Morgunblaðið - 27.10.2003, Blaðsíða 4
FRÉTTIR
4 MÁNUDAGUR 27. OKTÓBER 2003 MORGUNBLAÐIÐ
edda.is
Eftir erfi›an skilna› sn‡r
söguma›ur heim í
fæ›ingarbæ sinn og
dvelur flar sumarlangt.
Frumleg og áleitin saga
um efni sem margir
flekkja af eigin reynslu
eftir einn listfengasta
rithöfund fljó›arinnar,
Gyr›i Elíasson.
3. sæti
Penninn Eymundsson
15.–21. okt.
Skáldverk
Listilega skrifu›
STOFNUÐ hafa verið samtök gegn
háhýsabyggð í landi Lundar í Kópa-
vogi og vilja þau að þess í stað verði
komið á hugmyndasamkeppni um
lágreista byggð á svæðinu.
Guðríður Elsa Einarsdóttir er á
meðal þeirra sem eru í forsvari fyrir
samtökin. Hún segir að Kópa-
vogsbúar í Fossvogsdal hafi ekki
sætt sig við að fyrirhuguð byggð
væri aðeins kynnt á Netinu og því
hafi þeir safnað undirskriftum þar
sem farið hafi verið fram á að hald-
inn yrði kynningarfundur, sem hafi
síðan verið haldinn fyrir skömmu.
Þar hafi fjöldi fólks mætt og ekki að-
eins íbúar í Fossvogsdal. „Fólki var
mikið niðri fyrir og það er greinilega
mikil andstaða við nákvæmlega
þessar framkvæmdir á þessu svæði,“
segir Guðríður Elsa.
Tillaga er um að byggja þarna 8
háhýsi allt upp í 15 hæða há og segir
Guðríður Elsa að hæstu byggingarn-
ar verði í sömu línu og efstu húsin við
Hamraborgina í Kópavogi.
Vilja lágreista byggð
„Íbúar á þessu svæði eru ekki
mótfallnir því að byggja þarna en við
erum mótfallin því að það verði
byggt af þessum skala. Við viljum sjá
þarna lágreista byggð sem fellur að
byggingunum og byggðinni sem fyr-
ir er, bæði Kópavogs- og Fossvogs-
megin.“
Að sögn Guðríðar Elsu vilja sam-
tökin að núverandi tillaga verði lögð
til hliðar og efnt verði til hugmynda-
samkeppni þar sem fram komi fleiri
tillögur um öðruvísi byggð.
Samtökin stefni að því að halda al-
mennan fund um málið þriðjudaginn
4. nóvember, þar sem bæjarstjórn-
armenn verði sérstaklega boðaðir og
athugasemdir fagaðila verði kynnt-
ar. Samtökin séu að safna undir-
skriftum gegn fyrirhugaðri háhýsa-
byggð og verði listunum skilað til
bæjaryfirvalda fyrri 10. nóvember
næstkomandi.
Óánægja með byggingaáform í landi Lundar í Kópavogi
Hafa stofnað samtök
gegn háhýsabyggð
SKÚLI Magnússon, dósent við lagadeild Háskóla
Íslands, telur ekki óeðlilegt að tveir aðilar rannsaki
ætluð samkeppnisbrot olíufélaganna. Nefnir í því
sambandi að samkeppnislög geri fyrst og fremst
ráð fyrir að rannsókn á samkeppnisbrotum ljúki
með beitingu stjórnvaldssekta gagnvart fyrirtækj-
um. Sé hugsanleg refsiábyrgð stjórnenda fyrir-
tækja skoðuð sé eðlilegt að lögreglan annist það.
Þegar efnahagsbrotadeild ríkislögreglustjóra
hóf rannsókn á ætluðum brotum olíufélaga og
starfsmanna þeirra á samkeppnislögum tilkynnti
ríkissaksóknari Samkeppnisstofnun um hana með
formlegum hætti en stofnunin hefur verið með
málið til rannsóknar í um það bil tvö ár. Sagði Bogi
Nilsson ríkissaksóknari í samtali við Morgunblaðið
að hann teldi æskilegt að rannsóknin væri í einum
farvegi en Ásgeir Einarsson, yfirlögfræðingur
Samkeppnisstofnunar, staðfesti að rannsókn stofn-
unarinnar væri haldið áfram.
Skúli Magnússon tekur fram að hann hafi ekki
aðrar upplýsingar um málið en birst hafi í fréttum.
Lagt hafi verið upp með það að rannsókn lögreglu
myndi beinast að hugsanlegri refsiábyrgð einstak-
linga, það er að segja stjórnenda olíufélaganna.
„Um er að ræða atriði sem samkeppnisyfirvöld
geta ekki refsað mönnum fyrir. Þau geta beitt fyr-
irtækin þessum sérstöku stjórnvaldssektum en
geta ekki höfðað refsimál gegn stjórnendum eða
öðrum einstaklingum. Ef menn ætla að skoða
þessa refsiábyrð þá er eðlilegt að sú skoðun komi í
hlut lögreglunnar,“ segir Skúli.
Hann segir að brot fyrirtækis á samkeppnislög-
um sé forsenda þess að einstaklingi sé refsað. Því
kunni ríkissaksóknari að líta svo á að lögreglan
verði að rannsaka brot fyrirtækjanna. Telur hann
þó líklegra að byggt verði á rannsókn samkeppn-
isyfirvalda á þætti fyrirtækjanna. Segist Skúli ekki
líta svo á að lögreglan ætli að tæma málið og taka
rannsóknina alveg yfir enda væri það skrítið ef sér-
hæfð stjórnsýslustofnun sem á að fylgjast með því
að boð og bönn samkeppnislaga séu virt hætti að
sinna lögboðnu hlutverki sínu.
Í þessu sambandi nefnir hann að vel geti verið að
fyrirtæki verði fundið brotlegt gegn samkeppnis-
lögum þótt enginn einstaklingur verði gerður
ábyrgur fyrir brotinu eða dómstólar telji ekki
heimilt eða ekki ástæðu til að refsa fyrir það.
Þótt heimilt sé að rannsaka brot á tveimur stöð-
um segir Skúli að ekki sé hægt að refsa einstaklingi
eða fyrirtæki tvisvar fyrir sama brot.
„Ef samkeppnisyfirvöld leggja á stjórnvalds-
sektir, sem geta numið allt að 10% af ársveltu fyr-
irtækis, myndi það í flestum tilvikum ljúka málinu.
Það er erfitt að hugsa sér að einhverju yrði bætt
við það hjá almennum dómstólum,“ segir Skúli.
Rannsókn breytist
Samkeppnisstofnun rannsakar málið sem
stjórnsýslumál þar sem fyrirtækjunum er meðal
annars send skýrsla um frumrannsókn og gefinn
kostur á andmælum. Bogi Nilsson telur að nú þeg-
ar lögreglurannsókn sé hafin þurfi Samkeppnis-
stofnun að taka tillit til hagsmuna hennar. Í samtali
sem birtist við hann í Morgunblaðinu í gær nefnir
hann stöðu hugsanlegra sakborninga og kynningu
á gögnum sem gæti farið í bága við hagsmuni rann-
sóknar lögreglunnar.
Skúli telur eðlilegt að lögreglurannsóknin hafi
áhrif á rannsókn Samkeppnisstofnunar að þessu
leyti. Taka þurfi tillit til þess að einnig sé verið að
rannsaka málið sem refsimál af hálfu lögreglu.
Þannig þurfi til dæmis að kynna grunuðum ein-
staklingum réttarstöðu sína þegar Samkeppnis-
stofnun tekur af þeim skýrslur sem lögreglan kann
síðar að nota í sinni rannsókn.
Dósent við lagadeild Háskóla Íslands segir að rannsókn samkeppnisyfirvalda
geti tekið til fyrirtækja en geti ekki tekið til ábyrgðar einstaklinga
Ekki óeðlilegt að tveir
aðilar rannsaki málið
LÖGREGLAN í Borgarnesi
hafði í nógu að snúast að kvöldi
fyrsta vetrardags og aðfaranótt
sunnudags.
Erillinn var mestur í kring-
um dansleik sem fram fór á
Hótel Borgarnesi. Segir lög-
reglan ölvun hafa verið mikla.
Þar brutust út slagsmál sem í
einu tilfelli enduðu með því að
ungur maður kjálkabrotnaði.
Var hann fluttur með sjúkrabíl
til Reykjavíkur.
Síðar um fyrstu vetrarnótt-
ina varð aftanákeyrsla í Borg-
arnesi þar sem forvitinn öku-
maður missti athyglina frá
stýrinu og lenti aftan á kyrr-
stæðum bíl er fylgst var með
laganna vörðum stilla til friðar
milli nokkurra áflogaseggja.
Slagsmál á
dansleik í
Borgarnesi
LANDSVIRKJUN gerir í áætlun-
um sínum fyrir Kárahnjúkavirkjun
ráð fyrir bótum vegna vatnsréttinda
landeigenda við Jökulsá á Brú og
Jökulsá í Fljótsdal og við Lagarfljót.
Ekki eru gefnar upp fjárhæðir í
þessu sambandi en samkvæmt upp-
lýsingum frá Landsvirkjun er búist
við talsverðum bótum sem geta skipt
nokkrum hundruðum milljóna
króna. Málið er sagt vera í
ákveðnum farvegi og að viðræður
hafi farið fram við forsvarsmenn
sveitarfélaganna Norður-Héraðs og
Fljótsdalshrepps. Ekki megi vænta
niðurstaðna fyrr en virkjunin sé í
fyrsta lagi komin í gagnið 2007.
Örlygur Þórðarson, lögfræðingur
hjá Landsvirkjun, segir málið flókið
en snúist í raun um tvo þætti. Ann-
ars vegar hvernig bótafjárhæðir
verði fundnar út og hins vegar
hvernig þær skiptast á milli landeig-
enda. Fyrrnefnda atriðið snúi að
Landsvirkjun, sem ná þurfi einhvers
konar samkomulagi við landeigend-
ur um, en hið síðarnefnda sé meira
innbyrðis mál landeigenda sem ráð-
ist t.d. af landamörkum og fallhæð.
Um bæði þessi atriði geti verið deild-
ar meiningar.
Nokkuð sé horft til nýjasta for-
dæmisins í svona málum, Blöndu-
virkjunar, en nú séu viðfangsefnin
flóknari og stærri í sniðum. Í
tengslum við Kárahnjúkavirkjun sé
vatn t.d. flutt á milli svæða.
Vatnsréttindi vegna
Kárahnjúkavirkjunar
Gerir ráð
fyrir tals-
verðum
bótumHUNDAR og eigendur þeirra, semeru félagar í félagi sem kallast Leit-arhundar, voru nýlega á ferð í
Hveragerði og nágrenni. Ástæðan
var sú að verið var að prófa
hundana. Hundarnir eru þjálfaðir
af eigendum sínum en einu sinni á
ári geta þeir reynt sig og til að kall-
ast fullgildur leitarhundur þurfa
þeir að ljúka þremur stigum. Fyrst
ljúka þeir C-stigi, sem er byrj-
unarstig eða grunnskólapróf, eins
og Sigurbjörn Bjarnason hundaeig-
andi sagði til útskýringar fyrir
fréttaritara. Næst er það B-stig
sem á mannamáli mætti kalla stúd-
entsprófið og loks er það A-stig sem
jafngildir háskólaprófi og þá er
hundurinn orðinn útkallshæfur leit-
arhundur. Allir hundaeigendurnir
sem eru meðlimir í Leitarhundum
eiga það sameiginlegt að vera fé-
lagar í Slysavarnafélaginu Lands-
björgu og vinna Leitarhundar inn-
an þeirra vébanda.
Morgunblaðið/Margret Ísaksdóttir
Leitar-
hundar
prófaðir
Hveragerði. Morgunblaðið.
Sigurbjörn Bjarnason og tíkin hans Hekla taka á rás til að finna mann á æfingunni í Hveragerði.