24 stundir - 18.07.2008, Qupperneq 18

18 FÖSTUDAGUR 18. JÚLÍ 2008 24stundir
Eftir Maríu Ólafsdóttur
maria@24stundir.is
„Ég bjó í Finnlandi í mörg ár og
er því vön þessum löngu, ljósu
sumarnóttum. Ég held mikið upp
á sumarið og finnst umhverfið
hér verða yndislegt þegar kemur
fram í mars og enn yndislegra eft-
ir því sem dagurinn lengist meira.
Þau sumur sem ég hef dvalið á Ís-
landi hafa verið einstaklega góð
og ég hef nýtt sumartímann til að
ferðast um landið á meðan ég
held mig frekar í Reykjavík eða
nágrenni á veturna, líkt og flestir
sendiherrar. Við maðurinn minn
höfum gaman af því að ferðast og
höfum farið í fjölda lengri ferða
um Ísland en í næstu viku ætlum
við til að mynda að heimsækja
Vestfirðina,“ segir Carol.
Hrífst af auðninni
Þótt Carol sé fædd í Michigan
og að mestu leyti alin upp í Evr-
ópu segist hún halda mikið upp á
vesturhluta Bandaríkjanna þar
sem mikið er um óbyggð og auð
svæði þar sem hægt er að komast
í snertingu við náttúruna. Dálæti
Carol á þessu landsvæði sýnir sig
vel í málverkum eftir bandaríska
listamenn sem hún hefur valið til
að hengja á veggi sendiherra-
bústaðarins. Það hefur ekki verið
amalegt fyrir Carol að búa á Ís-
landi þar sem auðvelt er að kom-
ast í burtu frá byggðu bóli en hún
óskaði snemma á ferli sínum eftir
því að fá að starfa hér á landi og
segir að sér finnist mjög spenn-
andi að búa í jafnungu, líflegu og
ævintýragjörnu samfélagi og ríki
á Íslandi.
Fallegur griðarstaður
Hafist var handa við að koma
garði sendiráðsins í núverandi
horf á áttunda áratugnum en
Stanislas Bohic hannaði garðinn
eins og hann er í dag árið 1993.
„Garðurinn hefur lengi verið stolt
sendiráðsins en háir veggir vernda
hann gegn veðri og vindum. Við
notum garðinn eins mikið og við
mögulega getum og oftast þegar
hér eru haldin kokteilpartí er op-
ið út í hann svo gestir geti notið
hans og fengið sér ferskt loft. Í
vor gróðursettum við heilmikið af
plöntum í garðinum þar sem við
notuðum hann til að fagna
þjóðhátíðardegi Bandaríkjamanna
og þann dag stóðu plönturnar í
fullum blóma. Það er gott að nota
garðinn til að geta verið í næði og
fengið sér smá lúr á sólríkum eft-
irmiðdegi. Í garðinum ræktum
við kryddplöntur sem við notum
í matargerð en annars er Dís-
arunninn í fullum blóma mitt
uppáhald í garðinum og ein-
staklega fallegur. Við höldum líka
mikið upp á litla fossinn sem
verður afar fallegur þegar hann
frýs á veturna en á öðrum tíma
árs njótum við þess að borða í
sólstofunni og hlusta á niðinn frá
fossinum sem er mjög róandi,“
segir Carol.
24stundir/Ómar
Garður bandarísku sendiherrahjónanna heimsóttur
Blómstrandi Dísa-
runninn í uppáhaldi
➤ Nokkir vel valdir starfsmennsendiráðsins sjá um að halda
garðinum við en Carol segist
ekki hafa erft græna fingur
móður sinnar.
➤ Carol á fallegt steina- ogsteingervingasafn sem hún
hefur safnað víðs vegar um
heim og hefur stundum sent
slíka minjagripi heim í pósti.
GARÐRÆKTÁ Laufásveginum í
Reykjavík er hálfgerður
leynigarður sem tilheyrir
bandaríska sendiráðinu.
Þar njóta sendiherra-
hjónin Carol van Voorst
og maður hennar William
A. Garland lífsins á fal-
legum sólardögum.
Glæsilegt Sendiherrahjón-
in með sólstofuna í baksýn.
Fallegt Carol við steina-
og steingervingasafnið.
Næði Háir veggir vernda
garðinn fyrir vindinum.
Sumarið og tískan
Umsjónarmenn:
Svanhvít
Ljósbjörg
svanhvit@24stundir.is
Kristjana
Guðbrandsdóttir
dista@24stundir.is
María
Ólafsdóttir
maria@24stundir.is
Útsala!
opið: má-fö. 11-18, www.nora.is
Lokað á laugard til 9 ág.
Dalvegi 16a,
Kóp. 201
rauðu múrsteinshúsunum
• Engjateigi 5
• Sími 581 2141
Útsala
Enn meiri afsláttur
Polarolje
Selolía, einstök olía
Gott fyrir:
Maga- og þarma starfsemi
Hjarta og æðar
Ónæmiskerfið
Liðina
Polarolían fæst í:
apótekum, Þín verlsun Seljabraut,
heilsuhúsum, Fjarðarkaupum,
og Melabúð
Meiri virkni
Hátt hlutfall Omega 3
fitusýrur
Fiskbúðinni Trönuhrauni