Pressan - 09.11.1989, Blaðsíða 27

Fimmtudagur 9. nóv. 1989
27
sjónvarp
FINIMTUDAGUR
9. nóvember
Stöö 2 kl. 22.10
SAGAN AF TONY
CIMO
(Vengeance;
The Story of Tony Cimo)
Bandarísk sjón va rpsmynd
Gerö 1986
Leikstjóri Marc Daniels
Adalhlutuerk Brad Dauis, Roxanne
Hart, Brad Dourif.
Þetta er dálítið hrottaleg mynd, seg-
ir af manni sem tekur lögin í sínar
hendur til að hefna fyrir foreldra
sína sem voru myrtir á ógeðfelldan
hátt. Myndin er vart nema í meðal-
lagi. Kannski meira ofbeldi en gæði
á ferðinni.
FÖSTUDAGUR
10. nóvember
Sjónvarpið kl. 22.10
MÓNA LÍSA ****
(Mona Lisa)
Bresk bíómynd
Gerö 1986
Leikstjóri Neil Jordan
Adalhlutuerk Bob Hoskins, Cathy
Tyson, Michael Caine.
Ein af perlum breskrar kvikmynda-
listar hin síðari ár. Bob Hoskins var
tilnefndur til Óskarsverðlauna fyrir
leik sinn í myndinni og myndin
hlaut að auki Gullpálmann á kvik-
myndahátíðinni í Cannes, stærstu
verðlaun kvikmyndaheimsins.
Hoskins leikur smákrimma sem fær
það verkefni, eftir að hann iosnar úr
fangelsi, að vera bílstjóri hjá rán-
dýrri yfirstéttarmellu. Hann er
fremur einfaldur náungi en smám-
saman kemst hann að einu og öðru
um undirheima Lundúnaborgar og
líf konunnar sem hann vinnur hjá.
Galdurinn við myndina er öðru
fremur sá að áhorfandinn veit aldrei
meira en Hoskins sjálfur og er þess
vegna stöðugt að komast að nýjum
sannindum líkt og hann. Cathy Ty-
son þykir sýna frábæran leik, en
þetta var fyrsta mynd hennar, og Mi-
chael Caine er í einu sínu besta hlut-
■ verki í seinni tíð sem stórglæpamað-
ur. Glæsileg mynd á alla kanta. Frek-
ar fyrir fullorðna.
Stöö 2 kl. 22.15
HINGAÐ 0G EKKI
LENGRA ***’A
(Gal Young 'Un)
Bandarísk bíómynd
Gerö 1979
Leikstjóri Victor Nunez
Adalhlutuerk J. Smith-Cameron,
Dauid Peck, Dana Preu.
Ódýr mynd sem þykir hafa heppn-
ast með miklum ágætum. Gerist á
bannárunum og segir af ekkju sem
býr á búgarði í Flórída. Til hennar
kemur maður, sjarmerandi náungi,
sem heillar hana upp úr skónum og
áður en hendi er veifað eru þau
gengin í það heilaga. Það kemur þó
fljótlega í ljós að maðurinn hefur
annan mann að geyma en fyrst virt-
ist og hann ætlar að notfæra sér að-
stæður með því að reisa bruggverk-
smiðju á landareign eiginkonu sinn-
ar. Henni fellur það ekki allskostar
en hreyfir ekki mótmælum frekar,
þegar hinn fláráði eiginmaður hótar
einfaldlega að yfirgefa hana. Mynd-
in fær góða dóma hjá Maltin bless-
uðum, þrjár og hálfa stjörnu. Aðal-
lega fyrir góðan leik aðalleikara,
góða lýsingu á bannáratímabilinu
og afbragðsframmistöðu heima-
manna sem leika í myndinni.
Stöö 2 kl. 00.00
UPP FYRIR HAUS **
(Head over Heels)
Bandarísk bíómynd
Gerö 1979
Leikstjóri Joan Micklin Siluer
Adalhlutuerk John Heard, Mary
Beth Hurt, Peter Riegert, Kenneth
McMillan.
Mynd um þráhyggju. Ungur maður
verður ástfanginn af giftri konu sem
er viðskila við eiginmann sinn um
stundarsakir. Konan snýr aftur til
eiginmanns og barna en ástin lætur
ekki að sér hæða og ungi maðurinn
neitar að gefa ást sína til giftu kon-
unnar upp á bátinn. Hún snýst þó
fljótlega upp í þráhyggju og tekur á
sig ýmsar óskemmtilegar myndir.
Maðurinn veit af því að geðrænir
kvillar hafa verið algengir í ætt hans
og tekur að óttast um geðheilsu sína
í kjölfarið.
LAUGARDAGUR
11. nóvember
Stöð 2 kl. 20.45
MAÐURINN SEM BJÓ
ÁRITZ
(The Man who lived at the Ritz)
Bandarísk kuikmynd í tueimur
hlutum
Gerd 1988
Leikstjóri Desmond Dauis
Adalhlutuerk Perry King, Leslie
Caron, Cherie Lunghi, Dauid
McCallum, Sophie Barjac Patac-
hou o.fl.
Myndin ku hefjast árið 1927 þegar
ungur Bandaríkjamaður, Philip
Weber, kemur til Parísar og ætlar
sér að leggja stund á myndlist. Hann
sest að á Ritz-hótelinu, einu því allra
besta og frægasta í Parísarborg. Elli-
ær ættingi hans heldur honum
nefnilega uppi og Philip þarf ekki að
hafa miklar áhyggjur af lífinu og
stundar hið ljúfa líf óspart meðfram
myndlistinni. Svo bregður hinsveg-
ar við í myndinni að Þjóðverjar gera
innrás í Frakkland og hertaka París,
síðari heimsstyrjöldin í algleymingi,
en þetta gerist hins vegar á fimmta
áratugnum og Philip hefur því búið
á Ritz-hótelinu í meira en áratug.
Hann lendir í næsta herbergi við
Herman Göring, einn af æðstu
mönnum þriðja ríkisins, en höfuð-
stöðvar þýska hersins voru á
Ritz-hótelinu. Göring er ekki aðeins
stríðsmaður, hann hefur líka áhuga
á myndlist og sankar að sér mynd-
um meistaranna af frönskum söfn-
um ófrjálsri hendi. Síðari hlutinn
verður sýndur á þriðjudagskvöldið
næstkomandi.
Sjónvarpið kl. 21.40
0FURMENNIÐIII *»
(Superman 3)
Bandarísk bíómynd
Gerd 1983
Leikstjóri Richard Lester
Adalhlutuerk Christopher Reeue,
Richard Pryor, Jackie Cooper, An-
nette O'Toole, Robert Vaughn,
Margot Kidder.
Sú versta af Súperman-myndunum.
Fær lægstu einkunn hjá Maltin, eina
og hálfa stjörnu. Ekki vitglóra í öllu
peningaflæðinu, til að koma grínist-
anum Richard Pryor inn í myndina
var skrifaður sérstakur kafli um
tölvusnilling sem gefur vonda
manninum óafvitandi möguleika á
að sigrast á Súperman. Upphafsat-
riðið er laglegt en kemur bara því
miður úr allt annarri mynd ef að lík-
um lætur. Slökkvið.
Stöð 2 kl. 23.10
SAMNINGUR ALDAR-
INNAR **
(Deal of the Century)
Bandarísk bíómynd
Gerd 1983
Aöalhlutuerk Cheuy Chase,
Sigourney Weauer, Gregory Hines.
Mynd sem reynir að þræða ákaflega
erfiðan meðalveg, nefnilega að vera
spennumynd með gamansömu
ívafi. Á reyndar að vera einhvers-
konar háðsádeila á efnið, þ.e. alþjóð-
legt vopnasmygl og -sölu. Chevy
Chase leikur vopnasölumann sem
reynir að selja löndum þriðja heims-
ins annars flokks vopn. Hann hagn-
ast vel á þessum viðskiptum en
babb kemur í bátinn þegar vopna-
birgðirnar eru sprengdar í loft upp.
Sölumaðurinn kemst undan en
lendir fljótlega aftur í enn verra
klandri. Þessi mynd er því miður af-
ar misheppnuð, í henni eru nokkur
fyndin tilsvör en það er líka allt og
sumt. Handritið er misheppnað að
mestu, veit ekki í hvaða átt á að
stefna. Maltin gefur næstlélegustu
einkunn, tvær stjörnur.
Sjónvarpið kl. 23.45
FLAGÐIÐ
(Wicked Lady)
Bresk bíómynd
Gerö 1983
Leikstjóri Michael Winner
Aöalhlutuerk Faye Dunaway, Alan
Bates, John Gielgud, Denholm
Elliott.
Ensk hefðarkona lifir tvöföldu lífi,
hún hegðar sér sómasamlega á dag-
inn en á næturnar gerist hún harð-
svíraður stigamaður og rænir öllu
sem hönd á festir. Myndin er slöpp,
afspyrnu að því er Maltin segir. Samt
eru í henni margir af bestu leikurum
Breta, sjálfur John Gielgud og svo
bæði Bates og Elliott, sem eru með-
al þeirra alira bestu á hvíta tjaldinu.
En það dugar víst ekki alltaf til.
Stöð 2 kl. 2.10
HITI ***
(Steaming)
Bresk bíómynd
Gerö 1985
Leikstjóri Joseph Losey
Adalhlutuerk Vanessa Redgraue,
Sarah Miles, Diana Dors, Patti
Loue, Felicity Dean o.fl.
Nafn myndarinnar er dregið af því
umhverfi sem hún gerist í. Nokkrar
konur hittast reglulega í gufubaði
og ræða leyndarmál sín, gleði og
sorgir. Myndin er gerð eftir leikriti
Nell Dunn sem vakti athygli á sínum
tíma en myndin nær ekki að skila
verkinu nógu vel. Það er sérstak-
lega húmor leikverksins sem missir
sín í myndinni og það má ekki ger-
ast. Annars er þetta alls ekki slæm
mynd, hún er vel leikin af nokkrum
helstu leikkonum Breta. Kannski er
hún þó merkilegust fyrir það að
þetta var síðasta mynd leikstjórans
og einnig síðasta mynd Díönu Dors,
þeirrar þekktu kynbombu fyrri
tíma.
dagbókin
hennar
Aldrei hefði ég trúað því að engin
mús gæti verið milljón sinnum verri
en margar mýs. En þannig er það nú
samt. (Þetta minnir mann soldið á
gátuna, sem Addi bróðir er með á
heilanum þessa dagana. Hún er
svona: Hvort er betra sönn ham-
ingja eða ostasamloka? Svar: Osta-
samloka. Ekkert er nefnilega betra
en sönn hamingja og ostasamloka
er betri en ekkert! Eða þannig...)
Það hefur sem sagt engin mús
fundist hjá ömmu á Einimelnum, þó
öll familían hafi verið á fullu við að
leita alla síðustu helgi. Músaskítur-
inn í gluggakistunni var hins vegar
engin ímyndun og ekki heldur mýsl-
urnar, sem hoppuðu og skoppuðu
fyrir framan heimilishjálpina. Og
þær geta ekki hafa sloppið út, svo
einhvers staðar hlýtur að vera
meiriháttar músafelustaður. En
þangað til hann finnst ætlar amma
ekki að stíga fæti sínum aftur inn á
Einimelinn.
Henni datt náttúrulega ekki í hug
að flytja til einhverra af þessum
óteljandi vinkonum sínum, sem hún
talar hvort sem er við í símanum all-
an liðlangan daginn. Nei, hún flutti
auðvitað til okkar. Ekki nóg með
það. Hún heimtaði mitt herbergi,
þannig að ég neyðist til að sofa á sóf-
anum í stofunni. (Mamma ætlaði að
láta mig sofa á dýnu inni hjá Adda
bróður, en ég hefði nú ekki orðið
eldri. Glætan, maður... Ég fengi ör-
ugglega martröð á nóinu við að sofa
innan um öll skrímslin og hermenn-
ina, sem hann er með upp um alla
veggi. Þetta barn er ekki eðlilegt!)
Ég er samt ekkert hress með að vera
í stofunni, en þakið ætlaði af húsinu
þegar ég bauðst til að búa bara ein
á Einimelnum þangað til mýsnar
fyndust. Meira að segja amma, sem
getur verið voða líbó, sagði að þetta
kæmi ekki til mála. Það yrðu örugg-
lega standandi partý hjá mér og þá
myndi húsaverðið í götunni hrynja
og henni yrði kennt um allt. Ég
reddaði þessu hins vegar með því að
bjóðast til að vökva fyrir hana, svo
ég er alltaf með lykilinn og get stol-
ist þangað inn með nokkra krakka,
ef mér sýnist!
Það er verra með ástandið heima.
Amma og mamma hafa aldrei verið
neinar perluvinkonur, en núna eru
þær sko komnar í stríð. Amma vals-
ar ein á heimilinu allan daginn og er
búin að færa öll húsgögnin til eftir
sínum eigin smekk, þegar mamma
kemur heim úr vinnunni. Svo leitar
hún að styttum og dóti, sem hún
hefur gefið pabba og mömmu í jóla-
og afmælisgjafir en þau hafa lokað
inni í skáp, og stillir þessu upp út um
allt. Og á kvöldin situr hún sem fast-
ast inni í stofu, þó konur komi i
heimsókn til mömmu, þannig að allt
er gjörsamlega á suðupunkti. Það er
verst að pabbi skuli ekkert skipta
sér af þessu, en ég held að hann sé
bara skíthræddur við þær báðar og
þori ekki fyrir sitt litla líf að halda
með annarri hvorri. (Mamma myndi
hætta að sofa hjá honum, en amma
myndi hóta að láta Fríðu föðursyst-
ur erfa Kjarvalsmálverkið, sem
hann er svo hrifinn af!) Þess vegna
er þetta orðið spursmál um líf og
dauða að finna mýsnar sem fyrst og
kála þeim, áður en mamma og
'amma kála hvor annarri.