NT - 20.09.1985, Blaðsíða 3
Föstudagur 20. september 1985 3
Íc “
Jafntefli í sjöttu skákinni
■ Sjötta einvígisskák Karpovs
og Kasparovs lauk með jafntefli
í gær eftir fremur tilþrifalitla
viðureign. Þeir léku 27 leiki.
Karpov hafði hvítt og var teflt
drottningarbragð í þriðja sinn í
einvíginu. Þrátt fyrir að heims-
meistarinn virtist standa betur
út úr byrjuninni varð frumkvæði
hans aldrei hættulegt. Kasparov
ákvað að fórna peði fyrir virka
stöðu og ákvað Karpov að
stefna á jafntefli með því að
þráleika.
Áskorandinn Kasparov tók
sér frí frá taflmennskunni eftir
tvö töp í röð, en virtist, sam-
kvæmt fréttaskeytum, vera
heldur daufur í dálkinn en
Karpov þvert á móti hinn örugg-
asti í fasi og minnti framgan'ga
hans á þá daga þegar staðan í
fyrra einvíginu var 5:0. En eng-
ar stórbreytingar urðu í gær.
Karpov heldur vinningsforystu
og má sannarlega vel við una
eftir erfiða byrjun og Kasparov
getur verið ánægður með jafn-
tefli í þessar skák því hann fær
tækifæri á að jafna metin með
hvítu mönnunum í sjöundu
skákinni sem tefld verður á
morgun, laugardag.
6. einvígisskák:
Hvítt: Anatoly Karpov
Svart: Garrí Kasparov
Drottningarbragð
1. d4
■ Kasparov
■ Karpov
(I fjórða sinn leikur Karpov
uppáhaldsleik andstæðingsins.
Hingað til hefur hann ávallt
borið sigur úr býtum (7. og 9.
skák í fyrra einvíginu og 4.
skákin í þessu). Það væri ekki úr
vegi fyrir Kasparov að tefla
heldur hvassari byrjanir gegn
honum, Benoni-vörn eða
kóngsindverska vörn, en að því
kemur vonandi síðar.)
I. .. d5
2. c4 e6
3. Rc3 Be7
4. Rf3 Rf6
5. Bg5 h6
6. Bxf6 Bxf6
7. e3 0-0
8. Dd2
(Karpov lék 8. Dc2 í fjórðu
skákinni en auðvelt ætti að vera
að endurbæta taflmennsku
svarts. Hann heldur því á önnur
mið.)
8. .. dxc4
(Eftir 8. - Rc6 er komin upp
sama staðan og í 19. einvígis-
skákinni í fyrra. Karpov fékk
þar betri stöðu og þó svartur
héldi jöfnu vill Kasparov ekki
endurtaka sama leikinn.)
9. Bxc4 Rd7
10. 0-0 c5
II. Hfdl cxd4
12. Rxd4 Rb6
13. Be2 Bd7
14. Bf3 Hb8
15. Re4
(Virk staða léttu mannanna
tryggir hvítum eilítið betra tafl.
Hér virðist einfaldast að leika
14. - Be7 en Kasparov finnur
skemmtilega áætlun. Hann
fórnar peði fyrir virka stöðu
manna sinna.)
15. .. Bxd4!
16. Dxd4 Ba4
17. Dxd8 Hfxd8
18. Hxd8t Hxd8
19. Rc5 Hd2
Helgi
Ólafsson
stórmeistari
skrifar
um skák
(Á þessu byggðist áætlun Kasp-
arovs. Þó hvítur geti þvingað
peðsvinning getur hann engan
veginn notfært sér umframpeð-
ið. Til þess eru menn svarts of
virkir.)
20. b3 Bc6
21. Rxb7 BxD
22. gxD Rd7
23. Kg2
(Reynandi var 23. f4 g5 24. fxg5
hxg5 25. h3 en Karpov velur
aðra leið.)
23. .. g5
24. b4 Rb6
(Hyggst svara 25. a4 með 25. -
Rd5! sem hótar bæði 26. - Rxe3t
og 26. - exb4.)
25. Kfl Rd7
26. Kg2 Rb6
27. kfl Rd7
- Jafntefli. Það kann að vera að
niðurtalningin sé byrjuð hjá
Karpov. Þetta einvígi er ekki
endalaust og hann heldur titlin-
umájöfnu.sé staðan 12:12 eftir
24 skákir sem er hámarksskáka-
fjöldi.
Staðan:
Karpov 3'/2
Kasparov 2'/2
Langholts-
sókn í fjár-
hagskröggum
■ Langholtssókn skuld-
ar um 15 milljónir króna
vegna kirkjunnar. Stór
hluti af því er lán til tíu ára
og er það í skilum. Hins-
vegar gengur erfiðar að
ráða við ýmis skamm-
tímalán sem hvíla á kirkj-
unni.
Að sögn Ingimars Ein-
arssonar, ritara sóknar-
innar, hefur kirkjubygg-
ingin verið mjög erfitt fjár-
hagsdæmi. 1982 var ákveð-
ið <fð Ijúka byggingunni
og fjármunum safnað með
skuldabréfaútboði upp á
10 milljónir króna. Síðan
skall verðbólguholskeflan
á og lék söfnuðinn mjög
grátt en tekjumöguleikar
fyrir söfnuðinn hafa frekar
versnað en hitt.
í sumar var ákveðið að
selja sjö lóðir sem kirkjan
átti og fengust þannig 6
milljónir króna. Þær fóru
í að greiða verktökum og
fyrir efniskostnað. Sagði
Ingimar að enn hefði ekki
fundist leið til að standa
straum af lánunum.
Stefán Guðjohnsen,
gjaldkeri safnaðarins,
staðfesti að þetta væri
mjög crfitt dæmi, sagðist
hann samt vonast til að
það gengi upp.
að fmna fréttir
og greinar um húsbyggingar
og innanstokksmuni, um
byggingarefni og byggingaraðferðir,
nýjungar í tækni og það nýjasta
frá arkitektunum er kynnt. Fjölmargir
seljendur fasteigna auglýsa í
Innan húss og utan, enda nær blaðið
til nánast allra landsmanna.
Ef þú ert að leita þér að fasteign
getum við sparað þér mikla vinnu.
MEIRIHATTAR BLAÐ
HLAÐIÐ FRETTUM AF
HEIMILUM, HÚSUM OG
FASTEIGNAMARKAÐINUM
Fylgir blaðinu á laugardögum
Ég óska eftir að gerast áskrifandi að NT.
NAFN
HEIMILI
PÓSTNR.
STAÐUR
NAFNNR.
UNDIRSKRIFT