Morgunblaðið - 24.01.2005, Blaðsíða 8

8 MÁNUDAGUR 24. JANÚAR 2005 MORGUNBLAÐIÐ
FRÉTTIR
Við getum alveg sætt okkur við pillu sem slær á „hikkið“ en hún má ekki skerða áhrifin að
neinu leyti, Kári minn.
Hugmyndir um sam-einingu allra 10sveitarfélaganna
við Eyjafjörð hafa fengið
misjafnar undirtektir á
meðal sveitarstjórna á
svæðinu. Sveitarfélögin
sem um ræðir eru Grýtu-
bakkahreppur, Svalbarðs-
strandarhreppur, Eyja-
fjarðarsveit, Akureyri,
Hörgárbyggð, Arnarnes-
hreppur, Dalvíkurbyggð,
Ólafsfjörður, Siglufjörður
og Grímsey. Aðeins Arn-
arneshreppur, af minni
sveitarfélögunum á svæð-
inu, er fylgjandi samein-
ingu sveitarfélaganna 10
og leggjast hreppsnefnd-
armenn þar á sveif með stjórn-
endum stóru sveitarfélaganna
þriggja, Akureyrar, Dalvíkur-
byggðar og Siglufjarðar. Ólafs-
firðingar setja sig ekki upp á móti
því að kosið verði um allsherjar
sameiningu en bæjarstjórn hefur
þó lýst þeirri skoðun sinni að hug-
ur hennar standi til sameiningar
sveitarfélaganna þriggja við utan-
verðan Eyjafjörð, Dalvíkurbyggð-
ar, Ólafsfjarðar og Siglufjarðar.
Sameiningarnefnd sveitarfé-
laga hefur haft umsagnir stjórn-
enda sveitarfélaga til umfjöllunar.
Fulltrúar sveitarstjórna við Eyja-
fjörð sem rætt var við, eru sam-
mála um að nefndin muni leggja
til að kosið verði um sameiningu
allra sveitarfélaganna 10 í vor.
Róbert Ragnarsson verkefnis-
stjóri í félagsmálaráðuneytinu
sagði að tillögur sameiningar-
nefndar yrðu væntanlega kynntar
í næstu viku. „Tillögur nefndar-
innar eru bindandi og það verður
kosið um það sem hún leggur til,“
sagði Róbert. Í umsögnum sveit-
arstjórna á svæðinu er lögð á það
áhersla að ekki komi til skerðing-
ar á tekjum úr Jöfnunarsjóði við
sameiningu sveitarfélaga, auk
þess sem bættar samgöngur eru
forsenda sameiningar og er þá að-
allega horft til jarðganga milli
Siglufjarðar og Ólafsfjarðar.
Sveitarstjórn Hörgárbyggðar
telur að ekki séu komin fram nein
haldbær rök sem mæla eindregið
með sameiningu við önnur sveit-
arfélög við Eyjafjörð, nema þá
helst Arnarneshrepp. Sú samein-
ing yrði til hagræðingar sökum
samrekstrar um skóla, sem er
kostnaðarsamasti málaflokkur
þessara sveitarfélaga. Sveitar-
stjórn Hörgárbyggðar bendir á að
undanfarin ár hafi átt sér stað
margar sameiningarkosningar
sem sveitarfélögin hafi komið sér
saman um í sátt og samlyndi og
skilað árangri.
Sveitarstjórn Grýtubakka-
hrepps telur hag íbúa sveitarfé-
lagsins best borgið með því að
sameinast ekki öðrum sveitar-
félögum í Eyjafirði, vegna þess að
hún telur hættu á að þjónusta við
íbúa muni skerðast, þar sem
byggðarlagið yrði jaðarsvæði í
sameinuðu sveitarfélagi. Eins tel-
ur sveitarstjórn að íbúar muni
ekki njóta fjárhagslegs ávinnings
af sameiningunni og glata forræði
yfir eignum, sem nýst hafa við
uppbyggingu byggðarlagsins.
Samt sem áður telur sveitarstjórn
eðlilegt að íbúar sveitarfélagsins
kjósi um væntanlegar tillögur
sameiningarnefndar. Óttar Jó-
hannsson oddviti Grímseyjar-
hrepps er á sömu skoðun og sveit-
arstjórn Grýtubakkahrepps.
Hann sagði að ekki hefði verið
tekin formlega afstaða til málsins
í hreppsnefnd „en það er ekki
mikill í hugur í mönnum hér varð-
andi sameiningu. Þetta er ákaf-
lega viðkvæm byggð og við viljum
fá að vera ein og útaf fyrir okkur.
Það er margt sem spilar þar inn í,
m.a. hvað eigi að gerast í fram-
haldi af allsherjar sameiningu.
Hreppurinn stendur ágætlega, við
höfum átt ágætis samstarf við
þessi stærri sveitarfélög en menn
vilja stjórna sér sjálfir.“
Árni K. Bjarnason sveitarstjóri
Svalbarðsstrandarhrepps sagði
að meirihluti hreppsnefndar hefði
verið á þeirri línu að kosið yrði um
sameiningu Akureyrar og ná-
grannabyggða, frá Grýtubakka-
hreppi í austri til Arnarneshrepps
í vestri, þannig að stóru sveitar-
félögin við utanverðan fjörðinn
yrðu þar utan við. „Menn telja
þetta líklegri leið til að ná ein-
hverju skrefi í sameiningarátt, ef
menn telja það skref í rétta átt,“
sagði Árni. Hann sagði að afstaða
meirihlutans í hreppsnefnd væri í
takt við það sem samþykkt var í
Eyjafjarðarsveit. Þar á bæ telja
menn að sameining allra sveitar-
félaga á Eyjafjarðarsvæðinu sé
ótímabær. Í samþykkt sveitar-
stjórnar Eyjafjarðarsveitar segir
að verði lögð fram tillaga um sam-
einingu ætti hún ekki að vera víð-
tækari en svo að gert væri ráð fyr-
ir sameiningu sveitarfélanna sex
frá Grýtubakkahreppi til Arnar-
neshrepps. Í Arnarneshreppi hef-
ur nýr staður fyrir sorpurðun
komið inn í umræðuna um sam-
einingu sveitarfélaga. Hjördís
Sigursteinsdóttir oddviti sagði
það ekkert launungarmál að mik-
ill meirihluti íbúa sveitarfélagsins
væri á móti því að taka við sorp-
urðun. „Og umræðan hefur m.a.
snúist um það hvort við getum
sameinast öðrum sveitarfélögum
ef við eigum það yfir höfði okkar.“
Fréttaskýring | Minni sveitarfélögin við
Eyjafjörð andvíg allsherjar sameiningu
Skoðanir eru
mjög skiptar
Tryggja þarf sambærilegar tekjur úr
Jöfnunarsjóði og hefja jarðgangagerð
Akureyringar vilja allsherjar sameiningu.
Sátt og samlyndi um kosn-
ingar hefur skilað árangri

Sveitarstjórn Hörgárbyggðar
bendir á að undanfarin ár hafi
átt sér stað margar sameining-
arkosningar sem sveitarfélögin
hafi komið sér saman um í sátt
og samlyndi og skilað árangri.
Sú þróun sé mikið farsælli og
réttlátari gagnvart íbúunum. Þá
liggi ekki fyrir samkomulag milli
ríkisins og sveitarfélaga um
tekju- og verkaskiptingu og ekki
sé tryggt að íbúar Hörgár-
byggðar eigi sér málsvara í nýju
sveitarfélagi við Eyjafjörð.
krkr@mbl.is
SAMBAND ungra sjálfstæð-
ismanna hefur sent Þorgerði Katr-
ínu Gunnarsdóttur, mennta-
málaráðherra, erindi þar sem hún
er hvött til þess að leggja fram að
nýju frumvarp um eftirlit með að-
gangi barna að kvikmyndum.
Í erindinu segir einnig að einn
veigamesti þátturinn í frumvarpinu
sé sá að Kvikmyndaskoðun verði
lögð niður, en í stað verði þeim að-
ilum sem hafa kvikmyndir til sýn-
ingar, leigu, sölu eða annarrar
dreifingar gert að meta myndir
sem eru ætlaðar til sýningar fyrir
börn og ungmenni undir sjálfræð-
isaldri. Áfram verður bannað að
sýna þeim ofbeldiskvikmyndir.
„Ljóst er að lög um kvikmynda-
skoðun og bann við ofbeld-
iskvikmyndum nr. 47 frá 1995, sem
nú eru í gildi, bera öll merki rit-
skoðunar og standast því illa hug-
myndir um tjáningarfrelsið.“
Eftirlit með að-
gangi barna að
kvikmyndum
HÖNNUNARVEISLA sem haldin
var í höfuðstöðvum sænska mynda-
vélaframleiðandans Hasselblad í
Gautaborg á vegum íslenska sendi-
ráðsins í Svíþjóð fyrir skömmu, auk
Hasselblad og pappírsframleiðand-
ans Klippan, markaði upphafið að ís-
lensku hönnunarári innan sænska
hönnunarársins 2005. Á árinu verð-
ur lögð áhersla á að kynna íslenska
hönnun og að sögn Svavars Gests-
sonar sendiherra er markmiðið að
ljúka hönnunarárinu með því að
halda sýningu á íslenskri hönnun í
Gautaborg.
Í tengslum við heimsókn sænsku
konungshjónanna til Íslands síðast-
liðið sumar voru Íslendingum færð
að gjöf glerlistaverk eftir fimmtíu
sænska hönnuði og var það að frum-
kvæði Christinu Nilroth, fram-
kvæmdastjóra Blåbär Design í
Gautaborg.
Svavar segir vel mögulegt að
koma íslenskri hönnun á framfæri í
Svíþjóð. Í næsta mánuði taka fimm-
tán íslenskir hönnuðir þátt í hús-
gagnasýningu í Stokkhólmi og
stuttu seinna mun Ísland eiga full-
trúa á húsgagnasýningu í Smálönd-
um. Svavar segir að samstarf á milli
íslenskra hönnuða og sænskra hús-
gagnaframleiðenda sé komið af stað,
og framhaldið lofi góðu.
Christina Nilroth mun á þessu ári
starfa að því að kynna íslenska
hönnun í Svíþjóð.
Hún mun m.a. starfa fyrir Íslands
hönd á húsgagnasýningunum og
markaðssetja íslenska hönnun al-
mennt í Svíþjóð.
Íslensk hönnun kynnt í Svíþjóð
Morgunblaðið/Steingerður
Guðrún Ágústsdóttir, Svavar Gestsson sendiherra, Elín Óskarsdóttir frá ís-
lenska sendiráðinu og Christina Nilroth sem hafði forgöngu um gjöf á sænsk-
um glerlistaverkum til Íslands og kynningu íslenskrar hönnunar í Svíþjóð.