Morgunblaðið - 27.08.2004, Síða 10

FRÉTTIR
10 FÖSTUDAGUR 27. ÁGÚST 2004 MORGUNBLAÐIÐ
„ÞETTA er mjög erfitt því margir af
þessum nemendum eru búnir að
stunda lengi tónlistarnám og eru
komnir alveg á lokasprettinn. Það er
alveg svakalegt að fara svona með
þau. Bæjarfélögin eru með þennan
þrýsting til að koma þessu yfir á ríkið
og beita þess vegna svona óvönduðum
vinnubrögðum,“ segir Ásrún Davíðs-
dóttir, aðstoðarskólastjóri Söngskól-
ans.
Um þrjátíu nemendur skólans, sem
stunda nám í Reykjavík, en eiga lög-
heimili í öðru sveitarfélagi, vita ekki
hvernig námi þeirra verður háttað í
vetur, en sveitarfélögin vilja að ríkið
yfirtaki það verkefni þeirra að styrkja
tónlistarnám á framhaldsstigi.
„Vandamálið er að samkvæmt nú-
gildandi lögum ber sveitarfélögum í
raun og veru að styrkja tónlistarnem-
endur. Það er alveg óvéfengjanlegt að
lögin [lög um fjárhagslegan stuðning
við tónlistarskóla], kveða á um að tón-
listarnám sé alfarið í höndum sveitar-
félaga og að sveitarfélögin styrki tón-
listarkennslu,“ segir Ásrún. Eftir að
þessi lög tóku gildi voru grunnskól-
arnir færðir yfir á sveitarfélögin, en
framhaldsmenntun er í höndum rík-
isins.
Telja eðlilegt að ríkið sjái alfarið
um framhaldsmenntun
Þórður Skúlason, framkvæmda-
stjóri Sambands íslenskra sveitarfé-
laga, segir að nú sé unnið að því að ná
samkomulagi um að ríkið taki að sér
ákveðna þætti er varða framhalds-
menntun í tónlist. „Við hefðum talið
eðlilegt að ríkið greiddi fyrir alla
framhaldsmenntun í tónlistarskólum,
að sveitarfélögin sæju um grunn-
menntunina en síðan tæki ríkið að sér
að sjá um framhaldsmenntun á tón-
listarsviði, eins og bara aðra fram-
haldsmenntun í landinu. Við höfum
verið að vinna að því að ná samkomu-
lagi um það að ríkið greiddi, allavega
núna, á næsta ári, hluta af kostnaði
nemenda sem eru í framhaldsskólum,
en það er ekki komin niðurstaða í
þetta mál,“ segir Þórður.
Vilhjálmur Þ. Vilhjálmsson, for-
maður Sambands íslenskra sveitarfé-
laga, segir að nefnd á vegum sam-
bandsins og
menntamálamálaráðuneytis hafi gert
drög að samkomulagi um þetta mál.
Hins vegar hafi komið skilaboð frá
menntamálaráðuneytinu um að það
þurfi að semja um hvað sveitarfélögin
geti tekið að sér á móti. „Við höfum
sent erindi til fjármálaráðuneytisins
og óskað eftir því að undirritun þessa
samkomulags og framkvæmd þess
verði hraðað,“ segir Vilhjálmur.
Allt í stappi í fyrravetur
Einnig segir hann að óskað hafi
verið eftir því að sú upphæð sem ríkið
telur að það taki á sig vegna þessa
verði sett á biðreikning, sem komi til
umfjöllunar þegar frekari verkaskipt-
ing ríkis og sveitarfélaga verður
rædd, en verði ekki látin bíða í langan
tíma þar til endanlegar tillögur um
verkaskiptingu liggi fyrir.
Ásrún segir að Reykjavíkurborg
hafi áður í raun styrkt alla nemendur
sem stunduðu nám í tónlistarskólum
borgarinnar, hvort sem þeir áttu lög-
heimili í Reykjavík eða ekki. Fyrir
rúmu ári hafi verið tilkynnt um að
ekki yrði lengur greitt með nemend-
um sem ekki búa í Reykjavík og var
nemendum með lögheimili utan höf-
uðborgarinnar gert að sækja um
styrk til síns sveitarfélags.
„Þetta gekk í raun og veru í stappi
allan fyrravetur, en endaði samt
þannig að sveitarfélögin á höfuðborg-
arsvæðinu styrktu öll sína nemendur.
Sveitarfélögin úti á landi gerðu það
ekki, það urðu að hætta hér nemend-
ur hjá okkur sem áttu heima á Ak-
ureyri, Eyrarbakka og Selfossi, eða
flytja lögheimili sitt til Reykjavíkur,“
segir Ásrún.
Hún segir að síðasta vetur hafi átt
að nota til samninga, en málið standi í
dag nákvæmlega eins og það gerði í
fyrra. „Það er komin enn þá meiri
harka í sveitarfélögin og þau vilja
þrýsta á ríkið að taka þetta yfir, með
því að neita að borga. Það sem er líka
erfitt í þessu er að það fást engin
ákveðin svör,“ segir Ásrún, sem segir
að hver bendi á hinn og málið sé því
strand.
Rekstur tónlistarskóla er tvíþætt-
ur. Nemendur borga skólagjöld sem
notuð eru fyrir rekstrarkostnaði skól-
ans, eins og rekstri skrifstofu, orku og
húsaleigu. Styrkur sveitarfélaganna
kemur hins vegar beint til skólans og
er eingöngu fyrir kennslukostnaði.
Innt eftir því hvernig tekið verði á
málum þeirra nemenda sem hafa
fengið neitun frá sínu sveitarfélagi
segir Ásrún að í raun verði nemendur
að borga hlut sveitarfélaganna. „Ef
ég væri Hafnfirðingur, kominn yfir
grunnskólaaldur og vildi stunda nám
við Söngskólann hefði ég þrjá kosti.
Einn væri að skrá lögheimili í
Reykjavík. Annar kostur væri að
greiða þetta gjald að fullu og sá þriðji
væri að sækja um til Lánasjóðs ís-
lenskra námsmanna,“ segir Ásrún.
Söngskólinn var settur á miðvikudag
og segir Ásrún þessa óvissu mjög
hvimleiða. „Við erum í mjög slæmum
málum því auðvitað eiga kennarar
sinn rétt á því að það verði staðfest
hvert kennsluhlutfall þeirra verður
og þeir eiga rétt á því að fá það
kennsluhlutfall greitt áfram.“
Þá vill Reykjavíkurborg fá lista yfir
þá nemendur sem þeir þurfa að
greiða með. „Nemendurnir standa
frammi fyrir því að ef þeir fá neitun
frá sínu sveitarfélagi eru þeir líka
orðnir of seinir til að breyta um lög-
heimili og komast inn í kennslukvót-
ann hjá Reykjavíkurborg. Þannig að
þeir eru settir alveg á milli steins og
sleggju,“ segir Ásrún.
Ásrún segir að boðað hafi verið til
fundar hinn 6. september þar sem
taka eigi málið upp. „Hvort það fást
skýr svör, það vitum við ekki en þá
verða liðnir a.m.k. tíu dagar frá því
tónlistarskólarnir byrjuðu og þeir
dagar eru náttúrlega alveg í upp-
námi,“ segir hún.
Tónlistarnám nemenda ut-
an Reykjavíkur í uppnámi
Sveitarfélögin vilja að ríkið taki við stuðningi við nemendur í tónlistarnámi
VEIÐIMENN sem voru nýverið í
Álftá á Mýrum fengu m.a. fjögurra
punda sjóbirting sem við fyrstu sýn
virtist vera grútleginn. En við nán-
ari skoðun var hann einnig grálú-
sugur. Þetta heitir að vera þaraleg-
inn, en það eru fiskar sem hafa
beðið lengi í hálfsöltu vatni eftir
gönguskilyrðum. Í stað þess að
verða legnir í ánni hafa þeir tekið lit
af þaranum, en lúsin lifir áfram
kóngalífi, enda er það ferskvatnið
sem hún þolir ekki.
Stórar áætlanir í Tungufljóti
Umræddir veiðimenn fengu 8
laxa og 14 birtinga, laxarnir voru
allt að 12 pund, birtingarnir á bilinu
2–4 pund. Nokkrir laxanna voru
líka með lús og kom það mönnum á
óvart því áin var gríðarlega vatns-
lítil. Álftá var þá komin í 210 laxa og
síðan hefur rignt og glæðst. Mikið
hefur einnig veiðst af vænum sjó-
birtingi.
Veiðimenn sem renndu fyrir sil-
ung fyrir ofan fossinn Faxa í Tungu-
fljóti í Biskupstungum fyrir
skemmstu fengu sex urriða, þá
stærstu 6 punda. Laxastiginn í Faxa
hefur verið endursmíðaður fyrir til-
stuðlan Lax-ár, sem hefur tekið ána
á leigu og hyggst vera þar með stór-
felldar gönguseiðasleppingar eins
og stundað er í Rangárþingi og víð-
ar. Í sumar var þess vænst að fyrstu
laxarnir skiluðu sér úr lítilli til-
raunasleppingu í fyrra og hefur það
gengið eftir, nokkrir hafa veiðst og
verið sleppt. Í laxastiganum er
gildra og verða klaklaxar teknir úr
henni jafn harðan og þeir ganga í
hana. Áætla forkólfar Lax-ár að lax-
veiði geti hafist í ánni sumarið 2006.
Héðan og þaðan
Fáskrúð er komin með á annað
hundrað laxa, eitthvað nálægt 120
um miðja vikuna. Áður en vætan
náði vestur í Dali í fyrsta skipti í
sumar.
Tveir veiðifélagar sem brugðu
sér á neðanverða Arnarvatnsheiði
nýverið fengu á rúmlega hálfum
degi tæpar 30 bleikjur í Arnarvatni
litla og lóni efst í Refsverinu. Þetta
var allt 1–2 punda bleikja og fékkst
með því að veiða djúpt með kúlu-
lausum púpum.
Þá hafa heyrst fregnir af miklum
ævintýrum í Fljótaá í Fljótum, m.a.
að veiðimaður einn hafi tekið níu
laxa í beit og þá neyðst til að hætta
því börnin voru með og var farið að
leiðast þófið!
Fín veiði hefur verið á silungasvæði Hafralónsár í sumar, hér er Rögnvaldur Hallgrímsson með væna sjóbleikju.
Þara-
legnir í
Álftá og
víðar
ERU
ÞEIR AÐ
FÁ’ANN?
„NÚNA stend ég frammi fyrir því
að verða að skipta um lögheimili til
að verða ekki vikið úr skóla, því
Söngskólinn vill í rauninni ekki
hafa mig í skólanum ef það fæst
ekki styrkur fyrir mig,“ segir Þór-
unn Vala Valdimarsdóttir, nemi á 8.
stigi í söng í Söngskólanum, sem er
búsett í Kópavogi. Hún segist ekki
enn búin að ákveða hvað hún geri,
hún eigi ættingja í Reykjavík sem
séu til í að leyfa henni að flytja lög-
heimili sitt til þeirra og eins hafi
söngkennarinn hennar boðið henni
það. „Fresturinn [til að skipta um
lögheimili] rennur út [í dag], því þá
þarf Söngskólinn að senda út lista
yfir nemendur sem eiga heima í
Reykjavík. Auðvitað á maður ekki
að þurfa að skipta um lögheimili til
að fá að stunda nám til jafns við
aðra. Það er í raun ekki jafnrétti til
náms, ef ég má ekki vera í Söng-
skólanum af því að ég á heima í
Kópavogi. Söngskólinn er eini skól-
inn sem býður
upp á breskt
kerfi og eini sér-
hæfði söngskól-
inn á landinu,“
segir Þórunn
Vala.
Kópavogur
hefur ekki tekið
ákvörðun um
hvort hann muni
styrkja nem-
endur í framhaldsnámi í tónlist, en
fundað var um málið í gær. Þórunn
Vala segir eina möguleikann ef
Kópavogur neiti að styrkja nem-
endur að flytja lögheimilið til
Reykjavíkur. „Það stendur enginn í
því að borga 600.000 krónur, sem
er það sem er borgað með hverjum
nemanda á framhaldsstigi. Það er
enginn venjulegur maður að fara
að borga það, fyrir utan skólagjöld-
in sem eru 215.000,“ segir Þórunn
Vala.
„Auðvitað á maður ekki að
þurfa að skipta um lögheimili“
Þórunn Vala
Valdimarsdóttir
HANS-Ulrich Klose, þingmaður
þýska Jafnaðarmannaflokksins
(SPD) flytur erindi á sameiginlegum
fundi Samtaka um vestræna sam-
vinnu (SVS) og Varðbergs, miðviku-
daginn 1. september, undir yfir-
skriftinni: „Hvaða áhrif hefur
fækkun bandarískra hermanna á ör-
yggismál Evrópu?“
Skv. upplýsingum SVS og Varð-
bergs hafa öryggis- og varnarmál
Norður-Atlantshafssvæðisins verið í
brennidepli jafnt í Bandaríkjunum
sem og í Norður-Evrópu á undan-
förnum árum. Bandaríkjamenn ætla
að fækka umtalsvert í varnarliði sínu
í Evrópu og vilja að Evrópulönd axli
meiri ábyrgð á því sviði. „Deilur og
ólík sjónarmið hafa verið meðal for-
ystumanna NATO-ríkjanna, sem sér
ekki fyrir endann á. Þjóðverjar hafa
ætíð haft mikinn áhuga á öryggis-
málum N-Atlantshafsins og eru
traustir bandamenn okkar á þeim
vettvangi, sem og fleirum.“
Hans-Ulrich Klose hefur verið
virkur þátttakandi í þýskum stjórn-
málum síðan 1964 og er í röð þekkt-
ustu þingmanna Jafnaðarmanna-
flokksins. Fundurinn hefst klukkan
17.15 í Skála á Hótel Sögu og er op-
inn öllu áhugafólki um varnar- og ör-
yggismál.
Ræða áhrif
fækkunar
heraflans
♦♦♦
BORIST hefur eftirfarandi yfirlýsing
frá Bláa lóninu:
„Bláa Lónið hf vísar með öllu á bug
lýsingu starfsmanns, sem sagt var
upp störfum hjá fyrirtækinu þann 12.
ágúst sl., á atviki og viðbrögðum
starfsfólks, er sá hörmulegi atburður
varð þann 6. ágúst sl., að 14 ára sviss-
neskur drengur drukknaði í lóninu.
Frétt byggð á lýsingu starfsmanns-
ins fyrrverandi birtist í DV fimmtu-
daginn 26. ágúst.
Ljóst er að starfsfólk Bláa Lónsins
– heilsulindar brást rétt við atvikinu
og fór í hvívetna eftir neyðaráætlun
fyrirtækisins, sem samþykkt er af
Heilbrigðiseftirliti Suðurnesja.
Í eftirlitsskýrslu Heilbrigðiseftir-
lits Suðurnesja, sem dagsett er þann
18. ágúst 2004, og fjallar um úttekt
embættisins á laugargæslu, neyðar-
og þjálfunaráætlun Bláa Lónsins –
heilsulindar í kjölfar slyssins, kemur
fram, að embættið telur ekki tilefni til
athugasemda við fyrirkomulag laug-
argæslu, neyðar- og þjálfunaráætlun-
ar Bláa Lónsins hf.
Forsvarsmenn Bláa Lónsins hf
harma óréttmæta gagnrýni á starfs-
fólk fyrirtækisins og þau óþægindi, er
starfsfólkið hefur orðið fyrir vegna
þessa.“
Yfirlýsing frá
Bláa lóninu
Öryggis-
gæsla ávallt
í fyrirrúmi
OLÍUFÉLAGIÐ opnar fimmtu
sjálfsafgreiðslustöðina á höfuðborg-
arsvæðinu undir vörumerkinu
EGO. Nýja stöðin er í Stekkja-
bakka í Breiðholti og stendur við
Staldrið.
Félagið opnaði fjórar sjálfsaf-
greiðslubensínstöðvar í apríl sl.
undir vörumerkinu EGO, en á
stöðvunum er áhersla lögð á að
veita eldsneyti á lágu verði auk þess
að bjóða viðskipavinum virðisauk-
andi ávinning í formi afsláttarmiða
og tilboða á vörum og þjónustu.
Formleg opnunarhátíð hefst kl. 16.
Ný bensín-
stöð opnuð í
Stekkjabakka
♦♦♦