NT - 11.09.1985, Qupperneq 15

Bergþóra Elva Zebitz
Fædd 16. apríl 1930
Dáin31.ágúst 1985
Þó mörg sé tárin moldum
þínum yfir,
þó mikið skarð oss dauðinn
hafi gjört,
það mildar harm að mynd í
hugum lifir,
að minningin er svo hrein
og sólarbjört.
Steingrímur Thorsteinsson
Hún Elva elskuleg vinkona
mín og mágkona er látin. Hún
fæddist í Odense 16. apríl 1930.
Foreldrar hennar voru hjónin
Ásta og Wilhelm Zebitz og var
hún næst elst af sex systkinum.
Þegar hún var nokkurra mánaða
flutti fjölskyldan til Reykjavík-
ur. í glöðum systkinahópi með
ástríkum foreldrum liðu
bernsku og æskuárin. Elva var
söngelsk og í æsku söng hún
ásamt systur sinni og vinkonu á
skemmtistöðum bæði hérlendis
og erlendis. Hún hlaut ágæta
menntun, stundaði nám í kjóla-
saum og var meistari í þeirri iðn.
Ég kynntist Elvu í Kaup-
mannahöfn fyrir rúmum þrjátíu
árum. Með okkur tókst strax
vinátta sem aldrei bar skugga á.
Betri félaga var ekki hægt að
hugsa sér. Hún var glæsileg
stúlka, Ijúf í viðmóti og glaðvær.
Elva var hamhleypa að hvaða
verki sem hún gekk og gædd
óvenju frjórri sköpunargleði og
listrænum hæfileikum. Það kom
fram í öllum hennar störfum,
bæði á heimili hennar og annars
staðar. Það er bjart yfir
minningum mínum frá árunum
sem við Elva dvöldum samtímis
í Kaupmannahöfn. Mér er ríkt
í minni ferðalag okkar þegar við
leigðum bíl saman fjögur ung-
menni og ókum suður til
Rómar, sváfum í tjaldi og
elduðum matinn á prímus.
Hún giftist-3. mars 1955 bróð-
ur mínum Guðmundi Eggerts-
syni, sem þá stundaði nám í
erfðafræði í Kaupmannahöfn.
Það var gæfuspor fy rir þau bæði.
Þau hafa alla tíð verið óvenju
samhent hjón. Við í fjölskyld-
unni nefndum sjaldan nafn ann-
ars svo hins væri ekki getið.
Fyrstu tólf búskaparárin bjuggu
þau erlendis. Fyrst í Danmörku,
síðan í Englandi, Ameríku og á
Ítalíu. Alltaf var heimili þeirra
hlýlegt og vistlegt og bar vott
um listræna hæfileika húsmóð-
urinnar.
Árið 1967 lést Hjördís Ulla
systir Elvu frá fjórum börnum
og þá kom Guðrún dóttir henn-
ar í fóstur til þeirra. Hún var þá
6 ára. Ári síðar fluttu þau til
íslands og sama ár fæddist dótt-
irin, Aðalheiður Lilja. Elva
lagði sig alla fram við að veita
þeim gott uppeldi. Einnig naut
Hjördís dóttir Guðrúnar ástrík-
is hennar. Ég votta fjölskyldu
hennar, systkinum og vanda-
mönnum dýpstu samúð á sorg-
arstund.
( Ég minnist margra ánægju-
legra stunda með Elvu, ekki síst
á heimili foreldra minna á
Bjargi, þar sem hún dvaldi oft
og sýndi allri fjölskyldunni ást-
úð og vináttu. Ég vil að leiðár-
lokum flytja henni þakklæti
okkar fyrir samfylgdina með
vissu um að henni fylgi guðs
blessun á æðra tilverustigi.
Kristín Eggertsdóttir
Miðvikudagur 11. september 1985 15
^oHúsnæðisstofnun ríkisins
ÚTBOÐ
Stjórnir verkamannabústaða á eftirtöldum stöðum, óska eftir
tilboðum í byggingu íbúðarhúsa. íbúðunum skal skila fullfrá-
gengnum samkvæmt nánari dagsetningu í útboðsgögnum.
Afhending útboðsgagna er á viðkomandi sveitarstjórnarskrif-
stofum og hjá tæknideild Húsnæðisstofnunar ríkisins gegn kr.
10.000.- skilatryggingu.
Tilboðum skal skila á sömu staði, samkvæmt nánari dagsetn-
ingum og verða opnuð að viðstöddum bjóðendum.
Andakílshreppur (Hvanneyri)
1 íbúð í einbýlishúsi; húsið verður 109m2-354m3. Afhending
útboðsgagna er frá 17. sept. til 27. sept. n.k. hjá hr. Jóni
Blöndal, Langholti, Andakílshreppi, Sími: 93-5255. Opnun
tilboða: 1. okt. n.k. kl. 15.00.
Blönduós
4 íbúðir í raðhúsi; húsið verður 419m2-1530m3. Afhending
útboðsgagna er frá 17. sept. til 27. sept. n.k. Opnun tilboða
1. okt. n.k. kl. 11.00.
Hvolsvöllur
2 íbúðir í parhúsi; húsið verður 210m2-765m3. Afhending
útboðsgagna er frá 17. sept. til 27. sept. n.k. Opnun tilboða
1. okt. n.k. kl. 13.30.
Stokkseyri
2 íbúðir í parhúsi; húsið verður 214m’-764m3. Afhending
útboðsgagna er frá 24. sept. til 4. okt. n.k. Opnun tilboða 8.
okt. n.k. kl. 11.00.
Fjórar nýjar frá Iðnskólaútgáfunni
■ Iðnskólaútgáfan er fyrir-
tæki sem virðist vera í örum
vexti. Hún sendir frá sér um
þessar mundir fjórar nýjar
bækur á einu bretti: Áfengi
eftir Hrafn Pálsson, Ritgerði
(beygist eins og Hallgerður)
eftir Hjálmar Árnason og
Baldur Sigurðsson, Gísla sögu
Súrssonar í umsjón Jóhönnu
Sveinsdóttur og Kjalnesinga
sögu í umsjón Jóns Böðvars-
sonar.
Áfengi fjallar um neyslu og
ofneyslu, notkun og misnotk-
un, á þessum kynduga vökva.
Höfundur bindur umfjöllunina
fyrst og fremst við staðreyndir,
bæði í tölum og töluðum
orðum, og gerir lítið af því að
predika þó svo tilgangur bók-
arinnar sé auðvitað sá að gæta
skuli hófs í meðferð áfengis.
Þetta er handhægt rit þar sem
á einum stað má finna helstu
upplýsingar um áfengismál.
Fjallað er um íslenska áfengis-
löggjöf, áhrif áfengisnotkunar
á fjölskyldulíf, um AA-sam-
tökin og bækur, blöð og kvik-
myndir sem segja frá áfengi.
Þetta er kjörin bók fyrir
kennara og leiðbeinendur en
tæpast lesa menn þetta rit sér
til skemmtunar fyrir svefninn.
Ritgerður kemur út í annað
sinn, aukin og endurbætt.
Markmið þessarar bókar er
sett fram af tilhlýðilegum
metnaði. Eftir lestur og lausn
verkefna skal lesandi geta
„skrifað bréf af ýmsu tagi, lýst
vettvangi, sagt frá tíðindum,
gert skipulega grein fyrir þekk-
ingu sinni og skoðunum og
skrifa heimildaritgerð.“ En til
hvers er að geta þetta allt
saman?, kynnu nemendur að
spyrja. Svar höfunda kann að
þykja umdeilt en felur engu að
síður í sér sannindi sem ætla
má að nemendur skilji: „Mál,
þekking og peningar eru aflið
til að komast áfram í þessu lífi.
Málið er þó veigamesti þáttur-
inn...“
Með þessari bók hefur í
rauninni verið brotist inn á
nýtt svið í ritgerðakennslu.
Hér er um að ræða ýmis
„hagnýt“ atriði sem hafa auð-
veldlega orðið útundan í
kennslu af þessu tagi. Þannig
minna höfundar á notkun
handbóka, sýna hvernig skuli
ganga frá bréfum og hvernig
staðið skuli að umsóknum um
atvinnu.
Meginefni bókarinnarfjallar
síðan um hvernig heppilegast
og réttast sé að skrifa ritgerð.
Höfundar ítreka að skipuleg
vinnubrögð séu forsenda þess
að ritgerð verði góð. Það er
huggun þeim sem telja sig
lélega í að tjá sig á rituðu máli,
hér geta þeir lært að skrifa
skipulega.
Bókin er skreytt mörgum
afspyrnu góðum myndum sem
sumar hverjar hefðu þó mátt
prentast betur.
Það er sýnt að þessi bók
getur nýst fleirum en skóla-
nemendum. Hún er gott upp-'
sláttarrit fyrir þá sem þurfa að
skrifa skýrslur og senda bréf.
Sem sagt: jafngóð fyrir lögg-
una á Hverfisgötu og toll-
heimtumanninn í Tryggva-
götu.
(Næst: Kjalnesingasaga og
Gísla saga)
Ingi Bogi
FRÍMERKJASAFNARINN XIX:
STIMPLASÖFNUN
■ Þá skulum við snúa okkur
að þeim hluta póstsögunnar,
þar sem stimpluð bréf taka við.
Nokkur bréf frá íslandi,
send póstleiðina til útlanda
áður en stimplun bréfa hófst á
íslandi, eru til með stimplum
annarra landa, Fótpóststimpli
Kaupmannahafnar og ýmsum
millistöðvastimplum, aðallega
enskum og frönskum.
Það er svo fyrst 1870, að
farið er að stimpla bréf á ís-
landi. Fyrst með dönskum
númerastimplum og stimplum
með íslenskum staðarheitum á
bréfin sjálf, þar sem dönsk
merki voru notuð. Þá er fyrst
um að ræða Reykjavík og
Seyðisfjörð, síðar Berufjörð,
en dönsku númerastimplarnir
sem notaðir voru, voru nr. 236
og 237, með þrem hringjum
utanum tölurnar.
Fyrsta gerð íslenskra stimpla
er kölluð Antiqua, sú næsta
Lapidar, þá kórónustimplar,
þótt nokkrir þeirra misstu síð-
ar kórónuna (Hafnarfjörður -
Vík). Eftir aldamótin koma
svo númerastimplar og nokkru
fyrir aldamótin er farið að nota
svissneska brúarstimpla, sem
enn eru í notkun. Eru til
margar gerðir þeirra. Þá hafa
stimplar með myndum verið
notaðir á tveim pósthúsum hér
á landi, eða Geysi í Haukadal
og í Grímsey. Auk þess hafa
slíkir stimplar oft verið notaðir
sem sérstimplar við ýms tæki-
færi, nú á síðari árum einnig
sem fyrsta dags stimplar.
Þegar safna á póstsögu í
gegnum stimpla, þá er um að
gera að hafa greinileg og góð
eintök frímerkja með vel læsi-
legum stimpli, enn betra er að
eiga bréf með stimplinum á og
þó allra best að eiga bréf með
bakstimplum allra millistöðva,
er sanna okkur þá póstleiðina
og hvenær pósturinn var á
hverjum stað. Tíðkaðist þetta
fram eftir öldinni. Þá þarf að
geta um hvenær viðkomandi
póststöð var opnuð og hvenær
hún hætti, ef hún starfar ekki
lengur. Gaman er líka að geta
þess hverjir hafi annast póstaf-
greiðslu á viðkomandi stað, ef
það er vitað.
Lengst hafa svona rannsókn-
ir komist hjá frímerkjaklúbbn-
um Öskju á Húsavík, eftir því
sem mér er kunnugt. Hafa þeir
gefið út póstsögu sýslu sinnar,
með myndum pósthúsa,
stimpla og upptalningu póst-
afgreiðslumanna. Slík hand-
bók er spannaði allt landið
með tímanum yrði mikill feng-
ur fyrir íslenska póstsögusafn-
ara.
Þá er einnig til önnur gerð
póstsögusöfnunar, en hún er
að safna heimildum um dreif-
ingu ýmsra frímerkjategunda.
Þá safnar viðkomandi ein-
hverju ákveðnu frímerki, eða
einhverri ákveðinni samstæðu
frímerkja, með öllum þeim
stimplum, sem á henni finnast.
Þarna má nefna safn Jóns Hall-
dórssonar af 20 aurum landslag
frá 1925, sem er rautt merki og
því betra að lesa stimplanir á
því. Þá má einnig nefna safn
Ólafs Elíassonar með Gull-
fossmerkjum og fleiri slík.
Ætla má að þessum merkjum
hafi verið dreift á öll pósthús
og póststöðvar á landinu. Þó
er ótrúlega erfitt að ná saman
heilu safni með öllum þeim
stimplum sem þá hefði átt að
vera hægt að finna á landinu.-
Samt eru þessir menn komnir
ótrúlega langt.
Folmer Östergaard verk-
fræðingur mun einna þekktast-
ur þeirra er safna íslandi fyrir
söfnun sína á bréfum með
hinum ýmsu burðargjöldum,
sem giltu á hverjum tíma,
stundum jafnvel í nokkra
daga. Núna er Ólafur
Elíasson, Háaleitisbraut 52,
Reykjavík að vinna að því að
ná saman heimildum um öll
íslensk burðargjöld og hve-‘
nær þau voru í gildi. Væri hon-
um mikil þökk að því að menn
veittu honum upplýsingar, sér-
staklega um hin ýmsu flug-
burðargjöld er giltu og oft er
erfitt að hafa upp á í íslenskum
skjölum. Er þarna á ferðinni
merkilegt rannsóknarverkefni,
sem ég bið lesendur eindregið
að styðja með upplýsingum.
Um hin ýmsu flugburðargjöld
voru gefnar út tilkynningar til
póststöðvanna, sem þær svo
áttu að henda, er ný barst. Ef
einhver á slíkt safn, þá látið
Ólaf vita.
Sigurður H. Þorsteinsson
F.h. stjórna verkamannabústaða
tæknideild Húsnæðisstofnunar ríkisins.
Atvinna í boði
Rafvirki óskast nú þegar til afgreiðslu, lager-
og sölustarfa. Söluumboð LÍR, Hólatorgi 2.
Framsóknarfélag
Garðabæjar
Fundur verður haldinn að Goðatúni 2, kl. 4 laugardaginn 14.
september n.k. Umræðuefni: Komandi bæjarstjórnarkosning-
ar.
Stjórnin.
SVÆDISSTJÓRN MÁLEFNA FATLAÐRA
REYK.IAVÍK
Vegna úthlutunar
úr Framkvæmda-
sjóði fatlaðra
árið 1986
Vegna úthlutunar úr Framkvæmdasjóði fatl-
aðra árið 1986 óskar svæðisstjórn málefna
fatlaðra í Reykjavík eftirfarandi upplýsinga:
1. Yfirlit yfir stöðu þeirra framkvæmda í
Reykjavík sem ólokið er og úthlutað hefur
verið til úr Framkvæmdasjóði fatlaðra.
2. Sundurliðaða framkvæmdaáætlun vegna
ólokinna verkefna í Reykjavík og áætlun
um fjármögnun hvers verkefnis. Sérstak-
lega skal sundurliða hvern verkáfanga
fyrir sig og möguleika hvers
framkvæmdaaðila á fjármögnun til fram-
kvæmdanna (þ.e. eigin fjármögnun eða
önnur sérstök framlög).
3. Beiðnir framkvæmdaaðila í Reykjavík
um fjármögnun úr Framkvæmdasjóði fatl-
aðra árið 1986.
Nauðsynlegt er að ofangreindar upplýsingar
berist svæðisstjórn eigi síðar en 18. sept-
ember n.k.
Svæðisstjórn málefna fatlaðra,
Hátúni 10,105 Reykjavík.