24 stundir - 18.07.2008, Blaðsíða 27
24stundir FÖSTUDAGUR 18. JÚLÍ 2008 27
Tónlistarveisla LungA
Bang Gang, Bloodgroup, Dísa & Mosez
Hightowers og FM Belfast koma fram á Tón-
listarveislu listahátíðarinnar LungA á laug-
ardagskvöld. Tónleikarnir fara fram í Herðu-
breið og verður húsið opnað kl. 18. Að
tónleikum loknum sjá hinir heimsþekktu
plötusnúðar Trentemöller og Kasper Bjorke
um stuðið.
Verandarblús í Ketilhúsi
Hljómsveitin Veröndin býður gestum Ket-
ilhússins á Akureyri til blúsveislu á sunnu-
dagskvöld kl. 20. Hljómsveitina skipa engir
aukvisar en um gítarleik sjá Björgvin Gísla-
son og Halldór Bragason og Róbert Þórhalls-
son plokkar bassann. Miðaverð er 1.900 kr.
og er hægt að kaupa miða á www.midi.is og
við innganginn.
Aftur í tímann
Miðaldastemning ríkir á Gásum við Eyja-
fjörð dagana 19. og 20. júlí kl. 11-17. Þar
gefst gestum og gangandi kostur á að upplifa
starfshætti og menningu síðmiðalda. Kaup-
menn og handverksfólk, íklætt miðalda-
klæðnaði, verður að störfum. Miðaldasöng-
ur að hætti sönghópsins Hymnodiu hljómar
og Friðrik V. eldar súpu í miðaldastíl.
Harmonikkuspil á Árbæjarsafni
Hin árlega hamonikuhátíð Reykjavíkur
verður haldin í Árbæjarsafni sunnudaginn
20. júlí. Þar gefst fólki einstakt tækifæri til að
koma í návígi við suma af bestu og þekktustu
harmonikuleikara þjóðarinnar svo sem
Braga Hlíðberg, Karl Jónatansson og Reyni
Jónasson. Hátíðin hefur notið sívaxandi vin-
sælda á undanförnum árum og er einn fjöl-
sóttasti viðburður safnsins.
Það besta í bænum
Bloodgroup Ungir og hæfi-
leikaríkir tónlistarmenn koma
fram á Tónlistarveislu LungA á
Seyðisfirði.
Kátir dagar á Þórshöfn hófust í
gær og standa fram á sunnudag.
Þar er boðið upp á fjölbreytta
dagskrá fyrir fólk á öllum aldri. Í
dag verður til að mynda keppt í
kassabílarallíi og haldin veiði-
keppni. Þá halda systkinin Ómar,
Óskar og Ingibjörg Guðjónsbörn
djasstónleika og hljómsveitin
Dalton leikur síðan fram eftir
nóttu á skemmtistaðnum Eyr-
inni.
Aflraunakeppnin Langanesvík-
ingurinn verður á sínum stað og
fer fyrri hluti hennar fram á laug-
ardegi en sá seinni á sunnudegi.
Kátir dagar
á Þórshöfn
Fuglahræðukeppni og dorg-
veiðikeppni eru meðal dag-
skrárliða á árlegri Bryggjuhátíð á
Drangsnesi sem fram fer laug-
ardaginn 19. júlí. Ljósmynda- og
myndlistarsýningar verða opn-
aðar í tilefni dagsins og boðið
upp á siglingar til Grímseyjar þar
sem hægt er að njóta kyrrðar og
náttúrufegurðar.
Sælkerar fá einnig sitt hvað fyrir
sinn snúð á hátíðinni en boðið
verður upp á sjávarréttasmakk
við Fiskvinnsluna við undirleik
Kristjáns Magnússonar harm-
óníkuleikara. Nánari upplýsingar
má nálgast á www.strandir.is.
Dorgveiði og
fuglahræður
Hinn árlegi búningadagur verður
haldinn í Norska húsinu í Stykk-
ishólmi laugardaginn 19. júlí.
Öllum konum og körlum sem
mæta í íslenskum þjóðbúningi er
boðið í kaffi í betri stofunni hjá
Önnu Thorlacius kl. 14-16. Þá
verða sýndir tveir kirtilbúningar
sem Kvenfélagið Hringurinn á og
fjallkonur Stykkishólms hafa
skrýðst á þjóðhátíðardaginn. All-
ir eru hjartanlega velkomnir í
Norska húsið á laugardag.
Búningadagur