Morgunblaðið - 30.06.2003, Blaðsíða 8
FRÉTTIR
8 MÁNUDAGUR 30. JÚNÍ 2003 MORGUNBLAÐIÐ
Sungið í Vatíkaninu
Óvæntur
hápunktur
KARLAKÓR Akur-eyrar - Geysir erá söngferðalagi
um Ítalíu. Síðastliðinn
fimmtudag söng kórinn
við messu í Péturskirkj-
unni í Róm. Áætlað var
að Jóhannes Páll páfi yrði
viðstaddur og syngi aðal-
messuna, en hann mætti
ekki heldur kom einn af
monsignorunum hans í
staðinn til þess að messa.
Fleira óvænt gerðist en
Birgir Guðmundsson,
einn kórfélaga, var feng-
inn til að lesa ritningar-
grein við messuna. Þegar
blaðamaður Morgun-
blaðsins náði í Birgi, var
hann staddur í rútu á
Ítalíu og var hann fyrst
spurður að því hvort hann
hafi verið lengi í kórnum.
„Þegar ég flutti norður 1997
ákvað ég að láta gamlan draum
rætast um að ganga í karlakór.
Þá hafði ég nýlega séð myndina
um karlakórinn Heklu og fannst
hún bæði fyndin, skemmtileg og
með góðri tónlist. Því ákvað ég
að skella mér í kórinn og kynn-
ast nýju fólki. Nú má segja að
maður sé hálfpartinn að upplifa
þá bíómynd.“
– Hvernig líkar þér lífið í
kórnum?
„Mér líkar mjög vel, það er
svo skemmtilegt fólk í þessu.
Það er þversnið af þjóðfélaginu
sem er í kórnum, menn af öllum
stéttum og úr öllum hópum sem
eru teknir inn og rifnir upp úr
þessu venjulega félagslega um-
hverfi og settir inn í nýtt um-
hverfi þar sem tónlistin ræður
ríkjum. Hin hefðbundna verka-
skipting skiptist þá oft nokkuð
upp.“
– Hvernig stóð á þessari
ferð?
„Menn eru búnir að undirbúa
hana dálítið lengi og við sóttum
um að syngja í Vatíkaninu hjá
páfanum, sem við reyndar
bjuggumst ekki við að yrði við-
staddur. Síðan kom í ljós að það
stæði til að páfi yrði viðstaddur
messuna og jafnvel að syngja
hana. En hann var ekki við-
staddur og við fengum enga
skýringu á því. Við fréttum að
hann hafi ekki heldur verið við-
staddur hátíðarmessu sem hann
átti að vera viðstaddur í gær
[laugardag]. En það er aukaat-
riði því við fengum að syngja við
háaltarið þar sem einungis tólf
ákveðnir karlmenn mega messa,
á stað þar sem ferðamenn fá
aldrei að koma.“
– Hvernig stóð á því að þú
varst beðinn um að lesa ritning-
argrein við messuna?
„Þegar við vorum að ganga
inn í kirkjuna, þá var mér rétt
ensk biblía og ég spurður hvort
ég vildi ekki lesa ritningargrein
upp úr henni. Postulasögur eða
eitthvað slíkt, um Pétur postula
og Pál postula, ritningarorð
dagsins, sem ég þáði með þökk-
um því þá komst ég
inn fyrir gráturnar og
nær helgidómnum.
Þetta er eitthvað sem
maður gerir bara einu
sinni á ævinni.“
– Varstu ekki stressaður?
„Kannski aðeins, því letrið á
biblíunni sem ég fékk var ansi
smátt. Ég var svolítið hræddur
um að ég myndi ekki sjá al-
mennilega til þarna inni, það er
nú ekki flúorljósum fyrir að fara
þarna. En þetta bjargaðist ágæt-
lega, þegar ég var búinn að ná
tökum á því og ná að átta mig á
fókusnum á textann, þá var
þetta allt í lagi. Nei, ég var ekk-
ert stressaður.“
– Hvernig var að lesa upp
úr biblíunni?
„Þetta gekk mjög vel en bibl-
íumálið er mál sem manni er
ekki mjög tamt, þannig að ég
þurfti nú að vandi mig svolítið.“
– Er þetta ekki hápunktur-
inn á söngferlinum?
„Ég hugsa að hjá mér sé þetta
óvæntur hápunktur ferilsins.“
– Hvernig voru viðtökurnar?
„Yfirpresturinn var svo
ánægður að hann tímdi ekki að
láta undirleikarann fá nóturnar
frá okkur því hann ætlaði að eiga
þær sjálfur. Presturinn hafði
skoðað nóturnar vel áður og
krafðist þess að undirleikarinn
hefði forspil, en það var ekki í
nótunum. Hann sagði henni að
hún yrði að „improvisera“ sem
og hún gerði. En þegar hún vildi
fá lánaðar nóturnar hjá honum
þá tímdi hann ekki að láta hana
fá þær. Það sagði okkur aðstoð-
armaður þarna á eftir að þetta
væri mjög óvenjulegt og það
hefði verið greinilegt að hann
hefði verið mjög hrifinn af þess-
ari hefðbundnu íslensku tónlist.
Það var augljóst að hann var
mjög hrifinn og gríðarlega
ánægður með okkur.“
– Eigið þið eftir að syngja
meira í ferðinni?
„Við erum núna á ferðinni og í
kvöld [sunnudag] verða lokatón-
leikarnir hjá okkur en þá syngj-
um við á listahátíð
uppi í Sio Soles sem er
rétt hjá Flórens, sem
er hálfgerð sumar-
listahátíð. Þar syngj-
um við bæði hefðbund-
in íslensk og ítölsk lög, við
höfum verið meira í kirkjulög-
unum því við höfum verið að
syngja í kirkjum. Þegar loka-
tónleikunum er lokið þá verður
smáfrí hjá okkur. Við eigum eftir
að vera hér í viku í viðbót, en við
komum aftur heim næsta laug-
ardag. Við ætlum að slappa af og
fara á sólarströnd, þar sem hver
syngur með sínu nefi.“
Birgir Guðmundsson
Birgir Guðmundsson er að-
junkt í rekstrar- og viðskipta-
deild við Háskólann á Akureyri.
Hann er fæddur í Reykjavík 1956
og ólst þar upp. Árið 1980 lauk
hann BA-prófi frá Háskólanum í
Essex í Bretlandi og 1983 lauk
hann meistaraprófi í sögu og
stjórnmálafræði frá háskólanum
í Manitoba í Kanada. Birgir var
blaðamaður til margra ára á NT,
Tímanum, Degi-Tímanum, Degi
og nú síðast var hann blaðamað-
ur og ritstjóri á DV. Hann er gift-
ur Rut Petersen og eiga þau sam-
an tvö börn, Gunnar Erni og
Iðunni Dóru.
Las ritningar-
grein við
messuna
ÞESSI vikugamli brandugluungi var fremur hress með
lífið og tilveruna í Þrastaskógi í Grímsnesi þar sem
hann beið þess að móðir hans færði honum eitthvað
gott í gogginn. Móðir hans var varari um sig en það
sást til hennar á flugi með smáfugl í klónum. Hugsan-
lega þröst, sem ætti að vera nóg af í Þrastaskógi.
Morgunblaðið/Gunnar Tómasson
Brandugluungar komnir á stjá