Morgunblaðið - 27.10.2003, Blaðsíða 14

LISTIR
14 MÁNUDAGUR 27. OKTÓBER 2003 MORGUNBLAÐIÐ
ÞÆR Svala Rún Sigurð-ardóttir og Halldóra Kára-dóttir eru báðar í erilsöm-um og ábyrgðarfullum
störfum hjá Samskipum. Halldóra
er viðskiptafræðingur og gegnir
stöðu deildarstjóra í vöru-
húsadeild en Svala er vinnu-
og skipulagsfræðingur og
starfar sem gæðastjóri. „Ég
þekki af eigin raun þá
streitu sem fylgir því að
starfa í umhverfi þar sem
áreiti er mikið, vera með
fjölskyldu, reyna að standa
sig sem best á öllum sviðum
og enginn tími gefst til að
sinna áhugamálum. En svo
kemur sá tímapunktur að
maður verður líka að sinna
sjálfum sér og það gerðist
hjá mér fyrir átta árum
þegar ég byrjaði að stunda
jóga. Þá kynntist ég hrein-
lega öðru og betra lífi, því
jóga er mannbætandi lífs-
stíll,“ segir Svala sem
kynnti Halldóru fyrir jóg-
anu þegar þær fóru að
vinna saman í Samskipum
fyrir nokkrum árum.
Karlar hræddir við að prófa
Eftir að hafa stundað jóga
saman í tvö ár, ákváðu þær
að skella sér í jógakenn-
aranám hjá Ásmundi Gunn-
laugssyni í Yoga Stúdíói.
„Við gerðum þetta meira
upp á grínið og ætluðum
okkur ekki að fara að kenna
jóga. Við vildum fyrst og
fremst fræðast enn frekar
og öðlast dýpri skilning á
jógaheimspekinni. Það kom
okkur mjög á óvart hvað
jógaheimspekin er spenn-
andi leið til að bæta lífs-
gæði,“ segir Halldóra. En í
framhaldi af kennaranám-
inu kviknaði löngun hjá
þeim til að miðla jóga til
annarra. „Við stofnuðum
fyrirtækið okkar Joga.is
fyrir ári og leigjum aðstöðu hjá
Styrktarfélagi lamaðra og fatlaðra.
Þetta hefur gengið mjög vel og nú
hafa meira að segja bæst nokkrir
karlar í hópinn, en þeir eru af ein-
hverjum sökum síður tilbúnir til að
prófa þetta en konur. Þeir halda
sumir að þetta séu trúarbrögð og
eitthvað dularfullt en það er alger
misskilningur,“ segir Halldóra.
Komum sjálfar úr hörðum heimi
Hjá Jóga.is bjóða þær stöllur upp
á almenna opna jógatíma og nám-
skeið fyrir byrjendur. „Við ætlum
líka að vera með sérhönnuð nám-
skeið þar sem við einbeitum okkur
að streitustjórnun og hugsum það
fyrir fólk í atvinnulífinu, stjórn-
endur og starfsmenn sem vilja ná
betri tökum á lífi sínu,“ segja þær
Svala og Halldóra sem hafa þá sér-
stöðu meðal jógakennara að þekkja
af eigin raun hið harða og streitta
umhverfi sem margir starfa við í
viðskiptaheiminum. En þó þær séu í
fullri vinnu þá láta þær sig ekki
muna um að kenna jóga að vinnu-
degi loknum. „Við erum ekkert á
leiðinni að hætta í vinnuni til að
sinna jógakennslu, þetta er fyrst og
fremst áhugamál sem við sinnum í
frítíma okkar.“
Skilar sér í vinnunni og heima
Svala fullyrðir að jógað hafi gert
hana að miklu betri starfsmanni.
„Ég höndla betur erfiðar aðstæður í
vinnunni, á auðveldara með að ein-
beita mér og stenst betur mikið
álag.“ Halldóra tekur undir þetta og
segir að áður en hún fór að stunda
jóga hafi hún ekki getað losað sig
við vinnuáhyggjurnar eftir að hún
kom heim. „Ég var jafnvel enn með
hugann hringsólandi yfir verk-
efnum vinnudagsins þegar ég fór í
bólið og stundum hélt þetta fyrir
mér vöku. En með jóganu næ ég al-
gerlega að hreinsa hugann eftir
vinnu og nýt þar af leiðandi miklu
betur samverustundanna með fjöl-
skyldunni. Og svo kem ég miklu bet-
ur hvíld og sterkari til vinnu daginn
eftir. Þetta er sá munur sem ég finn
mest fyrir.“
Líka gott fyrir kroppinn
Þær segja lífsspekina í jóganu
nánast vera heilbrigða skynsemi
sem gangi út á hófsemi, æðruleysi
og mannrækt. En jóga snýst ekki
eingöngu um andlega slökun heldur
ekki síður líkamlegar æfingar sem
hafa reynst vel fyrir bakveika og þá
sem þjást af hverskonar vöðva-
bólgu.
Vinnufélagar Svölu og Halldóru
eru í miklum meirihluta karlmenn
sem þær segja fremur ófúsa til jóga-
iðkunar. En Svala tók sig eitt sinn til
þegar hún hélt fyrirlestur fyrir stór-
an karlahóp og lét þá gera jógaæf-
ingu í upphafi fundar. „Þeim þótti
þetta þó nokkuð forvitnilegt og eru
enn að tala um uppátækið þó þrjú ár
séu síðan.“
Tekist á við
streituna
 JÓGA
Halldóra Káradóttir.
Þær uppgötvuðu leið
til að ná jafnvægi í
krefjandi störfum.
Kristín Heiða Krist-
insdóttir hitti tvær
framakonur sem
stofnuðu sína eigin
jógastöð.
TENGLAR
..............................................
www.joga.is
khk@mbl.is
Morgunblaðið/Brynjar Gauti
Svala Rún Sigurðardóttir.
DAGLEGT LÍF
ÞAÐ er tvennt sem gerir þessa
sýningu Þjóðleikhússins óvenjulega.
Annars vegar að hún er frumsýnd í
Reykjanesbæ og hins vegar að leik-
ritið er látið gerast í gróðurhúsi. Hvað
hið fyrrnefnda áhrærir mun þrennt
hafa vegið hvað þyngst: að litla sviðið
við Lindargötu er upptekið fram yfir
áramót og að Gunnar Eyjólfsson,
bæjarlistamaður Reykjanesbæjar, er
Keflvíkingur og Kristbjörg Kjeld er
fædd og upp alin í Innri-Njarðvík.
Gretar Reynisson leikmyndar-
hönnuður og myndlistarmaður á hug-
myndina að því að láta verkið gerast í
gróðurhúsi og hún þróaðist í sam-
vinnu hans og Þórhalls Sigurðssonar
leikstjóra. Þýðing hennar fyrir sýn-
inguna er ómælanleg. Hún leysir
hana úr viðjum stofuleiksins og býr
sýningunni umgjörð sem hefur víð-
tæka táknræna tilvísun, undirstrikar
þau atriði í textanum sem eiga best
við þetta umhverfi og verður upp-
spretta endalausra vangaveltna um
brothættan veruleika karlpersón-
anna.
Síðasta leikrit Ólafs Hauks Símon-
arsonar fyrir Þjóðleikhúsið, Viktoría
og Georg, og þetta verk marka þátta-
skil í ferli hans sem leikskálds. Hér er
megináherslan lögð á innra líf leik-
persónunnar og hvernig það speglast
í samskiptum við fáar aðrar persónur.
Það má finna margt sameiginlegt
með persónunum þremur í Viktoríu
og Georg og þeim í Græna landinu.
T.d. er þjónustufólkið fulltrúar al-
mennrar skynsemi, Viktoría og Kári
eru persónur á barmi örvæntingar og
Georg og Páll eru ólíkindatól sem róta
upp í tilfinningum þeirra. Það er
greinilegt að þessi verk endurspegla
nokkra breytingu í áherslum frá fé-
lagslegu umhverfi til innri upplifunar.
Bæði verkin eru skemmtilega sam-
ansettar karakterstúdíur – rannsókn
á innviðum persónanna. Græna landið
er því tilvalið verkefni fyrir bestu
skapgerðarleikara þjóðarinnar af
eldri kynslóðinni, enda að öðrum
þræði skrifað með slíkt í huga. Gunn-
ar Eyjólfsson hefur leikið marga
karla í verkum Ólafs Hauks en hér
fær hann tækifæri til að móta heil-
steypta persónu hins bugaða stór-
mennis – karakter sem hann hefur að
vísu sýnt áður sem lokakafla í þróun
slíkra karla áður en hefur ekki gefist
tækifæri til að einbeita sér að í heilu
verki, nema ef vera skyldi í sjónvarps-
leikriti Matthíasar Johannessen Sjó-
arinn, spákonan, blómasalinn, skóar-
inn, málarinn og Sveinn. Hér bregst
Gunnari ekki bogalistin en spilar und-
urþítt á viðkvæmustu strengina með
frábærum árangri. Áköf eftirsjá, sorg
og söknuður er næstum það eina sem
eimir eftir af persónu byggingameist-
arans Kára Sólmundarsonar, hann
hefur hrakist undan draugum fortíð-
arinnar út í gróðurhús sem stendur
áfast við heimili hans. Líf hans er
merkingarlaust því sjálfsmyndin sem
byggðist á frama í starfi fer fyrir lítið
þegar tengslin við ástvinina eru rofin.
Kristbjörg Kjeld er hér í hlutverki
Lilju, konu sem er gerð út af örkinni
af borgaryfirvöldum til að þrífa hjá
Kára. Kristbjörg hefur greinilega
mjög gaman af því að bregða sér í
gervi þessarar jarðbundnu og lífs-
glöðu alþýðukonu sem lætur engan
bilbug á sér finna og reynir að fá Kára
til að taka aftur þátt í lífinu. Krist-
björg sýnir hér á sér nýja hlið og leik-
ur við hvern sinn fingur af krafti og
innsæi. Lilja hefur hlúð að því sem er
henni kærast og uppsker nú ríkulega
þó að hún þurfi ennþá að hafa nokkuð
fyrir lífinu. Hún ræktar samband sitt
við Kára af sömu alúð og áhorfendur
fá tækifæri til að fylgjast með sam-
skiptum þeirra þróast eins og við-
kvæmustu plöntum er komið til undir
gleri, í skjóli fyrir veðri og vindum.
Björn Thors leikur Pál, dótturson
Kára, sem hefur brugðist vonum afa
síns og uppskorið algjöra afneitun
hans. Páll kemur róti á brothætta ver-
öld afa síns og það var áberandi hve
vel Björn náði með leik sínum að
spegla vel óróann og óvissuna sem
persóna Páls kemur með inn í verkið.
Túilkun Björns á uppgjörsatriðinu
var einstaklega góð, vonbrigðin og
sársaukinn í leik hans voru næstum
óbærileg.
Tónlist Gunnars Þórðarsonar end-
urómar ljóðrænu textans, Gunnar
tranar sér ekki fram heldur kann þá
list að endurspegla þær tilfinningar
sem bærast með leikurunum með tón-
um sínum. Búningarnir eru látlausir
og árétta félagslegt samhengi og per-
sónuleika karakteranna vel. Í kring-
um þetta allt trónir svo þessi alltum-
vefjandi leikmynd þar sem
áhorfendum gefst tækifæri til að
skyggnast inn um rúðurnar og skoða
líf persónanna eins og í smásjá. Þór-
hallur Sigurðsson hefur stýrt lang-
flestum verkum Ólafs Hauks Símon-
arsonar sem sýnd hafa verið í
Þjóðleikhúsinu og hefur miðlað orð-
um hans til þakklátra leikhúsgesta.
Hér fær hann að nostra við smáat-
riðin og kalla fram stórkostlegan leik.
Það er gaman að sjá hve Ólafur
Haukur nær að kafa djúpt í persón-
urnar þegar hann loksins ákveður að
reyna fyrir sér á nýjum miðum. Ljóð-
rænan sem er honum svo eiginleg fær
að njóta sín til fullnustu og félagsleg-
ur raunveruleiki persónanna er enn
til staðar þó að hann sé ekki í for-
grunni. Hann sést best í því að hér
eru engar einfaldar lausnir, lífið end-
ar jú aldrei vel í þessum skilningi
heldur með hrörnun og dauða. Ólafur
Haukur sýnir með þessu verki að það
er hægt að lifa með þessari staðreynd
og gefa lífinu merkingu með því að
rækta samskiptin við samferðamenn
okkar.
Undir
gleri
LEIKLIST
Þjóðleikhúsið í Frumleikhúsinu,
Reykjanesbæ.
Höfundur: Ólafur Haukur Símonarson.
Höfundur tónlistar: Gunnar Þórðarson.
Leikstjóri: Þórhallur Sigurðsson. Leik-
myndarhönnuður: Gretar Reynisson. Bún-
ingahönnuðir: Gretar Reynisson og Mar-
grét Sigurðardóttir. Hönnuður lýsingar:
Ásmundur Karlsson. Leikarar: Björn
Thors, Gunnar Eyjólfsson og Kristbjörg
Kjeld. Laugardagur 25. október.
GRÆNA LANDIÐ
Sveinn Haraldsson
Morgunblaðið/Árni Sæberg
„Það er gaman að sjá hve Ólafur Haukur nær að kafa djúpt í persónurnar
þegar hann loksins ákveður að reyna fyrir sér á nýjum miðum.“
MÁLVERK eftir Braga Ásgeirs-
son var gefið Lækjarskóla í Hafn-
arfirði við vígslu skólans nýverið.
Nýtak ehf. gaf skólanum verkið
en það heitir Lífþrasir og kemur
nafnið úr Hávamálum. „Lífþrasir
merkir þrá eða lífsþrá,“ segir
Halla Þórðardóttir, aðstoð-
arskólastjóri Lækjarskóla. „Við
höfum listina hér allt í kringum
okkur, í húsinu sjálfu og umhverfi
þess og listaverkið veitir menn-
ingarlega örvun. Það var valið úr
nokkrum verkum og svo skemmti-
lega vill til að það fellur mjög vel
að skólanum. Aðallitir hússins eru
hvítur og grár en svo prýða skól-
ann þrír aðrir litir sem eru í sam-
hljóm við verkið. Það er engu lík-
ara en skólinn sé rammi í
kringum málverkið, en verkið er
málað án tillits til hússins. Líf-
þrasir er u.þ.b. 1,50 x 2,50 metrar
og trónir hátt uppi í einni meg-
inleiðinni í skólanum.“
Í Ragnarökum segir m.a. „Gimli
er fegurstur af öllum sölum og er
bjartari en sólin. Hann á að bjarg-
ast úr Ragnarökum. Þar eiga allir
menn sem eftir lifa að safnast.
Sumir telja að aðeins tvær mann-
eskjur komist lifandi úr Ragna-
rökum, þau Líf og Lífþrasir.“
Málverk eftir Braga Ásgeirs-
son gefið Lækjarskóla