Morgunblaðið - 12.05.2005, Blaðsíða 11
MORGUNBLAÐIÐ FIMMTUDAGUR 12. MAÍ 2005 11
FRÉTTIR
Opið mánudaga-föstudaga frá
kl. 12-18 og
laugardaga frá kl. 12-15 Skólavörðustíg 2 – sími 544 8880.
Útsala
Höfum einnig
fengið nýjar vörur
Laugavegi 41, sími 561 4465.
Opið mán.-föst. frá kl. 10-18,
laugard. frá kl. 10-16.
Fatnaður úr
hrásilki
kominn aftur
Fjórir litir
Ýmis tilboð
Nýjar
vorvörur
Sími 544 2140
Mbl.is | BOBBY Fischer settist í
fyrsta sinn í gær við borðið, sem
þeir Borís Spasskí tefldu á einvígi
sitt um heims meistaratitilinn í
skák árið 1972, síðan einvígið fór
fram. Borðið er varðveitt í hlið-
arherbergi í Þjóðmenningarhúsinu.
Atvikið átti sér stað að loknum
fundi RJF-hópsins um mál Arons
Pálma Ágústssonar sem setið hefur
í fangelsi í Texas, en einhver hreyf-
ing virðist vera að komast á það
mál, að sögn Einars S. Einarssonar,
talsmanns RFC-hópsins.
Bobby Fischer, sem setið hefur
fundi nefndarinnar, er eindreginn
stuðningsmaður þess að allt sé gert
sem hægt er til að vinna að farsælli
lausn þessa máls.
Í lok fundarins var Bobby sýnt
borðið fræga, sem hann barði nú
augum í fyrsta sinn frá því hann
reit nafn sitt á það rétt áður en
hann hvarf af landinu fyrir næstum
33 árum síðan. Áritun hans á borðið
er orðin nokkuð farin að dofna og
orðin máð af sólarljósi. Honum
fannst undirskriftir þeirra Borís
Spasskí og hans á borðið hafa verið
misráðnar og spilla minjagildi þess,
því þær hefðu ekki verið þar, þá er
þeir tefldu einvígi aldarinnar sæll-
ar minningar.
Samkvæmt upplýsingum Val-
gerðar Hermannsdóttur, móð-
ursystur Arons Pálma, var hann
beðinn í síðustu viku, af hálfu rík-
isstjóraembættisins í Texas, að
staðfesta skriflega að nýju ósk sína
um að mega fara til Íslands og ljúka
afplánun dóms síns þar.
Fischer fannst áritunin spilla
minjagildi einvígisborðsins
Ljósmynd/Einar S. Einarsson
Bobby Fischer situr við einvígisborðið í Þjóðmenningarhúsinu og fyrrver-
andi forseti Skáksambandsins, Guðmundur G. Þórarinsson, stendur hjá.
TILLAGA samgönguráðherra,
Sturlu Böðvarssonar, að samgöngu-
áætlun fyrir árin 2005 og 2008 var
samþykkt á Alþingi í gær, með 31 at-
kvæði stjórnarliða og Krisjáns L.
Möllers, þingmanns Samfylkingar-
innar gegn þremur atkvæðum þing-
manna Samfylkingarinnar, Marðar
Árnasonar, Katrínar Júlíusdóttur og
Ástu R. Jóhannesdóttur. Tuttugu og
þrír þingmenn sátu hjá. Þar á meðal
Gunnar I. Birgisson, Sjálfstæðis-
flokki og Kristinn H. Gunnarsson,
Framsóknarflokki.
Áður en samgönguáætlun ráð-
herra var samþykkt voru breyting-
artillögur Gunnars I. Birgissonar,
við áætlunina, felldar með atkvæð-
um stjórnarliða. Í tillögunum var
m.a. lagt til að Héðinsfjarðargöngin
yrðu slegin af og að fé til vegamála á
höfuðborgarsvæðinu yrði aukið.
Gunnar greiddi einn atkvæði með
tillögum sínum. Katrín Júlíusdóttir,
þingmaður Samfylkingar, greiddi þó
atkvæði með tillögu hans um aukið
vegafé til suðurkjördæmis. Þing-
menn Samfylkingarinnar á höfuð-
borgarsvæðinu fóru upp í atkvæða-
greiðslunni og óskuðu eftir því að
sérstök atkvæðagreiðsla yrði um til-
lögur Gunnars um aukið vegafé til
höfuðborgarsvæðisins. Forseti
þingsins varð hins vegar ekki við
þeirri ósk. Þingmennirnir sögðu að
þar með hefðu þeir ekki getað sýnt
stuðning sinn við umræddar tillögur
Gunnars.
Áhersla á Sundabraut
Þingmenn Samfylkingar voru þó
ekki einu þingmenn höfuðborgar-
svæðisins sem gerðu sérstaka grein
fyrir afstöðu í atkvæðagreiðslum um
samgönguáætlun ráðherra.
Guðlaugur Þór Þórðarson, þing-
maður Sjálfstæðisflokksins í
Reykjavík, tók fram að hann sem og
sjálfstæðisþingmennirnir Sigurður
Kári Kristjánsson, Bjarni Bene-
diktsson og Birgir Ármannsson,
fögnuðu yfirlýsingu formanna
stjórnarflokkanna og samgönguráð-
herra um að fjármögnun Sunda-
brautar yrði tryggð með sérstökum
hætti. Sundabrautin væri stærsta
einstaka verkefnið á sviði samgöngu-
mála á höfuðborgarsvæðinu. Til-
koma hennar myndi létta á umferð
og auðvelda samgöngur. „Sam-
gönguáætlun er eins og nafnið gefur
til kynna áætlun og reynslan hefur
sýnt okkur að henni hefur oft verið
breytt umtalsvert,“ sagði Guðlaug-
ur. „Við áskiljum okkur allan rétt til
að berjast fyrir því að vegabótum
innan höfuðborgarsvæðisins verði
flýtt og auknir fjármunir færðir til
vegaframkvæmda á svæðinu.“
Jónína Bjartmarz, þingmaður
Framsóknarflokks í Reykjavík,
sagði að nauðsynlegt væri að ráðast í
Sundabraut hið fyrsta. Nauðsynlegt
væri að leita sérstakra leiða við fjár-
mögnun hennar, utan samgöngu-
áætlunarinnar. Forystumenn stjórn-
arflokkanna hefðu tekið undir það. Í
því ljósi hefðu þingmenn Framsókn-
arflokksins á höfuðborgarsvæðinu
ákveðið að styðja samgönguáætlun
ráðherra, þótt hlutur höfuðborgar-
svæðisins væri rýr.
Samgönguáætlun ráðherra samþykkt á Alþingi
Breytingartillögur
Gunnars felldar
Eftir Örnu Schram
arna@mbl.is
„VIÐ ætlum að beita okkur fyrir
því að sparað verði á öðrum svið-
um svo hægt sé að framkvæma
meira í vegamálum á höfuðborg-
arsvæðinu,“ segir Guðlaugur
Þór Þórðarson en hann hefur
ásamt öðrum þingmönnum
Sjálfstæðisflokksins Sigurði
Kára Kristjánssyni, Bjarna
Benediktssyni og Birgi Ár-
mannssyni sent út yfirlýsingu
þar sem því er fagnað að for-
menn ríkisstjórnarflokkanna og
samgönguráðherra hyggist
tryggja fjármögnun Sunda-
brautar.
Guðlaugur Þór segir að mörg
brýn verkefni bíði í Reykjavík
og að Sundabrautin ein og sér
leysi ekki umferðarvandann
heldur þurfi að leggja mislæg
gatnamót. „Það var ótrúleg
staða þegar ríkið bauðst til að
veita þrjá og hálfan milljarð í
mislæg gatnamót við Kringlu-
mýrarbraut og Miklubraut en
borgin hafnaði því,“ segir Guð-
laugur og bendir á að önnur
brýn verkefni séu t.d. tvöföldun
Vesturlandsvegar og mislæg
gatnamót við Reykjanesbraut.
Í yfirlýsingu fjórmenning-
anna er bent á að ekkert eigi að
geta komið í veg fyrir að fram-
kvæmdir við Sundabraut hefjist
um leið og skipulagsyfirvöld í
Reykjavík hafa lokið undirbún-
ingsvinnu. „Samgönguáætlun er
eins og nafnið gefur til kynna
áætlun og reynslan hefur sýnt
okkur að henni hefur oft verið
breytt umtalsvert. Við áskiljum
okkur allan rétt til að berjast
fyrir því að vegabótum innan
höfuðborgarsvæðisins verði flýtt
og að auknir fjármunir verði
færðir í arðbærar vegafram-
kvæmdir á svæðinu,“ segir í yf-
irlýsingunni.
Vilja meiri vega-
framkvæmdir í
Reykjavík
FRUMVARP viðskiptaráðherra,
Valgerðar Sverrisdóttur, til nýrra
samkeppnislaga var samþykkt á Al-
þingi í gærkvöld, með þrjátíu at-
kvæðum stjórnarliða gegn 26 at-
kvæðum stjórnarandstæðinga og
Kristins H. Gunnarssonar, þing-
manns Framsóknarflokks.
Ráðherra sagði í atkvæðagreiðslu
um frumvarpið, fyrr um daginn, að
þetta væri eitt merkasta mál þings-
ins. „Ákvörðunarvald í samkeppnis-
málum er í raun fært frá fimm
manna pólitískt skipuðu ráði, sam-
keppnisráði, til sjálfstæðrar eftirlits-
stofnunar, Samkeppniseftirlitsins.
Auk þess eru fjárframlög til mála-
flokksins aukin verulega.“
Ráðherra sagði að stjórnarand-
staðan hefði því miður lagst lágt í
málflutningi sínum í málinu. Hún
vísaði því á bug að í frumvarpinu fæl-
ist hefndaraðgerð gagnvart Sam-
keppnisstofnun vegna olíumálsins.
„Í umræðunni hefur öllu verið snúið
á haus,“ sagði hún og bætti við: „Ég
segi eins og oft á við: Sá hlær best
sem síðast hlær.“
Áður en þessi orð féllu gagnrýndu
stjórnarandstæðingar frumvarpið
harðlega. Lúðvík Bergvinsson, þing-
maður Samfylkingarinnar, sagði
m.a. að ekkert hefði komið fram um
að núverandi fyrirkomulag í sam-
keppnismálum væri ekki að virka.
Markmið frumvarpsins væri að
veikja samkeppnislögin, ná pólitísk-
um tökum á samkeppnisyfirvöldum
og refsa þeim fyrir olíumálið. Að lok-
um sagði hann að gjörvöll stjórnar-
andstaðan og allur almenningur
myndi fylgjast með hverri hreyfingu
ráðherra í þessum málum.
Ögmundur Jónasson, þingmaður
Vinstrihreyfingarinnar-græns fram-
boðs, sagði mikinn ágreining um
frumvarpið, bæði innan þings og ut-
an. „Þá hafa komið fram ásakanir um
að ríkisstjórnin sé að refsa sam-
keppnisyfirvöldum fyrir framgöngu
þeirra í umdeildum málum á sviði ol-
íusamráðs og annarra mála,“ sagði
hann. Að síðustu sagði Guðjón A.
Kristjánsson, þingmaður Frjáls-
lynda flokksins, m.a. að með frum-
varpinu væri verið að auka áhrif ráð-
herra í samkeppnismálum.
Pétur H. Blöndal sagði hins vegar
í atkvæðagreiðslunni að frumvarpið
væri til bóta.
„Sá hlær best
sem síðast hlær“
Frumvarp til nýrra samkeppnislaga
arna@mbl.is