Pressan - 27.10.1988, Blaðsíða 28

28
Fim mtudag u-r-27. .9któbeM938
dagbókin
hennar
dúllu
Kœra dagbók.
Ég er á alveg ógeöslegum bömmer.
Enskukennarinn (sem ég er svo
skotin í) er búinn að skipa okkur að
skrifa stutta ritgerð um þættina um
kvendjöfulinn. Hvað á ég að gera?!
Mig langar rosalega til að gera þetta
vel, en ég treysti mér barasta alls
ekki til þess. Ég skildi sko hvorki
upp né niður í þessum þáttum, þó
ég rembdist og rembdist og rembd-
ist.
Þetta voru alltof frumlegir þættir
fyrir minn smekk. Kellingin (þessi
djöfull eða norn eða það...) var
alveg ferlega ljót, leiðinleg, feit og
bólótt og það var kraftaverk aldar-
innar að hún skyldi nokkurn tím-
ann hafa gengið út. Mér fannst hún
nú bara mega þakka fyrir að hafa
eignast mann smástund og meikað
það að eignast tvo krakka með hon-
urn áður en hann gafst upp á henni.
En hún var bara með múður!
(Mamma segir að ég sé ennþá á
Barbiedúkku-stiginu, eins og þeir
sem framleiða Dallas og Dynasty.
Það sé innri fegurðin, sem skipti
máli. En hvaða innri fegurð var svo
sem í þessum kvendjöfli, ef mér
leyfist að spyrja? Hún var ekkert
skárri innvorlis en útvortis!)
Mér fannst eiginlega verst hvern-
ig ófreskjan lör með vesalings
börnin sín, sem höfðu ekki gert
flugu mein. Hún bara hendir þeiin
í manninn, sem loksins hafði náð
sér i almennilega mjóa og sæta
konu, og eyðileggur allt— bæði fyrir
honum, fallegu konunni og krökk-
unum. Kærustuparið vildi náttúru-
lega fá að vera í friði, en börnin
vildu láta hugsa vel um sig af ein-
hverjum öðrum en þjónum.
Mamma þeirra (kvendjöfullinn)
hefði átt að þakka manninum inni-
lega fyrir að hafa gifst sér og óska
honum góðs gcngis og síðan hefði
hún átt að lifa fyrir börnin sín, eins
og almennileg ntanneskja. Búa til
mat handa þeim og svolciðis...
Það versta er bara að ég þori ekki
að skrifa þetta í ritgerðinni, ef min
skoðun skyldi nú vera vitlaus miðað
við það sem kennaranum finnst.
Mamma er með pról' í bókmennt-
um og hún er alveg sjúk í þessa Wey
Feldon. Kannski er „Árni english"
á sömu skoðun og hvað þá? Hvort
á ég að segja það, sem mér finnst
sjálfri, eða láta eins og þetta sé
meiriháttar meistaraverk?
Bæ í bili. Ég ætla að skreppa til
Bellu vinkonu og fara í andaglas, ef
það skyldi einhver góður draugur
geta hjálpað mér í þessari krísu.
Dúlla
Skemmtistaðurinn (Lækjar)-
tungl er á góðri leið með að verða
(ef ekki orðinn) besti vettvangur lif-
andi tónlistar hér á landi. Staðurinn
einskorðar sig ekki við innlenda
flytjendur, heldur flytur inn út-
lenda listamenn af krafti. Síðast var
það Pere Ubu en nú er það DE-
FUNKT, sem, eins og Pere Ubu, á
rætur að rekja til Bandaríkjanna.
Tónleikarnir verða nk. fimmtu-
dagskvöld, 3. nóvember, i Tunglinu.
Hljómsveitin var stofnuð í New
York l'yrir réttum áratug af þeim
Bowie-bræðrum Joseph, Lester og
Byron. Það var mikið að gerast í
tónlistarlífi borgarinnar á þessum
árum og var nýbylgjan m.a. að slíta
barnsskónum með hljómsveitum
eins og Talking Heads, svo dæmi
séu tekin. Fólk var að ryðja úr vegi
gömlum hefðum og jafnframt að
skapa nýjar. I þessu byltingar-
kennda andrúmslofti varð DE-
FUNKT til og komu áhrif þessara
nýju tónlistarstefna berlega fram í
tónlist hljómsveitarinnar. Pönktón-
list og fönk blönduðust einnig í tón-
smíðar sveitarinnar, sem eftir út-
koniu l'yrstu breiðskífunnar árið
1980 var kölluð „svalasta neðan-
jarðarsveit New York-borgar“.
Þegar hér var komið sögu hafði
Lester Bowie yfirgefið DEFUNKT
til að einbeita sér að trompetleik og
er iiú í dag einn sá virtasti á sínu
sviði. En DEFUNKT hélt ótrauð
áfram og 1982 kom út platan
Thermonuelear Sweat. Platan hlaut
fádæma lof gagnrýnenda og var af
mörgum kölluð meistaraverk.
En árið cftir leystist DEFUNKT
upp, aðallega vegna fikniefna-
neyslu Josephs Bowie, sem var orð-
inn djúpt sokkinn í heróinhyldýpið.
Það tók hann þrjú ár að losa sig við
fíknina og nú eru um tvö ár síðan
DEFUNKT var endurreist. Fyrir
skömmu kom svo út þriðja breið-
skífa sveitarinnar, In America. Þyk-
ir hún ekki síðri cn hinar tvær og
hel'ur vakið töluverða athygli
beggja vegna Atlantshafsins.
DEFUNKT hefur að undan-
förnu verið að spila í Evrópu og
héðan kemur hljómsveitin beint frá
Amstcrdam. Liðskipan hennar er
sem hér segir: Kim Annette Clark;
bassiogsöngur, Bill Bickford; gítar,
John Mulkerin; trompet, Kenny
Martin; trommur, Ronnie Drayton;
gítar, og Joseph (Joe) Bowie, sem
spilar á básúnu og syngur. DE-
FUNKT kemur fram á stærra og
breyttu sviði í Tunglinu þann 3.
nóvember eins og áður sagði. Því
íctti að vera nóg pláss fyrir Joe
Bowie, sem er víst æði skrautlegur á
sviði; oftast ber að ofan og í trimm-
buxum en gjarnan með básúnuna i
hendinni. Mikill ryþmi er í tónlist
GUNNAR H.
ÁRSÆLSSON
DEFUNKT og því ætti að vera
hægt að dansa nóg næstkomandi
fimmtudagskvöld í Tunglinu.
Tryggið ykkur miða!
bækur
Of mikið af því góða
MARGE PIERCY
Author of GONf ro saotíss

>' XaœL V '' fi
' / :'/í' i 1
), 'n > ' / #1,

VIDA
An exfroordínafy wotnon's
- ■> ' ' 'ýí ynyioíding possions ond poiifíCv
Titill: VIDA
Höfundur: Marge Piercy
Útgefandi: Fawcell Cresi
Lengd: 477 bls.
Verð: 363 kr. hjá Bókaverslun Sig-
fúsar Eymundssonar
Bókin fœst ekki hjá Máli og Menn-
ingu um þessar mundir.
Bandaríska skáldkonan Marge
Piercy hefur skrifað átta skáldsögur
og er orðin mjög þekkt, bæði í
heimalandi sínu og víðar. (Hún er
m.a. höfundur bókanna „Woman
on the Edgeof Time“ og „The High
Cost of Living“.) Konur eru gjarn-
an aðalpersónurnar í verkum
Piercy og þeir, sem eru mikið fyrir
að flokka hlutina niður í afmörkuð
hólf, myndu eflaust kalla sögur
hennar kvennabókmenntir. I krafti
þess var skáldkonunni líka boðið að
ávarpa konurnar á kvennaráðstefn-
unni, Nordisk Forum, í Osló. Piercy
afþakkaði hins vegar, þegar hún
komst að þvi að hún fengi ekki búnt
af dollurum fyrir. Það átti nefni-
lega ,,bara“ að greiða fyrir liana
l'lugfar og hótelkostnað.
Nóg um það. VIDA fjallar um
samnefnda bandaríska konu af ’68-
kynslóðinni, sem á tímum stríðsins
i Víetnam og stúdentaóeirða tók
þátt í alls kyns mótmælaaðgerðum
og jafnvel sprengjutilræðum.
Þannig komst hún á svartan lista og
þegar sagan hefst hefur Vida lifað
nokkurs konar neðanjarðariífi í
mörg ár. Hún er eftirlýst, verður að
fara huldu höfði og gæta þess að
stansa aldrei of lengi á sama stað.
Þetta er saga um afdrif unga
fólksins með hugsjónirnar, kröfu-
spjöldin, dreifibréfin og frjálsu ást-
irnar. Fólksins, sem sat alla sellu-
fundina og ætlaði að breyta heimin-
um. En VIDA er einnig ástarsaga.
Söguhetjan á eiginmann, sem hún
þráir að fá að vera hjá, en getur ein-
ungis hitt á margra mánaða fresti.
Hann hefur sína hentisemi í
kvennamálum — samkvæmt sam-
komulagi sem hann er-sáttari við en
hún. Síðan kynnist Vida ungum
manni, sem verður henni afar kær,
og þá gerast hlutirnir flóknir og sál-
arlífið erfitt.
Sagan um baráttukonuna Vidu
er mjög vel skrifuð og fyrr en varir
er lesandinn farinn a§ lifa sig inn í
þennan framandi heim flóttafólks,
sem getur á hverri stundu átt von á
því að verða handtekið. Fólks, sem
ekki getur einu sinni heimsótt ná-
komna ættingja á dánarbeðinn af
ótta við að vera gripið af útsendur-
um yfirvalda. Eini verulegi gallinn
við bókina er sá, að Pierey teygir
lopann óþarflega mikið. VIDA
hefði að skaðlausu getað verið svo
sem hundrað síðum styttri.
Það þarf töluverða enskukunn-
áttu til að njóta þessarar bókar, þó
ef til vill sé hægt að fylgja þræðin-
um sæmilega með miðlungsþekk-
ingu á málinu. Þetta er hins veg'ar
ekki þannig bók að spennandi
atburðarás beri mann hálfa leið,
eins og t.d. í morðsögum. Þeir, sem
ekki eru sterkir á enskusvellinu,
ættu þess vegna að leita á önnur
mið, en hinir geta átt nokkuð góðar
stundir við lestur VIDU.
JÓNÍNA
LEÓSDÓTTIR
ROKKPRESSAN
T O P P F 1 M M T Á N
1. U2 RATTLE AND HUM
2. KIM LARSEN YUMMI YUMMI '
3. DIRE STRAITS . MONEY FOR NOTHING (SAFNPLATA)
4. PET SHOP BOYS INTROSPECTIVE
5. JEAN MICHEL JARRE . . . REVOLUTION
6. PROCLAIMERS SUNSHINE AT LEITH
7. RAPTRAX ÝMSIR FLYTJENDUR
8. LEONARD COHEN I’M YOUR MAN
9. BOBBY McFERRIN SIMPLE PLEASURES
10. MAX MIX ÝMSIR FLYTJENDUR
11. OZZY OSBOURNE NO REST FOR THE WICKED
12. THE GO-BETWEENS 16 LOVERSLANE
13. BUBBI MORTHENS
14. KIM LARSEN MIDT OM NATTEN
15. GUNS’N’ROSES APPETITE FOR DESTRUCTION
| Listinn er byggöur á smásölu úr verslunum Steina hf., Skífunnar og Grammsins.
í BÆJARBÍÓI
lauj»ard. kl. 17.00
sunnud. kl. 17.00
Fáar sýningar eftir!
Midapantanir i sima 50184 allan
sólarhringinn
SKJALDBAKAN
KEMST ÞANGAO LÍKA
Höfundur Árni Ibsen
Leikstjóri Viðar Eggertsson
Leikmynd Guðrún S. Svavarsd.
Tónlist Lárus Grímsson
Lýsing Ingvar Björnsson
Leikarar Theodór Júlíusson og
Þráinn Karlsson.
7. sýn. fös. kl. 20.30
8. sýn. laug. kl. 20.30
Síðuslu sýningar!
Midasala opin Irá
kl. 14.00—18.00
Sala aðgangskorta er hafin.
EUmU<glNMI
ALÞÝÐULEIKHÚSIÐ
A»m»imt«niil v/Prryjugtitu
ELSKHUGINN
Höf. Harold Pinter
laugard. kl. 20.30
sunnud. kl. 16.00
Aðeins þessar tvær aukasýningar!
Miöapantanir allan sólarhringinn
i sima 15185 og i Ásmundarsal
tveimur timum fyrir sýningu.