Pressan - 25.04.1991, Side 16

16
FIMMTUDAGUR PRESSAN 25. APRÍL 1991
VIÐ RONKUÐUM VIÐ OKKUR
MEÐ HVÍTAR STÚDENTSHÚFUR
ÖFGASINNAÐI JAFNAÐARMAÐURINN GUÐMUNDUR BRYNJÓLFSSON í LÉTTU SPJALLI
Hver skyldi hann vera
þessi talsmaður öfgasinn-
aðra jafnaðarmanna sem
sumir vilja meina að hafi
unnið stærsta stjórnmála-
sigurinn á Reykjanesi?
Guðmundur Brynjólfsson
bókmenntafræðinemi er
langt í frá ræðinn um sjálf-
an sig þó að annað mætti
ef til vill ætla af fram-
göngu hans í stjórnmálum,
en Reyknesingar fengu
smjörþefinn af því nú í
kosningabaráttunni. Hann
segist sjálfur vera mjög
lokaður og hafi gífurlegan
sviðsskrekk í hvert skipti
sem hann þarf að koma
fram. Hjartsiættinum linni
þá fyrst að hann stendur á
sviðinu. Hann er fæddur í
sporðdrekamerkinu og
segist hafa verið tortrygg-
inn í garð stjörnuspeki
þangað til hann las lýsingu
á sporðdrekanum. Hann
segir það mögulega tilvilj-
un en að lýsingin falli eins
og flís við rass.
„Ég hlaut mjög strangt pól-
itískt uppeldi hjá ömmu
minni,' segir Guðmundur er
við höfum komið okkur fyrir
á kaffihúsinu Tíu dropum við
Laugaveg. „Grunnurinn að
því uppeldi var sá að allt væri
skömminni skárra en íhaldið.
Sú kenning á enn fullan rétt á
sér nema hvað íhaldið er
komið svo víða. Þó að við
Nikulás Ægisson annar mað-
ur á listanum séum báðir
nafntogaðir kommúnistar í
Keflavík er listinn ekki bor-
inn uppi af mönnum sömu
skoðunar. Ég held að fylgi
okkar í kosningunum komi
frekur upp um ákveðinn
leiða á gömlu flokkunum og
jafnvel hálfgerða fyrirlitn-
ingu á málflutningi þeirra. Ég
var ekki höfuðpaur þessa
framboðs. Það var hringt í
mig og ég beðinn um að taka
efsta sætið á lista."
FÓLK KÝS EKKI TIL AÐ
VERA SNIÐUGT
„Fólk kýs ekkí til að vera
sniðugt. Það neitar öðru
fremur að trúa þessum kosn-
ingaloforðum sem fulltrúar
flokkanna veigra sér við að
uppfylla. Það er til dæmis at-
hyglisvert að strax eftir að
kjörstöðum er lokað eru
dregnar upp úr dragkistunni
gömlu grýlurnar þeir Jó-
hannes Nordal og Þórður
Friðjónsson. Þeir fóru með
þennan vanalega formála
fyrir svikunum og sögðu fólki
að það væru einkenni um
þenslu í þjóðfélaginu. Þar
með var komin afsökunin
sem vantaði til að svíkjast um
að hækka lægstu launin í
landinu."
SLEIT BARNSSKÓNUM
INNAN UM SAUÐFJÁR-
BÆNDUR OG GRÁ-
SLEPPUKARLA
Guðmundur er alinn upp á
Vatnsleysuströndinni:
„Ég sleit barnsskónum inn-
an um sauðfjárbændur og
grásleppukarla; það góða
fólk. Eg bjó í dreifbýlinu en
ekki í Vogunum sjálfum og
var mikið hjá afa og ömmu
sem bjuggu á næsta bæ. Það
voru nokkrir krakkar í kring,
mest frænkur og frændur
sem bjuggu eða voru í sveit
hjá afa og ömmu. Ég gekk í
lítinn sveitaskóla á ströndun-
um og var orðlagður þar fyrir
að vera kjaftfor. Þangað
komu einnig krakkar úr Vog-
unum þannig að við vorum
svona fimm eða sex saman í
bekk. Auðvitað finnst hverj-
um og einum sín bernska
hafa verið best en ég stend í
þeirri meiningu að við höfum
leikið okkur meira en al-
mennt gerist um krakka
núna. Hitt er annað mál og
ekki að öllu leyti jákvætt að
krakkar vilja fullorðnast fyrr
á svona stöðum. Þau fara fyrr
að taka þátt í atvinnulífinu.
VAR MJÖG RÓLEGUR
UNGLINGUR
Krakkarnir af Vatnsleysu-
ströndinni komu í Gagn-
frœðaskólann í Keflavík í 9.
bekk ásamt krökkum úr
Grindavík. Pá bar strax á
Guðmundi í rœðumennsk-
unni. Kanasjónvarpið var sí-
gilt umfjöllunarefni í Gagn-
frœðaskólanum í Keflavík og
í einum slíkum umrœðum á
sal skólans þótti meirihlutan-
um sem oftar að afnám þess
á sínum tíma hefði verið mik-
ið harmsefni ogKeflvíkingum
bœri að leita réttar síns og fá
það aftur. Þá stóð Guðmund-
ur upp og var œgilegur
ásýndum enda hafði lamast á
honum annað augnlokið og
slútti það niður fyrir vinstra
augað. Hann hvessti augun
fram í salinn og þrumaði: ,,Ef
Kanasjónvarpið kemur aftur
lœt ég loka á mér hinu aug-
anu líka.“
„Þó að ég væri kjaftfor í
barnaskóla var ég mjög ró-
legur þegar komið var til
Keflavíkur. Ég veitti þörf
minni til að láta á mér bera
helst útrás í ræðustólnum.
Mér þótti sem þessar
mælskukeppnir væru fárán-
legar. En mér þótti samt gam-
an að koma fram en var hálf
tregur til að fylgja þessari ut-
anbókarlærðu línu. Ég er
náttúrlega öfgasinnaður
þverhaus og það skín sjálf-
sagt úr öllu sem ég hef tekið
mér fyrir hendur."
SKRÍLSLÆTIN TENGDU
OKKUR SAMAN
Nú héldu krakkarnir af
Vatnsleysuströndinni mikið
saman svo og krakkarnir úr
Grindavík. A þessum tíma
var Dagblaðið uppfullt af
sögum um hverslags skríll
þrifist meðal unglinga í
Grindavík:
„Það voru kannski sk: íls-
lætin sem tengdu okkur sam-
an. Það voru mikil umskipú
að koma úr iitla sveitaskólan-
úm á ströndinni og í skólann
í Keflavík þar sem voru tæp-
lega þrjátíu krakkar í hverj-
um bekk. En í Keflavík kynnt-
ist ég nú aðallega skólaleti."
LENTU UNDIR SÓPNUM
Síðan lá leiðin til œðri
mennta og fróðleiks í Fjöl-
brautaskóla Suðurnesja:
„Já, þaðan sem ég útskrif-
aðist að lokum eftir langa
mæðu. Ég var gjarnan aðra
önnina við nám þennan tíma
og féll stöðugt í stærðfræði.
Og þýskan var mér einnig
óvinveitt. En ég var svo hepp-
inn að það var skipt um
þýskukennara og við færð-
umst því nokkur sem höfðum
verið þaulsetin billega milli
áfanga. Ég er líka með krón-
íska andstyggð á leikfimi og
finnst hún með afbrigðum
vitlaus. Ég var með vottorð
upp á það líkt og fleiri. Ég er
ekki að segja með þessu að
ég hafi ekki átt skilið að út-
skrifast en við lentum undir
sópnum nokkrir saman ein
jólin og rönkuðum við okkur
fyrir utan skólann með hvítar
stúdentshúfur á hausnum og
höfðum þá verið æði lengi
að.“
KOMST TVISVAR Á
ÞRÖSKULDINN
Þú varst ástfanginn af leik-
listargyðjunni og reyndir fyrir
þér á því sviði?
„Já, ég er ekki í neinum
vafa um að ég er mesta leik-
araefni sem hefur þreytt inn-
tökupróf í Leiklistarskóla ís-
lands. Leiklistarskólinn
reyndist hinsvegar ekki vera
á sama máli. Ég komst tvisv-
ar á þröskuldinn en ekki
lengra eftir að hafa beðið í of-
væni eftir að ná aldri til að
þreyta prófið. Ég er samt ekki
að álasa skólanum þeir gerðu
bara þau mistök að sjá ekki
leikarann í mér. Kannski var
það eins gott því þeir eru æði
margir leikararnir sem ganga
atvinnulausir eða fást við
smíðar fyrir sjónvarpið. En
það losnar enginn við leik-
aradrauminn og ég hef jafn-
vel í huga að læra leikstjórn
eða leikritun."
LES EINKUM LEIKBÓK-
MENNTIR
Voru framboösmálin ekki
stœrsti performansinn til
þessa?
„Jú tvímælalaust og stærsti
sigurinn var sá að Víkverji J v
Mogganum skyldi sjá ástæðu
til að fjargviðrast út af því að
við hefðum eyðilagt eitthvað
kosningaforrit sem hefði ver-
ið hannað fyrir tíu flokka en
ekki ellefu."
Nú ertu í bókmenntafrœði í
Háskólanum. Lestu mikið?
„Ég hef alltaf lesið mjög
mikið og einkum leikbók-
menntir. Fyrir utan þessa
klassísku höfunda eins og
Shakespeare, Ibsen ogStrind-
berg þá held ég upp á breska
seinni tíma höfunda eins og
Pinter og uppáhaldið er
Samuel Beckett. Ég byrjaði
að lesa leikrit strax og Fimm
í sálarháska sleppti og get því
ekki skilið þegar fólk nennir
ekki að lesa leikbókmenntir
og vill bara sjá leikrit þegar
búið er að færa þau upp á
svið. Síðan held ég upp á
gamlar leynilögreglusögur."
HEF SKRIFAÐ LJÓÐ OG
SÖGUR FYRIR
SKÚFFUNA
Þú hefur ekki fengist sjálfur
við að skrifa?
„Ég hef skrifað ljóð og sög-
ur.fyrir skúffuna eins og allir
aðrir. Ég var líka einu sinni
fréttaritari í Vogunum, fyrir
Suðurnesjaritið Víkurfréttir.
Sumir vildu meina að frétta-
flutningur minn einkenndist
töluvert af skítkasti. Einu
sinni tók ég upp hanskann
fyrir strák sem hafði lent í
smáafbrotum og orðið fyrir
barðinu á fréttaflutningi ann-
arra. Öll umfjöllun um hans
mál hafði fallið í smáborgara-
kramið og einkenndist af
þessum upptjúnaða spenn-
ingi eins og andinn í Keflavík
er. Ég held að það séu forrétt-
indi í Keflavík að vera hálfvit-
laus. ímyndaðu þér alla at-
hyglina." , .
; Eru róttœkir jáfnaðarmenn
með'fleira á prjónunum?
„Ég fer ekki aftur í framboð
fyrir róttæka jafnaðarmenn.
Nema ef vera skyldi forseta-
framboð þegar ég hef aldur
til. En við eigum eftir að
álykta um ýmis þjóðþrifa-
mál."
Þóra Kristin Ásgeirsdóttir