24 stundir - 18.07.2008, Blaðsíða 22
22 FÖSTUDAGUR 18. JÚLÍ 2008 24stundir
Eftir Svanhvíti Ljósbjörgu
svanhvit@24stundir.is
Á fallegum sumarkvöldum leggur
grillangan yfir heilu hverfin enda
Íslendingar óvenju duglegir að
grilla þegar veðrið er gott. Ólafur
Gísli Sveinbjörnsson mat-
reiðslumaður ætlar af því tilefni að
deila með lesendum ljúffengri
uppskrift af marineruðum steinbít
en hann hefur haft áhuga á mat-
argerð frá því að hann var barn.
„Það var mikið eldað á mínu
æskuheimili enda stórt heimili.
Það gerðist allt í eldhúsinu, þar var
lært, tekið á vandamálum og svo
var alltaf verið að elda og baka
þannig að ég var alltaf í hringiðu
eldhússins. Það má því segja að
skarkali eldhússins hafi verið eðli-
legt umhverfishljóð,“ segir Ólafur
sem finnst alltaf gaman að elda, ef
hráefnið er gott. „Með árunum hef
ég sveiflast meira í átt að einfaldari
mat. Ef hráefnið er gott þarf ekkert
að flækja matseldina og maturinn
hittir yfirleitt í mark. Ef eldað er af
alúð er maturinn góður.“ Ólafur
segist samt ekki eiga sér neinn
uppáhaldsmat enda sé hann alæta.
„Ég borða allt frá þorramat yfir í
ferskt foie gras og útiloka því eng-
an mat. Ég elska þorramat á réttu
augnabliki, ég borða hann ekki oft
en mér finnst hann æðislegur á
þorranum. Það er sem sagt staður
og stund fyrir allt.“
Marineraður steinbítur með
grilluðu eggaldini
600 g steinbítur, roðlaus og
beinlaus (einnig má t.d. nota
hlýra, skötusel eða stórlúðu)
Marinering:
2-3 tsk. saxað, ferskt engifer
1 hvítlauksrif, saxað
1 rauður chili, fræhreinsaður og
saxaður
2⁄3 dl sesamolía
1 dl kornolía
2⁄3 dl kókosmjólk úr dós
1 msk. sojasósa
1 límóna, börkur af einni lím-
ónu og safinn
1-2 eggaldin
Aðferð:
Blandið öllu sem á að vera í
marineringunni saman í skál og
hrærið vel saman. Takið frá smá-
hluta af marineringunni fyrir sós-
una á eftir. Sneiðið steinbítinn í
sneiðar, setjið á fat. Hellið mar-
ineringunni yfir fiskinn og veltið
honum í blöndunni þar til hún
hefur hulið allan fiskinn. Geymið í
kæli yfir nótt eða minnst í 2-4
tíma. Sneiðið eggaldin í u.þ.b. hálfs
cm sneiðar, leggið á fat og saltið.
Látið standa í u.þ.b.10 mín. Þerrið
þá allan vökvann af og grillið
sneiðarnar á vel heitu grilli til að fá
fallegar grillrákir í þær. Grillið síð-
an fiskinn á heitu grilli. Leggið
sneið af eggaldini á fat, sneið af
fiskinum og svo þannig koll af
kolli. Setjið grillpinna í hvern fisk-
turn til að þeir haldi sér.
Sósan:
1 hluti marinering
1 hluti kókosmjólk úr dós
1 msk. saxað ferskt kóríander
Blandið öllu vel saman í skál og
hellið yfir fiskinn, heitan. Ef sósan
á að vera heit, sjóðið þá einn hluta
vatn í potti, hellið marineringunni
og kókosmjólkinni saman við og
þykkið með maizenamjöli. Hrærið
saman við fersku kóríander rétt
áður en borið er fram.
Berið fram með hrísgrjónum,
ferskum baunaspírum eða salati og
til dæmis mango-chili dip sósu
(fæst tilbúið í öllum helstu versl-
unum).
24Stundir/G.Rúnar
Ólafur Sveinbjörnsson ólst upp í hringiðu eldhússins
Maturinn er góður
ef eldað er af alúð
Ólafur Sveinbjörnsson
eyddi miklum tíma í eld-
húsinu í æsku enda var
það staðurinn sem allt
gerðist á. Hann fékk því
fljótt áhuga á matseld og
kann best að meta ein-
faldan mat með góðum
hráefnum.
Ólafur Sveinbjörnsson:
„Ef hráefnið er gott þarf ekk-
ert að flækja matseldina og
maturinn hittir yfirleitt í
mark.“
Eins konar upphitunartónleikar
fyrir Þjóðhátíð í Eyjum fara fram á
skemmtistaðnum Players í Kópa-
vogi á laugardagskvöld.
„Þetta er í annað skiptið sem
þetta er gert en þetta heppnaðist
svo rosalega vel í fyrra að við
ákváðum að slá til aftur,“ segir
Ólafur Bachman, meðlimur í
hljómsveitinni Logum.
Alvöru Eyjastemning
Bæði böndin sem koma fram á
tónleikunum á Players verða að
spila á litla pallinum í Herjólfsdal
en þá er ekki allt upp talið.
„Auk okkar í Logum og Tríkot
ætlar Árni Johnsen að mæta og
hann verður með brekkusöng.
Tónleikarnir eru hugsaðir fyrir
alla sem búa á höfuðborgarsvæð-
inu og vilja hita upp fyrir Þjóðhá-
tíð eða komast jafnvel ekki.“ Segir
Ólafur að líklega verði farið að telja
í um kl. 11 en miðasala fer fram á
staðnum. En Logar og Tríkot eru
ekki þeir einu sem ætla að taka for-
skot á sæluna því hljómsveitin
Dans á rósum, sem verður líka að
spila á litla pallinum, ætlar að hita
upp fyrir Þjóðhátíð í Vélsmiðjunni
á Akureyri.
Allir brottfluttir
Aðspurður segir Ólafur að und-
irbúningur sé nú í fullum gangi í
Eyjum, en hann verður þó ekki
eins var við það og hér áður fyrr.
„Við erum reyndar allir brott-
fluttir í Logum. Þannig erum við
Logar „frá“ Vestmannaeyjum.“
haukurj@24stundir.is
Logar, Tríkot og Árni Johnsen hita upp fyrir Þjóðhátíð
„Útihátíð“ í Kópavogi
Logar „frá“ Eyjum Meðlimir
Loga eru allir brottfluttir Eyja-
menn en láta sig þó ekki vanta.
Eftir Hauk Johnson
haukurj@24stundir.is
„Það er erfitt að segja hvert
flestir fara nú því það er mjög
misjafnt á milli helga,“ segir
Guðbrandur Sigurðsson, aðal-
varðstjóri lögreglunnar á höf-
uðborgarsvæðinu. „En til dæmis
þegar landsmót hestamanna var
haldið var umferðin mikil bæði
vestur og suður því það voru
líka Írskir dagar á Akranesi,
Sniglamót á Lýsuhóli á Snæfells-
nesi og svo var einhver uppá-
koma í Ólafsvík.“
Hann segir það almennt vera
svo að því lengra sem dragi frá
Reykjavík því minni verði um-
ferðin. Það sé þó ekki algilt því
bæir á landsbyggðinni séu dug-
legir að hvetja fólk til heimsókn-
ar með viðburðum og enn og
aftur geti veðrið haft mikil áhrif.
„Við fylgjumst með þessum
hátíðum og erum í góðu sam-
starfi við lögregluna á suðvest-
urhorninu og reynum að stilla
okkur upp í samræmi við hvert
við teljum að straumurinn liggi.“
En hann segir umferðina út úr
bænum ekki bara vera þunga á
föstudögum.
„Vegna aukinnar umferðar
höfum við orðið varir við það
að þeir sem koma því við leggja
jafnvel af stað á miðvikudögum
og fimmtudögum og þar af leið-
andi minnkar álagið á föstudög-
um.“
Þá segir hann að eftir versl-
unarmannahelgina dragi jafnan
töluvert úr ferðalögum landans
en þeir eru þegar farnir að huga
að því hvernig best sé að dreifa
mannskapnum þá.
„Okkar markmið í sum-
arumferðinni er að fylgja um-
ferðinni út úr höfuðborginni og
taka svo á móti henni aftur í lok
helgarinnar.“
Umferðarþungi Íslend-
ingar eru duglegir að
ferðast á sumrin.
Flestar sumarhelgar eru miklar ferðahelgar
Hvert liggur straumurinn?
Það er mjög misjafnt eftir
helgum hvert mesta um-
ferðin frá höfuðborg-
arsvæðinu liggur en veð-
urspá og auglýstar
bæjarhátíðir virðast hafa
mest áhrif þar á.