Morgunblaðið - 30.05.2003, Side 6

FRÉTTIR
6 FÖSTUDAGUR 30. MAÍ 2003 MORGUNBLAÐIÐ
Daglegt flug til London
Iceland Express flýgur til London alla daga.
Skoðaðu og bókaðu á IcelandExpress.is eða komdu á söluskrifstofuna
Suðurlandsbraut 24, opið 9-17 virka daga.
Lág fargjöld. Enginn bókunarfyrirvari. Engin lágmarksdvöl og engin hámarksdvöl.
Söluskrifstofa Suðurlandsbraut 24, opið 9-17 virka daga I Sími 5 500 600 I www.IcelandExpress.is
M
Á
T
T
U
R
IN
N
&
D
Ý
R
Ð
IN
LÖGREGLUMENN hnykluðu vöðv-
ana og prófuðu þrek sitt og styrk í
Kraftakeppni norrænu sakamála-
bókarinnar sem efnt var til í gær.
Tólf keppendur mættu til leiks í
porti lögreglustöðvarinnar við
Hverfisgötu í Reykjavík, þar af ein
kona, Jóhanna Eyvindsdóttir, sem
sigraði í sínum flokki með yf-
irburðum. Telst hún væntanlega
sterkasta lögreglukona Íslands.
Öllu harðari keppni var í karla-
flokkunum fjórum. Raðað var í
flokka eftir aldri. Gísli Þor-
steinsson, sem býr að góðri júdó-
þjálfun, bar sigur úr býtum í
flokknum fimmtugir og eldri en
kúluvarparinn Pétur Guðmunds-
son var sterkastur lögreglumanna
á fimmtugsaldri. Eiríkur Óskar
Jónsson bar sigur úr býtum í ald-
ursflokknum 30-39 ára og Rafn
Hilmar Guðmundsson varð efstur í
flokknum 20-29 ára.
Keppnin var haldin af Íþrótta-
sambandi lögreglumanna og var
styrkt af sjóði Norrænu sakamála-
bókarinnar. Meðal keppnisgreina
var dráttur á lögreglubílum,
vinnuvéladekkjum var velt og
„bændaganga“ með lóð. Að sögn
Óskars Bjartmarz, formanns
Íþróttasambandsins, fylgdist dá-
góður fjöldi með kraftakeppninni
og að henni lokinni var boðið upp
á pylsur og svaladrykk. Einmitt
það sem móðir keppendurnir
þurftu.
Morgunblaðið/Árni Torfason
Hvað er einn lögreglumaður mörg hestöfl? Nógu mörg til að draga einn lögreglubíl.
Lögreglumenn
reyndu með sér
í kraftakeppni
ÁGREININGUR varð um atkvæð-
isrétt stjórnenda og stjórnarmanna í
dótturfélögum Kaupfélags Skagfirð-
inga á aðalfundi Sparisjóðs Hóla-
hrepps sem haldinn var í fyrradag.
Ákveðið var að fresta fundinum um
mánuð og vísa málinu til úrskurðar
hjá Fjármálaeftirlitinu.
Sparisjóður Hólahrepps er einn
minnsti sparisjóður landsins, upp-
haflega stofnaður um eða upp úr
1905. Hann var með starfsemi í
Hólahreppi sem sameinaður hefur
verið öðrum í Sveitarfélagið Skaga-
fjörð. Hann gekk í endurnýjun líf-
daganna fyrir fáeinum árum þegar
hann í samvinnu við Kaupfélag
Skagfirðinga tók að sér innheimtu á
lánum Íbúðalánasjóðs og opnaði þá
afgreiðslu á Sauðárkróki.
Stofnfé var aukið á árunum 2000
og 2001 og eignuðust þá fjögur dótt-
urfélög Kaupfélags Skagfirðinga
verulegan hlut auk þess sem stjórn-
endur þessara félaga og fleiri menn
tengdir stjórnun þeirra og kaup-
félagsins keyptu umtalsverða hluti.
Í núverandi stjórn félagsins eru
tveir tilnefndir af sveitarfélaginu og
þrír kosnir af stofnfjáreigendum,
þar af einn frá kaupfélagsfyrirtækj-
unum, en það er Sigurjón Rafnsson
aðstoðarkaupfélagsstjóri KS. Á síð-
asta aðalfundi var lögum félagsins
breytt þannig að fellt var út ákvæði
um að sveitarfélagið tilnefni tvo
menn í stjórn og lá því fyrir í fyrsta
skipti að kjósa fimm stjórnarmenn á
aðalfundi félagsins í fyrradag.
Tveir listar boðnir fram
Samkvæmt heimildum Morgun-
blaðsins lagði Sigurjón til við aðra
stjórnarmenn að gerði yrði tillaga
um hann og Jón Eðvald Friðriksson,
framkvæmdastjóra Fiskiðjunnar
Skagstrendings sem verið hefur í
varastjórn, tveir aðrir kæmu úr
gömlu stjórninni og menn kæmu sér
síðan saman um oddamann. Þessu
var hafnað af hinum stjórnarmönn-
unum og lögðu þeir fram lista þar
sem stillt er upp fjórum mönnum úr
fyrri stjórninni og einum nýjum og
munu allir vera búsettir í gamla
Hólahreppi. Sigurjón og Jón Eðvald
lögðu þá fram annan lista þar sem
þeir eru í tveimur efstu sætunum og
með þeim þrír menn úr viðskiptalíf-
inum menn sem ekki eru tengdir
kaupfélaginu beint.
Viðmælandi úr röðum eldri stofn-
fjáreigenda í Hjaltatal sagði menn
þar óttast að Kaupfélagið næði und-
irtökunum í stjórn sparisjóðsins og
gæti hugsanlega yfirtekið rekstur
hans með einhverjum hætti. Meiri-
hluti stjórnar félagsins taldi að túlka
bæri lög um fjármálastofnanir þann-
ig að dótturfélög kaupfélagsins,
stjórnendur þeirra og stjórnarmenn
í Kaupfélagi Skagfirðinga og dóttur-
félögunum væru svo tengdir aðilar
að þeir saman mættu ekki fara með
meira en 5% heildaratkvæðamagns.
Ekki er ágreiningur um að dóttur-
félögin fjögur, það er Vörumiðlun,
Fiskiðjan Skagfirðingur, Fiskiðja
Sauðárkróks og Element, megi sam-
tals ekki fara með meira en 5% heild-
aratkvæðamagns þótt þau eigi um
40% stofnfjár. Einnig var gert ráð
fyrir því, þegar kjörgögnum var
dreift í upphafi aðalfundarins, að far-
ið væri á sama hátt með stofnfé ell-
efu einstaklinga sem tengjast þess-
um félögum og KS sem stjórnendur
og stjórnarmenn. Því var harðlega
mótmælt af hálfu þessarra manna.
Jón Eðvald Friðriksson segist
fyrst hafa keypt sér stofnfé í Spari-
sjóði Hólahrepps á árinu 1999, áður
en nokkurt kaupfélagsfyrirtæki hafi
komið inn í sjóðinn. „Ég hef haft at-
kvæðisrétt á aðalfundum og aldrei
fyrr verið bornar brigður á þann
rétt. Ég sé ekki að forsendur hafi
neitt breyst og tel að verið sé að
svipta mig heilögum rétti sem snýr
að persónu minni,“ segir Jón Eðvald.
Hann vekur athygli á því að fyrir-
tækið sem hann stýrir, Fiskiðjan
Skagfirðingur, hafi ekki fengið at-
kvæðisrétt á fundinum vegna
tengsla við hin fyrirtækin. Til við-
bótar öðru hljóti það að vera eitthvað
öfugsnúið ef líka eigi að svipta hann
atkvæðisrétti vegna þess að hann
stýri fyrirtæki sem ekki hafi atkvæð-
isrétt.
Jón Eðvald kannast ekki við það
að Kaupfélag Skagfirðinga sé að
reyna að yfirtaka Sparisjóð Hóla-
hrepps. Hann tekur fram að hann
geti aðeins talað fyrir sjálfan sig en
fullyrðir að listi sá til stjórnarkjörs
sem hann á aðild að sé ekki lagður
fram í þeim tilgangi.
Mismunandi túlkun á lögum
Sigurður Þorsteinsson, formaður
stjórnar Sparisjóðs Hólahrepps,
segir að á fundinum hafi komið upp
mismunandi túlkun á lögum en ekki
hafi verið ætlun neins að hafa rangt
við. „Manni fannst að reglurnar
væru nokkuð skýrar og þótt stofn-
fjáreigendur hefðu verið beðnir um
athugasemdir bárust þær ekki fyrr
en á fundinum. Þess vegna lenti
þetta í hnút,“ segir Sigurður.
Hann segir að samkomulag hafi
verið um að vísa ágreiningnum til úr-
skurðar hjá Fjármálaeftirlitinu og
fresta aðalfundarstörfum til 25. júní.
Aðalfundurinn var haldinn í
Barnaskólanum á Hólum í Hjaltadal.
Fundurinn var svo fjölmennur að
lögreglan var kölluð til að stjórna
umferðinni. Það mun ekki vera dag-
legt brauð á staðnum.
Sparisjóður Hólahrepps leitar eftir úrskurði Fjármálaeftirlitsins
Ágreiningur um atkvæð-
isrétt stjórnenda KS
Í LÖGUM um fjármálafyrirtæki
stendur meðal annars:
„Stofnfjáreigendur skulu eiga
jafnan atkvæðisrétt nema öðruvísi
sé ákveðið í samþykktum spari-
sjóðs. Þó er einstökum stofnfjáreig-
endum aldrei heimilt, fyrir sjálfs
sín hönd eða annarra, að fara með
meira en 5% af heildaratkvæða-
magni í sparisjóði, hvort sem yf-
irráð yfir atkvæðisrétti byggjast á
beinni eða óbeinni hlutdeild í
stofnfé sparisjóðs.“
Ákvæði sama efnis mun vera í
samþykktum Sparisjóðs Hóla-
hrepps.
Enginn má fara
með meira en 5%
„EINS og staðan er núna eru
engar hugleiðingar um að loka
verksmiðjunni,“ segir Björgólf-
ur Jóhannsson, forstjóri Síldar-
vinnslunnar í Neskaupstað, um
framtíð loðnuverksmiðju fyrir-
tækisins á Raufarhöfn.
Björgólfur segir að mönnun
verksmiðjunnar hafi ekki verið
breytt frá því sem verið hefur
undanfarin ár en hún væri
breytileg á milli árstíða. Þó
væru framundan þær breyting-
ar að starfsmenn taka yfir
rekstur á þeim verkstæðum
sem verksmiðjan hefur rekið.
„Þetta er í takt við breyting-
ar sem orðið hafa á öðrum stöð-
um. Okkur finnst eðlilegt að
þessi starfsemi sé í höndum
þeirra sem hæfastir eru til að
annast hana og við getum ein-
beitt okkur að veiðum og
vinnslu,“ segir Björgólfur.
Þegar þessi breyting verður
yfirstaðin verða 5-6 starfsmenn
við verksmiðjuna allt árið í stað
þeirra 9 sem nú starfa við verk-
smiðju og verkstæði. Ekki er
hægt að fullyrða hvað mörg
störf verða á verkstæðunum.
Ódýrara að gangsetja
Verksmiðja SR-mjöls á
Raufarhöfn komst í eigu Síld-
arvinnslunnar við samruna fyr-
irtækjanna tveggja síðastliðinn
vetur. Þá kom fram að hagræða
þyrfti í verskmiðjurekstrinum
með fækkun og sameiningu
verksmiðja. Björgólfur segir að
þessi þróun sé hafin. Búið sé að
loka verksmiðjum fyrirtækis-
ins á Reyðarfirði og í Sand-
gerði. Verksmiðjan á Raufar-
höfn er ein af eldri
verksmiðjum fyrirtækisins,
með eldþurrkunarkerfi. Björg-
ólfur segir að hún sé nokkuð
hagkvæm því ódýrara sé að
gangsetja hana en stærri verk-
smiðjur.
„Eins og staðan er núna eru
engar hugleiðingar um að loka
verksmiðjunni,“ sgir Björgólf-
ur en tekur fram að ekki sé fyr-
irhugað að fjárfesta frekar í
henni og þessi verksmiðja verði
ekki fyrsti kostur hjá fyrirtæk-
inu. Því geti komið vertíðir þar
sem lítið berist á land á Rauf-
arhöfn. Á síðustu vertíð var
landað 13-14 þúsund tonnum af
hráefni hjá verksmiðjunni á
Raufarhöfn, meira en oft hefur
verið á undanförnum árum.
Björgólfur segir að Raufarhöfn
hafi nýst sem yfirfall á verk-
smiðjurnar á Austfjörðum.
Loðnu-
bræðslunni
ekki lokað