Morgunblaðið - 22.01.2004, Síða 8
FRÉTTIR
8 FIMMTUDAGUR 22. JANÚAR 2004 MORGUNBLAÐIÐ
Þrífur riddarinn á hvíta hestinum ÚA-prinsessuna með sér vestur eða hvað?
Sólarkaffi Ísfirðingafélagsins
Mikil stemmning
og skemmtilegt
Eitt af gróskumeiriátthagafélögumþessa lands er án
efa Ísfirðingafélagið. Mikið
og blómlegt starf fer þar
fram, en félagið saman-
stendur að mestu af brott-
fluttum Ísfirðingum og
fjölskyldum þeirra. Það er
staðreynd að í nokkrar vik-
ur í svartasta skammdeg-
inu ómakar sólin sig ekki
við að sýna sig á Ísafirði, en
það er einmitt um þetta
leyti sem hún gægist yfir
fjallstopp á ný. Og þá fagna
Ísfirðingar og halda sitt
Sólarkaffi. Morgunblaðið
ræddi við Svein Elíasson,
aldinn heiðursmann, sem
er endurskoðandi Ísfirð-
ingafélagsins og lætur sig
aldrei vanta á Sólarkaffið.
– Segðu okkur fyrst eitt og ann-
að um Ísfirðingafélagið Sveinn…
„Félagið er stofnað 1945 og
verður því sextíu ára á næsta ári.
Þá verður mikið um að vera. Fé-
lagið var stofnað utanum Sólar-
kaffið þannig að þeir brottfluttu
gætu hist og treyst böndin. Þetta
er ljósahátíð, sólin hverfur Ísfirð-
ingum hinn 17. nóvember og birt-
ist aftur í kringum 25. janúar.
Þetta er því stór dagur og tilefni til
mikilla hátíðarhalda. Það hafa
ýmsir merkir menn verið í for-
mennsku þessa félags, það mætti
nefna Jón Leós, Einar S. Einars-
son og Ólaf Hannibalsson. Miklum
mun fleiri hafa komið að stjórn fé-
lagsins og því miður ekki hægt að
nefna alla.“
– En Sólarkaffið er haldið fyrir
sunnan…
„Já, þetta er félag brottfluttra
Ísfirðinga og flestir eru þeir á suð-
vesturhorninu þó að þeir finnist
um land allt. Það kæmi mér ekki á
óvart þó að brottfluttir Ísfirðingar
skipti þúsundum. Flestir sem voru
með mér í skóla á sínum tíma
fluttu burt og börn þeirra með.
Sumir hafa flust aftur vestur, en
flestir þó ekki. En heimamenn á
Ísafirði halda líka sitt Sólarkaffi
og gjarnan um sömu helgi og við
hér fyrir sunnan.“
– Kemur það ekki í veg fyrir að
þið skjótist á milli og takið þátt í
gleðskapnum hvorir hjá öðrum?
„Nei alls ekki. Nú á dögum sí-
batnandi samgangna þá láta menn
sig hafa það að fara á milli. Það
kemur stór hópur að vestan til
okkar, en Sólarkaffið að þessu
sinni verður næstkomandi föstu-
dagskvöld á Grillinu á Hótel Sögu.
Það hefst klukkan átta um kvöld-
ið.“
– Hvað er þetta stór félagsskap-
ur?
„Þetta eru nokkur hundruð
manns. Þegar best hefur látið hafa
verið milli 700 og 800 manns á Sól-
arkaffi. Þetta er ávallt afar vel sótt
og mikil stemmning og skemmti-
legt.“
– Mætir þú alltaf?
„Oftast nær, ég hef reynt að
mæta alltaf, alveg frá því í gamla
daga.“
– Geturðu sagt okk-
ur eitthvað frá dag-
skránni á föstudags-
kvöldið?
„Borðhaldið hefst
klukkan átta um kvöld-
ið. Við erum alltaf með einn ræðu-
mann og að þessu sinni verður það
Sigurður Ólafsson. Veislustjóri er
hins vegar Jónína Sanders. Það
verða tvær hljómsveitir með
skemmtiatriði, South River Band,
sem er skipuð Ólafi Þórðarsyni og
félögum hans úr Ríó. Síðan leikur
sérstök hljómsveit Ísfirðinga-
félagsins, Pönnukökur með rjóma,
fyrir dansi. Sú hljómsveit var
stofnuð fyrir tveimur árum og er
skipuð ísfirskum tónlistarsnilling-
um sem kunna sannarlega vel til
verka.“
– Hvað gerir Ísfirðingafélagið
annað en að standa fyrir Sólar-
kaffi?
„Félagið gefur út Vestfjarða-
póstinn. Hann er fréttabréf sem
kemur út einu sinni á ári. Mjög
veglegt blað sem kemur út einmitt
um þessar mundir í tengslum við
Sólarkaffið. Síðan hefur félagið
gengist fyrir hópferðum til Ísa-
fjarðar. Þegar félagið varð fimm-
tíu ára fórum við saman t.d. þó
nokkuð mörg. Þá á félagið hús á
Ísafirði sem er leigt út til fé-
lagsmanna. Það er leigt út í viku í
senn og er það mjög vel nýtt, færri
komast að en vilja.“
– Hvernig gengur ykkur að
halda svona félagsskap að yngra
fólkinu?
„Það hefur tekist alveg ljómandi
vel. Ég myndi segja að á Sólarkaffi
sé meirihlutinn ungt fólk, þ.e.a.s.
frá tvítugu og uppúr. Þetta eru þá
börn fólks frá Ísafirði.“
– Hvernig er að vera Ísfirðing-
ur?
„Það er afar góð tilfinning. Ég
bjó þar aðeins 35 fyrstu æviárin
mín og leið afskaplega vel þar og
naut þar hlýju og elsku foreldra
minna. Mér þykir vænt
um Ísafjörð og Ísfirð-
inga. Ég á frábærar
minningar frá árum
mínum á Ísafirði, t.d.
frá skíðaferðum inn á
Seljalandsdal. Hann liggur hátt,
svo hátt að sólin var farin að skína
þar í byrjun janúar og ég man eftir
dögum þar í byrjun janúar, í
glaðasólskini, og menn að renna
sér klukkustundum saman, alltaf
niður í móti, ef byrjað var við
hæstu tinda. Nú er skíðaiðkunin
mest í Tunguskógi. Þar er líka
ljómandi gott að vera, en ég var nú
hrifnari af Seljalandsdalnum.“
Sveinn Elíasson
Sveinn Elíasson fæddist á Suð-
ureyri við Súgandafjörð 31.12.
1920. Stúdent frá VÍ 1949 og með
heimspekigráðu frá HÍ 1950.
Hefur að mestu verið bankamað-
ur um ævina, lengst af í Lands-
bankanum. Bókari, skrif-
stofustjóri eða útibússtjóri á
Ísafirði, í aðalbanka, útibúinu á
Akranesi, Austurbæjar- og
Langholtsútibúum. Var einnig
skrifstofustjóri hjá Sparisjóðnum
um 5 ára skeið og um tíma við
National City Bank í Bandaríkj-
unum. Fyrri kona Sveins, nú lát-
in, var Hulda H. Júlíusdóttir og
eiga þau Láru Helgu. Seinni
kona Sveins er Sveinbjörg Zóp-
haníasdóttir og eiga þau tvö
börn, Elías Jón og Ingibjörgu
Soffíu.
…sem kunna
sannarlega
vel til verka