Morgunblaðið - 04.09.2004, Blaðsíða 42

MINNINGAR
42 LAUGARDAGUR 4. SEPTEMBER 2004 MORGUNBLAÐIÐ
✝ Einar KristinnHelgason fæddist
á Holtastíg 10 í Bol-
ungarvík 27. janúar
1937. Hann lést laug-
ardaginn 28. ágúst
síðastliðinn. Foreldr-
ar Einars voru Anna
Svandís Gísladóttir
húsmóðir, f. 31.7.
1908, d. 26.7. 2000 og
Helgi Einarsson for-
maður í Bolungar-
vík, f. 9.7. 1889, d.
21.11. 1947. Einar
var þriðji í röð sex al-
systkina, Hin eru: 1)
Bragi, f. 1933, kvæntur Þorbjörgu
Maggý Jónasdóttur, 2) Helga Svan-
dís, f. 1935, gift Birgi Sigurbjarts-
syni, 3) Gísli, f. 1938, d. 6.12. 2003,
kvæntur Sigríði Jónínu Hálfdáns-
1) Lárus Birkir forstöðumaður, f.
17.1. 1960, kvæntur Esther Sigurð-
ardóttur framkvæmdastjóra, sonur
þeirra er Birkir, f. 1983. 2) Anna
Margrét matráður, f. 28.7. 1961, gift
Hirti Kristjánssyni vélvirkja, dætur
þeirra eru Birta, f. 1988, Hulda, f.
1990 og Klara, f. 1999. 3) Helgi
rekstrarfræðingur, f. 21.2. 1964,
barnsmóðir Svanhvít Friðþjófsdótt-
ir, börn þeirra Saga Huld, f. 1991 og
Einar Kristinn, f. 1992. 4) Stúlka, f.
1. júní 1975, dáin sama dag.
Einar vann við ýmis sveitastörf á
unglingsárum sínum en að þeim
loknum lá leið hans á sjóinn og var
hann á ýmsum skipum frá Bolung-
arvík, mest með Hálfdáni Einarssyni
bæði á síldveiðum og á vetrarvertíð-
um. Hann hóf störf í plastverksmiðju
Jóns Fr. Einarssonar árið 1966 og
var þar sem verksmiðjustjóri til 1986
er hann gerðist hafnarvörður við
Bolungarvíkurhöfn þar sem hann
starfaði þar til hann lést.
Útför Einars fer fram frá Hóls-
kirkju í Bolungarvík í dag og hefst
athöfnun klukkan 14.
dóttur, 4) Ágúst Guð-
jón, f. 1939, kvæntur
Þóru Kristínu Run-
ólfsdóttur og 5) Guð-
björg, f. 1941, sam-
býlismaður Haukur
Jóhannsson. Hálf-
systkini Einars af föð-
urnum voru Einarína,
f. 1911, d. 1914, Magn-
ús, f. 1913, d. 1948 og
Kristín, f. 1915, d.
1989.
Hinn þrítugasta
desember 1961 kvænt-
ist Einar eftirlifandi
eiginkonu sinni,
Magneu Huldu Gísladóttur, f. að
Ósi í Bolungavík 5.4. 1941. For-
eldrar hennar voru Margrét Magn-
úsdóttir og Gísli Valdimarsson.
Börn þeirra Huldu og Einars eru:
Grátið mig ekki, því ég er frjáls,
ég fylgdi veginum sem Guð lagði fyrir
mig.
Ég tók Hans hönd, þegar kallið kom,
sneri við og yfirgaf allt.
Ég gat ekki dvalið lengur,
til að hlæja, elska, vinna eða gleðjast.
Ókláruð verk mín verða eftir hér,
ég fann þennan stað minn síðasta dag.
Hafi brottför mín skilið eftir tómarúm,
fyllið það með góðum minningum.
Vináttu og gleðistunda,
ó já ég á eftir að sakna líka.
Berið ekki þungar byrðar sorgarinnar.
Ég óska ykkur bjartra daga.
Líf mitt var fyllt af gleðistundum,
í samför ástvina og annarra.
Kannski virtist dvöl mín hér allt of stutt.
En lengið hana ekki með djúpri sorg.
Léttið á hjarta ykkar og samgleðjist mér,
Guð vildi mig núna og tók móti mér.
(Irvin R. Karon.)
Hafðu þökk fyrir allt og allt.
Lárus B. Einarsson.
Það er erfitt að skilja áætlanir
Guðs almáttugs, ástkær tengdafaðir
minn kvaddi okkur skyndilega sl.
laugardag og með honum er genginn
einstakur og góður maður. Kynni
mín af Einari og Huldu hófust 1978
þegar ég var svo lánsöm að kynnast
elsta syni þeirra Lárusi Birki. Þau
hjónin tóku mér með opnum faðmi í
fjölskylduna frá upphafi og ég var
einstaklega lánsöm að eignast þessa
tengdafjölskyldu. Einar var einstak-
ur öðlingur, tryggur og traustur
sinni fjölskyldu í einu og öllu. Frá
byrjun hef ég dáðst að hjónabandi
og sambandi þeirra Huldu og Ein-
ars, gagnkvæm tryggð, virðing fyrir
hvort öðru og einlæg ást og blíða var
augljós á framkomu þeirra hvors við
annað og hjörtu þeirra slógu í takt.
Þau voru jafnframt einlægir vinir,
samstiga í öllu sem þau tóku sér fyr-
ir hendur og samvinna þeirra var
aðdáunarverð.
Öll verk sem Einar og Hulda tóku
sér fyrir hendur voru framkvæmd af
einstakri vandvirkni, samviskusemi,
natni og þolinmæði. Einar var þús-
undþjalasmiður, iðjusemi var einn af
mörgum kostum sem Einari voru
gefnir, og höfum við öll notið góðs af
handlagni hans í fjölskyldunni. Ein-
ar var afar góð fyrirmynd sem eig-
inmaður, faðir og afi, fjölskyldan var
honum allt og tengslin afar náin. Þó
að Einar sé ekki lengur á meðal okk-
ar, sé ég hann í börnum hans Lalla,
Helga og Önnu Möggu, taktar,
hreyfingar, sama ljúfmennskan,
tryggðin og samheldnin. Einar var
einstakur afi og getur ekki nokkur
fyllt það skarð. Birkir sonur minn
hefur notið samveru afa síns frá
fyrstu tíð, alltaf að horfa á afa smíða,
laga, eða búa eitthvað til, ótalin eru
spil og leikir sem sonur minn gat
fengið afa og ömmu til að spila við
sig, göngutúrar og ómældar gleði-
stundir. Barnabörnin hafa dregið
fram allar mjúku hliðar Einars,
hann var stoltur af afahópnum og
hafði endalausan tíma fyrir hvert
þeirra. Þau jákvæðu áhrif sem sonur
minn hefur hlotið vegna samveru við
afa sinn eru ómetanleg, afi er hetjan
hans Birkis, og það er erfitt að
hugsa tilveruna án hans. Heimili
Huldu og Einars ber vott um hand-
lagni þeirra beggja, síðastliðin ár
hafði Einar tekið upp áhugamál við
að skera út og saga út hluti og eigum
við nú öll fjársjóði sem bera merki
um handlagni hans. Bústaðurinn
þeirra inni í Mjóafirði er þeirra
sælureitur og ber einnig gott merki
um alla vandvirkni og handlagni
Einars, þar eyddu þau flestum frí-
stundum á sumrin og þar dvaldi Ein-
ar síðustu daga ævi sinnar. Síðan við
fluttum 1993 til Michigan höfum við
notið heimsókna Einars og Huldu
annað hvert ár, og eigum við margar
ógleymanlegar minningar um góðar
stundir sem ylja okkur á þessari erf-
iðu stundu.
Á sama tíma og við reynum að
vinna úr sorg okkar, er huggun í því
að vita að Einar er í Paradís, þar er
Gísli bróðir hans sem kvaddi fyrir
einungis 8 mánuðum, eru þeir á
meðal engla Hins Himneska föður
án efa að líta eftir okkur sem eftir
stöndum hnípin.
Nú drúpum við höfði í einlægri
virðingu og vinnum að sátt við
Himnaföðurinn sem kallaði Einar til
síns svo fljótt. Elsku tengdaföður
mínum þakka ég allar samveru-
stundir, hlýju, traust, og einlæga
vináttu. Elsku Lalli minn, Anna
Magga og Helgi, þið eruð lifandi eft-
irmynd föður ykkar, þið getið verið
stolt af einstökum pabba sem elskaði
ykkur meir en orð fá lýst. Elsku
Birkir minn, Birta, Hulda, Klara,
Saga Huld og Einar Kristinn, geym-
ið allar minningarnar um afa og
munið að þó að við sjáum hann ekki
er hann alltaf með okkur.
Ég bið algóðan Guð að blessa og
styrkja elsku tengdamóður mína,
Huldu, á þessari erfiðu stundu, gefa
henni frið og sátt í hjarta sínu.
Minningin um einstakan mann mun
lifa á meðal okkar, þar til við hitt-
umst á ný. Guð blessi minningu Ein-
ars Helgasonar. Hvíli hann í friði.
Esther Sigurðardóttir.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinbjörn Egilsson.)
Elsku afi minn er farinn allt of
fljótt. Það er erfitt að horfa fram á
við án hans.
Ég á fjársjóð af minningum sem
ég mun geyma ævilangt. Afi var allt-
af tilbúinn að tala við mig, kenna
mér, sýna mér eða leyfa mér að
prófa hluti.
Hann var alltaf til í að leika við
mig, spila eða grínast. Afi er góð fyr-
irmynd fyrir mig, og hefur alltaf haft
jákvæð áhrif á mig og mína framtíð.
Afi bjó til marga fallega hluti handa
mér og mun ég varðveita þá um alla
framtíð. Og í framtíðinni þegar ég
eignast börn mun ég hafa margt að
segja þeim um langafa og hversu
hæfileikaríkur hann var og hversu
góður maður hann var. Ég mun
aldrei gleyma afa og vil ég þakka
honum alla ást og umhyggju og allar
góðar stundir. Elsku amma á svo
erfitt, Guð blessi elsku ömmu mína
og varðveiti um alla framtíð.
Guð geymi elsku afa minn.
Legg ég nú bæði líf og önd,
ljúfi Jesús, í þína hönd,
síðast þegar ég sofna fer
sitji Guðs englar yfir mér.
(Hallgrímur Pétursson.)
Láttu nú ljósið þitt
loga við rúmið mitt.
Hafðu þar sess og sæti,
signaði Jesús mæti.
(Höf. ók.)
Birkir Lárusson.
Sárt er vinar að sakna.
Sorgin er djúp og hljóð.
Minningar mætar vakna.
Margar úr gleymsku rakna.
Svo var þín samfylgd góð.
Daprast hugur og hjarta.
Húmskuggi féll á brá.
Lifir þó ljósið bjarta,
lýsir upp myrkrið svarta.
Vinur þó félli frá.
Góða minning að geyma
gefur syrgjendum fró.
Til þín munu þakkir streyma.
Þér munum við ei gleyma.
Sofðu í sælli ró.
(Höfundur ók.)
Þessar ljóðlínur eiga vel við þegar
við minnumst kærs mágs, svila og
vinar Einars Helgasonar sem varð
bráðkvaddur laugardaginn 28. ágúst
langt um aldur fram.
Margs er að minnast eftir fjölda
samverustunda í gleði og sorg og
stórt skarð er nú höggvið í stórfjöl-
skylduna. Fjölskyldan úr Hnífsdal
gerði innrás á Hlíðarstræti 4 í Bol-
ungarvík um hver jól og áramót.
Alltaf vorum við velkomin þó að-
sprengjugleði feðganna úr Hnífsdal
ætlaði stundum að æra húsráðend-
ur. Samverustundir fjölskyldnanna
takmörkuðust þó ekki við jól og ára-
mót. Á sumrin eyddu Einar og
Hulda eins miklum tíma og þau gátu
í bústaðnum sínum í Mjóafirði og
fengum við oft að njóta gestrisni
þeirra þar. Einar var bæði laghent-
ur og afar greiðvirkinn. Ef eitthvað
þurfti að gera á okkar heimili var
Einar alltaf boðinn og búinn að
hjálpa til, hvort heldur átti að klæða
hús, leggja parket eða hvaðeina sem
gera þurfti. Þau eru mörg handtökin
sem þeir unnu saman svilarnir og
margar góðar þagnarstundir yfir
flóknum verkefnum. Fjölskyldan á
Bakkavegi 15 vill að leiðarlokum
þakka Einari innilega allar sam-
verustundirnar. Guð blessi minn-
inguna um Einar Helgason. Elsku
Hulda, Lalli, Anna, Helgi, tengda-
börn og barnabörn, við á Bakkaveg-
inum, makar og börn vottum ykkur
okkar dýpstu samúð.
Fjölskyldan Bakkavegi
15, Hnífsdal.
EINAR KRISTINN
HELGASON
Faðir okkar, tengdafaðir, afi og langafi,
GUNNAR JÓHANN SIGURJÓNSSON,
Gránufélagsgötu 41,
Akureyri,
sem lést á Fjórðungssjúkrahúsinu á Akureyri
laugardaginn 28. ágúst sl., verður jarðsunginn
frá Akureyrarkirkju miðvikudaginn 8. septem-
ber kl. 13.30.
Blóm og kransar eru afþakkaðir, en þeim,
sem vildu minnast hans, er bent á Krabbameinsfélag Akureyrar.
Sigurlaug Þ. Gunnarsdóttir, Trausti Jóhannsson,
Tryggvi Gunnarsson, Gunnar J. Gunnarsson,
Sigríður D. Gunnarsdóttir, Gunnhildur H. Gunnarsdóttir,
Sigurjón Gunnarsson, Elín Harðardóttir,
Tómas Gunnarsson, Kristina Pere,
barnabörn og barnabarnabörn.
Ástkær móðir okkar, tengdamóðir, amma og
langamma,
KARÓLÍNA GUÐNÝ ÞORSTEINSDÓTTIR,
Sporðagrunni 4,
Reykjavík,
lést á hjúkrunarheimilinu Droplaugarstöðum
miðvikudaginn 1. september.
Jarðarförin verður auglýst síðar.
Arnfríður Guðnadóttir,
Guðrún Kolbrún Guðnadóttir, Hjörtur Sigurjónsson,
Jóna Guðnadóttir, Þórir Jónsson,
Halldór Guðnason,
barnabörn og barnabarnabörn.
Hjartans þakkir til ykkar allra sem veittuð
okkur stuðning og samúð í veikindum og við
andlát okkar ástkæra
GUNNARS ALBERTS HANSSONAR,
Sævargörðum 18,
Seltjarnarnesi.
Helga Guðmundsdóttir,
Helga Sunna Gunnarsdóttir,
Steinn Baugur Gunnarsson, Júlíana Einarsdóttir,
Nökkvi Gunnarsson, Ellen Rut Gunnarsdóttir,
Hans Hilaríusson, Jónína Böðvarsdóttir,
Guðmundur Karlsson, Oddbjörg Kristjánsdóttir.
Innilegar þakkir sendum við öllum fyrir auð-
sýnda samúð vegna fráfalls eiginmanns míns,
föður okkar, tengdaföður, afa og langafa,
JÓNS AÐALBJÖRNSSONAR,
Þórshöfn.
Sérstakar þakkir færum við starfsfólki við Heil-
brigðisstofun Húsavíkur og Þórshafnar og
dvalarheimilinu Nausti.
Elska ykkar mun lifa í hjörtum okkar.
Hulda Ingimars og niðjar.
Innilegar þakkir til allra sem sýndu okkur
samúð og hlýhug við andlát og útför eigin-
manns míns, föður okkar, tengdaföður, afa og
langafa,
SIGURÐAR GEIRSSONAR
frá Reyðará,
síðast til heimilis í
Gullsmára 8.
Sérstakar þakkir til starfsfólks hjúkrunar-
heimilanna Sunnuhlíðar í Kópavogi og Skjólgarðs á Höfn.
Ásta Guðlaugsdóttir,
Ásgeir Grétar Sigurðsson, Þorgerður Gunnarsdóttir,
Gunnlaugur Sigurðsson, Sólveig Edda Bjarnadóttir,
Anna Dóra Sigurðardóttir, Hafliði Magnús Guðmundsson,
Þrándur Sigurðsson, Rakel Guðmundsdóttir,
afabörn og langafabarn.