24 stundir - 18.07.2008, Blaðsíða 26
26 FÖSTUDAGUR 18. JÚLÍ 2008 24stundir
Silfurarmband verð 64,900 kr.
Ertu að flytja, láttu fagmenn
sjá um verkið fyrir þig
Örugg og trygg
þjónusta
Eftir Einar Jónsson
einarj@24stundir.is
Hríseyingar blása til árlegrar Full-
veldishátíðar um helgina og verður
margt í boði fyrir fólk á öllum
aldri. Meðal annars verður boðið
upp á óvissuferðir, leiktæki fyrir
börn, kvöldvökur, götuleikhús,
söngvarakeppni og vitaferðir. Þá
stendur Þorsteinn Þorsteinsson
fyrir fræðslugöngu á laugardag kl.
16 þar sem hann segir frá Hrísey í
fortíð og nútíð, fjallar um mannlíf
og náttúrufar og allt þar á milli.
„Ég sýni meðal annars gamlar
kolagrafir sem eru víða um eyjuna.
Landnámsmennirnir brenndu
náttúrlega skóginn og bjuggu til
kol því að það var ekki hægt að
dengja ljáinn við móinn,“ segir
Þorsteinn. „Svo segi ég frá mótekju
og sýni mógrafir og segi frá hinum
og þessum fuglategundum, eyði-
býlum og ýmsu öðru.“
Bláskeljaveisla
Samhliða Fullveldishátíðinni
halda eyjarskeggjar Bláskeljahátíð.
Skeljahátíðin fer fram á laugardag
kl. 14 þar sem keppt verður í skel-
fiskkappáti auk þess sem boðið
verður upp á súpu og ýmsa rétti úr
bláskel.
„Á skeljahátíð fá menn að
smakka á öllum þessum afurðum
úr bláskelinni. Hún er reykt, soðin,
steikt og grilluð. Þá er búin til kæfa
og alls konar réttir úr henni,“ segir
Þorsteinn.
Hópakstur dráttarvéla
Einn af hápunktum hátíðarinn-
ar verður hópakstur dráttarvéla um
þorpið og hefst hann upp úr kl.
18.30 á laugardag. „Það er náttúr-
lega gífurlega mikið af dráttarvél-
um í Hrísey. Það koma allir á sinni
dráttarvél og sumir eru með vagna
aftan í og aðrir með sæti á drátt-
arvélunum. Fólki finnst þetta mjög
skemmtilegt og ferðafólk fær að
fara með í þessa lest. Hún verður
mjög löng þegar 30-40 dráttarvélar
af mörgum tegundum eru komnar
saman í röð,“ segir Þorsteinn Þor-
steinsson að lokum.
Skeljaveisla Hríseyingar bjóða
gestum sínum upp á ýmsa rétti úr
bláskel.
Fræðsla og skemmtun á Fullveldishátíð í Hrísey
Bláskeljaveisla
og dráttarvélarall
Hríseyingar gera sér
glaðan dag á árlegri Full-
veldishátíð sem hefst í
dag. Á dagskránni er
meðal annars skeljaveisla
og hópakstur dráttarvéla
um þorpið. Þá ætlar Þor-
steinn Þorsteinsson að
fjalla um Hrísey í fortíð
og nútíð.
➤ Ljótu hálvitarnir halda tón-leika í Íþróttamiðstöðinni í
kvöld kl. 20.
➤ Unglingadiskó verður á hátíð-arsvæðinu kl. 22.
➤ Kvöldvaka hefst á laug-ardagskvöld kl. 20.30.
➤ Þar koma meðal annarra framOddný Sturludóttir og Kúrek-
ar norðursins.
FULLVELDISHÁTÍÐ
24stundir/Rúnar Þór
Íbúar Kjósarhrepps bjóða lands-
menn velkomna í hreppinn á
morgun þegar haldinn verður op-
inn dagur undir yfirskriftinni „Kátt
í Kjós“. Fjölbreytt starfsemi fer
fram í Kjósinni og getur fólk kynnt
sér allt frá hefðbundnu kúabúi til
gæludýragrafreits og minjasafns á
fjósalofti.
„Þetta er í annað skipti sem við
höldum svona dag. Hann gekk
ljómandi vel í fyrra og er með svip-
uðu sniði nú,“ segir Sigurbjörn
Hjaltason á Kiðafelli sem er einn
þeirra sem býður fólki í heimsókn
á morgun. „Fólk getur bara farið
um sveitina og heimsótt þá staði
sem það vill,“ segir Sigurbjörn.
Opið verður á einum tíu stöðum
auk þess sem sveitamarkaður verð-
ur í Félagsgarði.
Sigurbjörn segir að með þessu
vilji íbúar vekja athygli á því sem sé
að gerast í sveitinni. „Við vitum að
það er undirliggjandi áhugi hjá
fólki að komast upp í sveit. Það eru
margir sem hafa engin tækifæri til
þess lengur, það þekkir engan og
það er alveg að leggjast af að fólk
banki upp á,“ segir hann.
Á flestum stöðum verður opið
frá kl. 13 og fram eftir degi. Nánari
upplýsingar um hvern stað fyrir sig
má nálgast á www.kjos.is.
Kjósverjar bjóða fólki í bæinn
Opið hús í sveitinni
Hvammsvík Margs konar
afþreying er í boði í Kjós.
24stundir/Golli
Fjölskylduhátíð fer fram á Bif-
röst í dag kl. 11-16 í tilefni af 90 ára
afmæli skólans.
Efnt verður til útimarkaðs þar
sem seldir verða listmunir, græn-
meti, fatnaður og fleira. Listamenn
fremja gjörninga í húsakynnum
skólans og úti í náttúrunni. Þá
verður starfrækt listasmiðja fyrir
börn og fullorðna þar sem kyn-
slóðunum gefst tækifæri til að eiga
skapandi samverustundir.
Meðal listrænna atriða sem í
boði verða eru óperusöngur,
flautuleikur, kórsöngur og söng-
sveitir og leikhópar bjóða upp á
fjölbreytt atriði. Í hátíðarsal skól-
ans verður kaffisala og þjóðlegt
meðlæti á boðstólum.
Fjölskylduhátíð á Bifröst
Landverðir í Ásbyrgi standa fyrir
lifandi sögusýningu í botni Ás-
byrgis sunnudaginn 20. júlí.
Reynt verður að endurvekja svo-
kallaða Ásbyrgishátíðir í anda
fimmta áratugarins. „Þetta voru
íþróttahátíðir fyrir sveitungana
og böll. Við verðum með dæmi
um íþróttagreinar sem keppt var
í og svo ætlum við að reyna að
endurverkja ballstemninguna
með smátónlistarflutningi,“ segir
Snædís Laufey Bjarnadóttir land-
vörður. Klæðnaður og veitingar
gestgjafa verða í anda þess tíma
og vonast þeir til að gestir mæti
einnig í viðeigandi klæðnaði.
Hátíðin hefst kl. 13 og stendur
fram eftir degi. Aðgangur er
ókeypis.
Úr Ásbyrgi Efnt verður til
hátíðar þar á sunnudag.
Ásbyrgishátíð endurvakin
LÍFSSTÍLL
lifsstill@24stundir.is a
Á skeljahátíð fá menn að smakka á öllum
þessum afurðum úr bláskelinni. Hún er reykt,
soðin, steikt og grilluð. Þá er búin til kæfa og alls
konar réttir úr henni. helgin