Morgunblaðið - 12.05.2005, Blaðsíða 44
44 FIMMTUDAGUR 12. MAÍ 2005 MORGUNBLAÐIÐ
KIRKJULISTAHÁTÍÐ verður
haldin í 10. skipti dagana 20.–28.
ágúst 2005 og hefst á menning-
arnæturdegi í Reykjavík. Hingað til
hefur hátíðin verið haldin um hvíta-
sunnu þau ár sem ekki er listahátíð í
Reykjavík en nú þegar sú hátíð
verður árlega hefur Kirkjulistahátíð
verið fundinn nýr tími síðsumars.
Einkunnarorð þessarar hátíðar eru
Salt og ljós og vísa þau til orða frels-
arans í fjallræðunni í Matteusarguð-
spjalli: Þér eruð salt jarðar… Þér
eruð ljós heimsins.
Hátíðina sækja um 110 erlendir
listamenn, flestir til að taka þátt í
flutningi þessara stóru verka. Auk
ofantalinna eru það hinn heimskunni
organisti David Sanger, sem heldur
tónleika í Hallgrímskirkju og stýrir
meistaranámskeiði og Astrid Söder-
bergh Widding, prófessor í kvik-
myndafræðum við Stokkhólmshá-
skóla, til að taka þátt í málþingi um
kvikmyndaskáldið Andrei Tar-
kovskí.
Að venju eru margir tónlistar-
viðburðir á dagskrá, en hæst ber
flutning á tveimur passíum byggð-
um á Matteusarguðspjalli, þ.e.
meistaraverk Johanns Sebastians
Bachs og verk frá 1986 eftir norska
tónskáldið Trond Kverno.
Matteusarpassía J.S. Bachs
Matteusarpassía J.S. Bachs verð-
ur nú flutt hér í fyrsta skipti með
upprunalegum hljóðfærum. Verkið
er samið fyrir tvo kóra, drengjakór,
tvær hljómsveitir og sjö einsöngvara
og það eru kórar Hallgrímskirkju
sem skipta með sér kórhlutverk-
unum, Mótettukórinn, Drengjakór
Reykjavíkur og Unglingakór Hall-
grímskirkju. Alþjóðlega barokk-
hljómsveitin í Haag leikur og stjórn-
andi er Hörður Áskelsson. Þýski
tenórsöngvarinn Markus Brutscher
fer með hlutverk guðspjallamanns-
ins en hann vakti mikla hrifningu í
þessu hlutverki í Hamborg nú í
dymbilviku. Með hlutverk Jesú fer
Andreas Schmidt sem er Íslend-
ingum að góðu kunnur frá fyrri há-
tíðum. Noemi Kiss syngur sópr-
anaríur verksins og enski
kontratenórinn Robin Blaze alt-
aríurnar. Gunnar Guðbjörnsson
syngur tenóraríur verksins og Þjóð-
verjinn Jochen Kupfer bassaaríur.
Með hlutverk Pílatusar fer Benedikt
Ingólfsson bassi. Matteusarpassían
verður flutt tvisvar sinnum, sunnu-
dag og mánudag, 21. og 22. ágúst.
Hátíðinni lýkur hins vegar sunnu-
daginn 28. ágúst með því að Dóm-
kórinn í Ósló flytur Matteusar-
passíu, verk eftir norska tónskáldið
Trond Kverno fyrir kór og 10 ein-
söngvara og verður tónskáldið við-
statt flutninginn. Einsöngvarar eru
Marianne E. Andersen, Marianne
Hirsti, Njål Sparbo, Ian Partridge,
Joseph Cornwell, David Martin,
John English, Gabriel Crouch, Colin
Campbell og Adrian Peacock.
Rúrí myndlistarmaður
hátíðarinnar
Opnun 10. kirkjulistahátíðarinnar
verður í tengslum við 10. menning-
arnóttina í Reykjavík, þar sem fjöldi
listamanna mun koma fram og sýn-
ing Rúríar í kirkjuskipi og forkirkju
Hallgrímskirkju verður opnuð, en
Rúrí sýnir nú í fyrsta sinn í kirkj-
unni. Þá verður tónlistarveisla í
Hallgrímskirkju á Menningarnótt,
þar sem boðið verður upp á einsöng,
orgelleik og valda kórkafla úr óra-
tóríunni Messíasi eftir Händel, þar
sem almenningi gefst færi á að taka
þátt í flutningnum.
Tónlist hefur frá upphafi skipað
veglegan sess á hátíðinni og á vegum
hennar hafa fjölmörg tónverk verið
frumflutt. Að þessu sinni verður
frumflutt verk eftir John A. Speight
„Drottinn er minn styrkur“, tónverk
fyrir einsöng, kór, 12 málmblásara
og orgel. Þá flytur Hamrahlíðarkór-
inn íslenska tónlist á tónleikum sín-
um undir stjórn Þorgerðar Ingólfs-
dóttur, m.a. verk eftir Þorkel
Sigurbjörnsson, Atla Heimi Sveins-
son og Hafliða Hallgrímsson.
Trúlega Tarkovskí
Sú nýbreytni var á síðustu hátíð
að efnt var til málþings um trúarstef
í kvikmyndum Ingmars Bergmans
og sýndar myndir hans í samstarfi
við Bæjarbíó í Hafnarfirði, rann-
sóknarhópinn Deus ex cinema og
Kvikmyndasafn Íslands. Þetta gafst
vel og nú er komið að Andrei Tar-
kovskí og kvikmyndum hans. Sýnd-
ar verða myndir hans, Æska Ívans
frá 1962 og Fórnin frá 1986. Einnig
verður efnt til málþings um kvik-
myndaskáldið Andrei Tarkovskí
með yfirskriftinni Deus absconditus
– á mörkum hins sýnilega og ósýni-
lega í kvikmyndum Tarkovskís. Sér-
stakur gestur málþingsins er Astrid
Söderbergh Widding, prófessor í
kvikmyndafræðum við Stokk-
hólmsháskóla.
Kirkjulistaspjall með
kaffihúsastemningu
Boðið verður í fyrsta skipti til
óformlegs kirkjulistaspjalls með
gestum í suðursal Hallgrímskirkju
þar sem vikið er að túlkun fagnaðar-
erindisins í guðspjöllunum í ljósi
listanna með hlið-
sjón af einkunn-
arorðum hátíð-
arinnar, salt og
ljós. Umræðum
stýra Ævar Kjart-
ansson og dr. Sig-
urður Árni Þórð-
arson. Halldór
Hauksson og sr.
Haukur Ingi Jón-
asson ræða um Matteusarpassíur
Bachs og Kvernos; Terje Kvam, kór-
stjóri, sem stjórnað hefur báðum
verkunum, mun segja frá reynslu
sinni af þeim. Margrét Eggerts-
dóttir cand. mag. og dr. Gunnar
Kristjánsson guðfræðingur ræða um
Hallgrím Pétursson og guðspjöllin.
Þóra Kristjánsdóttir listfræðingur
og dr. Pétur Pétursson víkja að guð-
spjöllunum með augum myndlist-
armanna og loks fjallar Oddný Sen
um kvikmynd Pasolinis, Matteus-
arguðspjall sem sýnd verður að
spjalli loknu.
Hátíðarmessa
með fjallræðunni
Lokadag hátíðarinnar verður há-
tíðarmessa með fjallræðunni þar
sem biskup Íslands, herra Karl Sig-
urbjörnsson, prédikar. Þar verður
frumflutt nýtt tónverk eftir John A.
Speight sem fyrr er nefnt, Drottinn
er minn styrkur. Dómkórinn í Ósló
syngur undir útdeilingu undir stjórn
Terje Kvam.
Á hverjum degi hátíðarinnar er
tónlistarandakt í hádegi þar sem
prestur fer með bæn og hlýtt er á
tónlistarflutning þar sem fram koma
m.a. nemendur á organistanám-
skeiði Davids Sangers.
Nú hefur hátíðinni verið fundinn
staður síðla sumars og því verður nú
efnt í fyrsta skipti til uppskeru-
markaðar á Hallgrímstorgi síðari
helgi hátíðarinnar með ein-
kunnarorðunum „Með gleðisöng
koma þeir aftur og bera kornbindin
heim“. Markaðurinn verður í sam-
starfi við Sólheima og Reykjavík-
urborg.
Að hátíðinni standa Listvinafélag
Hallgrímskirkju, sóknarnefnd Hall-
grímskirkju og Biskup Íslands. For-
maður stjórnar er Þóra Kristjáns-
dóttir listfræðingur.
Framkvæmdastjóri er Inga Rós
Ingólfsdóttir sellóleikari og listrænn
stjórnandi Hörður Áskelsson, org-
anisti Hallgrímskirkju. Hátíðin var
fyrst haldin vorið 1987.
Hátíðir | Kirkjulistahátíð haldin í tíunda skipti í ágúst
„Þér eruð salt jarðar“
Morgunblaðið/Ásdís
Rúrí J.S. BachHörður
4 600 200
leikfelag.is
Miðasölusími
Rómuð
gestasýning!
Græna landið
Eftir Ólaf Hauk Símonarson
Gestasýning frá Þjóðleikhúsinu
Fös 13. 5 kl. 20
Lau 14. 5 kl. 15
Leiklistarnámskeið í sumar.
Námskeið fyrir alla aldursflokka.
Nánari upplýsingar á
www.leikfelag.is
Skráning stendur yfir.
Stóra svið
Miðasalan er opin: Mánud. og þriðjud.:10:00-18:00, mið-, fim- og föstudaga: 10:00-20:00, laugar- og sunnudaga: 12:00-20:00
Miðasölusími 568 8000 - miðasala á netinu: www.borgarleikhus.is
HÉRI HÉRASON e. Coline Serreau
Lau 28/5 kl 20
Síðasta sýning
HÉRI HÉRASON snýr aftur -
Fyndið - ferskt - fjörugt - farsakennt
SVIK eftir Harold Pinter
Samstarf: Á SENUNNI, Sögn ehf og LA.
Í kvöld kl 20 - Aukasýning
BÖRN 12 ÁRA OG YNGRI FÁ FRÍTT Í BORGARLEIKHÚSIÐ Í FYLGD FULLORÐINNA
- gildir ekki á barnasýningar!
Nýja svið, Litla svið og Þriðja hæðin
ALVEG BRILLJANT SKILNAÐUR
Einleikur Eddu Björgvinsdóttur
Í kvöld kl 20, Fö 13/5 kl 20 - UPPSELT,
Lau 14/5 kl 20 - UPPSELT, Fi 19/5 kl 20,
Fö 20/5 kl 20 - UPPSELT, Su 22/5 kl 20,
Fi 26/5 kl 20, Fö 27/5 kl 20,
Lau 28/5 kl 20
HÍBÝLI VINDANNA leikgerð Bjarna Jónssonar
eftir vesturfarasögu Böðvars Guðmundssonar
Fö 13/5 kl 20, Su 22/5 kl 20,
Fi 26/5 kl 20
Síðustu sýningar
DRAUMLEIKUR eftir Strindberg
Samstarf: Leiklistardeild LHÍ
Fö 20/5 kl 20, Fö 27/5 kl 20
Síðustu sýningar
RIÐIÐ INN Í SÓLARLAGIÐ
e. Önnu Reynolds
Í samstarfi við Leikhópinn KLÁUS
Fö 13/5 kl 20, Lau 14/5 kl 20
Síðustu sýningar
TERRORISMI e. Presnyakov bræður
Í kvöld kl 20, Fö 20/5 kl 20 - Síðustu sýningar
KALLI Á ÞAKINU e. Astrid Lindgren
Í samstarfi við Á þakinu
Lau 14/5 kl 14 - UPPSELT, Su 22/5 kl 14 - UPPSELT,
Lau 4/6 kl 14 - UPPSELT, Su 5/6 kl 14 - UPPSELT,
Su 12/6 kl 14, Su 12/6 kl 17,
Lau 18/6 kl 14, Su 19/6 kl 14,
Su 26/6 kl 14
PURPURI - TÓNLEIKAR FABULU
Margrét Kristín Sigurðardóttir
Í kvöld kl 21
AUTOBAHN Á LISTAHÁTÍÐ
Leiklestur nýrra þýskra verka
Þri 17/5 kl 17 Falk Richter og Theresia Walser
Mi 18/5 kl 17 Marius von Mayenburg og Ingrid Lausund
Umræður við höfunda á eftir
Ókeypis aðgangur
Rauð tónleikaröð #6
Hljómsveitarstjóri ::: Vladimir Ashkenazy
Háskólabíó vi› Hagatorg I Sími 545 2500 I sinfonia@sinfonia.is I www.sinfonia.is
Ashkenazy stýrir
svanasöng Mahlers
HÁSKÓLABÍÓI Í KVÖLD, FIMMTUDAGSKVÖLD KL. 19.30 LAUS SÆTI
Gustav Mahler ::: Sinfónía nr. 9
9. sinfónía Mahlers var frumflutt
rúmu ári eftir andlát tónskáldsins við
frábærar undirtektir. Sagt var um 1. þátt
verksins að hann væri „hið allra dýrðleg-
asta sem Mahler samdi.“ Það er enginn
annar en Vladimir Ashkenazy sem
mun stýra hljómsveitinni.
Samverustund Vinafélagsins hefst kl. 18.00 í Sunnusal Hótel Sögu. Árni Heimir Ingólfsson tónlistar-
fræðingur kynnir efnisskrá kvöldsins. Verð 1000 kr. Súpa og brauð innifalið. Allir velkomnir.
ÞÓRUNN Sigurðardóttir, listrænn
stjórnandi Listahátíðar í Reykja-
vík, opnaði í gær vef um samtíma-
myndlist á slóðinni www.tim-
irymi.is. Vefurinn var unninn á
vegum Menningarráðs Austur-
lands í samstarfi við Listahátíð í
Reykjavík og hefur að geyma upp-
lýsingar um myndlistarhluta
Listahátíðar í Reykjavík, sýning-
arstaði, sýnendur og fleira.Vef-
urinn er styrktur af mennta-
málaráðuneytinu og er unninn af
fyrirtækjum á Austurlandi og
verður í framtíðinni menningar-
og listavefur fyrir Austurland.
Vefur Listahátíðar opnaður