24 stundir - 12.04.2008, Blaðsíða 39
24stundir LAUGARDAGUR 12. APRÍL 2008 39
P
eningamálastefna ríkis-
stjórnarinnar virðist vera
hrunin. Stýrivextir hafa
verið hækkaðir í 15,5
prósent og þeirri hækk-
un fylgja engar yfirlýsingar um að-
gerðir til að taka á þeim veikleikum
sem fyrir hendi eru. Með þessari
vaxtapólitík mun atvinnulífið
smám saman stöðvast, atvinnuleysi
brestur á og verðbólga eykst. Þegar
ríkisstjórnin bakkar út úr þessu
mun verða verðbólguskot en það
má vinna sig út úr því á einhverj-
um árum. Aðalvandinn er sá að nú
er komið í ljós að flotgengisstefna
gengur ekki og fastgengisstefna
gengur ekki. Íslenska krónan geng-
ur ekki í nútímasamfélagi. Lausnin
er að taka upp alþjóðlegan gjald-
miðil,“ segir Guðmundur Ólafs-
son, hagfræðingur og lektor við
Viðskiptaháskólann á Bifröst.
Finnst þér líklegt að þessi ríkis-
stjórn geri það?
„Það er ekki líklegt að þessi rík-
isstjórn horfist í augu við hið aug-
ljósa, taki upp evru og sæki um að-
ild að Evrópusambandinu. Það
myndi ekki taka mjög langan tíma
að komast þangað inn, eitt og hálft
til tvö ár. Ég blæs á þau rök að það
þyrfti tíu ára aðlögunartíma. Það er
röfl og bull manna sem eru á móti
því að ganga inn í Evrópusam-
bandið. Fátækar frumstæðar þjóðir
í Austur-Evrópu hafa leyst þetta
vandamál. Hvers vegna ættum við,
sem stöndum miklu betur, ekki að
geta það?
Hverjir eru á móti því að við
göngum í Evrópusambandið? Það
er fólk sem vill geta lækkað laun.
Eitt af verstu vandamálum okkar
undanfarna áratugi er að íslensk-
um fyrirtækjum hefur meira og
minna verið bjargað frá erfiðleik-
um og vondum rekstri með því að
láta gengið síga eða beinlínis fella
það með handafli, sem þýðir að all-
ar vörur hækka en launin ekki. Af-
leiðingin er sú að við erum með
ömurlegt atvinnulíf og ömurleg
einkafyrirtæki sem alltaf þarf að
bjarga. Sérstaklega á þetta við um
sjávarútveg og landbúnað. Ef við
gengjum í Evrópusambandið væri
ekki hægt að lækka laun til að
bjarga aumingjunum sem geta ekki
rekið fyrirtæki sín. Þeir yrðu að
standa sig eða fara á hausinn ella.
Þetta vill Sjálfstæðisflokkurinn ekki
horfast í augu við. Aumingjarnir
eru margir og valdamiklir í Sjálf-
stæðisflokknum.“
Kaus Davíð Oddsson
Ertu stuðningsmaður þessarar
ríkisstjórnar?
„Ég hef verið það vegna þess að
þessir tveir flokkar, þótt þeir séu
meingallaðir, eru þeir skástu í ís-
lenskum stjórnmálum. Aðrir kostir
væru miklu verri, nánast ömurleg-
ir.“
Þú ert búinn að skýra hvað er að
Sjálfstæðisflokknum en hvað er að
Samfylkingunni?
„Forystumönnum og fólkinu í
flokknum er ekki sýnt að hugsa um
efnahagsmál. Þeir hafa annað hvort
enga sérfræðinga til að leiðbeina
sér í efnahagsmálum eða þeir fara
ekkert eftir því sem sérfræðingar
segja þeim.
Svo hef ég aldrei skilið þetta
Fagra Ísland-útspil Samfylkingar-
innar. Ég hef alltaf litið svo á að
uppbygging atvinnulífsins sé í þágu
verkafólks og eigi að létta puðinu af
því. Við Íslendingar erum enn með
54 stunda vinnuviku sem er óðs
manns æði. Þetta er mikil misnotk-
un á mannauði. Það er eins og
þetta náttúruverndarlið átti sig
ekki á því að mennirnir eru auð-
lind númer eitt. Það er sjálfsagður
hlutur að nokkrir örfoka sandar
fari undir vatn ef það verður til að
hjálpa verkafólki á Íslandi. Það má
vera mikil dásemdarnáttúra sem
ekki má víkja fyrir þjóðfélagsum-
bótum.“
Ertu samfylkingarmaður?
„Nei, ekki lengur. Ég á ekki sam-
leið með þessu fólki. Ég vil ekki vera
háður því að vera flokksjálkur. Ég er
eins manns stjórnmálaflokkur.“
Þú hefur kosið Sjálfstæðisflokkinn
í kosningum, er það ekki?
„Jú, það hef ég gert. Mér er mjög
ljúft að viðurkenna að ég kaus Dav-
íð Oddsson á borgarstjóratímabili
hans og einnig á fyrri hluta for-
sætisráðherratíðar. Á fyrsta kjör-
tímabili sínu í borgarstjórn tók
Davíð á málum, stjórnaði af rögg-
semi og reif borgina upp eftir
skelfilegt tímabil vinstrimanna.
Seinna kjörtímabil hans í borginni
var ekki eins glæsilegt. Fyrri hlut-
inn af forsætisráðherratíð hans var
svo með afbrigðum glæsilegur.
Honum tókst að halda verðbólgu í
skefjum og auka velmegun. Þegar
fór að líða á valdatímann fóru hon-
um að verða mislagðar hendur.
Þegar Framsóknarflokkurinn fór af
stað með húsnæðismálavíxil sinn
þá missti Davíð tökin á stjórn
landsmála, aðallega vegna þess að
hann botnaði ekkert í því sem var
að gerast. Mesta dómgreindarleys-
ið var svo að láta skipa sig seðla-
bankastjóra. Það var bæði óskyn-
samlegt og heimskulegt því Davíð
skilur ekki það starf. Sjálfstæðis-
flokkurinn á endalausa röð af af-
burðamönnum í efnahagsmálum.
Davíð er ekki einn af þeim.
Ég hef alltaf haft mikið álit á
Geir Haarde. Hann hefur reynst
vera gætinn, kannski gætinn um of,
og hefur traustan og góðan skiln-
ing á eðli mála. Því miður held ég
að flokkur hans leiði hann stund-
um út í hluti sem eru ekki skyn-
samlegir. Eins og til dæmis það að
skipa Davíð Oddsson seðlabanka-
stjóra, Halldór Blöndal formann
bankaráðs og Hannes Hólmstein í
bankaráð. Það er ekkert vit í því.“
Rússar heilla
Þú hefur andstyggð á púrítanisma
og vilt ekki banna klám. Af hverju
ekki?
„Mér finnst hlægilegt þegar at-
hyglissjúkir femínistar fara að berj-
ast gegn klámi og vændi. Er eitt-
hvað að því þótt fólk hafi gaman af
að horfa á dónalegar myndir? Það
er bara prívatmál. Vændi er fyrst
og fremst kynlíf fátæklinga. Klám
er kynlíf þeirra allra fátækustu sem
hafa ekki einu sinni efni á því að
kaupa sér vændi. Til hvers að berj-
ast fyrir því að fólk fari í fangelsi
fyrir vændi? Það væri nær að hjálpa
fólki fjárhagslega og félagslega ef
það lendir í þeim vandræðum að
þurfa að stunda vændi út úr neyð.“
HELGARVIÐTALIÐ
Eftir Kolbrúnu Bergþórsdóttur
kolbrun@24stundir.is
a
Það er ekki lík-
legt að þessi rík-
isstjórn horfist í
augu við hið augljósa,
taki upp evru og sæki um
aðild að Evrópusamband-
inu. Það myndi ekki taka
mjög langan tíma að
komast þangað inn, eitt
og hálft til tvö ár.