Morgunblaðið - 22.01.2004, Síða 18
SKRIFSTOFU- OG ÞJÓNUSTUHÚSNÆÐI TIL LEIGU
Síðumúli Vandað atvinnuhúsnæði á götuhæð við Síðumúla í Reykjavík. Eignin skiptist
í opið rými, snyrtingar, kaffistofu, geymslu og tvö skrifstofuherbergi. Linoleum-dúkur á
gólfum. Kerfisloft með innfelldri lýsingu í loftum. Eignin er öll nýstandsett að innan og
getur hentað ýmist undir verslun, þjónustu eða skrifstofur. 3844
HÖFUM KAUPENDUR AÐ EFTIRTÖLDUM EIGNUM
Síðumúli - Stórglæsileg skrifstofuhæð Vorum að fá til leigu stórglæsilega 180 fm
skrifstofuhæð sem hefur öll verið nýstandsett í hæsta gæðaflokki. Eignin skiptist m.a.
í móttöku, fimm skrifstofur, fundarsal, snyrtingar o.fl. Húsið er klætt að utan. 3842
Raðhús, parhús eða einbýlishús í vesturborginni óskast Traustur kaupandi óskar
eftir eign eins og lýst er í fyrirsögn. Æskileg stærð 250-350 fm. Eignin má kosta á
bilinu 25-40 millj. Nánari uppl. veitir Sverrir Kristinsson.
Einbýlishús á Seltjarnarnesi óskast Traustur kaupandi hefur beðið okkur að útvega
250-350 fm einbýlishús á Seltjarnarnesi. Góðar greiðslur í boði. Allar nánari uppl.
veitir Sverrir Kristinsson.
Einbýli - hæð og ris eða hæð og kj. í vesturborginni Traustur kaupandi hefur beðið
okkur að útvega 150-250 fm eign skv. ofanskráðri lýsingu. Sjávarútsýni æskilegt.
Staðgreiðsla í boði. Allar nánari uppl. veitir Sverrir Kristinsson.
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Dauðfæddir kálfar | Dauðfæddum kálf-
um hefur fjölgað meira en eðlilegt er talið á
sumum kúabúum og þess eru dæmi að allt
að 25% kálfanna hafi fæðst dauð, en ekki er
nákvæmlega vitað hvers vegna. Á Rann-
sóknadeild dýrasjúkdóma að Keldum hafa
verið krufðir nokkrir tugir kálfa en ekkert
eitt hefur gefið vísbendingu um það hvað að
er. Sett hefur verið upp rannsóknaáætlun
en ekki hefur fengist fjármagn til þess að
fylgja henni eftir. Bændur hafa áhyggjur af
dauðfæddum kálfum enda mikið tjón fyrir
kúabúin að missa svo marga gripi.
Úr
bæjarlífinu
HÉÐAN OG ÞAÐAN
Fengu endurskinsmerki | Nemendum í
Mýrarhúsa- og Valhúsaskóla á Seltjarn-
arnesi voru færð endurskinsmerki í síðustu
viku. Það voru félagar frá Slysavarnadeild
kvenna á Seltjarnarnesi sem færðu nem-
endunum merki, en þeir eru um 770 talsins.
Með í för voru félagar úr björgunarsveit-
inni Ársæli. Rætt var við nemendur um
notkun hjálma á skautum, skíðum, hjólum
og brettum, auk þess sem starf unglinga-
deildar björgunarsveitarinnar var kynnt.
Lýkur fornleifarannsókn | Nú sér fyrir
endann á fornleifarannsókn á Kirkjubóli í
Skutulsfirði sem Magnús Þorkelsson, sagn-
fræðingur í Hafnarfirði, hóf fyrir næstum
tveimur áratugum. Frá þessu er greint á
fréttavef Bæjarins besta. Magnús dvaldi í
nokkrar vikur á Ísafirði 1985 vegna neyð-
arrannsókna á kirkjunni og garðinum á
Kirkjubóli en þá var bærinn að fara í eyði.
Undanfarið hefur Magnús unnið að mál-
inu á eigin vegum og gerir ráð fyrir að
skýrslan verði klár í lok þessa mánaðar.
Ísafjarðarbær hefur samþykkt að koma að
verkefninu og kaupir tvö eintök af skýrsl-
unni fyrir samtals 200 þúsund kr. Magnús
segir elstu máldaga um kirkju á staðnum
vera frá 13. öld. Kirkjuna hafi átt að leggja
niður við siðaskiptin en það hafi ekki verið
gert. Hún hafi lent í hringiðu málaferla sr.
Jóns Magnússonar og virðist hafa lagst af
stuttu síðar.
Íslandsmótið í krullu erhafið í Skautahöllinniá Akureyri. Fyrstu
leikirnir fóru fram í gær-
kvöldi en þetta er í þriðja
sinn sem mótið er haldið
og eru þátttakendur fleiri
nú en í fyrri tvö skiptin.
Fjölgun þátttakenda
endurspeglar reyndar ein-
ungis fjölgun iðkenda
íþróttarinnar á Akureyri,
en enn sem komið er eru
það aðeins Akureyringar
sem stunda þessa íþrótt og
því öll liðin sem þátt taka í
mótinu þaðan.
Alls taka sex lið þátt í
Íslandsmótinu að þessu
sinni og skráðir leikmenn
eru 30. Tveir leikir verða á
miðvikudagskvöldum kl.
19.30–21.00 og einn á
mánudögum á sama tíma.
Krullað á fullu
Búðardal | Mikið hefur snjóað víða um land að und-
anförnu, þannig að börn og skíðamenn hafa í það
minnsta getað glaðst. Þessir krakkar í Búðardal eru
engir eftirbátar annarra og höfðu gert þennan mynd-
arlega snjókarl, þar sem fréttaritari rakst á þá á ferð
sinni um plássið.
Morgunblaðið/Helga Ágústsdóttir
Snjókarl í Búðardal
Formaður karla-kórsins Hreims íÞingeyjarsýslu,
Baldur Baldvinsson, mær-
ir gjarnan þingeyskt loft
á tónleikum. Í Skagafirði
fékk hann vísu frá kór-
félaganum Friðriki Stein-
grímssyni, sem hann las
fyrir áhorfendur:
Þingeyingum þakka ber
þíða tóninn sanna
því skagfirsk menning sködduð er
af skrækjum heimamanna.
Baldur sagðist flytja vís-
una með hálfum huga;
honum fyndist dálítið
gróft að segja svona um
Skagfirðinga í Skaga-
firði. Friðriki fannst það
skrýtið; Baldur vildi út-
breiða þingeyskt mont,
en færi samt með vísuna
með hálfum huga. Hann
kvaddi sér hljóðs:
Orðspor hans er orðið vont
ærinn bíður hnekki
þegar hann rekst á þingeyskt mont
þekkir hann það ekki.
Þingeyskt mont
pebl@mbl.is
Neskaupstaður | Sólin er farin
að láta sjá sig á nýjan leik í
Norðfirði, íbúum til mikillar
ánægju. Rétt um þorrabil skríð-
ur sólin yfir fjallatoppana í há-
deginu og gleður íbúa í ystu
húsum bæjarins, en áður en jan-
úar er liðinn hefur sólin náð að
skína í híbýli og sinni allra
þorpsbúa. Rjómi selst í miklum
mæli, enda mikið sem þarf að
innbyrða af sólarpönnukökum.
Morgunblaðið/Kristín Ágústsdóttir
Hann var fallegur, roðinn í austri: Gárungarnir hafa löngum kallað Norðfjörð Litlu-Moskvu.
Roðinn í austri í Litlu-Moskvu
Tímamót
NÝJAR reglur um aðgangsstýringu, akst-
ur og umferð um Reykjavíkurflugvöll
ganga í gildi í febrúar samkvæmt ákvörðun
Flugmálastjórnar. Í tilkynningu á heima-
síðu Flugmálastjórnar segir að reglurnar
séu settar til að auka flugvernd og öryggi á
flugvellinum en auknar kröfur hafi verið
gerðar í þeim efnum m.a. eftir hryðju-
verkaárásirnar í Bandaríkjunum 11. sept-
ember 2001.
„Flugverndarráðstafanir á millilanda-
flugvöllum Flugmálastjórnar hafa verið
auknar til muna á undanförnum mánuðum
og er aðgangsstýringin einn liður í þeim.
Stofnaðar hafa verið flugverndarnefndir,
keyptur vopnaleitarbúnaður og unnir hafa
verið verkferlar vegna aukinnar flugvernd-
ar í millilandaflugi,“ segir m.a. í tilkynning-
unni.
Samkvæmt nýju reglunum er engum
heimilt að koma inn á flugvallarsvæðið
nema hafa til þess heimild sem gefin er út
af flugvallaryfirvöldum eða vera í fylgd að-
ila sem hefur þar til bæra heimild. Allar
bifreiðar sem þurfa að athafna sig inni á
flugvallarsvæðinu þurfa að auki að hafa
sérstök leyfisbréf og þeir sem aka þeim bif-
reiðum verða að hafa lokið námskeiði í
akstri um flugvallarsvæðið. Allri umferð
inn á flugsvæðið verður stýrt í gegnum hlið
og þurfa þeir sem fara þar í gegn að hafa
sérstakar fjarstýringar sem flugvallaryfir-
völd láta þeim í té, eftir að leyfi fyrir að-
gangi hefur verið fengið.
Þá er afmarkað svæði við flugstöð flug-
vallarins og flugskýli við flughlað skil-
greint sem haftasvæði en ströng skilyrði
gilda um þá sem mega fara inn á það svæði.
Þess ber að geta að nýju reglurnar ná
ekki yfir aðgang farþega, enda er umferð
þeirra um flugstöð og flughlað háð
ákveðnum reglum, að því er segir í tilkynn-
ingu Flugmálastjórnar.
Hertar regl-
ur um umferð
um Reykja-
víkurflugvöll
Morgunblaðið/Þorkell