Morgunblaðið - 06.05.2004, Side 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 6. MAÍ 2004 VERÐ Í LAUSASÖLU 220 KR. MEÐ VSK.
Sími 588 1200
BETRI
INNHEIMTUÁRANGUR
Lágmúla og Smáratorgi
opið kl. 8-24
alla daga
FORSVARSMENN Eddu útgáfu og
Prentsmiðjan Oddi hf. hafa fest kaup
á einni stærstu prentsmiðju Péturs-
borgar í Rússlandi. Um er að ræða
kaup Eignarhaldsfélagsins Eddu
Printing and Publishing Limited í
eigu Björgólfs Guðmundssonar,
Magnúsar Þorsteinssonar, Páls
Braga Kristjónssonar og Þórs Krist-
jánssonar í félagi við Prentsmiðjuna
Odda á rússneska félaginu MDM
PECHAT LLC.
Fjölmörg tækifæri
Nafni prentsmiðjunnar verður
breytt í kjölfar kaupanna í Edda
Printing LLC. Edda Printing & Publ-
ishing á 80% hlutafjárins í félaginu og
Prentsmiðjan Oddi hf. 20%. Til stend-
ur að fá fleiri
fjárfesta að verk-
efninu á síðari
stigum. Um 350
manns vinna hjá
fyrirtækinu og er
áætluð velta í ár
um 1,8 milljarðar
íslenskra króna.
Kaupverð er ekki
uppgefið.
„Rússneski prentmarkaðurinn er
að stækka mjög hratt auk þess sem
framundan er hagræðing á þessum
markaði,“ segir Þór Kristjánsson,
stjórnarformaður Eddu Printing &
Publishing, um tækifæri á prent-
markaðnum ytra. Breytingar eru fyr-
irhugaðar á lagaumhverfi í Rússlandi
og miða þær að því að styrkja stöðu
innlendra prentsmiðja. „Menn sjá
heilmikil tækifæri í frekari fjárfest-
ingum til stækkunar,“ segir Þór en í
frétt frá félaginu segir að aðstandend-
ur þess hafi einsett sér að vaxa ört
með öflugu markaðsstarfi og kaupum
á öðrum fyrirtækjum. „Við teljum
[þessi kaup] vera fyrsta skrefið, jafn-
vel í þá átt að fara í útgáfustarfsemi
líka.“
Prentsmiðjan prentar nú eingöngu
fyrir Rússlandsmarkað en Þór segir
félagið sjá tækifæri í að prenta einnig
fyrir útflutningsmarkaði þegar fram í
sæki. Hann segir ekki áformað að
prenta bækur Eddu útgáfu í prent-
smiðjunni sem í dag prenti fyrst og
fremst tímarit og blöð.
Festa kaup á einni stærstu
prentsmiðju Pétursborgar
Þór Kristjánsson
ENDURSKOÐUN á barnabótakerf-
inu með það fyrir augum að styðja
betur við fátækar barnafjölskyldur er
meðal þeirra hugmynda sem settar
eru fram í skýrslu um fátækt á Íslandi
sem vinnuhópur félagsmálaráðherra
hefur skilað af sér og forsætisráð-
herra dreifði á Alþingi í gær. Í skýrsl-
unni kemur fram að samkvæmt út-
tekt starfshópsins væri sú leið að
hækka skerðingarmörk barnabóta
ekki fýsileg.
Hópurinn bendir á að tekjutengja
mætti leikskólagjöld og létta þannig
undir með fátæku barnafólki. Einnig
er bent á að grunnskólinn hafi ætíð
verið ókeypis en „leikskólinn er nú
talinn fyrsta skólastigið og er ekki
óeðlilegt að hugsa sér að þátttaka í því
skólastigi sé ókeypis en greitt verði
fyrir fæði og annað sem ekki tengist
beint námi og leik“.
Hópurinn bendir á að sveitarfélög
gætu komið að niðurgreiðslu íþrótta-
og tómstundastarfs hvort sem er
beint eða með samningum við þá sem
vinna með börnum.
Starfshópurinn fékk það hlutverk
að kanna skilgreiningar á fátækt, þá
hópa sem fallið gætu undir skilgrein-
ingarnar og benda á leiðir til úrbóta. Í
skýrslunni er umræðunni fyrst og
fremst beint að öryrkjum, atvinnu-
lausum og þeim sem fá fjárhagsað-
stoð frá sveitarfélögum.
Þeim fjölgar sem fá aðstoð
Árið 1993 fengu 4.770 heimili fjár-
hagsaðstoð hjá sveitarfélögum, árið
1994 voru þau 5.400 og náði hámarki
árið 1995 þegar 6.016 heimili fengu
aðstoð. Síðan fór heimilum fækkandi
og fengu 4.925 heimili aðstoð árið
2001. Í skýrslunni kemur fram að
ekki liggi fyrir nýrri heildartölur, en
milli áranna 2001 og 2002 hafa þær
hækkað hjá Reykjavíkurborg og
Kópavogi.
Í skýrslunni kemur fram að flestir
sem þiggja fjárhagsaðstoð sveitarfé-
laganna gera það aðeins í skamman
tíma, 1–3 mánuði á ári. Um 10–15%
þeirra sem fá fjárhagsaðstoð eiga
samkvæmt skýrslunni við langtíma-
vanda að stríða.
Sveitarfélögin bjóða flest upp á ein-
hver úrræði í húsnæðismálum „en svo
virðist sem eftirspurninni eftir slíku
húsnæði sé ekki nægjanlega sinnt“,
segir í niðurstöðum starfshópsins.
Skýrsla forsætisráðherra um fátækt á Íslandi lögð fram á Alþingi í gær
Leikskólagjöldin verði
tekjutengd eða afnumin
ÞÝSKA rafsveitin Kraftwerk hélt tónleika í
íþróttahúsinu Kaplakrika í gærkvöldi. Húsfyllir
var á tónleikunum, vel á þriðja þúsund manns,
og stemningin gríðargóð, að sögn tónleika-
gesta. Kraftwerk er brautryðjandi í gerð tón-
listar með tölvum og telst til helstu áhrifavalda
á sviði slíkrar tónlistar í heiminum. Þá eru tón-
leikar sveitarinnar mjög áhrifamiklir þar sem
ljósgeislum og tölvumyndum er óspart beitt.
Yrkisefni Kraftwerk eru af ýmsu tagi en segja
má að vélar og hið vélræna séu aldrei langt
undan.
Morgunblaðið/Sverrir
Kraftwerk í Kaplakrika
FARSÍMANOTENDUR hér á
landi geta í næstu viku greitt
fyrir ýmiss konar vöru eða þjón-
ustu eða sýslað með bankavið-
skipti um farsíma með svoköll-
uðum GSM-greiðslum. Um er að
ræða nýja þjónustu þar sem not-
endur geta greitt fyrir tónlist um
Netið, fyllt á fyrirframgreidd
símkort, skoðað yfirlit á banka-
reikningum eða millifært. Þá er
stefnt að því að gera farsímanot-
endum mögulegt að greiða fyrir
lottó, fyrir aðgang að bílastæðum
eða tölvuleikjum með þessum
hætti. Fyrst um sinn verður
hægt að fá áfyllingu á fyrirfram-
greidd símakort og kaupa lög um
vefsvæðið Tónlist.is með GSM-
greiðslum, sem byggjast á SMS-
sendingum.
Sífellt verður síðan bætt við
nýjum þjónustuliðum að sögn
Magnúsar Salberg Óskarssonar,
framkvæmdastjóra Farsíma-
greiðslna ehf., en Farsíma-
greiðslur er fyrirtæki sem Sím-
inn, Íslandsbanki og korta-
fyrirtækin hafa í sameiningu
stofnað um hina nýju þjónustu.
Hægt að greiða fyrir
vörur og þjónustu
með farsímanum
 Greitt/C1
ERLENDIR fjárfestar hafa fjárfest
í innlendum skuldabréfum fyrir sam-
tals um 125 milljarða króna, að sögn
Heiðars Más Guðjónssonar hjá Ís-
landsbanka í London. Alls segir
hann að um 50 erlendir aðilar hafi
fjárfest í innlendum skuldabréfum.
Áhugi á verðtryggðum skulda-
bréfum hefur aukist mikið á alþjóða-
markaði á síðustu árum og umsvifin
á markaði með þessi bréf hafa marg-
faldast. Langstærstur hluti ís-
lenskra skuldabréfa er verðtryggð-
ur. Að sögn Heiðars Más hefur áhugi
útlendinga á íslensku skuldabréfun-
um aukist eftir að samningar náðust
fyrir einum mánuði um að bréfin
yrðu gjaldgeng hjá uppgjörs- og
vörslufyrirtækinu Clearstream.
Áhugi á
íslenskum
skuldabréfum
 Markaðurinn/4C
HÉRAÐSDÓMUR Reykjavíkur
dæmdi í gær tæplega þrítugan karl-
mann, Guðjón Björgvin Guðmunds-
son, í 2½ árs fangelsi fyrir fjölda
þjófnaðarbrota, ávísanafals, fjársvik
og hylmingu. Tvítug samverkakona
hans var dæmd í þriggja mánaða
fangelsi, skilorðsbundið til tveggja
ára. Ákærði var og dæmdur til að
greiða Landsbankanum 575 þúsund
krónur í bætur vegna ávísanafals og
annarra fjársvika.
Málið dæmdi Róbert Spanó, sett-
ur héraðsdómari. Verjandi ákærða
var Sigmundur Hannesson hrl. og
meðákærðu Guðmundur Ágústsson
hdl. Sækjandi var Dagmar Árna-
dóttir, fulltrúi lögreglustjórans í
Reykjavík.
Dæmdur
í 2½ árs
fangelsi
SLÖKKVILIÐ höfuðborgarsvæðis-
ins vann í rúma tvo tíma að því í gær-
kvöldi að ráða niðurlögum sinubruna
við Hafravatn. Var slökkviliðið kom-
ið á vettvang um klukkan 20 en mjög
hvasst var á svæðinu og gróðurinn
þurr sem gerði slökkvistarf erfitt. Að
lokum tókst þó að ráða niðurlögum
eldsins.
Sinubruni við
Hafravatn
♦♦♦
♦♦♦