24 stundir - 18.07.2008, Blaðsíða 6
6 FÖSTUDAGUR 18. JÚLÍ 2008 24stundir
Stóru olíufélögin
lækkuðu verð á elds-
neyti í gærmorgun um
fimm krónur á lítrann.
Í auglýsingu frá N1
kemur fram að lækk-
unin sé tímabundin og
gildi í tvo daga. Sama
er uppi á teningnum
hjá Olís en Skeljungur
og Atlantsolía hafa
ekki ákveðið hversu
lengi lækkunin mun
standa. Í fyrradag
lækkuðu olíufélögin verðið um
eina krónu og tuttugu aura á lítr-
ann vegna lækkunar heimsmark-
aðsverðs.
Hermann Guðmunds-
son forstjóri N1 segir að
ekkert sé ákveðið um
eldsneytisverð þegar að
tilboðinu lýkur. „Þetta er
tilboð sem var ákveðið
fyrir viku en ef það hefði
ekki komið til hefðum
við lækkað verð vegna
lækkunar á heimsmark-
aði. Við hefðum bara
ekki lækkað jafnmikið.“
Hermann segist vona
að toppnum sé náð í elds-
neytishækkunum. „Ég á ekki von á
að eldsneytisverð lækki mikið en ég
vona að við sjáum fyrir endann á
hækkunum.“ fr
Stóru olíufélögin lækka eldsneyti tímabundið
Eldsneyti lækkar
Frá og með næstu áramótum verður hægt að ferðast
á milli Selfoss, Hveragerðis og Reykjavíkur með stræt-
isvagni. Er áætlað að farnar verði tólf ferðir á dag, sem
sveitarfélögin þrjú hafa sameinast um að nægi til að
svara þeirri þörf sem er á svæðinu fyrir þessa þjónustu,
að sögn Ástu Stefánsdóttur, bæjarritara Árborgar.
Sérleyfi Þingvallaleiðar að renna út
Einkaleyfi á almenningssamgöngum á milli Árborg-
ar, Hveragerðis og Reykjavíkur er nú í höndum Þing-
vallaleiðar en það rennur út um næstu áramót. Segir
Ásta það renna í kjölfarið til sveitarfélaganna en samn-
ingaviðræður þess efnis á milli Árborgar, Hveragerð-
isbæjar og Vegagerðarinnar eru nú á lokastigi.
Þar sem sveitarfélögin munu þá í fyrsta skipti taka
þátt í kostnaði almenningssamgagna á milli sveitarfé-
laganna mun ferðakostnaður hins almenna notanda
lækka töluvert, en ferð með Þingvallaleið frá Selfossi til
Reykjavíkur kostar nú 1300 krónur.
Hafnar eru viðræður við Strætó Bs. um að sjá um
aksturinn á milli sveitarfélaganna eða útboð á honum.
„Í því felast auðvitað töluverð samlegðaráhrif en gangi
það ekki upp munu sveitarfélögin sjá sjálf um að bjóða
aksturinn út,“ segir Ásta.
thorakristin@24stundir.is
Samningaviðræður um strætóferðir frá Árborg eru á lokastigi
Selfossstrætó væntanlegur
Eftir Hlyn Orra Stefánsson
hlynur@24stundir.is
„Þessar tölur samrýmast öðrum
rannsóknum sem gerðar hafa verið
hér á landi,“ segir Sigrún Daníels-
dóttir, sálfræðingur hjá barna- og
unglingageðdeild Landspítalans,
um frétt í 24 stundum um að um
þriðjungur íslenskra stúlkna á aldr-
inum 13 og 15 reyni að megra sig.
„Við fáum til okkar krakka allt nið-
ur í átta ára með átraskanir.“
Í fréttinni sagði frá rannsókn Al-
þjóðaheilbrigðisstofnunarinnar, en
hún leiddi í ljós að hvergi í því 41
landi sem rannsóknin náði til,
sagðist jafnhátt hlutfall stúlkna í
áðurnefndum aldursflokki gera
eitthvað til að megra sig.
„Samfélag krakkanna er svo lítið
að hópþrýstingur um að vera eins
og aðrir hefur kannski meiri áhrif
hér en víða annars staðar. Það eru
svo fáir sem skera sig úr, og þá
verða þeir svo áberandi. Ef hópi
krakka þykir eðlilegt að vera í
megrun hefur slíkt því hugsanlega
meiri áhrif vegna smæðarinnar,“
segir Sigrún.
Mikið hefur verið rætt um áhrif
þeirra líkamsímynda sem haldið er
að börnum og unglingum í fjöl-
miðlum. Ekki má þó gleyma hlut-
verki fjölskyldu og vina í þessu
samhengi, bendir Sigrún á.
„Fólk gleymir því að það gild-
ismat sem er ríkjandi í daglegu lífi
hefur mest áhrif á krakkana, þ.e.
gildismat fjölskyldu og vina.“
Aðgát í nærveru barna
Hún tekur sem dæmi að það eitt
að barn heyri móður sína ræða við
vinkonu um hver sé búin að fitna
og hver sé búin að grennast, og
sýna aðdáun á þeirri sem grennist
en tala með vorkunn um þá sem
fitnaði, hafi áhrif á börnin.
„Við sem samfélag þurfum að
fara að átta okkur á því að líkamar
eru mismunandi, og munu alltaf
verða það. Inn í umræðuna um
heilbrigði og hollar lífvenjur þarf
að blandast viðurkenning á þeirri
staðreynd að það geta ekki allir ver-
ið grannir,“ segir Sigrún.
Rannsóknin bendir til þess að á
Íslandi, eins og víða annars staðar,
lækki hlutfall stráka í megrun eftir
að þeir ná ákveðnum aldri. Þannig
sagðist 19% 11 ára stráka á Íslandi
vera í megrun, 18% 13 ára stráka
og 14% 15 ára stráka.
„Þegar strákar vaxa úr grasi
batnar oft líkamsímynd þeirra,“
segir Sigrún. „Við kynþroska
hækka þeir og verða kraftmeiri og
margir grennast við það. En hið öf-
uga gerist gjarnan hjá stelpum, þ.e.
þær bæta á sig fitu frekar en vöðv-
um.“
Tal foreldra hvetur
til megrunar barna
Börn allt niður í átta ára koma á Landspítala með átraskanir Erfiðara að standast hóp-
þrýsting vegna smæðar Gildismat foreldra getur hvatt til megrunar hjá börnunum
Sálfræðingurinn Sigrún
segir mikilvægt að sam-
félagið viðurkenni að ekki
geti allir verið grannir.
➤ Í skýrslu vegna rannsókn-arinnar segir að ströng og
löng megrun geti haft slæm
áhrif á börn.
➤ Hún geti m.a. leitt til pirrings,erfiðleika með svefn, einbeit-
ingarskorts og frestað kyn-
þroska og vöxt barna.
BÖRN Í MEGRUN
Aðalmeðferð hófst í gær í máli
karlmanns sem ákærður er
fyrir kynferðisbrot gegn sjö
stúlkubörnum. Maðurinn er
kærður fyrir brot gegn tveim-
ur dætrum sínum, stjúpdóttur
og fjórum vinkonum dætr-
anna. Alvarlegustu brotin eru
gegn stjúpdóttur hans en
maðurinn er ákærður fyrir að
hafa haft við hana kynferð-
ismök. Níu kærur voru lagðar
fram á hendur manninum en
tvær þeirra eru fyrndar. Mað-
urinn situr í gæsluvarðhaldi. fr
Kynferðisbrot
Aðalmeðferð í
héraðsdómi
Austurvöllur verður heitur
reitur í sumar í fleiri en einum
skilningi
því nú geta
allir gestir
tengt tölv-
ur sínar
við verald-
arvefinn án
endur-
gjalds.
Það er Reykjarvíkurborg sem
býður upp á þessa þjónustu í
samstarfi við Vodafone.
ejg
Reykjavíkurborg
Austurvöllur
heitur reitur
Bílastæðasjóður
flytur í Borgartún 10-12
Skrifstofu Bílastæðasjóðs á Hverfisgötu 14 verður lokað
föstudaginn 18. júlí 2008
Tekið verður á móti viðskiptavinum okkar í nýju þjónustuveri
í Borgartúni 10-12
Nánari upplýsingar fást í síma 4 11 11 11
Bent er á að greiðsluseðla Bílastæðasjóðs er hægt að greiða
í heimabanka eða næsta bankaútibúi
Andmæli álagðra gjalda fer fram á www.bilastaedasjodur.is