24 stundir - 06.09.2008, Blaðsíða 2
2 LAUGARDAGUR 6. SEPTEMBER 2008 24stundir
VÍÐA UM HEIM
Algarve 23
Amsterdam 18
Alicante 31
Barcelona 29
Berlín 19
Las Palmas 24
Dublin 13
Frankfurt 21
Glasgow 15
Brussel 17
Hamborg 20
Helsinki 18
Kaupmannahöfn 19
London 15
Madrid 22
Mílanó 21
Montreal 17
Lúxemborg 18
New York 24
Nuuk 6
Orlando 25
Osló 17
Genf 23
París 19
Mallorca 29
Stokkhólmur 19
Þórshöfn 11
Sunnan 5-8 m/s með vesturströndinni. Léttir
smám saman til um landið austanvert, skýjað
að mestu vestanlands og dálítil súld með
köflum á annesjum.
Hiti 7 til 14 stig.
VEÐRIÐ Í DAG
11
11
12
11
11
Léttir til
Sunnan og suðaustan 5-13 m/s, hvassast
suðvestanlands. Rigning sunnan- og vest-
anlands, en yfirleitt bjartviðri norðaustantil.
Hiti 6 til 16 stig, hlýjast á Norðurlandi.
VEÐRIÐ Á MORGUN
11
12
13
13
13
Rigning sunnan- og vestanlands
Tveir íslenskir karlmenn sem voru á leið í
frí til Albufeira í Portúgal voru á fimmtudag
skildir eftir í Malaga-héraði á Spáni vegna
drykkjuláta sem þeir voru með um borð í
flugvél á leið út. Flugferðin var farin með
flugfélaginu Futura en um var að ræða leigu-
flug fyrir ferðaskrifstofuna Úrval Útsýn.
Að sögn Guðrúnar Sigurgeirsdóttur, mark-
aðsstjóra Úrvals Útsýnar, taka flugfélög með
ströngum hætti á drykkjulátum í flugvélum.
Ekki sé algengt að bregðast þurfi við með því
að skilja farþega eftir þar sem millilent er áð-
ur en komið er á leiðarenda. „Það voru tveir
farþegar sem reyktu um borð og voru með
drykkjulæti í flugvélinni. Við því brást áhöfn
vélarinnar og mennirnir voru skildir eftir í
Malaga á Spáni,“ segir Guðrún. Upplýsingar
um málið komu inn á borð Úrvals Útsýnar
þar sem flug á vegum félagsins tafðist vegna
dólgsláta mannanna. Flugvélin var á leið til
Albufeira í Portúgal, eins og áður sagði,
þangað sem farþegar voru að fara í sum-
arleyfi.
Áhöfn flugvélarinnar vann að því ásamt
lögreglu að koma mönnunum frá borði og
gekk það greiðlega, samkvæmt heimildum 24
stunda. Mennirnir voru því næst handteknir.
Óljóst er enn hvernig þeim verður refsað
en flugfélög hafa verið að herða refsingar við
dólgslátum í flugvélum; ýmist með fjársekt-
um eða ferðabanni. Helsta ástæða þess er
mikið óöryggi sem hlotist getur af látum í há-
loftunum.
Íslensk flugfélög hafa þann vana að vísa
málum beint til lögreglu þegar þau koma
upp. Að sögn Guðjóns Arngrímssonar, upp-
lýsingafulltrúa Icelandair, eru farþegar nú
mun óþolinmóðari gagnvart hvers kyns
dólgslátum í flugi en áður. „Fólk er meðvitað
um að mikil hætta getur skapast ef farþegar
fara ekki að öllu með gát. Það er þróun sem
er vitaskuld jákvæð.“ magnush@24stundir.is
Tveir farþegar í flugi til Faraó í Portúgal voru skildir eftir í Malaga á Spáni
Reyktu um borð og létu dólgslega
Flug Íslensk flugfélög vísa flugdólgum til lögreglu
Frumvarp um sjúkratryggingar
sem heilbrigðisnefnd Alþingis hefur
afgreitt er eitt af helstu málum sem
ríkisstjórnin vill lögfesta nú. Önnur
umdeild mál frá í vor liggja sum
áfram í nefnd og þurfa að fara í
gegnum þrjár umræður á nýju
þingi. Lög um sjúkratryggingar eru
forsenda þess að Sjúkratrygginga-
stofnun, sem annast kaup á heil-
brigðisþjónustu fyrir ríkið og semur
við seljendur heilbrigðisþjónustu og
hefur með þeim eftirlit, geti tekið til
starfa. Vinstri græn leggjast hart
gegn frumvarpinu og telja það stórt
skref í átt til einkavæðingar heil-
brigðiskerfisins. VG vísar til erindis
Allyson Pollock, prófessors við Ed-
inborgarháskóla, um vegferð til
einkavæðingar, sem BSRB hefur
gefið út á íslensku.
beva@24stundir.is
Lög um Sjúkratryggingastofnun fara í gegn
Lög sem ríkisstjórn
leggur áherslu á
„Það er tvennt sem veldur þessu. Annars
vegar gengu markaðir erlendis ekki vel. Þar
var mikið um lækkanir. Hins vegar eru svo
tölur um viðskiptahalla sem eru auðvitað
mjög neikvæðar,“ sagði Edda Rós Karls-
dóttir, forstöðumaður greiningardeildar
Landsbankans, um ástæður skarprar veik-
ingar krónunnar í gær og lækkunar úrs-
valsvísitölunnar. Krónan veiktist um rúm-
lega tvö prósent í gær og stóð vísitalan í tæplega 165 stigum í lok dags.
Úrvalsvísitala Kaupahallarinnar var rúmlega 4.000 stig í gær og hefur
ekki mælst jafn lág árum saman.
Halli var á viðskiptum við útlönd um tæpa 130 milljarða á öðrum árs-
fjórðungi samkvæmt nýjum tölum Seðlabankans. Helsta ástæðan er
tap á hlutafjáreign Íslendinga erlendis en það nam um 60 milljörðum
króna. Erlendar skuldir þjóðarbúsins nema 10.500 milljörðum. mh
Viðskiptahallinn sagður ástæðan
Eftir Björgu Evu Erlendsdóttur
beva@24stundir.is
Lengi hefur verið ljóst að búast
mátti við talsverðri andstöðu við
ákvæði um landsskipulag í skipu-
lagsfrumvarpi umhverfisráðherra.
Sveitarstjórnir eru ófúsar til að láta
af hendi skipulagsvöld sín til rík-
isins og sjálfstæðismenn hafa tjáð
sig andvíga landsskipulagi.
Vongóður formaður
Þrjú frumvörp umhverfisráð-
herra til skipulags, mannvirkja og
brunavarnalaga, sem öll tengjast
innbyrðis, verða ekki afgreidd á
septemberþingi. Helgi Hjörvar,
formaður umhverfisnefndar, segir
ástæðurnar tvær: „Þingdagar eru
fáir og ekki ráðrúm fyrir nema eitt
til tvö stór mál.“ En það er ekki sátt
um málið. „Sveitarstjórnarmenn
úr báðum stjórnarflokkum og
Framsókn eru á móti. Í vor leit út
fyrir að náðst hefði sátt milli um-
hverfisráðherra og forystu sveitar-
félaganna, en svo var ekki og
stuðning skorti innan Sambands
íslenskra sveitarfélaga. Ég vona að
málið verði flutt aftur strax í októ-
ber og tel hægt að útfæra ákvæðin
um landsskipulag í sátt. Helgi segir
fjarri fara að frestunin komi illa út
fyrir Þórunni Sveinbjarnardóttur
umhverfisráðherra. „Löggjöfin hef-
ur verið í undirbúningi í átta ár og
fleiri stór mál bíða núna, eins og
matvælalöggjöfin „Það þarf að
eyða tortryggni milli ríkis og sveit-
arfélaga. Og það þarf að bæta inn í
frumvarpið aðferðum sem tryggja
að komið verði í veg fyrir að með
landsskipulagi sé hægt að valta yfir
heimamenn. Þótt enn sé óljóst um
afdrif landsskipulagsins sem hefur
verið keppikefli umhverfisráð-
herra, er Helgi bjartsýnn. Græna
netið, umhverfissamtök Samfylk-
ingar segja náttúruverndarsinna
leggja mikla áherslu á landsskipu-
lag sem leið til að rjúfa alveldi
sveitarfélaga í skipulagsmálum.
Mörður Árnason, formaður
Græna netsins, segir veruleg von-
brigði að það verkfæri í þágu al-
mennings og náttúru sem lands-
skipulag er verði ekki lögfest nú.
„Ég vil vera bjartsýnn, en þá þurfa
menn að sjá ljósið og Samfylkingin
að beita sér, því það gera ekki aðrir.
Landsskipulagi
ekki landað nú
Lög um landsskipulag fara ekki í gegn á þessu þingi Sjálfstæð-
ismenn leggjast gegn tillögum ráðherra Samfylkingarinnar
Helgi Hjörvar
Mál Samfylkingar.
SKIPULAG Í SALT
➤ Græna netið harmar afdriflandsskipulagsins
➤ Rætt verður á fundi í Reykja-vík dag hvernig slíkt skipulag
virkar í nágrannalöndum.
STUTT
● Árás með golfkylfum Tveir
menn vopnaðir golfkylfum
reyndu að ráðast inn í íbúð við
Fjarðarstræti á Ísafirði á mið-
vikudagskvöld. Ætlunin var að
ganga í skrokk á þriðja mann-
inum sem var innan dyra. Lög-
regla var kölluð á staðinn en þá
voru mennirnir á bak og burt.
Þeir fundust hins vegar stuttu
síðar og voru handteknir. Þeim
var sleppt í fyrrakvöld eftir yf-
irheyrslur og telst málið upp-
lýst.
● Fullur fór út af Ölvaður
maður ók afturenda bíls síns
út af efst í Kömbunum í fyrra-
dag. Maðurinn var látinn sofa
úr sér á Selfossi.
Leiðrétt
Ritstjórn 24 stunda vill leiðrétta hvaðeina,
sem kann að vera missagt í blaðinu.
Leiðréttingar birtast að jafnaði á síðu 2.
Ítalinn Daniel Briatore er í
sárum eftir að ást lífs hans
gekk í klaustur. Daniel og Pat-
rizia Masoero, sem bæði eru
21 árs, hafa verið í tygjum
hvort við annað frá unglings-
árum. Hefur Daniel tekið sér
mótmælastöðu utan við
klaustrið sem Patrizia gekk í, í
von um að hann nái ástinni úr
greipum Guðs. aij
Vill kærustuna aftur
Nunnuástir
SKONDIÐ
WWW.EBK.DK
Danskir gæðasumarbústaðir
(heilsársbústaðir)
Hafðu samband við okkur fyrir frekari
upplýsingar: Anders Ingemann Jensen
farsími nr. +45 40 20 32 38
netfang: aj@ebk.dk
Ert þú í byggingarhugleiðingum?
Ferðaskrifstofa
Sjóðheittsólarlottó!
CostadelSol Verðfrá:
49.900kr.
15. og 22. september. 1 vika m/v 2, 3, eða 4 saman
í íbúð, stúdíó eða herbergi. Innifalið er flug, gisting
í 7 nætur, flugvallaskattar og íslensk fararstjórn.
Síðustu sætin í sólina í haust.
Fyrstur kemur, fyrstur fær.
Nánari upplýsingar og bókanir
á www.plusferdir.is