Lesbók Morgunblaðsins - 07.04.2001, Page 14

14 LESBÓK MORGUNBLAÐSINS ˜ MENNING/LISTIR 7. APRÍL 2001
Mennskan sundlar huga að hugsa þangað,
er huliðsblæja felur alla sýn.
Ljóssins geisla helsvört hefur fangað,
í hnit, þar aldrei glætuvottur skín.
Ægivaldið efnishyggju kreisti,
sitt eigið sjálf, og bylgjulengdin hvarf,
hvort einhvern tíma aftur kvikni neisti?
sem ekkert rúm né tíma lengur þarf?
Og vesæll maður munt þú vegu rata,
um myrkan geim er enginn þekkti fyrr?
þar efnismassar eðli sínu glata
og elfur tímans frosin stendur kyrr!
KRISTJÁN ÁRNASON
Höfundur dvelur á Dvalarheimili aldraðra á Sauðárkróki.
SVARTHOL