verðlausar eftir. Tæplega 30 Pól-
verjar hafa unnið í frystihúsinu og er
óvissan mikil í þeirra hópi.
Fleiri börn í Írak vannærð
Barnahjálp Sameinuðu þjóðanna
greindi frá því í gær að fjöldi van-
nærðra íraskra barna hefði næstum
því tvöfaldast síðan stríðinu í land-
inu lauk og heilbrigðiskerfið í land-
inu hrundi.
Skeyta ekki um gróðurinn
Á Reykjanesi hafa mótorhjóla-
menn valdið talsverðum gróð-
urskemmdum með utanvegaakstri
og segir lögregla að vandinn fari
vaxandi. Reyndur mótorhjólamaður
segir rótina að vandanum vera skort
á æfingasvæðum og gagnrýnir
sýslumanninn í Keflavík fyrir óbil-
girni.
Afvopnun ekki aðalatriðið
Paul Wolfowitz, aðstoðarvarn-
armálaráðherra Bandaríkjanna,
segir í nýbirtu tímaritsviðtali að það
hafi einungis verið af „stjórnkerf-
islegum ástæðum“ sem áhersla hafi
verið lögð á að afvopnun og gereyð-
ingarvopn væru meginforsenda her-
fararinnar til Íraks.
Steypuhækkun líkleg
Verð á steypu mun hugsanlega
hækka um 1% um næstu mánaðamót
vegna þess að flutningsjöfn-
unargjald á sementi hækkar um 240
krónur á tonnið, meðal annars vegna
mikilla framkvæmda á Austurlandi
við jarðgangagerð og fleira. Flutn-
ingsjöfnunargjald er ekki greitt af
sementi sem notað er við virkj-
unarframkvæmdir.
Y f i r l i t
Skipstjórinn og aflaklóin Þorsteinn Kristjánsson á
Hólmaborginni SU hefur átt farsælan feril á sjónum.
Jóhanna Ingvarsdóttir ræddi við „karlinn í brúnni“.
Fæðubót og forboðin lyf
Það eru ekki aðeins íþróttamenn sem neyta ólöglegra
lyfja, segir Hildur Einarsdóttir, heldur líka hinn al-
menni borgari sem vill „fegra“ líkama sinn.
Söngvari af lífi og sál
Jón Hallsson hefur haft peningaumsýslu að ævistarfi
en jafnframt verið ötull liðsmaður Karlakórs Reykja-
víkur. Guðrún Guðlaugsdóttir ræddi við hann.
Aflaklóin á „Gullborginni“
á sunnudaginn
Í dag
Sigmund 8 Bréf 32
Viðskipti 12/13 Skák 57
Erlent 14/15 Dagbók 34/35
Listir 16/19 Brids 31
Umræðan 23 Leikhús 40
Forystugrein 24 Fólk 41/45
Viðhorf 26 Bíó 42/45
Minningar 26/30 Ljósvakamiðlar 46
Staksteinar 34 Veður 47
* * *
Morgunblaðinu í dag fylgir „Sjó-
mannadagsblaðið“ frá Sjómanna-
dagsráði. Blaðinu er dreift um allt
land.
JÚPÍTER landaði í gærmorgun
fullfermi af síld á Þórshöfn, um
1.200 tonnum, sem fara eiga í
bræðslu. Síldin veiddist 370 mílur
norðaustur af Langanesi og er stór
og góð. Er þetta fyrsta síldin sem
landað er á Þórshöfn á sum-
arvertíðinni og segjast þeir Júpí-
tersmenn þokkalega bjartsýnir á
framhaldið. Skipshöfnin fer nú í frí
enda sjómannadagurinn á næsta
leiti.
Morgunblaðið/Líney
Fyrsta síldin til Þórshafnar
IÐNAÐAR- og viðskiptaráðherra og
félagsmálaráðherra hafa ákveðið að
skipa starfshóp til að fjalla um at-
vinnuvandann á Raufarhöfn. Til-
gangurinn er að sögn iðnaðarráð-
herra að ræða við heimamenn og
athuga hvernig hægt er að taka á
vandanum.
Valgerður Sverrisdóttir, iðnaðar-
og viðskiptaráðherra, fer jafnframt
með byggðamál í ríkisstjórninni og er
fyrsti þingmaður Norðausturkjör-
dæmis. „Það var mikið áfall að heyra
af svona mikilli fækkun starfa á Rauf-
arhöfn,“ segir Valgerður þegar leitað
er eftir viðbrögðum hennar við fækk-
un starfa hjá Jökli ehf.
Hún segir ekki hægt að hafa uppi
stór orð um ákvörðun fyrirtækisins.
Öll fyrirtæki forðist að reka óarðbær-
ar einingar, að minnsta kosti í langan
tíma. Valgerður leggur áherslu á að
vandinn á Raufarhöfn stafi ekki af
skorti á hráefni enda ætli fyrirtækið
að auka hráefni þegar ný starfsemi
hefst, heldur valdi ytri aðstæður
þessum rekstrarvanda, svo sem verð
á afurðum og gengi. „Þetta mál sýnir
okkur hvað atvinnulífið er fallvalt
víða á landsbyggðinni. Norðaustur-
hornið er sérstaklega veikt, alveg frá
Húsavík til Vopnafjarðar og svona
áfall er því hættulegt fyrir byggðina.“
Valgerður segir að starfshópur
hennar og félagsmálaráðherra sé
skipaður til að koma þessum erfiðu
málum í farveg. Hópurinn verður
skipaður einum fulltrúa hvors ráðu-
neytis auk forstjóra Byggðastofnun-
ar. Félagsmálaráðuneytið fer með
vinnumarkaðsmál og segir iðnaðar-
ráðherra því mikilvægt að hafa sam-
vinnu við félagsmálaráðherra. Val-
gerður segir að hópurinn fari til
Raufarhafnar á næstu dögum til að
kynna sér málin. Spurð nánar út í
hvaða ráðstafana sé hægt að grípa til
segir hún að Vinnumálastofnun geti
hugsanlega hafið átaksverkefni á
Raufarhöfn og vonandi verði síðar
hægt að auka þar atvinnustarfsemi.
Segir atvinnulíf fallvalt
víða á landsbyggðinni
HALLDÓRA Friðjónsdóttir, for-
maður Bandalags háskólamanna,
leggur til að næsti ríkissáttasemjari
verði kona.
„Það er ljóst að það vantar heil-
mikið upp á að fullu jafnrétti sé náð.
Atvinnutekjur kvenna eru mun
lægri en atvinnutekjur karla. Að
auki eru afar fáar konur æðstu yf-
irmenn hjá ríkinu, t.d. í ráðuneytum
og öðrum stofnunum.“ Hún telur að
nú sé lag til að fjölga konum í æðstu
stöðum innan embættismannakerf-
isins þegar núverandi ríkissátta-
semjari, Þórir Einarsson, lætur af
störfum 1. nóvember sökum aldurs.
Engin kona hefur gegnt þessu
embætti og segir Halldóra að það
yrði afar fróðlegt að sjá konu reyna
sig í þessu starfi. Allir þekki að kon-
ur geti verið prýðis sáttasemjarar.
„Þær eru lunknar í að miðla mál-
um,“ segir Halldóra.
Ríkissátta-
semjari
verði kona
KÖNNUN sem félagið Vestmanna-
eyjagöng hefur látið gera bendir til
þess að landsmenn myndu fara 320
þúsund sinnum á ári til Eyja ef göng
yrðu boruð þangað en nú fara um
100 þúsund manns til Eyja. For-
svarsmenn félagsins telja að miðað
við þessa notkun myndi fjárfestingin
borga sig upp á 40 árum.
Áhugafélag um vegtengingu milli
lands og Eyja, Vestmannaeyjagöng,
var stofnað í mars síðastliðnum til að
vinna að rannsóknum og gerð veg-
tengingar til Vestmannaeyja. Í fé-
laginu eru nú um 200 manns.
Á fyrsta aðalfundi félagsins í gær
gerðu stjórnarmenn grein fyrir
vinnu sinni til þessa.
Gallup gerði nýlega könnun fyrir
áhugafélagið á hugsanlegri notkun
landsmanna á jarðgöngum milli
lands og Eyja. Spurningin hljóðaði
svo: Ef af jarðgöngum til Vest-
mannaeyja yrði, hve oft á ári myndir
þú líklega notfæra þér þau? Sú for-
senda var gefin fyrir spurningunni
að framkvæmdin yrði á svipuðum
forsendum og Hvalfjarðargöng,
meðal annars með innheimtu veg-
tolls. Fram kom að 26,1% þeirra sem
svöruðu myndu aldrei fara, 25,3%
sjaldnar en árlega, 25,4 einu sinni á
ári, 10,1% tvisvar á ári og 13,2%
þrisvar eða oftar á ári. Meðaltalið er
1,6 skipti. Friðrik Friðriksson,
stjórnarmaður í áhugafélaginu,
kynnti þessar niðurstöður. Hann
segir að þessar tölur sýni að lands-
menn myndu fara 320 þúsund sinn-
um um göngin á ári. Til samanburð-
ar getur Friðrik þess að nú fari um
100 þúsund manns á milli.
Reiknað er með að 18 kílómetra
löng göng myndu kosta um 15 millj-
arða króna. Búið er að keyra upplýs-
ingar um niðurstöður skoðanakönn-
unarinnar um hugsanlega notkun
ganganna, stofnkostnað og fleiri for-
sendur í gegnum lánalíkan hjá Ís-
landsbanka og segir Friðrik að nið-
urstaðan hafi orðið sú að göngin
myndu borga sig upp á 40 árum. Er
þá miðað við að vegtollur yrði 2.500–
3.000 krónur á hvern fólksbíl og að
ríkið myndi ekki leggja meira í þess-
ar samgöngur en það gerir í dag.
„Þetta segir okkur að ef jarðfræðin
er í lagi þá er þetta kostur sem geng-
ur þægilega upp,“ segir Friðrik og
segir margvíslegt annað hagræði af
jarðgöngum svo sem stækkun mark-
aðssvæðis og nýtingu hafnarinnar
vegna stóriðju á Suðurlandi.
Þrefalt fleiri til Eyja
ef jarðgöng yrðu gerð
Morgunblaðið/Sigurgeir Jónasson
Fjölmenni var á aðalfundi félagsins um samgöngur milli lands og Eyja þar sem skýrt var frá könnun um göngin.