NT - 21.08.1984, Blaðsíða 9

Þriðjudagur 21. ágúst 1984 9
■ Erfíðlega gekk að koma hjólastóinum að húð- og kynsjúkdómadeildinni.
lega haft í öðru að snúast og
um að þinga.
Eins og fram kom í viðtal-
inu er enginn vaskur í aðal-
skoðunarherberginu, og
heitir það á máli Heimis
„fullnægjandi aðstaða til
handþvotta.“
5. Heimir segir m.a.: „Skrif-
stofa er nýmáluð. sem er
skýring á gluggatjaldaleys-
inu þar.“
Ég starfaði á deildinni í ca.
6 vikur í sumar. Búið var að
mála gluggana þegar ég
byrjaði en gardínur ókomn-
ar þegar ég fór, þó að
hjúkrunarkonur kvörtuðu
undan gluggatj aldaleysi á
hverjum degi. Skv. upplýs-
ingum frá Málarameistara-
félagi Reykjavíkur þá full-
þornar gluggamálning
innanhúss á 2-3 dögum.
6. Heimir segir: „Af viðtalinu
má skilja að ekki sé byrjuð
lyfjagjöf gegn klamydiu fyrr
en rannsóknarniðurstaða
liggur fyrir. Þetta er ekki
rétt. Lyf eru gefin strax
eftir sýnistöku ef þess er
talin þörf.“
Þetta eru helber ósannindi.
Ég hef leyfi 20-30 sjúklinga,
sem reynst hafa verið með
klamydiu, en ekki fengið
nema lekandameðferð, til
þess að birta nöfn þeirra.
Þeir fengu ekki meðferð
við klamydiu fyrr en 10-12
dögum eftir skoðun, þegar
svar við ræktun lá loks fyrir.
Embættisþrælsótti ætti tæpt
að leyfa svona fullyrðingar.
Hjúkrunarkonur deildar-
innar vita betur en svo sé
hægt.
7. Heimirsegirm.a.: „Deildin
hefur að sjálfsögðu nauð-
synleg lyf til að bregðast við
ofnæmi og fram að þessu
hefur enginn „drepist“ inn-
an hálfrar mínútu eins og
læknirinn er látinn orða það
svo smekklega" (letur-
breyting er mín).
Að skrifa á rósamáli að
maður sé óheiðarlegur,
væntanlega í ómældri yfir-
vinnu hjá Borgarlæknis-
embættinu er furðu djarft
og er maður þó ýmsu vanur.
Flestir íslenskir lækna-
stúdentar og kandidatar
kannast við bók sem heitir
Current Medical Diagnosis
and Treatment, og er al-
þekkt fræðirit. Bókina
skrifa um 30 heimsfrægir
sérfræðingar, þ.á.m. er
kafli um ofnæmislost eftir
Milton J. Chatton M.D.,
prófessor í lyflæknisfræði
við sjúkrahús Stanford há-
skólans í Kaliforníu í
Bandaríkjunum, sem er í
svipuðum klassa og Mayo
klínikin í Minnesota, sem
margir íslendingar hafa
notið góðs af. Af mörgum
meðulum sem hann nefnir
við ofnæmislosti og „deildin
hefur að sjálfsögðu nauð-
synleg lyf til að bregðast við
ofnæmi" nefnir prófessor
Chatton þrjú lyf, bráðnauð-
synleg, sem aldrei hafa ver-
ið til staðar í Húð- og
kynsjúkdómadeildinni. En
kannski veit Heimir meira
unt penicillin ofnæmi en
prófessor Chatton.
8. Heimir segir: „Samkvæmt
nútímalegum viðhorfum til
heilsuverndar ber hverjum
þegni að haga lífi sínu svo
að sem minnstu heilsutjóni
valdi honum sjálfum og
öðrum..."
Mér finnst þetta, hvað sem
öðrum þykir, algjört rugl.
Það er alltaf hægt að slengja
fram fallegum orðum og
setningum sem enginn
botnar í. En það er mikii
tíska með embættis-
mönnum nú að slá um sig
með fögrum og vart skiljan-
legum orðum.
Bið ég Heimi þegn vel að
lifa.
Sæmundur Kjartansson.
■ý; v
■ Enn verr gekk að koma stólnum inn í húsið. Að endingu tók Sæmundur það til bragðs að skoða sjúklinginn úti. Á myndinni sést
starfsmaður Droplaugarstaða, en sjúklingurinn kom þaðan, reyna án árangurs að opna útidyr stofnunarinnar. Þetta fólk kallar Heimir
Bjamason Ijúgvitni.
Málsvari frjálslyndis,:
samvinnu og félagshyggju
Útgefandi: Nútíminn h.f.
Ritstjórar: Magnús Ólafsson (ábm)
og Þórárinn Þór^rinsson
Ritstjórn, skrifstofur og auglýsingar:
Síðumúli 15, Reykjavík. Sími:
686300. Auglýsingasími: 18300.
Kvöldsímar: 686387 og 686306.
Verð í lausasölu 25 kr.og 30 kr. um
helgar.
Áskrift 275 kr.
Í-rf’MT Setnihg og umbrot: Tæknideild NT.
^ Prentun: Blaðaprent hf.
Endalok 007
■ Sjónvarpið sýndi á föstudagskvöldið var athyglisverð-
an breskan sjónvarpsþátt, sem hafði verið unninn af einum
viðurkenndasta fréttaskýranda slíkra þátta í bresku sjón-
varpi.
Þáttur þessi var ekki síst athyglisverður vegna þess, að
hann sýndi glöggan mun á frelsi fréttaskýrenda' austan
tjalds og vestan. Með öllu hefði verið útilokað áð slíkur
þáttur hefði verið gerður í Póllandi, Tékkóslóvakíu eða
Austur-Pýskalandi, ef Sovétríkin hefði verið í svipuðum
sporum og Bandaríkin í umræddum þætti.
Efni þáttarins var að kryfja það til mergjar, hvort
kóreanska farþegaflugvélin, sem merkt hefur verið með
stöfunum 007 og Rússar skutu niður, hafi verið í
njósnaflugi. Peirri spurningu var ekki endanlega svarað í
þættinum, en mörg rök færð fram, sem geta bent til þess,
að svo hafi getað verið.
Það var t.d. upplýst, að það hafi fært bandarísku
leyniþjónustunni mjög mikilvægar upplýsingar, að 007
flaug yfir rússneskt bannsvæði, og þannig eins og kveikt á
viðvörunarkerfi Rússa á stóru landssvæði, og því viti
Bandaríkjamenn nú orðið miklu meira um það en áður
hvernig því er háttað.
Þá var bent á, að Bandaríkjamenn hafi á margan hátt
fylgst gaumgæfilega með ferðum 007, og vitað vel, að hún
var að fljúga yfir rússnesk bannsvæði. Engar upplýsingar
eru fyrir hendi um að þeir hafi reynt að vara 007 við þessu,
sem eðlilegt hefði þó virst undir venjulegum kringumstæð-
um.
Sökum þessa hafa sumir aðstandendur þeirra, sem
fórust með 007, höfðað mál á hendur Bandaríkjastjórn.
Þá var í umræddum þætti mótmælt þeirri skoðun, að 007
hafi verið að villast vegna mistaka áhafnarinnar eða
mannlegra mistaka, eins og það hefur verið orðað.
Fyrir dyrum standa nú flókin og mikil réttarhöld vegna
skaðabótakrafna, sem komnar eru fram og beinast bæði á
hendur þeirra einkafyrirtækja og stjórnarvalda, sem hér
koma við sögu.
Vafasamt er þó, 'að nokkuð frekar upplýsist við þessi
málaferli. Hinn svarti kassi flugvélarinnar, sem getur
geymt mikilsverðar upplýsingar finnst ekki, og þeir
bándarísku aðilar, sem hér kunna að hafa komið við sögu
eða fylgdust með flugi 007, munu reynast þöglir eins og
gröfin, enda bundnir trúnaðarheitum.
Hafi hér verið um njósnaflug að ræða, hefur því
sennilega verið treyst, að Rússar myndu ekki granda
flugvélinni, heldur reyna að neyða hana til lendingar. Hafi
þessu verið treyst, reyndist hér um oftraust á Rússum að
ræða, enda mikil áhætta að gera það í þessu tilfelli.
Ýmsir hafa reynt að réttlæta hinn mannúðarlausa
verknað Rússa með því, að þeir hafi ekki gert sér grein
fyrir, að hér var um farþegaflugvél að ræða, heldur haldið
að hér væri bandarísk njósnaflugvél á ferð. Kerfi þeirra
hafi ekki reynst nógu fullkomið til að greina hér í sundur.
Þessu mótmæla rússnesk stjórnarvöld. Flugvélin hafi
verið skotin niður vegna þess að hún hafi verið á
njósnaflugi og þeir geri engan mun á því, hvort unr
farþegaflugvél eða herflugvél sé að ræða undir slíkum
kringumstæðum.
Njósnastarfsemi og gagnnjósnastarfsemi risaveldanna
kallar ekki allt ömmu sína. Þar getur verið gripið til hinna
furðulegustu og grimmilegustu vinnubragða. Fyrir eins
hörmulegan atburð og eyðilegging 007 var, verður ekki
byggt nema með bættri sambúð risaveldanna.
Umræddur fréttaskýringaþáttur svarar ekki endanlega
neinum spurningum um þetta hörmulega mál, en hann
vekur vissulega til umhugsunar. Vafalaust á eftir að gera
marga fréttaþætti um þetta mál og ólíkar skýringar eftir
að koma til sögu. Þó er óvíst, eins og áður segir, að það
upplýsist nokkurn tíma til fulls. Umræðan um það getur
samt verið gagnleg og orðið til viðvörunar.