NT - 07.05.1984, Blaðsíða 12
■ Auðvitað er Lisu Edwards
um og ó, þegar hún ber kvildndið
að munninum, en brátt er bjöm-
inn unninn, og viti menn, þetta
var ekki sem verst!
Mánudagur 7. maí 1984 1 2
Chris Atkins kærir
sig ekki um að vera
leikfang eldri
kvenna í
Hollywood!
Margar tískubylgjurnar
j sín upptök í Hollywood
berast síðan þaðan um víða
öld. Nýjasta tískan þar er
eldri konur eigi vingott við
yngri menn. Það þótti áður
;i góð latína að karlinn væri
;ri en konan, en það álit
ur breyst svo, að nú þykir
last gamaldags, ef fólk er
óheppið að viðhalda gamla
Leikarinn Chris Atkins hef-
ur því þótt hreinn hvalreki á
fjörur örvæntingarfullra leik-
kvenna, sem þykjast komnar
á vafasaman aldur. Chris er
orðinn 22ja ára, en lítur ekki
út fyrir að vera deginum eldri
en 16. Hann var fenginn til að
leika hlutverk elskhuga Sue
Ellen í Dallas og síðan hefur
hann ekki getað um frjálst
höfuð strokið vegna alls kyns
tilboða í Hollywood. Hann
kann ósköp vel að meta þá
athygli, sem kvikmyndaframl-
eiðendur sýna honum. En
hann kann ekki eins vel að
meta þá persónulegu aðdáun,
sem grónar og gildar kvik-
myndadísir sýna honum. Pær
bjóða honum stanslaust í
heimsókn og innifalið á yfir-
leitt að vera dýrindis kvöld-
verður, eða þá - jafnvel enn
frekar - morgunverður í
rúmið!
Chris er ekkert ginnkeyptur
fyrir þessum gylliboðum, enda
er hann þegar búinn að gera
upp hug sinn og finna sína
hjartans útvöldu. Hún heitir
Cindy Gibb og er 20 ára gömul
leikkona á uppleið í Holly-
wood. Þau eru búin að vera
meira og minna saman í 4 ár og
Chris er alveg ákveðinn í því,
að hann ætli að giftast Cindy
og eiga með henni mörg börn!
Sá er einn hængur á þessum
áætlunum hans, að í hvert
sinn, sem hann hefur minnst á
það við Cindy, að nú skyldu
þau láta til skarar skríða,
bregst hún ókvæða við og seg-
ist ekki vera tilbúin til að stíga
svo alvarlegt skref. Síðan fer
hún í fýlu í nokkra dag og Chris
er niðurbrotinn maður. En
ekki líður á löngu, þar til allt
er aftur fallið í Ijúfa löð á milli
þeirra, eða allt þangað til Chris
herðir upp hugann að nýju og
ber upp bónorðið!
Óvenjuleg
en árangurs-
rík kennslu-
aðferð
■ Óneitanlega eru kennsluað-
ferðir líffræðikennarans Horace
Lucich, sem kennir við gagn-
fræðaskóla í San Jose í Kali-
forníu óvenjulegar. Hann lætur
nemendur sína borða alls kyns
lifandi skordýr einu sinni á ári og
gefur þeim hærri einkunnir fyrir
vikið!
Viðurkenningakerfi Lucichser
einfalt. Hver sá, sem stingur
lifandi skorkvikindi í munninn
og heldur því þar í 5 sekúndur,
fær 5 punkta aukalega fyrir. Sé
skordýrið bitið í tvennt, gildir það
10 punkta, en sá, sem gleypir það
fær heila 15 punkta. Hæsta eink-
unn er þó gefin fyrir að tyggja
kvikindið og gleypa það síðan,
20 punktar.
Sumir krakkamir þurfa virki-
lega að yfirvinna áunna óbeit á
því að taka þátt í þessum leik, en
þegar þeir sjá árangurinn á eink-
unnablaðinu, þykjast þeir hafa
unnið stóran sigur.
Röksemdafærsla Lucichs fyrir
þessari óvenjulegu kennsluaðferð
er sú, að krakkarnir skemmti sér
hið besta við þessa iðju, þegar
þeir hafa komist upp á lag með
hana. Eins segist hann benda
þeim á, að skordýrin hafi næring-
argildi, mun meira en sumir
skyndibitarnir, sem krakkarnir
hafa til þessa að mestu nærst á.
Og síðast en ekki síst yfirbugi
krakkarnir ótta sinn og ógeð á
skríðandi, slepjugum smádýrum.
Sjálfur segist Lucich neyta lifandi
skordýra í meira eða minna mæli
að staðaldri.
■Höfrungarnir synda
jafnt og stillilega með vin-
konu sína á bakinu.
■ Það er hægt að fara á
sjóskíðum án þess að láta bát
draga sig, það sannar hún Pam-
ela fagra Bellwood og sýnir
hér á meðfylgjandi mynd.
Hún hefur hér beislað tvo
höfrunga og stendur á baki
þeirra og heldur í beislið. Það
má eiginlega segja að hún sé
með tvo til reiðar, eins og
hestamennirnir segja. Þetta
sýningaratriði mátti sjá í Sea
World-sjódýrasafninu í San
Diego í Bandaríkjunum.
Pamela Bellwood leikur í
„Dynasty„-þáttunum. Hún
leikur persónu sem heitir
Claudia Blaisdel, en meira vit-
um við ekki um hana, en
kannski fáum við bráðum að
sjá þessa fegurðardís í íslenska
sjónvarpinu, ef svo skyldi fara
að Dynasty tæki við af Dallas,
eins og sumir tala um.
Meðtvo
til reiðar