Pressan - 19.07.1990, Blaðsíða 19
19
Fimmtudagur 19. júlí 1990
NÆSTA
Stórmyndin um Dick Tracy kostaði þrjá og hálfan milljarð króna og nú vona framleiðendur að teiknimynda-
spæjarinn holdi klæddur geri það jafngott og Batman í fyrra.
um teiknimyndapersónuna
Dick Tracy hefur nú verið
frumsýnd erlendis og vona
framleiðendur að Tracy-æði
(sbr. Batman, Súperman o.fl.)
grípi um sig í kjölfarið. í sept-
embermánuði hefjast sýning-
ar á þessari dýru kvikmynd
hér á íslandi, en þekkingar-
ieysi Evrópubúa á Tracy spæj-
ara gæti valdið því að „æðið“
yrði ekki jafnútbreitt og vonir
standa til.
EFTIR JÓNÍNU LEÓSDÓTTUR
Það kostar engan smápening að búa til
„stórmyndir" í Hollywood. Af nýlegum kvik-
myndum má t.d. nefna að Die Hard II kost-
aði 92 milljónir dollara og Total Recall 87
milljónir dollara. Og þegar um svo svimandi
upphæðir er að ræða er auðvitað eins gott
að fjárfestingin skili arði.
Fyrir skemmstu var byrjað að sýna mynd-
ina Dick Tracy í kvikmyndahúsum fyrir
vestan haf og tvær vikur eru síðan sýningar
hófust í Bretlandi. Kostaði myndin 62 millj-
ónir dollara, eða um þrjá og hálfan milljarð
króna, og nú bíða aðstandendur hennar með
öndina í hálsinum eftir því hvaða móttökur
hún fær hjá kvikmyndahúsagestum. Þó er
kannski ekki beinlínis rétt að segja að þeir
,,bíði“. Framleiðendurnir, Walt Disney-fyr-
irtækið, sitja nefnilega ekki auðum höndum
heldur gera allt sem í þeirra valdi stendur til
að kynda undir ,,Dick Tracy-æði“ í stíl við
ýmis fyrri ,,æði“ — t.d. kennd við kappana
Súperman og Batman.
Hver er þessi Dick Tracy?
Segja má að myndin um Dick Tracy sé hug-
arfóstur leikarans og kvennabósans Warren
Beattys, sem bæði leikstýrir henni og leikur
aðalhlutverkið — og mun eiga að fá litlar 40
milljónir dollara fyrir vikið. (Beatty er raunar
orðinn 53 ára gamall og telja margir erlendir
kvikmyndagagnrýnendur hann alltof gaml-
an í hlutverk spæjarans. Þeir segja, að til-
raunir til að fela hrukkur og aukakíló heppn-
ist einfaldlega ekki.) Hann hefur róið að því
öllum árum síðastliðin fimm ár að myndin
yrði gerð, þar sem hann hefur frá barnsaldri
verið mikill aðdáandi teiknimyndapersón-
unnar Dick Tracy.
Warren Beatty er ekki einn um að dást að
Dick Tracy. Flestir Bandaríkjamenn kannast
við þessa teiknimyndasögu og vita einhver
deili á spæjaranum og þeim pörupiltum, sem
hann á í höggi við. Þetta á hins vegar ekki við
annars staðar í heiminum og stendur það
kvikmyndinni ef til vill eitthvað fyrir þrifum
í Evrópu. Það hefði í það minnsta þurft að
kynna forsögu persónanna snemma í mynd-
inni, en það er ekki gert nægilega og hafa
gagnrýnendur á Bretlandi t.d. fundið að því
Madonna tekur sig vel út í gervi frá fjórða
áratugnum, þó ekki sé hún beinlínis eft-
irmynd persónunnar „Breathless
Mahoney" í teiknimyndasögunum.
Svona lítur vondi karlinn „Pruneface"
(Sveskjuandlit) út — annars vegar í
teiknimyndasögunum og hins vegar í
kvikmyndinni.
í umfjöllun eftir frumsýninguna þar í landi
þann 6. júlí síðastliðinn. (I stuttu máli má
segja að Dick spæjari sé góði gæinn og allir
hinir vondir!)
Óþekkjanlegar stórstjörnur
Þekktir leikarar voru ekkert sérlega áfjáð-
ir í hlutverk í myndinni. Beatty er hins vegar
Ljóti karlinn
„Flattop" (Flat-
haus) verður til.
Warren Beatty í hlutverki góða
spæjarans Dick Tracy.
þekktur fyrir að geta talað menn til og þann-
ig tókst honum að fá til liðs við sig menn eins
og Robert De Niro, James Caan, A1
Pacino, David Bowie, Dustin Hoffman og
Dick Van Dyke. Þeir eru hins vegar gjör-
samlega óþekkjanlegir á hvíta tjaldinu, eftir
að förðunarmeistarar höfðu farið um þá
höndum og með ýmsum ráðum gert þá sem
líkasta frummyndunum, þ.e.a.s. teikni-
myndapersónunum.
Þar með er myndin orðin ein allsherjar
gáta og er tilgangurinn auðvitað m.a. sá að
kynda undir forvitni og áhuga á verkinu. Be-
atty er líka sagður hafa íhugað að fá Ronald
Reagan til að leika einn „ljóta karlinn", en af
einhverjum ástæðum varð þó ekki úr því.
Madonna slær í gegn
En það eru ekki bara karlhlutverk í mynd-
inni. Dick Tracy á t.d. ljúfa kærustu og svo er
glæpakvendi nokkurt sífellt að reyna að af-
vegaleiða þennan heiðarlega og hálftrúlof-
aða spæjara. Það er söngkonan Madonna,
sem leikur þá síðarnefndu, og þurfti hún að
keppa um hlutverkið við þekktar leikkonur
eins og Melanie Griffith, Kathleen Turn-
er, Michelle Pfeiffer og Kim Basinger.
Það hefur hins vegar tæpast spillt mikið fyrir
henni að vera í ástarsambandi við höfuð-
paurinn, Warren Beatty.
Raunar er val Madonnu í hlutverk
„Breathless Mahoney" álitið alveg snilldar-
legt. Ekki svo að skilja að hún sé svo frábær
leikkona, heldur sökum þess að hún mun
laða að myndinni unga áhorfendur, sem
aldrei hafa heyrt minnst á Beatty og félaga.
Kvikmyndagagnrýnendur bresku blað-
anna eru hrifnir af Madonnu í þessu hlut-
verki. Segja þeir hana taka sig sérlega vel út
í gervinu og að kvikmyndatökuvélin „elski
haná', eins og það er orðað í Sunday Ex-
press.
Bónorðið tók 18 ár
Kærasta spæjarans er leikin af Glenne
Headly, en hlutverkið er ekki stórt. í teikni-
myndunum var Tracy mjög lengi að bera upp
bónorðið. Hann byrjaði á því árið 1931 (sama
ár og teiknimyndasagan hóf göngu sína), en
lauk því ekki fyrr en árið 1949! Glæpakvend-
ið, sem Madonna leikur, er hins vegar ekki
lengi að átta sig á þessari óttalegu óákveðni,
sem hrjáir spæjarann. Hún spyr hann beint
út: „Ætlar þú að reyna við mig eða þarf ég
að gera allt?‘
Eins og fyrr segir er myndin um Dick Tracy
væntanleg til íslands í september og verður
væntanlega frumsýnd samtímis bæði í Bíó-
höllinni og Bíóborginni í Reykjavík. Enn
sem komið er hefur lítið verið fjallað um
hana í íslenskum fjölmiðlum, en þeim mun
meira erlendis. Þar er einnig byrjað að selja
alls kyns varning tengdan kvikmyndinni, líkt
og venja er orðin með stórmyndir. Fram-
leiddir hafa verið margir munir með mynd-
um af Dick Tracy, svo sem bolir, úr, kaffi-
krukkur, barmmerki og fleira. Og þeir, sem
vilja hræða vini og kunningja, geta keypt
andlitsgrímur með eftirlíkingu af förðun
Ijótu karlanna og er „Pruneface" („Sveskju-
andlit") víst vinsælastur.