Pressan - 08.11.1990, Síða 9

FIMMTUDAGUR PRESSAN 8. NÓVEMBER
9
milljónir norskra króna í óaftur-
kræfum lánum. Mestur hluti þessara
lánsloforða var efndur.
STÓRT GJALDÞROT
Gjaldþrot Lindalax er stórt. Kröf-
ur í búið voru um 1.100 milljónir
króna.
Den norske Creditbank og ís-
landsbanki stofnuðu með sér félag-
ið Laxalind til að freista þess að firra
sig frekara tjóni. Laxalind keypti all-
an fisk af þrotabúinu, fyrir 368 millj-
ónir króna. Þá keypti Laxalind stöð-
ina sjálfa á 317 milljónir. Kaupverðið
miðaðist við veðkröfur sem bank-
arnir áttu á hendur Lindalaxi. Auk
þessa féllu bankamir frá 90 milljóna
króna veðkröfum. Aðrar skuldir
þrotabúsins eru miklar. Almennar
kröfur eru 165 milljónir, aðrar veð-
kröfur 160 milljónir og forgangs-
kröfur eru 5 milljónir. Samtals eru
þetta yfir 1.100 milljónir króna.
Litlar sem engar eignir eru eftir til
skipta. Lítið eða ekkert notuð súr-
efnistæki, sem keypt voru á 17 millj-
ónir, eru óseld. Þá er eitt riftunar-
mál í gangi. Ef það vinnst koma 4,4
milljónir auk vaxta til skipta.
Þá er eftir að sjá hvort hluthafar, í
krafti dómstóla, verða látnir greiða
inn þann hluta hlutafjár sem ekki
var greiddur í reiðufé.
MÁL VERÐUR HÖFÐAÐ
„Þetta mál verður rætt á skipta-
fundinum. Bústjórarnir tilkynna þá
hvort grundvöllur sé til að höfða
mál. Nokkrir af stærri kröfuhöfum
hafa óskað eftir að þetta verði kann-
að gaumgæfilega. Það hefur komið
til tals að kröfuhafar reki málið sjálf-
ir ef skiptastjórar telja ekki ástæðu
Porvaldur í Síld og fisk og félagar
REYNDU AÐ
LOSNA ÚT
Deilur eru milli þrotabúsins og
landeigenda um hvort landeigend-
ur hafi verið hluthafar þegar fyrir-
tœkið varð gjaldþrota. Landeigend-
ur hafa stofnað félagið Vatnsleysu til
að fara með þetta mál afsinni hálfu.
10. maí 1989 gerðu Lindalax og
landeigendurnir samkomulag eða
viljayfirlýsingu um að Lindalax
skyldi kaupa hlutabréf landeigend-
anna í félaginu.
TVÆR FLUGUR í EINU HÖGGI
í skýrslu Sigurðar Pálssonar
endurskoðanda segir um þetta mál:
„Ætlunin var helst að Lindalax hf.
útvegaði nýjan eða nýja hluthafa til
að eignast þessi hlutabréf. Átti
Lindalax að gefa út skuldabréf til
Vatnsleysu fyrir andvirði hlutabréf-
anna en nýr hluthafi eða hluthafar
að greiða andvirðið inn í félagið.
Sýnilega átti að slá tvær flugur í
einu höggi. Annars vegar áttu land-
eigendur að losna úr félaginu, en
nokkurt ósætti mun hafa verið kom-
ið upp í hluthafahópnum, og jafn-
framt hefðu þeir jrannig fengið leigu
sína greidda í reiðufé á leigutíman-
um. I annan stað hefði félagið með
þessu fengið verð bréfanna til sín í
reiðufé en greitt það aftur til land-
eigenda á löngum tíma.“
Aðilar voru sammála um að
Lindalax skyldi leysa til sín skulda-
bréfin þó nýir eigendur fyndust
ekki. Það skyldi gerast eigi síðar en
10. maí 1990. Lindalaxi tókst ekki
að finna nýja hluthafa áður en félag-
ið varð gjaldþrota. Félagið hafði
greitt landeigendum 4,4 milljónir.
SAMNINGI VIÐ
LANDEIGENDUR RIFT
Skiptastjórarnir hafa höfðað rift-
unarmál vegna samnings Lindalax
og landeigenda.
I skýrslu Sigurðar segir að ekki
hafi verið ætlunin að Lindalax leysti
til sín hlutabréf landeigendanna
með þeim hætti að eiginfjárstofn fé-
lagsins minnkaði. Hann segir að
vandséð hafi verið hvernig slík
áform gætu staðist hlutafélagalög,
sérstaklega þegar þess er gætt að fé-
lagið rambaði á barmi gjaldþrots.
Landeigendur áttu fulltrúa í stjórn
og sátu hluthafafundi fram á síðasta
dag.
„Að ofansögðu er það skoðun
undirritaðs að landeigendur hafi
enn verið hluthafar í Lindalaxi hf.
þegar félagið komst í þrot. Leigu
fyrir aðstöðuna að Vatnsleysu höfðu
þeir á sínum tíma fengið greidda
fyrirfram til 25 ára með hlutabréf-
um í félaginu. Kaupandi laxeldis-
stöðvarinnar, Laxalind hf„ hefur
þannig um leið eignast fullan rétt til
að nýta þessi réttindi án sérstakra
greiðslna. Greiðslan til Vatnsleysu
er fyrirframgreiðsla á sölu sem ekki
varð, og er því endurkræf," segir í
skýrslu Sigurðar Pálssonar endur-
skoðanda.
til að hefja málsókn," sagði Jóhann-
es Sigurðsson, lögmaður Húsa-
ness. Húsanes er með stóra kröfu á
hendur Lindalaxi.
„Vandamálið er að lítið hefur
reynt á þessi ákvæði. Dómstólar
hafa lítið fengist við túlkun á þess-
um lagaákvæðum. Það yrði að taka
á ákvæðum sem ekki hefur reynt á
áður,“ sagði Jóhannes.
Ef af málsókn verður, verður
þetta þó prófmál?
„Já. Þetta getur orðið mjög
merkilegt mál. Það er heimilt að
stofna hlutafélag án þess að greiða
allt hlutafé með reiðufé. í þessu máli
snýst allt um það að tilkynnt var til
hlutafélagaskrár að hlutafé yrði
greitt með reiðufé Við lítum þannig
á að það megi treysta því sem til-
X.
kynnt er til hlutafélagaskrár," sagði
Jóhannes Sigurðsson.
KRAFA UM AÐ SKIPTASTJÓRI
VÍKI
Skiptastjórar í þrotabúi Lindalax
eru tveir, Ingi H. Sigurðsson og
Jón G. Briem. Þeir eru báðir lög-
menn í Keflavík. Jón G. Briem hefur
verið ráðinn yfirmaður lögfræði-
deildar íslandsbanka. Hann tekur
við því starfi um áramót.
Kröfuhafar hafasett fram þá kröfu
að Jón víki sæti sem skiptastjóri.
Þeir segja hann ekki geta haldið
þessu starfi sem í Ijósijress að hann
hefur verið ráðinn til Islandsbanka.
Þeir segja bankann eiga hagsmuna
að gæta og eins segja þeir að Þor-
valdur Guðmunckson, en hann á
sæti í bankaráði íslandsbanka, eigi
mikilla hagsmuna að gæta við með-
ferð þrotabúsins.
„Við erum ekki að segja að þetta
hafi komið niður á störfum Jóns. Sú
hætta er til staðar, og ég tel fráleitt
að Jón haldi áfram að gegna starfi
bústjóra. Hann var bústjóri Vogalax
þegar hann var skipaður yfirmaður
lögfræðideildar íslandsbanka.
Hann sagði af sér starfi fyrir það
þrotabú og sama á hann að gera í
þrotabúi Lindalax," sagði lögmaður
sem vinnur fyrir einn kröfuhafanna.
ÆTLA EKKI AÐ VÍKJA
„íslandsbanki hefur fengið allar
sínar kröfur greiddar og á því ekki
hagsmuna að gæta. Eg hef rætt
þetta við Þorstein Pétursson skipta-
ráðanda og ég er ákveðinn í að víkja
ekki sæti sem skiptastjóri í þrotabúi
Lindalax," sagði Jón G. Briem.
Sigurjón M. Egilsson
Eiríkur Tómasson
ÓHRÆDDUR VIÐ AÐ ÞETTA VERÐI SKOÐAÐ
„Tvö atriði skipta miklu málisem
ég tel nauðsynlegt að komi fram.
Seafood Development og Draupn-
issjóðurinn lögðu inn svokölluð
víkjandi lán. Pau lán eru jafngildi
hlutafjár þegar til gjaldþrots kem-
ur. Þau tapast þar sem fyrir þeim
eru engar tryggingar," sagði Eirík-
ur Tómasson hœstaréttarlögmað-
ur.
Eiríkur var stjórnarformaður
Lindalax. Hann lét af því starfi um
tveimur mánuðum áður en fyrir-
tækið var úrskurðað gjaldþrota.
„Ef menn telja að hallast hafi á
Seafood Development er ljóst að
þeir hafa greitt peninga í formi
víkjandi láns og það reiknast, ef
einhver mismunur er, sem hluti
hlutafjár. Það er Ijóst þegar þetta
er skoðað að þeir hafa greitt inn, í
reiðufé, sem nemur nokkurn veg-
inn þeirra hlutafé ásamt mínu.
Þetta breytir þessu dæmi mikið.
Lánardrottnar eiga ekki kröfu á að
meira liggi en það sem nemur
hlutafénu.
Þetta er allt rakið í ársreikning-
um. Fyrirtækið var mikið í samn-
ingaviðræðum við banka, bæði
hér á landi og erlendis. Það var því
farið rækilega í þetta allt saman.
Þegar Draupnissjóðurinn kom inn
með hlutafé kynnti hann sér ræki-
lega hvernig hlutafé hafði verið
greitt inn í félagið. Ég verð að
segja að það kemur mér óskap-
lega mikið á óvart að þetta skuli
tekið upp. Þetta er ekki í fyrsta
sinn sem menn hafa stór orð í garð
okkar sem stóðum að þessu félagi.
Þau stóru orð hafa öll orðið að
engu þegar málin hafa verið skoð-
uð. Ég er óhræddur við að þetta
mál verði skoðað," sagði Eiríkur
Tómasson.
|f
I^Kaupmennirnir í Fjölmiðlun
sf„ sem keyptu sig inn í Stöð 2, eru
nú að láta lögmenn skoða viðskipti
sín við Eignarhalds-
félag Verslunar-
bankans. Munu þeir
meðal annars vera
að láta athuga hvort
þeir hafi fengið rétt-
ar upplýsingar um
efnahagsreikning fé-
lagsins. Þeir sem hafa barist mest
fyrir þessari endurskoðun eru þeir
Bolli Kristinsson í 17, Skúli Jó-
hannesson í Tékk-Kristal og Garð-
ar Siggeirsson í Herragarðinum.
Er búist við að í kjölfarið komi
krafa um endurgreiðsíu...
að urðu mikil fundahöld með-
al fanga á B-gangi Litla-Hrauns um
daginn, þegar þeir uppgötvuðu að
þeirra á meðal væri eyðnisýktur
fangi. Mikillar reiði gætti út í fang-
elsismálayfirvöld fyrir að leyna þá
þessari vitneskju, enda samlíf þarna
allt mjög náið, hvort sem mönnum
líkar betur eða verr. Fanginn mun
nú vera kominn á spítala, en í þessu
tilviki var hann að hefja afplánun á
níunda fangelsisdómi sínum. Það
sem kannski er hvað athyglisverð-
ast í málinu er að sá fangi sem
harðast mótmælti þessu „mannrétt-
indabroti“ var Steingrímur Njáls-
son...
likill doði er sagður í próf-
kjörsbaráttu Sjálfstæðisflokksins á
Reykjanesi. Jafnvel svo að þátt-
takan verði dræmari
en oft áður. Sá eini
sem sagður er geta
sett strik í reikning-
inn og skapað
spennu er Árni
Mathiesen, sonur
Matthíasar, oddvita
sjálfstæðismanna í kjördæminu,
sem gefur nú ekki kost á sér. Árni er
sagður eiga möguleika á að skjóta
Salome Þorkelsdóttur aftur fyrir
sig á listanum, þótt ekki fái hann
haggað Ólafi G. Einarssyni í fyrsta
sæti. Stuðningsmenn Árna eru hins
vegar raunsæir og vilja tryggja hon-
um þriðja sætið. Allt annað væri
stórsigur. ..
I síðustu viku mættu starfs-
menn Ríkisendurskoðunar á skrif-
stofur Bifreiðaprófa ríkisins og
höfðu á brott með sér bókhald fyrir-
tækisins. Gagnrýnendur stofnunarinnar
eru ekki í vafa um að þetta sé vegna
gruns um óreiðu hjá Guðjóni
Andréssyni forstöðumanni og að
Ríkisendurskoðun hafi m.a. verið
bent á óeðlilega leigu stofnunarinn-
ar á húsnæði á Bíldshöfða 8, sem
stendur þó ónotað, og að stofnunin
leigi vörubifreið til kennslu á fráleit-
um kjörum, ríflega 300 þúsund
krónum á mánuði. Þessu neitaði
hins vegar Halldór V. Sigurðsson
ríkisendurskoðandi aðspurður og
sagði að enginn grunur um óheiðar-
leika væri á ferðinni, heldur reglu-
bundin skyndiskoðun, sem títt væri
framkvæmd meðal stofnana og fyr-
irtækja ríkisins...