Morgunblaðið - 24.01.2005, Blaðsíða 2

2 MÁNUDAGUR 24. JANÚAR 2005 MORGUNBLAÐIÐ
FRÉTTIR
JAFNTEFLI
Íslenska handknattleiksliðið náði
jafntefli í opnunarleik liðsins gegn
Tékkum á heimsmeistaramótinu í
Túnis í gær. Tókst liðinu að snúa
stöðunni úr 30:22 um miðjan síðari
hálfleik og skora 12 mörk á móti 4
mörkum Tékka.
Átök í Samfylkingu
Yfirlýsing Gylfa Arnbjörnssonar,
framkvæmdastjóra ASÍ, um stuðn-
ing við Ingibjörgu Sólrúnu Gísla-
dóttur í væntanlegu kjöri til for-
manns í Samfylkingunni hefur
valdið uppnámi. Össur Skarphéð-
insson, formaður Samfylkingar-
innar, telur að Gylfi hafi misnotað
nafn verkalýðshreyfingarinnar til að
ýta undir framboð Ingibjargar Sól-
rúnar. Hún segir ummæli Össurar
ekki sanngjörn.
Atvinnuleyfi útlendinga
Útgáfa nýrra atvinnuleyfa fyrir
erlenda starfsmenn Impregilo við
Kárahnjúka hefst væntanlega í dag
eða á morgun. Um 60 leyfi eru þegar
tilbúin til útgáfu, en Impregilo hefur
alls sótt um leyfi fyrir 250 starfs-
menn, flesta frá Kína.
Nýr forseti í Úkraínu
Víktor Jústsjenko sór í gær emb-
ættiseið sem nýr forseti Úkraínu og
var það hápunktur „rauðgulu bylt-
ingarinnar“ í landinu sem miðaðist
fyrst og fremst að því að losa það
undir ofurvaldi rússneskra áhrifa. Í
ræðu, sem hann flutti fyrir hundr-
uðum þúsunda manna á Sjálfstæðis-
torginu í Kíev, höfuðborg landsins,
sagði hann, að framtíð Úkraínu væri
í sameinaðri Evrópu, innan Evrópu-
sambandsins.
Abbas bjartsýnn
Mahmoud Abbas, leiðtogi Palest-
ínumanna, sagði í gær, að hann
byggist fljótlega við formlegri yfir-
lýsingu frá vopnuðum fylkingum
Palestínumanna um vopnahlé í stríð-
inu við Ísrael. Til marks um bætt
ástand er haft, að Ariel Sharon, for-
sætisráðherra Ísraels, var í gær með
ríkisstjórnarfund í bæ í Suður-
Ísrael, sem oft hefur legið undir
árásum Palestínumanna.
Andvíg árás á Íran
Jack Straw, utanríkisráðherra
Bretlands, hefur tekið saman
skýrslu um andstöðu bresku stjórn-
arinnar við hugsanlega árás á Íran.
Sagt er, að breska stjórnin óttist, að
George W. Bush Bandaríkjaforseti
muni fara fram á stuðning Breta við
árás á kjarnorkumannvirki í Íran.
Y f i r l i t
Í dag
Fréttaskýring 8 Brids 21
Viðskipti 11 Dagbók 22
Vesturland 13 Víkverji 22
Erlent 18 Velvakandi 23
Daglegt líf 14 Staður og stund 23
Umræðan 15 Menning 25/29
Bréf 15 Ljósvakamiðlar 30
Forystugrein 16 Veður 31
Minningar 18/20 Staksteinar 31
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@mbl.is
Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi, orri@mbl.is Skarp-
héðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson
Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
ALÞINGI kemur saman í dag eftir
jólafrí. Á dagskrá fundar þingsins í
dag eru hefðbundin þingstörf. Ráð-
herrar munu svara munnlegum fyr-
irspurnum frá þingmönnum. Þá
verður skýrsla umboðsmanns Al-
þingis til umræðu og starfsskýrsla
Ríkisendurskoðunar fyrir árið 2003.
Á fimmtudag mun fjármálaráð-
herra gera grein fyrir skýrslu sinni
um skattsvik á Íslandi. Ennfremur
flytur iðnaðarráðherra skýrslu um
framkvæmd raforkulaga.
Alþingi kemur
saman á ný
SAMTÖK upplýsingatæknifyrir-
tækja hér á landi telja mikilvægt að
útflutningstekjur vegna upplýsinga-
tækni tífaldist fram til ársins 2010.
Tekjurnar eru nú um fjórir milljarð-
ar á ári en markmiðið er að útflutn-
ingurinn nemi 40–50 milljörðum eftir
fimm ár. Ingvar Kristinsson, for-
maður samtakanna, telur þetta raun-
hæft markmið og bendir á að útflutn-
ingstekjurnar hafi verið tífalt minni
fyrir tíu árum, um 400 milljónir
króna. Ingvar segir mestu mögu-
leika Íslendinga felast í framleiðslu á
hugbúnaði, þar geti þeir verið meðal
þeirra fremstu í heiminum.
Samtökin efna til ráðstefnu á
morgun þar sem fjalla á um stöðu,
tækifæri og framtíðarsýn upplýs-
ingatækniiðnaðarins hér á landi.
Ingvar segir við Morgunblaðið að
það sé vel hægt að halda áfram þeim
vexti sem verið hafi í greininni und-
anfarinn áratug. Hin allra síðustu ár
hafi þó ekki orðið mikil aukning á
þessum útflutningstekjum. Meiri
áherslu vanti á hátækniiðnaðinn og
bæta þurfi enn frekar rekstrarum-
hverfið.
Láta gera úttekt á stöðunni
Ingvar segir að upplýsingatæknin
hafi alla burði til þess að verða þriðja
stoðin í verðmætasköpun og gjald-
eyristekjum Íslands, á eftir sjávar-
útvegi og stóriðju. Nú sé lag að taka
höndum saman um hátækniiðnaðinn,
þar sem við búum yfir mikilli þekk-
ingu og menntun. Þar sé hugbúnað-
arframleiðsla komin hvað lengst.
Ingvar segist vilja sjá uppstokkun
hjá stjórnkerfinu þannig að stjórn-
völd aðstoði upplýsingatæknifyrir-
tækin enn frekar við að laða að er-
lenda fjárfesta, líkt og gert hafi verið
í áliðnaði. Hugsa eigi stórt í þeim efn-
um og reyna að laða að stóra fram-
leiðendur eins og Microsoft. Hér sé
lítið og velmenntað þjóðfélag sem
nýta má til að skapa hugbúnaðar-
lausnir framtíðarinnar.
„Með því að efna til þessarar ráð-
stefnu viljum við vekja athygli á
tækifærunum sem við höfum,“ segir
Ingvar en samtökin sem hann stýrir
eru að láta gera úttekt á stöðu há-
tækniiðnaðar á Íslandi, í samstarfi
við Samtök iðnaðarins, og í fram-
haldinu verður stjórnvöldum boðið í
dans.
Tækifæri í fram-
leiðslu á hugbúnaði
Stefnt að 40–50 milljarða tekjum í upplýsingatækni 2010
GLÁMA 913 í Stóru-Hildisey II í
Austur-Landeyjum var afurðahæsta
kýr landsins í fyrra og skilaði alls
12.762 kg af mjólk yfir árið. Þetta eru
mestu afurðir sem þekkjast hjá ís-
lenskri mjólkurkú á ársgrundvelli.
Bændur í Stóru-Hildisey II eru Jó-
hann Nikulásson og Sigrún Hildur
Ragnarsdóttir. Þau fluttu í Stóru-
Hildisey árið 2000 en hófu búskap
1991 í Akurey II í Vestur-Land-
eyjum. Kýrin Gláma er ættuð frá
Teigi í Fljótshlíð en hana fékk Jó-
hann sem fyrsta kálfs kvígu frá móð-
urbróður sínum, Árna Jóhannssyni.
Þau Hildur og Jóhann reka mikið
myndarbú í Stóru-Hildisey. Bú
þeirra á nú Íslandsmetið í meðalaf-
urðum mjólkurkúa annað árið í röð.
Meðalafurðir kúa þeirra hjóna voru
7.376 kg í fyrra. Einnig eiga þau Ís-
landsmet í afurðum einstakra kúa og
eiga þau tvær af kúm landsins sem
rofið hafa 12 þús. kg múrinn. Þau í
Stóru-Hildisey II eru með mjólkur-
kvóta uppá 240.000 lítra og 35 mjólk-
andi kýr nú um stundir.
Notar ekki rúlluplast
Jóhann pakkar ekki heyi sínu í
plast, eins og flestir bændur gera nú
til dags, heldur byggði hann sér flat-
gryfjur fyrir tveimur árum og verkar
í vothey bæði venjulegt gras, rýgresi
og fóðurkál. Þá er mikið af korni
ræktað á búinu. Öllum þessum fóð-
urtegundum er síðan hrært saman í
heilfóður. Úr þessu fær hann kjarn-
gott fóður eins og sjá má af árangr-
inum. Jóhann segist verða fljótur að
ná upp í kostnað við byggingu gryfj-
anna því sparnaður í kaupum á
baggaplasti nemur minnst 250.000
krónum á ári. Með hækkandi plast-
verði verður sparnaðurinn enn meiri.
Alls skiluðu 24 kýr á landinu meira
en 10 þúsund kg af mjólk yfir árið í
fyrra. Eru það miklu fleiri gripir en
dæmi eru til um áður, að því er fram
kemur á vef Bændasamtaka Íslands.
Gláma setti Íslandsmet
Morgunblaðið/Steinunn Ósk
Guðrún og Ragnar Jóhannsbörn í Stóru-Hildisey II, ásamt Glámu.
TENGLAR
.....................................................
www.bssl.is, www.bondi.is
„HUGSANLEGT er að verðbólgan
fari á næstunni tímabundið yfir þol-
mörkin sem ákveðin voru árið 2001
þegar nýtt fyrirkomulag peninga-
málastefnunnar var tekið upp. Það
kemur til með að kalla á skýringar
bankans og reynir á ábyrgð hans,“
sagði Tómas Örn Kristinsson, fram-
kvæmdastjóri peningamálasviðs
Seðlabanka Íslands, á kjördæmis-
þingi sjálfstæðisfélaganna í Reykja-
vík. Var þar fjallað um áframhaldandi
bættan hag heimilanna.
Tómas sagði verðbólguna stærsta
óvin heimilanna þar sem flest lán
væru verðtryggð. Athafnir Seðla-
bankans gætu haft þar mikil áhrif.
Horfur væru góðar en ástæða væri
fyrir heimilin að vera meðvituð um að
hættur gætu leynst víða. Líkur væru
á að síðar myndi draga úr verðbólg-
unni. Næsta verðbólguspá Seðla-
bankans verður birt 22. mars nk.
Tómas Örn sagði að út um allan
heim hefðu verið gerðar tilraunir til
fjölda ára sem miðuðu að því að finna
heppilegar leiðir til að stýra hagkerf-
inu. Um langt skeið hefði því verið
haldið fram að seðlabankar gætu með
aðgerðum sínum stýrt vaxtastigi, at-
vinnu, hagvexti og afkomu heimil-
anna með því að beita tækjum sínum
af skynsemi.
„Þessi skoðun hefur ekki staðist
tímans tönn. Þátttakendurnir í hag-
kerfinu eru margir og markmið
þeirra eru mismunandi. Því verður
stýring hagkerfisins, hvort sem sú
hugsun virkar eða ekki, að vera sam-
vinnumarkmið ólíkra aðila með mis-
munandi markmið,“ sagði Tómas.
Verðbólgan
fer hugs-
anlega yfir
þolmörk
Framkvæmdastjóri
peningamálasviðs
Seðlabankans
♦♦♦
FRÆÐSLUDAGUR var í Fjölskyldu- og húsdýragarðinum í gær. Þar sagði
Kristinn Haukur Skarphéðinsson, fuglafræðingur, frá haferninum og svar-
aði spurningum gesta. Undanfarið hefur haförn dvalið í garðinum. Fuglinn
fór úr liði og fannst austur við Sog skömmu eftir að það kom fyrir. Örninn
hefur verið undir læknishendi undanfarinn hálfan mánuð og er að bragg-
ast. Verður honum væntanlega sleppt á næstu dögum.
Morgunblaðið/Ómar
Hvað verða ernir gamlir?