Morgunblaðið - 12.05.2005, Blaðsíða 52

ÞAÐ getur tekið á að halda á lambi og þá
kannski sérstaklega ef það er ekki mikið
minna en maður sjálfur. Krakkarnir á Nóa-
borg fengu að reyna það í gær þegar þau
heimsóttu Grjóteyri í Kjós en á sumrin heim-
sækja þúsundir leikskólabarna sveitabæi
víðs vegar um landið.
Hildur Axelsdóttir, húsmóðir á Grjóteyri
og leikskólakennari, segir þau hjónin hafa
tekið á móti leikskólabörnum á hverju vori í
þrjátíu ár. Hildur segir að foreldrar fylgi oft
börnunum og giskar á að það séu á milli
fimm og sex þúsund manns sem heimsæki
Grjóteyri á vorin.
Dýrin láta þetta ekki á sig fá enda eru þau
sem eldri eru orðin vön tíðum heimsóknum.
„Við erum búin að gera þetta svo lengi að
dýrin okkar þekkja ekki annað. Hundarnir
bíða rólegir við hliðið þegar rúturnar koma
og ekki ein einasta belja baular.“
Hildur segir að mikið sé lagt upp úr því að
börnin fái að snerta dýrin og að hver hópur
hafi góðan tíma með dýrunum. „Það er
kannski helsti munurinn á þessu og Hús-
dýragarðinum. Hér klappa börnin dýrunum
og fá að halda á þeim ef þau geta,“ segir
Hildur.
Bændur framtíðarinnar?
Morgunblaðið/Golli
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 12. MAÍ 2005 VERÐ Í LAUSASÖLU 220 KR. MEÐ VSK.
Opið 8-24 alla daga
í Lágmúla og Smáratorgi
FÆRRI komust að en vildu í skuldabréfaútboði
Kaupþings banka sem lauk í gær. Alls seldi fyr-
irtækið eigin skuldabréf á alþjóðlegum markaði
fyrir 1 milljarð evra sem jafngildir rúmum 83
milljörðum króna. Þetta er langstærsta skulda-
bréfaútgáfa sem íslenskur útgefandi hefur ráðist
í hingað til.
Alls keyptu 78 alþjóðlegir fjárfestar frá ellefu
löndum skuldabréfin, sem eru til fimm ára. Að
sögn Kristínar Pétursdóttur, framkvæmdastjóra
fjárstýringar Kaupþings banka, eru skuldabréfin
á góðum kjörum fyrir Kaupþing banka og segir
hún að það undirstriki sterka stöðu bankans á al-
þjóðlegum fjármálamarkaði. Útgáfan er liður í
fjármögnun bankans og segir Kristín að hún
verði fyrst og fremst notuð til að fjármagna vöxt
bankans erlendis./B1
Skuldabréf
fyrir 83 milljarða
LÖGREGLAN í Reykjavík stöðvaði mann sem ók
á 184 kílómetra hraða á Vesturlandsvegi í gær-
kvöld. Hámarkshraði þar er 90 km/klst og mað-
urinn ók því 94 km of hratt. Maðurinn verður
sennilega sviptur ökuleyfi um tíma og á yfir höfði
sér háa fjársekt.
Í fyrrinótt stöðvaði lögreglan á Snæfellsnesi
ökumann sem einnig ók á 184 km.
Tveir teknir á 184
kílómetra hraða
FRUMVARP um breytingar á lög-
um um fjarskipti var samþykkt sem
lög á Alþingi í gærkvöldi með breyt-
ingum sem meirihluti samgöngu-
nefndar lagði til að gerðar yrðu. Tek-
ið var mið af athugasemdum
Persónuverndar og var m.a. gerð sú
breyting að sá tími sem fjarskipta-
fyrirtæki er gert skylt að varðveita
lágmarksupplýsingar í þágu lög-
reglurannsóknar og almannaöryggis
var styttur úr einu ári í sex mánuði.
Þá var samþykkt sú breyting að
dregið verði úr hve nákvæmlega
skuli skrá fjarskipti þannig að í stað
tímasetningar og tímalengdar verði
aðeins krafist að skráð verði dag-
setning fjarskiptanna og að í stað
þess að krefjast skráningar á magni
gagnaflutnings til og frá notanda
verði aðeins skylt að skrá gagna-
flutninga til notanda.
Felld var brott sú skylda kaup-
enda fjarskiptakorta að framvísa
skilríkjum og Póst- og fjarskipta-
stofnun þess í stað veitt heimild til að
setja reglur um skráningu notenda
slíkra korta í samráði við Neyðar-
línu, lögreglu og farsímafyrirtæki.
Komið til móts við gagnrýni
Pétur H. Blöndal, þingmaður
Sjálfstæðisflokksins, lýsti við um-
ræður í gær andstöðu við grein sem
gerir ráð fyrir að fjarskiptafyrir-
tækjum sé skylt að veita lögreglu, í
þágu rannsóknar opinbers máls,
upplýsingar um hver sé skráður eig-
andi ákveðins símanúmers og/eða
eigandi eða notandi ip-tölu tölvu.
Greiddi hann atkvæði gegn um-
ræddu ákvæði við atkvæðagreiðslu
eftir aðra umræðu í gærkvöldi.
Í nefndaráliti minnihluta sam-
göngunefndar sagði að breytingarn-
ar komi mjög til móts við gagnrýni
og séu almennt til bóta en þrátt fyrir
það geti minnihlutinn ekki stutt
frumvarpið, allra síst 9. gr. þess.
Breytingar á fjarskiptalagafrumvarpi
Dregið úr hve
nákvæmlega skuli
skrá fjarskipti
Eftir Ómar Friðriksson
omfr@mbl.is
GUNNAR Örlygsson lýsti því yfir á
þingfundi um ellefuleytið í gærkvöld
að hann hefði sagt sig úr þingflokki
Frjálslynda flokksins og gengið til
liðs við þingflokk sjálfstæðismanna.
Skömmu áður hafði þingflokkur
sjálfstæðismanna samþykkt sam-
hljóða ósk Gunnars um að ganga til
liðs við flokkinn.
Gunnar sagðist hafa tekið þessa
ákvörðun að vandlega athuguðu máli
og að hann fyndi skoðunum sínum
bestan farveg í Sjálfstæðisflokknum.
Sigurjón Þórðarson, þingmaður
Frjálslynda flokksins, kvaddi sér
hljóðs og las upp úr síðustu þing-
ræðu Gunnars, sem þingmanns
Frjálslynda flokksins, þar sem hann
gagnrýndi harðlega samkeppn-
isfrumvarp ríkisstjórnarinnar. Vitn-
aði Sigurjón m.a. í þau orð Gunnars
þar sem hann sagði að áherslur
stjórnarliða hefðu síðustu árin einatt
leitt til ójöfnuðar og misskiptingar.
Gunnar skuldaði þó ekki þingmönn-
um Frjálslynda flokksins skýringar,
heldur kjósendum sínum.
Davíð Oddsson, formaður Sjálf-
stæðisflokksins, sagði við frétta-
menn eftir þingflokksfundinn að
sjálfstæðismönnum fyndist ánægju-
legt að Gunnar hefði óskað eftir því
að ganga til liðs við flokkinn. Hann
sagði aðspurður að Gunnar væri
góður fengur fyrir flokkinn. „Ég tel
að þetta sé góð viðbót fyrir flokkinn
og ég vona að hann eigi eftir að
starfa vel innan flokksins og líka vel
samstarfið þar. Þetta náttúrlega
styrkir ríkisstjórnina, því meirihluti
hennar á þinginu eykst.“/12
Davíð Oddsson, formaður Sjálfstæðisflokksins, fagnaði
inngöngu Gunnars Örlygssonar í Sjálfstæðisflokkinn
„Styrkir ríkisstjórnina“
Morgunblaðið/Þorkell
Davíð sagði við Gunnar er sá síðarnefndi gekk inn í þingflokksherbergi
sjálfstæðismanna í gærkvöld: „Komdu sæll, gott að fá þig.“
Eftir Örnu Schram
arna@mbl.is
ÍSLENSKA ríkið bauð fram sátt í máli Ramins og
Jönu Sana en þau höfðuðu mál gegn ríkinu og
kröfðust þess að staða þeirra sem flóttamenn yrði
viðurkennd. Sáttatillaga ríkisins felur í sér að
hjónin fái dvalarleyfi í hálft þriðja ár gegn því að
málið verði fellt niður.
Ramin er frá Afganistan en Jana frá Úzbek-
istan. Þau komu til Íslands árið 2003 og sóttu um
hæli sem flóttamenn. Því var neitað en þeim var
veitt dvalarleyfi af mannúðarástæðum til eins árs.
Í kjölfarið höfðuðu þau mál gegn ríkinu.
Jana og Ramin hafa fallist á tillögu ríkisins en í
reglugerð um útlendinga segir að útlendingi sem
hefur dvalið hér samfellt í þrjú ár megi veita
ótímabundið búsetuleyfi ef hann uppfyllir ákveðin
skilyrði, t.d. að hann hafi stundað nám í íslensku./4
Ríkið setti fram
sáttatillögu um
dvalarleyfi