24 stundir - 06.09.2008, Blaðsíða 26

26 LAUGARDAGUR 6. SEPTEMBER 2008 24stundir
Ekki svo að skilja að það skipti
nokkru máli hvaða skoðun ég hef á
forsetakosningunum í Bandaríkj-
unum. Því miður virðast Banda-
ríkjamenn lítt eða ekki leggja eyrun
við skoðunum umheimsins á því
hver ætti að verða forseti Banda-
ríkjanna, hvað þá mínum prívat-
skoðunum. Samt sem áður get ég
eiginlega ekki orða bundist.
Þegar þetta er skrifað virðast úr-
slitin geta orðið hnífjöfn, og það er
meira að segja útlit fyrir að Repú-
blikanaflokkurinn sé í sókn. Sem er
algjörlega stórskrýtin tilhugsun.
Og eiginlega óhugguleg.
Já, beinlínis skelfileg.
Að Bandaríkjamenn skuli geta
hugsað sér að kjósa til áframhald-
andi valda fulltrúa þess flokks sem
hefur gjörsamlega rústað áliti
Bandaríkjanna erlendis, haldið í
glórulaust stríð og brotið mann-
réttindi þvers og kruss; það er væg-
ast sagt ógeðfelld tilhugsun.
Allt annar pappír?
John McCain gefur sig vissulega
út fyrir að vera allt annar pappír en
George W. Bush og reyndar virðist
kosningabarátta repúblikana ganga
út á að berjast gegn „Washington-
valdinu“ eins og þeir séu allt í einu
orðnir hinir kátu félagar Hróa
hattar en Barack Obama er þá
skyndilega kominn í hlutverk fóg-
etans í Nottingham. En þótt
McCain hafi stundum haft aðrar
skoðanir en Bush (annað hvort
væri nú!) verður auðvitað engin
grundvallarbreyting á stefnu
Bandaríkjanna ef annar haus
Repúblikanaflokksins kemur í stað
þess sem nú er að fjúka.
Og stórundarlegt að repúblikan-
ar skuli geta hugsað sér að bjóða
viti bornu fólki upp á svona „falsk-
ar áherslur“ í kosningabaráttu
sinni.
Við Íslendingar þekkjum reynd-
ar dæmi um annað eins. Var það
ekki fyrir kosningarnar 2003 sem
Framsóknarflokkurinn, sem hafði
verið í stjórn samfellt frá 1995,
trommaði allt í einu upp í kosn-
ingabaráttunni sem ákafur stjórn-
arandstöðuflokkur?
Einstrengingsskapur
Og dugði svo vel að það afhroð
sem flokknum hafði verið spáð
varð ekki, heldur vann hann einn
af sínum frægu „varnarsigrum“.
Fyrst svona bellibrögð geta náð
árangri á Íslandi geta þau líklega
líka skilað tilskildum fjölda at-
kvæða í Bandaríkjunum. Því
stundum hefur maður á tilfinning-
unni að kjósendur þar … ja, líti dá-
lítið einkennilega á málin, svo
maður orði það nú kurteislega.
Samanber bara þá staðreynd að
þeir kusu George W. Bush til for-
seta, ekki einu sinni, heldur tvisvar.
En það má eiginlega ekki verða
að Bandaríkjamenn kjósi yfir sig og
heiminn allan fjögur ár í viðbót af
einstrengingslegum stjórnarhátt-
um repúblikana. Stjórnartíð Bush
hefur haft í för með sér ómældar
hörmungar, ekki bara fyrir írösku
þjóðina og aðra þá sem orðið hafa
beinlínis fyrir barðinu á hervaldi
Bandaríkjanna, heldur hefur hún
líka valdið vaxandi spennu í ver-
öldinni – spennu sem við höfum
ekkert við að gera. Barack Obama
er auðvitað ekki neinn frelsandi
engill sem mun í einni svipan
kippa öllu í lag sem aflaga hefur
farið í veröldinni.
Hann er í fyrsta lagi Bandaríkja-
maður og í öðru lagi stjórnmála-
maður.
Dálítið öðruvísi á litinn
Og það er meira að segja hætta á
að einmitt sú staðreynd að hann er
dálítið öðruvísi á litinn en títt er
um forseta þar vestra muni (ef
hann nær í Hvíta húsið) leiða til
þess að hann telji sig þurfa að
„sanna sig sem“ sannan Banda-
ríkjamann með óþarflegri hörku
og brussugangi á alþjóðavettvangi.
En kannski ekki. Kannski er
honum nógu mikil alvara með tali
sínu um breytingar til þess að geta
slakað á þeirri spennu sem glæp-
samlegt framferði Bush undanfarin
ár hefur haft í för með sér fyrir
heiminn allan. Það liggur alla vega
einhvern veginn í augum uppi að
hann eigi skilið að fá tækifæri til
þess. Og heimurinn eigi skilið
tækifæri til að anda léttar eftir átta
ár af stjórn Repúblikanaflokksins í
Bandaríkjunum. Þeim mun
óhuggulegra er að fylgjast með vel-
gengni þessa sama flokks í skoð-
anakönnunum þar vestra. Og þeim
mun óhuggulegra líka að fylgjast
með orðræðu hægrimanna (t.d. á
hinni hræðilegu Fox-sjónvarps-
stöð) þar sem þeir útmála Obama
sem hættulegan mann fyrir Banda-
ríkin; það sé alveg nauðsynlegt að
hafa í Hvíta húsinu mann sem sé til
í að fara í stríð við hvert tækifæri.
Og kunni kannski að skjóta ísbirni,
eins og varaforsetaefnið.
Yfirburðastaða Bandaríkjanna
Það er ljóst að ef McCain vinnur
þessar kosningar verður engin
breyting á afstöðu Bandaríkjanna
til umheimsins. Sem þýðir sjálf-
krafa, vegna yfirburðastöðu
Bandaríkjanna sem eina stórveld-
isins í heiminum, að ástand ver-
aldar mun ekki skána næstu fjögur
ár. Því mun taka á taugarnar að
fylgjast með lokaspretti kosninga-
baráttunnar vestanhafs.
ÚTSAL
A!
ÚTSAL
A!
Tekur á taugarnar
aIllugi Jökulsson skrifar um forsetakosningar í Bandaríkjunum.
Stjórnartíð
Bush hefur
haft í för með
sér ómældar
hörmungar,
ekki bara fyr-
ir írösku
þjóðina og aðra þá sem
orðið hafa beinlínis fyrir
barðinu á hervaldi
Bandaríkjanna.
Kosningar Því miður virð-
ast Bandaríkjamenn lítt
eða ekki leggja eyrun við
skoðunum umheimsins á
því hver ætti að verða for-
seti Bandaríkjanna.
ERTU Í SÖLU- EÐA
KAUPHUGLEIÐINGUM?
• Veiti trausta og örugga þjónustu
• Ég sýni alltaf eignina og veiti fulla eftirfylgni
• Nota fagljósmyndara
Veldu framúrskarandi þjónustu
898 3326
Dórothea E. Jóhannsdóttir
Sölufulltrúi
898 3326
dorothea@remax.is
Bergsteinn Gunnarsson
Löggiltur Fasteigna-
fyrirtækja og skipasali
Hafðu samband núna!