Morgunblaðið - 02.06.2003, Blaðsíða 15
UMRÆÐAN
MORGUNBLAÐIÐ MÁNUDAGUR 2. JÚNÍ 2003 15
ÞÁ ER röðin komin að Rauf-
arhöfn. Móðuharðindi af mannavöld-
um ríða nú af fullum þunga yfir
þetta þorp, þar sem
eitt sinn voru meiri
umsvif í sjávarútvegi
en víðast hvar ann-
ars staðar í landinu.
Þessi móðuharðindi
heita á máli hinnar
nýju auðstéttar
kvótaflokkanna hagræðing.
Unga konan í stöðu sveitarstjóra
Raufarhafnar kvartaði m.a. undan
því á dögunum að þeir þar skyldu
ekki hafa verið aðvaraðir fyrr af
Hagræðingum. Átti hún kannski von
á að íbúarnir yrðu upplýstir um eyð-
ingu þorpsins fyrir þingkosning-
arnar 10. maí sl.?
Hagræðingar eru nú tillitssamari
en svo við umsjónarmenn sína í póli-
tík. M.a.s. er trúlegt að þeir hafi beð-
ið með dauðadóminn þar til herr-
arnir höfðu lokið sér af á Alþingi við
að flytja landsmönnum bjartsýnis-
boðskap sinn. Hið nýja auðvald á
flest undir því að kvótaflokkarnir lafi
sem lengst við völd. Enda uppsker
það fyrir nærgætni sína, þegar for-
maður Sjálfstæðisflokksins velur
sem eftirmann sinn í stól forsætis-
ráðherra sjálfan frumkvöðul kvóta-
kerfisins, formann Framsókn-
arflokksins, til að fullvissa
Hagræðinga um að áfram verði
haldið á sömu braut og þrælatökin
hert ef þurfa þykir. Með engu móti
gat formaður Sjálfstæðisflokksins
launað Hagræðingum ríkulegar fyr-
ir stuðninginn í alþingiskosning-
unum, né heldur bætt stöðu Fram-
sóknarformannsins betur í augum
þeirra, enda veitti ekki af eftir þá
gríðarlegu skattlagningu sem á þeim
hafði hvinið í kosningahríðinni.
Ef svo heldur fram sem horfir er
ekki spurningin hvort fleiri fiskibæir
á Íslandsströndum líði undir lok
heldur hvenær kemur að þeim
næsta.
Og þingmenn Norðaust-
urkjördæmis blása til fundar að
ræða uppákomuna á Raufarhöfn.
Það má vel vera að komi að gagni.
Hinsvegar má benda á að í þeim hópi
þingmanna eru í meirihluta þeir,
sem einna einlægast hafa barizt fyr-
ir framgangi þeirrar stefnu í fisk-
veiðimálum, sem nú ríður Rauf-
arhöfn á slig.
Eiga þar allir þingmenn kvóta-
flokkanna óskilið mál, þótt sérstakir
þingmenn Samherja hafi verið at-
kvæðamestir, sem vonlegt er. Þegar
staða þeirra nú í Sjálfstæð-
isflokknum er ígrunduð sannast enn
hið fornkveðna að laun heimsins eru
vanþakklæti.
Örvingluð stúlka í stöðu sveit-
arstjóra spyr hversvegna ekki hefði
mátt aðvara íbúa þorpsins fyrr. Hún
áttar sig ekki á því fremur en alltof
margir aðrir að aðvörunin er löngu
fram komin. Allt frá því sem Hag-
ræðingum var gefinn laus taum-
urinn af núverandi valdhöfum hefði
öllum átt að vera fullljóst til hvers
leiða myndi. Öll þorp og allir bæir
landsbyggðar byggðust upp af, og
áttu líf sitt undir sjósókn. Þegar íbú-
unum var bannað að sækja sjóinn
sinn þurfti engum blöðum um það að
fletta til hvers leiða myndi. Á þetta
hefir verið bent í ræðu og riti þrá-
sinnis í þrettán ár eða frá því sem
hið frjálsa framsal veiðiheimilda var
lögleitt og lénsherrarnir tóku að
maka krókinn á kostnað allra hinna,
enda varðir af ríkisvaldi, sem þegnar
landsins kjósa yfir sig enn og aftur,
þrátt fyrir staðreyndir, sem við
blasa.
Meðal annarra orða: Er búið að
loka síldarverksmiðju Rauf-
arhafnar?
Hagræðingar
Eftir Sverri Hermannsson
Höfundur er fv. formaður
Frjálslynda flokksins.
!