Morgunblaðið - 05.10.2003, Blaðsíða 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 5. OKTÓBER 2003 VERÐ Í LAUSASÖLU 190 KR. MEÐ VSK.
Nú kemur
þú golfinu
á kortið
Golfkort Búnaðarbankans –
nýtt fullgilt kreditkort hlaðið
golftengdum fríðindum.
www.bi.is
ELDUR kom upp í heilsuverndarstöð-
inni við Barónsstíg um klukkan 10:30 á
laugardag. Þegar slökkvilið kom á vett-
vang var lítilsháttar eldur í hurð og karmi
og réð slökkvilið niðurlögum hans fljót-
lega. Þá hófst slökkviliðið handa við að
reykræsta húsið. Talið er að um mikið
tjón sé að ræða á byggingunni af völdum
reyks og sóts. Eldurinn kviknaði á fyrstu
hæð heilsuverndarstöðvarinnar og til-
kynntu læknanemar, sem voru við lestur í
húsinu, slökkviliði um reyk.
Morgunblaðið/Júlíus
Engir sjúklingar voru í húsinu þegar eldurinn kom upp en þar er m.a.
ungbarna- og mæðraeftirlit. Greiðlega gekk að slökkva eldinn.
Eldur í heilsu-
verndarstöð
ÍSLAND er í stöðugri sókn á knatt-
spyrnusviðinu. Þetta segir Michel
Platini, einn besti knattspyrnumaður
sögunnar, sem staddur er hér á landi,
en hann er heiðursgestur í lokahófi
knattspyrnumanna á Broadway.
„Ísland er martröð knattspyrnu-
þjálfarans,“ segir Platini í samtali við
Morgunblaðið, og segist vorkenna
vini sínum Rudi Völler, landsliðsþjálf-
ara Þýskalands, en lið hans mætir
einmitt Íslendingum úti í Hamborg
um næstu helgi. „Allir halda alltaf að
þeir geti farið til Reykjavíkur og hirt
auðveld stig. En það er aldrei auðvelt
að spila hérna. Þetta vita fagmenn en
ekki almenningur.“
Platini segist muna vel eftir heim-
sókn sinni til Íslands fyrir 17 árum,
þegar hann lék með Juventus gegn
Val. Hann segir kynni sín af íslenskri
knattspyrnu alveg prýðileg, og bætir
því við að það sé ekki nema von,
hann hafi aldrei tapað gegn íslensku
liði!
Morgunblaðið/Árni Sæberg
Ísland er í
stöðugri sókn
Tegund í/16
INNFLUTNINGUR á golfvörum hefur
frá árinu 1998 allt að því þrefaldast, að því
er fram kemur á vefsíðu golfverslunar-
innar Nevada Bob. Einn eigenda versl-
unarinnar, Hreinn Halldórsson, segir að
viðskiptin hafi aukist jafnt og þétt og nú sé
verð hér á landi líkara því sem tíðkast er-
lendis. Algengt sé að kylfingar geri inn-
kaup heima áður en farið er í golfferðir til
útlanda. Talið er að um 30 þúsund Íslend-
ingar stundi golf í einhverjum mæli en fé-
lagsmenn Golfsambands Íslands eru um
11 þúsund talsins.
„Golfið er alltaf á uppleið enda hefur
orðið algjör sprenging í íþróttinni. Það
vantar bara fleiri golfvelli hér á suðvest-
urhorninu,“ segir Hreinn.
Vantar fleiri golfvelli
Róbert Svavarsson, varaforseti Golf-
sambands Íslands, segir það ekkert vafa-
mál að golfíþróttin sé á mikilli uppleið.
Iðkendum fjölgi stöðugt en framboð á
golfvöllum á höfuðborgarsvæðinu hafi
ekki náð að fylgja þeirri þróun eftir.
Ásókn á velli í nágrenninu sé að aukast,
eins og t.d. á Reykjanesi, í Þorlákshöfn,
Hveragerði og á Akranesi, jafnvel allt upp
í Borgarnes og austur fyrir fjall. Akstur á
þessa staði taki frá hálftíma upp í klukku-
tíma og sé það ekki orðið tiltökumál.
Róbert segir að á ársþingi sambandsins
í næsta mánuði verði væntanlega ræddar
hugmyndir um fjölgun og stækkun golf-
valla. Róbert segir þróunina einnig sjást í
ásókn í golfferðir til útlanda, kylfingar séu
farnir að lengja þannig tímabilið.
„Ég var að koma úr golfferð á Spáni og
þar voru margir kylfingar sem ekki sögð-
ust vera í neinum klúbbi. Voru þeir sumir
að bíða eftir inngöngu í GR og þar var
þeim sagt að það væri allt að tveggja ára
bið.“
Morgunblaðið/Golli
„Algjör
sprenging í
íþróttinni“
Innflutningur á golfvörum
hefur þrefaldast á fimm árum
STÚLKUM gekk yfirleitt betur en piltum í
bóknámsmiðuðu barnaskólanámi á Íslandi á
fyrstu áratugum 20. aldarinnar. Þetta kemur
fram í grein Ólafar Garðarsdóttur sagnfræð-
ings, Skóli og kynferði, í safnritinu Kvenna-
slóðir. Sú niðurstaða gengur þvert á staðhæf-
ingu höfunda nýlegrar OECD-skýrslu um að
stúlkur hafi siglt fram úr piltum í iðnríkjunum
á tíunda áratug síðustu aldar.
Ólöf vitnar í skýrslu Barnaskóla Reykjavík-
ur 1924–1925 máli sínu til stuðnings. Þar segir
m.a.: „Stúlkurnar koma yfirleitt betur undir-
búnar í skólann … Komast þar af leiðandi fleiri
af þeim upp í efstu bekkina. Heimilin eiga örð-
ugara með að halda drengjunum að námi. Til-
tölulega fleiri drengir hætti námi í skólanum
fyrir 14 ára aldur. Fá ýmsir þeirra vinnu, sem
heimilin sjá sjer ekki fært að hafna.“
Breytir sýninni
Ingólfur V. Gíslason félagsfræðingur segir
að grein Ólafar hafi breytt sýninni töluvert.
„Slakari árangur strákanna hefur stundum
verið skýrður með því að meirihluti kennara sé
kvenkyns. Konurnar skilji ekki strákana fyrir
utan að þeir líði fyrir skort á karlkyns fyr-
irmyndum í skólakerfinu. Grein Ólafar sýndi
að veruleikinn er flóknari en þetta módel gaf
til kynna því stelpum gekk betur en strákum í
barnaskólanámi í upphafi 20. aldarinnar.
Meirihluti kennara á þeim tíma var jú karlar.“
Ingólfur segist ímynda sér að ástæðan fyrir
því að stúlkur standi sig betur í bóknámi sé sú
að skólakerfinu hafi tekist að „ýta úr vegi
ýmsum hindrunum fyrir því að stelpurnar geti
notið sín til fullnustu. Stelpunum hafi verið
skapað tækifæri til að njóta sín eins og þær
hafi alltaf haft getu til að gera en misheimsku-
legar hugmyndir í samfélaginu um stelpur og
stráka komu í veg fyrir að þær blómstruðu.“
Ástæða til aðgerða
Langflestir viðmælendur Morgunblaðsins í
grein undir yfirskriftinni Strákar í kreppu?
eru þeirrar skoðunar að full ástæða sé til að
bregðast við þeirri staðreynd að piltar séu sí-
fellt að dragast meira aftur úr stúlkum í námi
á öllum skólastigum. Inga Dóra Sigfúsdóttir
félagsfræðingur varar þó við að gert sé bara
„eitthvað“. „Við verðum að byrja á því að
komast að því hvar vandinn liggur, þ.e. innan
skólans, fjölskyldunnar eða samfélagsins. Í
framhaldi af því þarf svo að skoða hvaða leiðir
séu vænlegar til árangurs. Við megum ekki
lenda í því sama og árið 1990. Þá var gripið til
sérstakra aðgerða til að styrkja stelpur án
þess að nokkrar rannsóknir lægju fyrir um
hver staða þeirra í skólanum raunverulega
væri á þessum tíma. Eftir á kom svo í ljós að
þær voru þá þegar komnar fram úr strákun-
um.“
Stelpur fremri strákum í bók-
námi lengur en áður var talið
Skortur á karlkyns
fyrirmyndum skýrir
ekki muninn í dag
Morgunblaðið/Árni Sæberg
Strákar í kreppu/10–11
REIÐHÖLL Gusts í Kópavogi verður full af
hundum alla helgina en þá fer fram árleg
haustsýning Hundaræktarfélags Íslands.
Hundar af öllum stærðum og tegundum munu
spóka sig í höllinni og sýna sínar bestu hliðar,
eða það skulum við vona, því að veitt eru verð-
laun í ýmsum flokkum. Á sýningunni voru sýnd-
ir efnilegir hvolpar og biðu þeir rólegir með
eigendum sínum þar til röðin var komin að
þeim að trítla um sýningarsalinn undir vökulum
augum dómara. Alls verða sýndir 350 hundar á
sýningunni.
Morgunblaðið/Sverrir
Sægur af hundum