Morgunblaðið - 02.06.2003, Blaðsíða 32

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 2. JÚNÍ 2003 VERÐ Í LAUSASÖLU 190 KR. MEÐ VSK.
FJÓRIR heimamenn á Höfn í Hornafirði
héldu þremur aðkomumönnum í herkví í
fellihýsi hinna síðarnefndu í gærmorgun og
unnu jafnframt skemmdir á fellihýsinu og
bifreið aðkomumannanna.
Lögreglan á Höfn í Hornafirði segir að
málið sé upplýst og heimamennirnir hafi all-
ir lýst yfir sárri iðrun og segi að málið hafi
farið úr böndunum vegna ölvunar. Mennina
greinir á um tildrög en a.m.k. töldu heima-
mennirnir að sér hefði verið boðið í gleð-
skap í fellihýsinu.
Af einhverjum orsökum réðust þeir á að-
komumennina og héldu í fellihýsinu og hót-
uðu þeim öllu illu. Sérstaklega hafði einn
þeirra sig mikið í frammi. Deilt er um hvort
herkvínni hafi verið aflétt eftir eina eða
þrjár klukkustundir, en þá hafði rúða í bíln-
um verið brotin, ljós brotin á fellihýsinu og
það dældað auk þess sem aðkomumennirnir
voru nokkuð sárir eftir atlögur heimamann-
anna. Sættir hafa náðst í málinu að mestu
leyti og hafa heimamennirnir fallist á að
borga fyrir skemmdirnar.
Héldu að-
komumönn-
um í herkví
„ÞETTA voru þannig aðstæður
að ef eitthvað hefði farið úrskeið-
is eða við tekið ranga ákvörðun
hefðum við verið í lífshættu,“
segir Chris Duff, sem ásamt
tveimur öðrum kajakræðurum
lenti í heiftarlegum sandbyl við
Skaftárósa um helgina. Bátarnir
grófust undir sandinn og þau
þurftu að moka frá tjöldunum svo
þau féllu ekki undan sandfargi
sem hlóðst á þau.
Þau Chris Duff, Shawna
Franklin og Lean Sommé eru öll
þaulvanir bandarískir kajak-
ræðarar og -kennarar. Þau
hyggjast róa í kringum Ísland í
sumar en takist þeim ætl-
unarverkið er þetta í fyrsta skipti
sem slíkt er gert, samkvæmt
upplýsingum Morgunblaðsins.
Nokkrar tilraunir hafa þó verið
gerðar.
Þremenningarnir lögðu upp
frá Seyðisfirði
hinn 16. maí og
hafði sóst ferðin
vel fram að
þessu. Á föstu-
dagsmorgun
byrjuðu þau að
róa um klukkan
fimm um morg-
uninn við kjör-
aðstæður. Um
klukkan níu var
hins vegar kom-
inn strekkings-
vindur og þau
ákváðu því að
taka land austan
við Skaftárósa.
„Ætli það hafi ekki verið um
sjöleytið um kvöldið þegar virki-
lega tók að blása. Loftvogin á
armbandsúrunum okkar féll
hratt þannig að við vissum að
þetta yrði slæmt. Vindurinn varð
sífellt sterkari og bát-
arnir og tjöldin grófust
smám saman í sand-
inn,“ segir Chris.
Á ellefta tímanum
hafði ástandið enn
versnað og þurftu þau
að moka frá tjöldunum
á hálftíma fresti til að
koma í veg fyrir að þau
féllu. Klukkan eitt um
nóttina sáu þau að bar-
áttan var til lítils,
felldu tjöldin og héldu í
átt að neyðarskýlinu
við Skaftárósa sem er
hinum megin við ána.
Þremenningarnir
reyndu að vaða yfir en áin var of
djúp þannig að þau náðu í einn
kajak, sem Chris reri yfir, en hin
tvö héngu utan á.
Chris segir ástandið um tíma
hafa verið ógnvænlegt. Þau hafi
lítið séð út úr augum fyrir sandi
og átt erfitt með andardrátt.
Í neyðarskýlið voru þau komin
um klukkan 4:30. Í skýlinu er tal-
stöð en þau náðu engu sambandi
fyrr en þyrla Landhelgisgæsl-
unnar flaug þar yfir á leið sinni á
Hornafjörð nokkru fyrir hádegi.
Ekki var um neyð að ræða en
Chris segir að hann hafi viljað
láta vini og kunningja, sem hugs-
anlega hefðu áhyggjur, vita af því
að það væri allt í lagi hjá þeim.
Voru vatns- og matarlítil
Einnig hafi þau verið vatns- og
matarlítil þar sem meginhluti af
búnaði þeirra var í bátunum. Ef
veðrinu slotaði ekki næstu daga
hefði verið ljóst að þau þyrftu
meiri birgðir. Það hafi orðið úr að
björgunarsveitin Kyndill á
Kirkjubæjarklaustri náði í þau.
Ferðinni halda þau áfram í dag.
Þrír bandarískir kajakræðarar lentu í kröppum dansi við Skaftárósa
„Vissum að þetta yrði slæmt“
Bátar og tjöld grófust
smám saman í sandinn,
segir Chris Duff.
BRETI og Þjóðverji um fimmtugt eru í
haldi lögreglunnar í Reykjavík en þeir voru
handteknir á Keflavíkurflugvelli á laugar-
dagskvöld eftir að um 3-4 kíló af hassi fund-
ust í farangri annars þeirra.
Mennirnir komu með flugvél frá Barce-
lona á Spáni og segir Kári Gunnlaugsson,
aðaldeildarstjóri tollgæslunnar á Keflavík-
urflugvelli, að tollgæslan hafi grunað þá um
að standa saman að smyglinu.
Rannsókn málsins er nú í höndum lög-
reglunnar í Reykjavík og hefur verið farið
fram á gæsluvarðhald yfir mönnunum.
Breti og Þjóð-
verji í haldi
vegna smygls
♦ ♦ ♦
ÁRNI Mathiesen sjávarútvegsráðherra segir
óánægju hafa blossað upp í öll þau skipti sem
byggðakvóta hefur verið úthlutað. Útfærsla
slíkrar úthlutunar sé afar erfið í framkvæmd og
hún verði alltaf að einhverju leyti matskennd.
Reynt sé að vanda til verksins en vandamálið sé
að það geta ekki allir fengið aflaheimildum út-
hlutað með þessum hætti.
Þetta kom fram í ræðu Árna á sjómannadeg-
inum í Reykjavík í gær.
Hann sagði jafnframt erfitt að leysa vandamál
einstakra byggða á sviði sjávarútvegs. „Einn
möguleiki væri að styrkja forkaupsréttarákvæði
sveitarfélaga og lögaðila. Með því væri spornað
við flutningi aflaheimilda úr einstökum byggðum.
Hér er þó alls ekki hugmyndin að stuðla að end-
urreisn bæjarútgerða.“ Í stjórnarsáttmálanum
væri kveðið á um mögulega úthlutun byggða-
kvóta en líklega væri auðveldara að koma við al-
mennum leikreglum með línuívilnun fyrir dag-
róðrabáta.
Kanna ástæður ótímabærrar
örorku sjómanna
Helgi Laxdal, formaður Vélstjórafélags Ís-
lands, sagði sjómannsstörf með áhættusömustu
störfum í samfélaginu. 43% af gjöldum Lífeyr-
issjóðs sjómanna fara í örorkubætur en hlutfallið
er að meðaltali 16% hjá öðrum lífeyrissjóðum og
hjá einstökum sjóðum innan við 2%.
„Þess vegna hefur stjórn Lífeyrissjóðs sjó-
manna ákveðið að kanna starfsferil þeirra sem nú
eru á örorkubótum hjá sjóðnum til þess að átta
sig á hvort einhver ákveðin störf öðrum fremur
valdi örorkunni. Ef sú reynist raunin er næsta
skref að koma á, í samvinnu við útgerðarmenn,
nauðsynlegum breytingum um borð sem dregið
geta úr og helst komið í veg fyrir ótímabæra ör-
orku.“ Tækist ekki að draga verulega úr örorku-
greiðslum Lífeyrissjóðs sjómanna benti margt til
að sjóðurinn gæti ekki staðið undir skuldbind-
ingum sínum án aukinna tekna.
Jafnframt sagði Helgi að deilumálum milli sjó-
manna og útgerðarmanna hefði fjölgað verulega.
Áður voru mál leyst í bróðerni milli útgerðar-
manns og sjómanns en þau lentu nú á borði lög-
manna og í framhaldinu fyrir dómara. Þetta hefði
aukist mikið hin síðari ár, sér í lagi eftir að eign-
araðild að útgerðum fór á frjálsan markað.
Morgunblaðið/Jim Smart
Fjöldi fólks fylgdist með árvissum koddaslag á sjómannadaginn í Hafnarfirði í gær. Þegar svo vel viðrar tekur sjórinn ekki jafn harkalega á móti
bardagamönnum þegar þeir falla af slánni. Togarajaxlar hafa aldrei látið kaldan sjó aftra sér frá þátttöku þótt þessir herrar væru heldur vel búnir.
Sjávarútvegsráðherra telur almennar leikreglur skýrari með línuívilnun
Úthlutun byggðakvóta
hefur ýtt undir óánægju

Deilumálum/6
MALARNÁM austast í Ingólfsfjalli er farið
að ógna vatnsbóli Árborgar að sögn Ein-
ars Njálssonar bæjarstjóra og hafa menn í
Árborg áhyggjur af stöðu mála og eins því
útlitslýti sem blasir við í fjallinu.
Námið í Ingólfsfjalli er innan marka
sveitarfélagsins Ölfuss en nær alveg að
landamörkum Ölfuss og Árborgar. Námið
er hins vegar á einkalandi og hófst fyrir
tíma breytinga sem gerðar voru á nátt-
úruverndarlögum og sveitarfélögin eiga
því erfitt um vik að taka á málum.
Unnið hefur verið að drögum að að-
alskipulagi Ölfuss og hafa Árborgarmenn
fundað með Ölfusingum vegna malartök-
unnar í Ingólfsfjalli. Einar segist vonast
eftir að takast megi að ná bærilegri lausn í
málinu.
Morgunblaðið/Rax
Bæjaryfirvöld í Árborg hafa áhyggjur af
malarnáminu, en það byggist á eldri lögum.
Malarnám
ógnar vatns-
bóli Árborgar