NT - 10.07.1985, Blaðsíða 19

Indverjar í vanda
vegna metuppskeru
Palwal-Reutcr:
■ Mikil og ríkuleg hveitiupp-
skera veldur nú Indverjum
óvenjulegum vanda. Þeir hafa
ekki nægjanlegt geymslurými
fyrir allt kornið sem nú hleðst
upp og óttast að það muni
eyðileggjast þegar monsúnrign-
ingarnar hefjast eftir nokkra
daga.
Bændur og kaupmenn á
Norður-Indlandi keppast nú við
að ganga þannig frá hveitinu að
það eyðileggist ekki þegar gáttir
himinsins opnast. Allar korn-
skemmur lndverja voru þegar
fullar vegna góðrar uppskeru
undanfarin tvö ár og erfiðlega
gengur að finna erlenda kaup-
endur að korninu vegna þess
hvað verðið er hátt þrátt fyrir
mikið framboð.
Að sögn indverskra stjórn-
valda var heildarkornuppskera
landsmanna rúmlega 300 mill-
jónir tonna á tveim árum frá því
í júní 1983 þar til í seinasta
mánuði. Indverjar gerðu
500.000 tonna kornsölusamning
við Sovétmenn fyrr á þessu ári
en Sovétmenn hafa kvartað yfir
gæðum kornsins sem þeim hefur
verið sent samkvæmt þessum
samningi.
Indversk stjórnvöld hafa
keypt korn af bændum fyrir
ákveðið lágmarksverð til sölu
síðar þegar kornuppskeran
bregst en ríkið getur nú ekki
tekið við meira korni og um
fimm milljónum tonna af hveiti
er staflað í poka undir berum
himni. Bændur og kaupmenn
reyna að búa sig undir regntíma-
bilið með því að breiða plast
yfir kornhlaðana en hætt er við
því að mikið af korninu skemm-
ist á næstu vikum og mánuðum.
■ Margir Pekingbúar kjósa nú fremur að ferðast með strætisvögnum en að hjóla vegna þess hvað hjólreiðamenn verða oft fyrir slysum.
En vagnarnir eru alltaf troðfullir og strætisvagnafargjöld tiltölulega dýr þannig að þorri fólks neyðist samt til að hjóla og stefna þannig
lífi og limum í hættu. Pckins 1984 - N|-m-vnd: RB
Pekingbúar skelfast
vegna umferðarslysa
- 64 létust í seinasta mánuði
Peking-Reuter:
■ Pekingbúar hafa nú miklar
áhyggjur af því hvað slysatíðni
í umferðinni í borginni er orðin
mikil. Stjórnvöld hafa nú hafið
mikla herferð fyrir því að bæta
umferðarmenninguna. Þau hafa
meira að segja dregið ökumenn-
ina, sem ollu slysunum, fyrir
fjöldafundi þar sem þessir
manndrápsmenn eru gagnrýnd-
ir.
Þótt einkabílar séu varla til í
Peking, er umferð vörubíla,
leigubíla, strætisvagna og fyrir-
tækjabíla orðin mjög mikil. Að
sögn lögregluyfirvalda brjóta
margir ökumenn umferðarregl-
urnar þegar þeim sýnist og ölv-
un við akstur er algeng. Flest-
ir borgarbúa nota ennþá reið-
hjól og það eru aðallega hjól-
reiöamenn sem verða fyrir slys-
unum þegar ökumenn vélknú-
inna farartækja þjóta skyndilega
í veg fyrir þá.
Á seinasta mánuði einum
saman létust samtals 64 í um-
ferðinni í Peking. í flestum
tilvikum var hægt að rckja
dauðaslysin til umferðarbrota
eða ölvunar ökumanna.
Pekingdagblaðið skýrði frá
því að síðastliðinn laugardag
voru tveir ökumenn, leigubíl-
stjóri og vörubílstjóri, leddir
fyrir 1.500 manna fjöldafund
starfsfélaga sinna. Báðir
mennirnir báru ábyrgð á dauða-
slysum í umferðinni og tóku
fundarmenn þátt í fordæmingu
á glæpsamlegum akstri þeirra.
Mjög ströng viðurlög eru við
ölvunarakstri og umferðarbrot-
um sem valda dauðaslysi í Kína.
Braskararnir sitja við
kjötkatlana í Póllandi
Varsjá-Reuter:
■ Pólska dagblaðið Try-
buna Ludu heldur því fram
að allt að því helmingur af
öllu kjöti, sem framleitt er í
Póllandi, lendi beint á
svartamarkaðinum og komi
aldrei inn í kjötdreifingar-
kerfi ríkisins.
Pólverjar hafa all tíð verið
miklar kjötætur. Þeim þykir
engin máltíð góð nema kjöt
sé í henni. En ríkisskammt-
urinn af kjöti er aðeins 2,5
kíló á mann á mánuði.
Trybuna Ludu heldur því
fram að bændur fari framhjá
ríkissölukerfinu og selji kjöt
beint til svartamarkaðs-
braskara sem komi því síðan
til neytenda. Blaðið ásakar
kjötiðnaðarmenn fyrir að
nota lélegt og feitt kjöt í
pylsur og selja vatnsósa
skinku. Það segir að kjöt-
iðnaðarmennirnir taki sjálfir
bestu kjötbitana.
í Trybuna Ludu er lagt til
að bændum verði í tilrauna-
skyni leyft að selja kjöt sitt
beint til neytenda á frjálsum
kjötmörkuðum. Þannig
verði bundinn endi á svarta-
markaðsbraskið með kjöt-
vörur.
Miðvikudagur 10. júlí 1985 19
Stjórnvöld á Jamaica:
Spara með fjölda-
uppsögnum kennara
Kingston-Reuter:
■ Stjórnvöld á Jamaica
hafa ákveðið að segja upp
mörg hundruð kennurum og
700 öðrum starfsmönnum
skóla til að spara. Sparnaðar-
áformin eru byggð á sam-
komulagi stjórnarinnar við
Alþjóðagjaldeyrissjóðinn.
Uppsagnirnar bitna fyrst
og fremst á þeim kennurum
sem eru komnir á eftirlauna-
aldur en hafa haldið áfram
að kenna. Öllum lausráðnum
stundakennurum verður
ennfremur sagt upp og tveir
kennaraskólar verða lagðir
niður.
Kennarasamband Jamaica
hefur mótmælt ákvörðun
stjórnarinnar sem forystu-
menn sambandsins segja
bera vott um ótrúlega
skammsýni. Kennara-
sambandið studdi tveggja
daga allsherjarverkfall, sem
verkalýðsfélög í þessu 2,4
milljón manna eyríki boðuðu
til í seinustu viku til að
mótmæla aðhaldsaðgerðum
stjórnarinnar og niður-
skurði.
Landbúnaðarráðuneyti
Jamaica sagði næstum ellefu
hundruðu starfsmönnum
upp í seinasta mánuði. Upp-
sagnir ráðuneytisins voru
einnig liður í sparnarráð-
stöfunum stjórnarinnar.
Brasilía:
Lágt olíuverð ógnar
áfengisframleiðslu
Brasilia-Reuter
■ Lágt olíuverð virðist ógna
framtíð áfengiseldsneytisins
sem knýr flesta nýja bíla í
Brasilíu. Alþjóðabankinn vill
ekki lána Brasilíumönnum til
að auka enn frekar framleiðslu
á áfengiseldsneytinu á næstu
árum. Þess í stað vill bankinn að
Brasilíumenn auki aftur notkun
sína á gamaldags bensíni.
Brasilíumenn hófu fram-
leiðslu á iðnaðaráfengi til elds-
neytisnotkunar fyrir bíla vegna
hás heimsmarkaðsverðs á olíu
fyrir nokkrum árum. í fyrstu
voru bílaeigendur tregir til að
kaupa bíla sem gengju fyrir
vínanda vegna þess að vélar
þeirra þóttu ekki endast eins vel
og bensínbíla auk þess sem oft
var erfitt að koma þeint í gang.
En bílaframleiðendum tókst að
vinna bug á þessum vandamál-
um og í september 1983 seldu
þeir milljónasta vínandabílinn.
Nú ganga um 91% allra nýrra
bíla, sent eru seldir í Brasilíu,
fyrir áfengi, fimm prósent ganga
fyrir gasohol sem er bensín með
um 23% vínanda blandað sam-
an við. Ársframleiðslan af vín-
andabílum er orðin meira en
hálf milljón.
Með aukinni notkun vínanda-
bíla og aukinni innanlandsfram-
leiðslu á olíu hefur Brasil1
íumönnum tekist að draga mjög
úr olíuinnflutningi sínum. Olíu-
innflutningurinn kostaði þá um
10 milljarða dollara árið 1980
en á seinasta ári nam hann ekki
nema um 6,9 milljónum dollara.
Haldist hlutfall vínandabíl-
anna í sölu nýrra bíla má búast
við því að þörfin fyrir áfengis-
eldsneyti tvöfaldist á næstu
fimm árum og verði orðin 18,6
milljarðar lítra árið 1990. Brasil-
íumenn áætla að þeir þurfi að
fjárfesta um 930 milljónir doll-
ara í nýjum bruggverksmiðjum
til að anna þessari auknu eftir-
spurn. Þeir leituðu m.a. til Al-
þjóðabankans fyrir skömmu og
báðu hann um 325 milljón doll-
ara lán til fimmtán ára til að
standa undir hluta kostnaðarins
við þessu auknu vínandafram-
leiðslu.
En Alþjóðabankinn er tregur
til að lána Brasilíumönnum
þessa peninga þar sem bankinn
telur að lágt olíuverð í heimin-
um um þessar mundir réttlæti
ekki ntiklar fjárfestingar í fram-
leiðslu áfengiseldsneytis. í
skýrslu sent bankinn lét gera er
því haldið fram að Brasil-
íumenn verði að fjárfesta 8,5
milljarða dollara í áfengisfram-
leiðslunni nema hlutfall vín-
andabílanna minnki.
Alþjóðabankinn ieggur til að
Brasilíumcnn hækki verðið á
áfengiseldsneytinu upp í 75% af
verði gasohols. Bankinn leggur
ennfremur til að skattaívilnanir
sem gera vfnandabílana ódýrari
en aðra bíla verði minnkaðar.
Bankinn telur að hæfilegt gæti
verið ef Brasilíumönnum tækist
að minnka hlutfall vínandabíl-
anna af nýseldum bílum niður í
um 50 prósent. Ófært sé fyrir
brasilíska ríkið að greiða með
framleiðslu áfengiseldsneytisins
á sama tíma og hægt sé að fá
tiltölulega ódýra olíu.
Hvort sem Brasilíumenn
fylgja þessum leiðbeiningum
Alþjóðabankans eða ekki er
ljóst að vínandabílarnir hverfa
ekki af götum Brasilíu.
Kínverjar kaupa te
■ Kínverjar komu tekaup-
mönnum á Sri Lanka verulega á
óvart í júní mánuði með því að
kaupa þrjár milljónir kílóa af
svörtu tei á teuppboðum í Col-
ombo.
Kínverjar eru sjálfir ein
mesta teræktarþjóð veraldar og
var almennt ekki talið að þeir
þyrftu að kaupa te frá öðrum
ríkjum. Líklega munu Kínverj-
ar samt ekki drekka þetta te
sjálfir heldur endurselja það til
annarra ríkja til að standa við
tesöluskuldbindingar sínar.
Kínverjar drekka aðallega
grænt te en að undanförnu hefur
neysla þeirra á svörtu tei aukist
töluvert. Teræktun er tímafrek
iðja og það er ómögulegt að
auka teframleiðslu nema á til-
tölulega löngum tíma þar sem
telaufið kemur af runnum sem
tekur nokkur ár að rækta upp í
fulla stærð.
Kínverjar keyptu teið fyrir
milligöngu nokkurra teútflutn-
ingsfyrirtækja í Colombo og var
tekaupum þeirra haldið leyni-
legum þar til þeim lauk. Þrátt
fyrir það varð aukin eftirspurn
eftir tei til þess að verðið hækk-
aði um 66%.