Morgunblaðið - 15.09.2004, Blaðsíða 10

FRÉTTIR
10 MIÐVIKUDAGUR 15. SEPTEMBER 2004 MORGUNBLAÐIÐ
SKÓLAÁRIÐ í framhaldsskólum
verður lengt í 180 daga á ári og
einingum í framhaldsskólum fækk-
að úr 140 í 111, ef tillögur höfunda
nýrrar skýrslu um breytta náms-
skipan til stúdentsprófs verða að
veruleika.
Í skýrslunni Breytt námskipan
til stúdentsprófs – aukin samfella í
skólastarfi, sem menntamálaráðu-
neytið gefur út, er gert ráð fyrir
því að stytta námstímann í fram-
haldsskólum út fjórum árum í þrjú,
eins og fram kom í Morgunblaðinu
í gær. Lagt er til að skólaárið í
framhaldsskólum verði lengt í 180
daga á ári. Í dag eru kennsludagar
í skólaárinu hjá framhaldsskólum
145, auk um 30 daga fyrir próf. Í
tillögunum er reiknað með að hver
skóli skipuleggi starfstímann eins
og best hentar, en í námskrárgerð
sé miðað við að dagar ætlaðir til
kennslu verði 155, sem myndi þýða
25 daga undir próf. Eiginlegum
kennsludögum verði því að með-
altali fjölgað um 10 á ári.
Jafnframt eru gerðar tillögur
um að aðalnámskrá framhaldsskóla
verði breytt þannig að áfangar sem
kenndir eru muni stækka, en á
móti fækki einingum til stúdents-
prófs úr 140 í 111. Til viðmiðunar
má ætla að sé stækkun áfanga tek-
in með í reikninginn samsvari
þessar 111 einingar um 119 ein-
ingum í kerfinu eins og það er í
dag.
Fækkun stöðugilda
framhaldsskólakennara
Gert er ráð fyrir umtalsverðri
fækkun á stöðugildum hjá fram-
haldsskólakennurum, komi tillögur
skýrsluhöfunda til framkvæmda.
Ef teknar eru saman niðurstöður
allra skóla fækkar um samtals 148
stöðugildi, miðað við kennslu skóla-
árið 2003–2004. Þó er tekið fram
að ekki sé gert ráð fyrir því að svo
margir missi vinnuna. „Ef litið
væri á alla skólana sem eina stofn-
un gæti fækkun stöðugilda um 150
orðið til þess að nánast allir kenn-
arar haldi 100% starfshlutfalli ef
öll fækkunin kemur fram sem
minnkun á yfirvinnu,“ segir í
skýrslunni.
Þegar tekið er tillit til skerð-
ingar á yfirvinnu má þannig gera
ráð fyrir að af þeim stöðugildum
sem muni þurfa að fækka í kjarn-
anámsgreinum verði um 70% í
formi skertrar yfirvinnu kennara,
en um 30% í formi eiginlegrar
fækkunar á stöðugildum.
Stöðugildum kennara í fram-
haldsskólum mun þó fjölga fram til
ársins 2011, þar sem aukinn fjöldi
muni sækja framhaldsskóla ár
hvert. Í skýrslunni kemur fram að
ef miðað sé við áætlaða aðsókn
nemenda í framhaldsskóla megi
gera ráð fyrir fjölgun stöðugilda
um 145 fram til 2011, en þá megi
gera ráð fyrir fækkun um 257.
Miklar breytingar á námi til stúdentsprófs lagðar til í nýrri skýrslu
Kennsludögum fjölgar um tíu
Morgunblaðið/Ásdís
Hugsanlega mun skólaárið í framhaldsskólunum lengjast um nokkra daga en námstíminn styttast um eitt ár, ef til-
lögur starfshóps sem hefur nú skilað tillögum um breytingar á námskrám skólanna verða að veruleika.
ÞORGERÐUR Katrín Gunn-
arsdóttir menntamálaráðherra seg-
ir að ef allt gangi að óskum verði
hægt að byrja að
kenna eftir því
skipulagi sem
kynnt er í skýrsl-
unni haustið
2006 í grunnskól-
unum, og tveim-
ur árum síðar í
framhaldsskól-
unum.
Skýrslan var
kynnt í rík-
isstjórn í gær og
segir Þorgerður Katrín að þar hafi
hún fengið heimild til að vinna
áfram að málinu. Frumvarp byggt
á tillögum skýrsluhöfunda verður
væntanlega lagt fyrir Alþingi á
haustþingi, og í framhaldinu verð-
ur verkefnisstjóri ráðinn til að taka
að sér umsjón með breytingum á
námsskrám.
„Mesta vinnan er náttúrlega í
námskrárgerðinni þar sem við
munum kalla til alla fagaðila og fá
besta fólkið í að fara yfir nám-
skrárnar. Það er stærsta og um-
fangsmesta vinnan,“ segir Þorgerð-
ur Katrín. Áætlað er að það ferli
taki um eitt ár.
Reiknað er með að grunnskól-
arnir fari að vinna eftir breyttum
námskrám tveimur árum á undan
framhaldsskólunum til að nem-
endur verði undirbúnir fyrir nýtt
skipulag þegar það breytist í fram-
haldsskólunum. „Við ætlum að gefa
okkur góðan tíma í þetta, þannig að
þeir nemendur sem fara í fram-
haldsskólann með nýju kerfi hafi
fengið tilhlýðilegan undirbúning í
grunnskólanum.“
Nýtt skipu-
lag tekið í
gagnið 2006
Þorgerður Katrín
Gunnarsdóttir
MEÐALLESTUR allra dagblaðanna þriggja minnkaði frá maí til
ágúst, þar af minnkaði lestur DV mest, eða um 2,4 prósentustig,
samkvæmt fjölmiðlakönnun sem Gallup gerði 11. til 17. ágúst. Lest-
ur DV var 19,5% í maí en fór niður í 17,1% í ágúst. Þá minnkaði lest-
ur Fréttablaðsins úr 69,3% í 69,1% eða um 0,20 prósentustig. Þá
minnkaði lestur Morgunblaðsins úr 51,2% í 50,6% eða um tæpt pró-
sentustig.
Í úrtaki Gallups voru 664 manns af öllu landinu frá 12 ára aldri.
Mælingar á lestri dagblaðanna á höfuðborgarsvæðinu sýna 16,6%
meðallestur á DV, 73,6% á Fréttablaðinu og 58,6% á Morgunblaðinu.
Ef litið er á landið allt er 17,1% meðallestur á DV, 69,1% á Frétta-
blaðinu og 50,6% á Morgunblaðinu.
Mælingar á sérblöðum og einstökum blaðhlutum Morgunblaðsins
sýna að Tímarit Morgunblaðsins er mest lesið og hefur 72% meðal-
lestur, næst kemur Lesbók Morgunblaðsins með 67,3%, þá daglegt líf
með 62,1%, Bílar með 57,2%, Fasteignablað Morgunblaðsins með
54,8%, menning 54,1% og Viðskiptablað Morgunblaðsins með 48,9%.
Meðallestur á öllum dagblöðum minnkar

 






 







 

  



  

 

 VESTNORDEN ferðakaupstefnan,
árleg ferðakaupstefna sem Ferða-
málaráð Íslands, Grænlands og
Færeyja standa að, hófst í Laugar-
dalshöll í gær og stendur til hádegis í
dag, miðvikudag. Hjaltlendingar eru
sérstakir gestir á kaupstefnunni að
þessu sinni. Á fréttamannafundi
ferðamálastjóra Íslands, Færeyja og
Hjaltlandseyja í gær, kom m.a. fram
að í löndunum þremur hefur verið
góð aukning í ferðaþjónustu það sem
af er árinu miðað við sama tíma á síð-
asta ári.
Fram kom hjá Heri Niclasen,
ferðamálastjóra Færeyja, að sér-
stakt átak til að fá Færeyinga til að
ferðast meira um eigið land hefði
borið góðan árangur. Þar hefur kom-
um skemmtiferðaskipa einnig fjölg-
að frá síðasta ári. Andy Steven,
ferðamálastjóri Hjaltlandseyja,
sagði að árið 2004 stefndi í að verða
besta ár í ferðaþjónustu þar í landi
frá upphafi. Í máli Magnúsar Odds-
sonar ferðamálastjóra kom sömu-
leiðis fram að hér á landi hefði verið
mikil aukning í ferðaþjónustunni og
ef fram heldur sem horfir má búast
við að erlendum ferðamönnum, sem
leggja leið sína hingað til lands, fjölgi
um 50 þúsund frá síðasta ári.
Stefnir í gott ár í
ferðaþjónustunni
Sturla Böðvarsson samgönguráðherra skoðaði sig um á ferðakaupstefn-
unni og sést hér á tali við Johan Lund Olsen, ráðherra ferðamála í Græn-
landi, við styttu af Skarphéðni Njálssyni.
BORIST hefur eftirfarandi yf-
irlýsing frá Alcoa-Fjarðaáli,
sem er að reisa álver í Reyð-
arfirði:
„Í tilefni af umfjöllun fjöl-
miðla þar sem vitnað er til um-
mæla eins forráðamanna Alcoa
Fjarðaáls, vill fyrirtækið koma
eftirfarandi upplýsingum á
framfæri:
Alcoa Fjarðaál stefnir að því
að hefja rekstur álvers í
Fjarðabyggð árið 2007. Starf-
semi álversins mun renna nýj-
um stoðum undir byggð og at-
vinnulíf á Austurlandi og skapa
hundruð nýrra starfa, bæði við
álvinnslu og í tengdum iðnaði
og þjónustu.
Forsenda þess að álver í
Fjarðabyggð geti byrjað rekst-
ur er að fyrirtækið hafi á að
skipa hæfu starfsfólki. Vegna
umfangs starfseminnar er ljóst
að störf í álverinu verða ekki
aðeins mönnuð heimamönnum
heldur mun fyrirtækið að ein-
hverjum hluta treysta á að-
flutning fólks frá öðrum lands-
hlutum.
Alcoa Fjarðaál mun hafa
samráð við heimamenn um leið-
ir til að tryggja nægt framboð
af húsnæði fyrir aðflutta starfs-
menn fyrirtækisins og fjöl-
skyldur þeirra, enda er virkur
fasteignamarkaður á Austur-
landi ein meginforsenda þess
að áætlanir fyrirtækisins gangi
eftir.“
Yfirlýsing frá
Alcoa-Fjarðaáli
Samráð
við heima-
menn í
húsnæðis-
málum
TILBOÐ voru opnuð hjá Ríkiskaup-
um í gær í eldsneyti og olíur fyrir
Landhelgisgæsluna, Hafrannsókna-
stofnun og Flugmálastjórn. Alls bár-
ust átta tilboð frá sex aðilum, þ.á m.
Atlantsolíu, sem bauð í skipaolíu-
þáttinn en senda mátti inn tilboð í
þremur vöruflokkum; olíu á skip,
flugvélaeldsneyti og smurolíur.
Auk Atlantsolíu sendu inn tilboð
Olíufélagið (Esso), Skeljungur, Olís,
Íslensk olíumiðlun ehf. og Kemí ehf.
Sendi Esso inn þrenns konar tilboð.
Hjá Ríkiskaupum fengust þau
svör í gær að upphæð tilboðanna yrði
ekki gefin upp á meðan verið væri að
yfirfara þau. Voru tilboðsgjafar
heldur ekki upplýstir um tölur við
opnun tilboða. Miðað er við afhend-
ingu á brennsluolíu og smurolíu til
kaupenda á þremur svæðum; á
Faxaflóasvæðinu, í höfnum við aust-
urströnd Íslands og í Færeyjum.
Eldsneytisútboð fyrir
Gæsluna opnuð
Atlantsolía
meðal sex
tilboðsgjafa