Pressan - 27.10.1988, Blaðsíða 8

8
Fimmtudagur 27. október 1988
VIKUBLAÐ Á FÖSTUDÖGUM
Útgefandi Blað hf.
Framkvæmdastjóri Hákon Hákonarson
Ritstjóri Jónína Leósdóttir
Fréttastjóri Ómar Friðriksson
Auglýsingastjóri Hinrik Gunnar Hilmarsson
Ritstjórn og skrifstofur: Ármúla 38, sfmi: 68 18 66. Auglýsingasími: 68 18 66. Áskrift og dreifing: Ármúla 38, sfmi 68 18 66. Setning og umbrot: Filmur og prent. Prentun: Blaöaprent hf. Áskriftargjald: 400 kr. á mánuöi. Áskriftargjald: Pressan og Alþýðu- blaðið: 800 kr. á mánuði. Verð I lausasölu: 100 kr. eintakið.
Blómstrandi
menningarlíf, en...
Við íslendingar þykjumst geta hreykt okkur af ýmsu.
Þjóðarstoltið er meira að segja oft á tíðum það mikið að
úr verður drambslegur rembingur. En á sumum sviðum
stendur þjóðin vissulega undir stoltinu — og það með
glæsibrag. T.d. hvað varðar menningarlíf.
Um þessar mundir geta leikhúsunnendur á höfuð-
borgarsvæðinu valið um einar fjórtán sýningar fyrir
börn og fullorðna. Slíkt úrval leikverka hlýtur að vera
algjört einsdæmi í heiminum á svæði þar sem ekki búa
nema rúmlega hundrað þúsund manns. í mun stærri
borgum í öðrum Evrópulöndum þætti verulega gott, ef
hægt væri að þefa uppi svo sem eina leiksýningu!
Fjölbreytnin í íslensku leikhúslífi er líka mjög mikil
og ætti hver og einn að geta fundið þar eitthvað við sitt
hæfi. Tónlistarhneigðu fólki stendur til boða glæsileg
sýning Þjóðleikhússins á Ævintýrum Hoffmanns og
áhugamenn um klassísk verk geta bæði farið á upplestur
á verkum Tjékovs og séð rómaðan flutning Leikfélags
Reykjavíkur á Hamlet. Hægt er að fara með börnin á
Hvar er hamarinn eða þá Línu langsokk og unglingarnir
geta skroppið til Mosfellsbæjar og hlegið að Dagbók-
inni hans Dadda. Svona mætti lengi telja og auðvitað
eru einnig leikhús starfandi utan Reykjavíkursvæðisins.
Á Akureyri standa t.d. yfir sýningar á Skjaldbökunni og
um jólaleytið frumsýnir áhugaleikhópur í Varmahlíð
Uppreisnina á ísafirði, svo eitthvað sé nefnt.
Állar þessar leiksýningar eru þó alls ekki einu menn-
ingarviðburðirnir á landinu þessa dagana. Af og frá.
Mikið er líka um áhugaverða tónleika af ýmsu tagi.
Sigríður Ella Magnúsdóttir er m.a. stödd á landinu og
söng í Gerðubergi í vikunni, ungir, norrænir einleikarar
eru að spreyta sig í íslensku óperunni. Þar að auki líður
vart sú vika að ekki sé opnuð fleiri en ein málverka- eða
höggmyndasýning og ný íslensk kvikmynd var frum-
sýnd fyrir fáeinum dögum. Þetta er einfaldlega ótrúlegt
menningarlíf hjá þjóð, sem telur um 250 þúsund manns.
Við eigum hreint frábæra listamenn á svo til öllum svið-
um og megum sannarlega vera stolt af þeim. Hin
tragíska hlið á þessu máli er hins vegar sú, að aðsókn að
þessum athyglisverðu viðburðum mætti gjarnan vera
meiri en hún er. Því miður erúm við nefnilega einnig ein
vinnuþjakaðasta þjóð heims og tími fyrir leikhúsferðir
og annað kúltúrlíf af skornum skammti.
Sárgrætilegast er það þó barnanna vegna hversu erfitt
fólk á með að finna tíma til að njóta hinnar fjölbreyttu
menningar, sem hér er á boðstólum. Það hefur afar mik-
ið að segja að foreldrar fari snemma með börn sín í leik-
hús, á tónleika, málverkasýningar og aðra listviðburði.
Börn, sem venjast því í æsku að menningarviðburðir séu
eðlilegur þáttur tilverunnar, njóta góðs af því alla
ævina. Listin auðgar líf þeirra og gefur því aukið gildi.
Á efsta degi á Stöð 2
„Og munið þið litlu þegnar, að mínum dómi getur
enginn áfrýjaðþ
hin pressan
„Þad á ekki aö vera ad blása
þetta út þar sem þetta er, strangt
til tekið, ekki löglegt. Þetta er það
sem gert er alls staðar — en á ekki
að vera blaðamál þar sem þetta er
ólöglegt.“
— Jón isberg, sýslumaöur Húna-
vatnssýslu, i DV um notkun skipverja á
áfengi sem hafói verið gert upptækt,
en þeir fengu afhent til aö halda veislu
vegna þess aö smlöi báts þeirra var ný-
lokió.
„Stórmenni landsins hafa ekki
látið rekja þennan lið ætta sinna
nákvæmlega.“
— lilfar Þormóösson, Sþegilmaður,
rithöfundur og frímúraraskelfir, I DV
um afkomendur Axlar-Bjarnar.
„Meirihlutinn, og þó sérstak-
lega Davíð, launar þeim ríkulega
sem makka rétt og refsar þeim
sem risa upp. í þessu sambandi er
nóg að líta á þá sem skrifuðu
undir stuðningsyfirlýsinguna við
Davíð fyrir síðustu borgarstjórn-
arkosningar."
— Ingibjörg Sólrún Gísladóttir, fv.
borgarfulltrúi Kvennalistans, í Veru.
„Ég hef stundum sagt um þing-
mannsstarfið, að það byrji hvergi
og endi aldrei.“
— Steingrimur J. Sigfússon ráóherra f
helgarviötali Dags á Akureyri.
„Það eru margir sem virðast
halda að sjóðurinn eigi ósköpin
öll af peningum en svo er nú ekki.
Við fáum 1 milljarð frá ríkinu á
þessu ári og þvi næsta og höfum
auk þess heimild til að taka sömu
upphæð að láni erlendis."
— Gunnar Hilmarsson, stjórnarfor-
maöur Atvinnutryggingasjóðs útflutn-
ingsgreina, Stebbasjóös, i viðtali viö
Dag.
„Fallegur pappír, fallegt letur
og hellingur af óskiljanlegu
rugli.“
— Guömundur Guömundarson fram-
kvæmdastjóri i Morgunblaðinu, þar
sem hann gagnrýnir Ljóöaárbókina
1988.
„Ég væri hræsnari ef ég segði
það.“
— Kristján Thorlacius, fráfarandi for-
maður BSRB, ( Þjóðviljanum, að-
spuröur um hvort samtökin kæmu
sterkari úreftirsigurögmundar Jónas-
sonar í formannaslagnum.
„Ég get ekki betur séð en Þor-
steinn Pálsson og aðrir ráðherrar
hafi týnt áttum.“
— Einar Oddur Kristjánsson, útgerð-
„Belgurinn á J-inu
bendir til að við-
komandi sé mót-
tœkilegur fyrir
smjaðri og sé
hégómagjarn,
hugsanlega eigin-
gjarn. Langur leggur
á lokastaf l-inu,
bendir til festu,
þrjósku og jafnvel
ofsa. “
— Tveir áhugamenn um skriftarfræói
lesa út úr undirskrift Jóhannesar Nor-
dal Seólabankastjóra í helgarblaói
Þjóöviljans.
armaöur og leiðtogi forstjóranefndar-
innar sálugu, i Heimsmynd.
„Allt innbú i hótelinu er í eigu
Hótels Arkar hf. og því óviðkom-
andi þrotabúi Verktakafyrirtækis
Helga Þórs Jónssonar."
— Helgi Þór Jónsson, aðaleigandi
beggja fyrirtækja, i Timanum.
„Ég er alveg i sjöunda himni
og væri i þeim áttunda eff það
væri hægt."
— Ólaf ur Jensson, formaður íþróttasambands fatlaðra, vegna árangurs islenskra
þátttakenda á Ólympiuleikum fatlaðra.