Morgunblaðið - 28.02.2005, Síða 7

MORGUNBLAÐIÐ MÁNUDAGUR 28. FEBRÚAR 2005 7
FRÉTTIR
ERTU Á LEIÐ Í LEIFSSTÖÐ?
Alltaf
25% ódýrari
gleraugu
og linsur
í stað 19,68% vsk. áður
w w w . o p t i c a l s t u d i o . i s
ENDURVARP á útvarpi BBC
World Service er hafið á stór-
Reykjavíkursvæðinu og um Faxa-
flóa. Það eru 365 ljósvakamiðlar
sem endurvarpa BBC World Serv-
ice á Íslandi og næst útsendingin á
tíðninni FM 94,3. BBC World Serv-
ice útvarpar fréttum og frétta-
tengdu efni allan sólarhringinn.
BBC World Serv-
ice endurvarpað
SVÍNABÚ áttu ekki að greiða fyrir
svokölluð tecra-próf sem fram-
kvæmd eru til að kanna hvort slát-
urdýr sé sýkt af salmonellu. Þetta
varð niðurstaða Héraðsdóms
Reykjavíkur sem hefur dæmt ís-
lenska ríkið til að endurgreiða
svínabúinu Sléttusvíni ehf. rúmlega
1,1 milljón króna. Búast má við að
fleiri svínabú geri sambærilegar
kröfur á hendur ríkinu í kjölfarið.
Í dómnum kemur fram að salmon-
ella greindist á búinu um mitt ár
2001 líkt og á nokkrum öðrum
svínabúum á landinu, en tecra-
prófin voru tekin á öllum svínabúum
landsins. Tekið er stroksýni úr kjöt-
inu og sé niðurstaða tecra-prófsins
sú að kjötið sé smitað geta fleiri
rannsóknir leitt í ljós að svo sé ekki.
Kosturinn við prófin er sá að nið-
urstaða liggur mjög skjótt fyrir.
Með fyrri aðferðum þurfti oft að
bíða í 7-10 daga.
Af hálfu svínabúsins var því hald-
ið fram að ríkið ætti að greiða fyrir
prófin úr eftirlitssjóði skv. lögum
um eldi og heilbrigði sláturdýra. Því
hafnaði ríkið og hélt því m.a. fram
að prófin hefðu verið tekin upp sem
valkostur fyrir svínabændur til að
draga úr tjóni þeirra vegna salmon-
ellusmits. Sjóðnum væri ætlað að
standa straum af kostnaði við reglu-
bundið eftirlit í sláturhúsum en ekki
með einstökum sláturdýrum, eins og
tecra-prófin séu. Á þetta féllst hér-
aðsdómur ekki og dæmdi ríkið til að
endurgreiða svínabúinu kostnaðinn.
Dómurinn hafnaði á hinn bóginn
skaðabótakröfu búsins.
Friðgeir Björnsson kvað upp
dóminn. Guðjón Ólafur Jónsson hrl.
flutti málið af hálfu svínabúsins en
Guðrún Margrét Árnadóttir hrl. var
til varnar fyrir ríkið.
Svínabú átti ekki
að greiða fyrir
salmonellupróf
SAMTÖK um vestræna samvinnu
(SVS) og Varðberg, félag ungs
áhugafólks um vestræna samvinnu,
standa fyrir opnum fundi á morgun
um þá stefnu stjórnvalda að Ísland
sækist eftir sæti í öryggisráði Sam-
einuðu þjóðanna.
Framsögumenn fundarins verða
þingmennirnir Einar Oddur Krist-
jánsson frá Sjálfstæðisflokknum,
Jónína Bjartmarz frá Framsóknar-
flokknum og Steingrímur J. Sigfús-
son, þingmaður og formaður Vinstri
grænna.
Í fréttatilkynningu um fundinn
segir að velt verði upp ýmsum
spurningum m.a. hvort smáþjóð eins
og Ísland geti haft hlutverki að
gegna innan öryggisráðs SÞ. „Eig-
um við að taka þátt í að greiða at-
kvæði í öryggisráðinu um óvinsælar
hernaðaraðgerðir SÞ í ríkjum sem
ógna heimsfriði? Getur vopnlaus og
friðsæl þjóð eins og Ísland leyft sér
að forðast að taka örlagaríkar
ákvarðanir í flóknum deilum í fjar-
lægum löndum eða heimsálfum? Er
ávinningurinn þess virði? Hvað
fengjum við jákvætt út úr setu okkar
í öryggisráðinu?“
Fundurinn verður haldinn í Skála
á annarri hæð Hótels Sögu og hefst
kl. 17.
Fundur Samtaka um vestræna samvinnu og Varðbergs
Ræða hvort Ísland eigi
erindi í öryggisráð SÞ
GALLOWAY-holdakynið er vel
útbúið frá náttúrunnar hendi til
þess að vera úti og lætur kulda ekki
á sig fá þegar svo viðrar. Þetta má
glögglega sjá á holdanautum í Ár-
bót í Aðaldal sem liggja við opið hús
en úti vilja þær helst vera.
Í Árbót eru um 120 holdagripir
og mikið af beltóttum kúm, þ.e. kúm
með hvítan hring utan um sig.
Galloway-holdanautabúum eins og í
Árbót fer nú fækkandi eftir að
Aberdeen Angus-kynið og Limous-
ine voru flutt til landsins en ennþá
eru nokkrir aðilar sem halda í þessa
tegund gripa. Ábúendur í Árbót
láta vel af þessum skepnum og oft
er líflegt í fjósinu.
Holdanaut kunna
vel við sig úti