Morgunblaðið - 19.05.2005, Síða 10

10 FIMMTUDAGUR 19. MAÍ 2005 MORGUNBLAÐIÐ
FRÉTTIR
FRAMTÍÐARHÓPUR Samfylkingarinnar
kynnti í gær tillögur sjö starfshópa sem hófu
störf í byrjun árs. Er hér um „seinni lotuna“ í
vinnu Framtíðarhópsins að ræða en sú fyrri,
þ.e. niðurstöður úr vinnu fyrstu sex starfshóp-
anna, voru kynntar á flokksstjórnarfundi í
október í fyrra og verða lokaútgáfur þeirra
lagðar fyrir landsfund Samfylkingarinnar til
afgreiðslu nú um helgina.
Tillögurnar, sem kynntar voru í gær, verða
einnig teknar til umfjöllunar á landsfundinum
en Framtíðarhópurinn mun gera það að tillögu
sinni að þeim verði vísað til áframhaldandi
meðferðar innan flokksins og afgreiðslu á sér-
stöku stefnuþingi sem fram fer næsta vetur.
Hópurinn óskar eftir
endurnýjuðu umboði
Upphaflega stóð til að lokaútgáfa bæði fyrri
og seinni lotunnar yrðu lagðar fyrir landsfund-
inn en eftir að hann var færður fram í maí var
ljóst að þess yrði ekki kostur. Framtíðarhóp-
urinn hefur því farið fram á endurnýjað umboð
á landsfundinum.
Ingibjörg Sólrún Gísladóttir, formaður
Framtíðarhópsins, segir mikilvægt að hafa í
huga að tillögur hópsins séu ekki hugsaðar
sem útfærð stefnuskrá, heldur sé með þeim
verið að setja ramma um ákveðin markmið.
Gert sé ráð fyrir að tillögurnar verði teknar
saman í heildstæða stefnulýsingu á stefnu-
þinginu næsta vetur.
„Síðan þarf að útfæra þetta í einstökum at-
riðum í kosningastefnuskrá, hvort sem það er
fyrir sveitarstjórnar- eða þingkosningar,“ seg-
ir Ingibjörg.
Augljós þörf að ræða upptöku evru
Komið er inn á fjölmörg atriði í tillögum
starfshópanna sjö. Meðal annars er stungið
upp á því að erfið pólitísk mál verði leyst með
aðstoð ríkissáttasemjara og byggt verði á kan-
adískum hugmyndum við ráðningu hæstarétt-
ardómara, en í því felst að matsnefndir munu
sjá um ráðninguna.
Framtíðarhópurinn gerir ekki tillögu um
breytingar á stefnu Samfylkingarinnar í Evr-
ópumálum en komið er inn á þau á nokkrum
stöðum. Í tillögum hóps sem fjallaði um Sam-
fylkingu sem flokk atvinnulífs segir m.a. að
augljós þörf sé á að ræða upptöku evru í sam-
hengi við óstöðugleika gengis, vaxta og verð-
lags vegna íslensku krónunnar. Tekið er fram
að upptaka evru sé vart framkvæmanleg án
eiginlegrar Evrópusambandsaðildar og að
óstöðugleikinn knýi á um að því máli verði
hreyft. Í skýrslu hópsins segir einnig að brýnt
sé að hagsmuna Íslands innan Evrópusam-
bandsins sé betur gætt, enda komi verulegur
hluti þeirrar löggjafar sem Alþingi samþykkir
og varðar atvinnulífið frá stofnunum ESB.
Þá segir hópurinn sem fjallaði um Ísland í
samfélagi þjóða í tillögum sínum að Ísland ætti
að kappkosta að taka virkan þátt í starfi
ýmissa alþjóðastofnana og er Evrópusam-
bandið þar á meðal.
Í tillögum starfshóps um menningu og listir
segir að lýðræðishalli einkenni menningar-
sviðið á Íslandi. Hér sé verndarstefna allsráð-
andi og mikið sé talað um ógn sem réttlæti
frekari skrifvæðingu og sérfræðingaveldi.
Ingibjörg Sólrún sagði á fundinum í gær að
með þessu væri átt við að menning hér á landi
næði ekki til allra hópa í þjóðfélaginu, sem
þyrfti að breyta. Hún segir að hér kveði við
nokkuð nýjan tón og býst við um þetta verði
eflaust skiptar skoðanir.
Aukin athygli vegna formannskjörs
Vinna Framtíðarhópsins er nú langt komin
og Ingibjörg segist vera ánægð með hvernig til
hafi tekist en tímaskortur hafi valdið nokkrum
vanda. Vinna hópsins hafi verið ákveðin tilraun
og hún telji að svona vinna eigi í raun alltaf að
vera í gangi. Aðspurð hvort tillögurnar verði
umdeildari en ella vegna þeirrar gagnrýni sem
Össur Skarphéðinsson hefur sett fram á vinnu
hópsins, segist Ingibjörg ekki telja svo vera en
tillögurnar njóti ef til vill meiri athygli fyrir
vikið. „Ég á von á því að fólk setjist yfir þetta
og hafi skoðanir á þessu alveg óháð formanns-
kjörinu.“
Morgunblaðið/Jim Smart
Af fundi Framtíðarhópsins. Jón Gunnarsson, Ingibjörg Sólrún Gísladóttir, Kristrún Heimis-
dóttir, Þorbjörn Guðmundsson og Heiða Björg Pálmadóttir skýra frá tillögunum.
Tillögur til frekari um-
fjöllunar eftir landsfund
Framtíðarhópur Samfylkingarinnar skilar af sér „seinni lotunni“
Eftir Árna Helgason
arnihelgason@mbl.is
Velferðarríkið sem
hagstjórnarhugmynd
 Skattgreiðsla skapi aukinn rétt í velferðar-
kerfinu – stigvaxandi virkni tekjutenginga.
Þjónustugjöld fremur til stýringar en fjár-
mögnunar.
 Jöfnun lífeyrisréttinda. Lífeyriskerfið
verði sjálfbært, áhættudreift og starfi á
ábyrgð samningsaðila á vinnumarkaði.
 Skilið milli veitenda og greiðenda þjónustu
í heilbrigðiskerfinu.
Lýðræði og jafnrétti
 Formlegir samningar með aðstoð sátta-
semjara til að leysa erfið pólitísk deilumál.
 Skýr lög um ráðherraábyrgð og styrkja
eftirlitshlutverk Alþingis – Aðskilnaður lög-
gjafarvalds og framkvæmdavalds.
 Nýjar hugmyndir um skipan hæstaréttar-
dómara m.a. sóttar til Kanada.
 Breytingar á stjórnarskránni bornar beint
undir þjóðaratkvæði.
Mannauður, framsækni og jöfnuður
 Grunnmenntun sem svarar til allt að fjög-
urra ára náms á framhaldsskólastigi á
ábyrgð og kostnað samfélagsins, hvort sem
menntunin er sótt innan eða utan hins form-
lega skólakerfis.
 Sett verði skýr, mælanleg markmið um
hvernig brugðist verði við brottfalli úr
grunnmenntakerfinu á næstu 5 árum.
Ísland í samfélagi þjóða
 Efla þarf fastanefndir Íslands hjá fjölþjóða-
stofnunum en draga úr útgjöldum til hefð-
bundinna sendiráða.
 0,7% af vergri þjóðarframleiðslu renni til
þróunarsamvinnu árið 2015.
Menning og listir
 Skilgreina ber menntunarhlutverk allra
menningarstofnana, ekki síst gagnvart börn-
um og unglingum.
 Endurskoða þarf stjórnsýslu menningar á
Íslandi því forystu skortir.
Samfylkingin er flokkur atvinnulífs
 Einföldun opinbers eftirlits og endur-
skoðun opinberra gjalda í verslun og þjón-
ustu.
 Augljós þörf er á að ræða upptöku evru í
samhengi við óstöðugleika gengis, vaxta og
verðlags vegna íslensku krónunnar.
Leikreglur viðskiptalífsins
 Efla þarf fjármálaeftirlitið og veita því
frekari heimildir til að vara við opinberlega
þegar talin er þörf á úrbótum.
 Nauðsynlegt er að greina betur en nú er
milli fyrirtækja sem eru skráð á hlutabréfa-
markað og annarra fyrirtækja.
Úr tillögum
Framtíðarhópsins
IMG Gallup hefur sent frá sér yfir-
lýsingu í tilefni af auglýsingu
Fréttablaðsins í gær, þar sem
Morgunblaðið var sakað um rang-
færslur í auglýsingu, sem byggðist
á niðurstöðum fjölmiðlakönnunar
IMG Gallup. Í yfirlýsingunni kemur
fram að sama sé hvaða aðferð sé
notuð; munur á lestri sérblaða
Morgunblaðsins og Fréttablaðsins
um atvinnu sé svipaður. Í könnun-
inni kom fram að atvinnublað
Morgunblaðsins væri meira lesið en
atvinnublað Fréttablaðsins.
Í auglýsingu Fréttablaðsins
sagði m.a.: „Morgunblaðið hefur
ekki farið eftir þeirri hefðbundnu
aðferð að ganga út frá því að hlut-
fallsleg skipting þeirra sem segjast
lesa eða ekki lesa atvinnublöðin sé
eins og meðal þeirra sem svara ekki
spurningunni. Þessari hefð kýs
Morgunblaðið að sleppa í úrvinnsl-
unni og auglýsingin birtir því ranga
útkomu.“
Yfirlýsing IMG Gallup er svo-
hljóðandi:
„Í dagbókarmælingum á fjöl-
miðlanotkun, sem IMG Gallup
framkvæmir fyrir samstarfshóp
helstu fjölmiðla, samtök auglýs-
ingastofa (SÍA) og samtök auglýs-
enda (SAU), er spurt um lestur á
dagblöðum fyrir hvern dag vikunn-
ar. Í framhaldi af því er spurt um
lestur á sérblöðum og/eða efnis-
þáttum blaðanna fyrir hvern dag
(15 liðir hið mesta).
Spurningin hljóðar svona: „Last/
flettir þú eftirtöldu sérblaði eða efn-
isþætti?“. Svarmöguleikarnir sem
svarendur eiga að merkja við eru;
„Allt“, „Að hluta“ og „Ekkert“.
Svörin við þessari spurningu fyr-
ir sérblöð um atvinnu í sunnudags-
útgáfum Fréttablaðsins og Morg-
unblaðsins í síðustu dagbókar-
könnun, vikuna 7. til 13. apríl voru
sem hér segir (sjá töflu):
Eins og sést af töflunni hér að of-
an svarar hluti svarenda, sem lásu
aðalblað hvors miðils á sunnudeg-
inum, því ekki hvort þeir lásu með-
fylgjandi sérblað um atvinnu eða
ekki. Hjá Morgunblaðinu er þetta
hlutfall 9,5% (eða 77 svarendur) en
fyrir Fréttablaðið eru þetta 11,5%
(eða 92 svarendur).
Eins og alltaf þegar við stöndum
frammi fyrir því að hluti svarenda
gefur ekki upp svar við einstökum
spurningum eru tveir möguleikar
við útreikninga niðurstaðna. Við
verðum að gefa okkur ákveðnar for-
sendur hvora aðferðina sem við
veljum.
Í fyrsta lagi er hægt að reikna
hlutfall eingöngu af þeim sem gáfu
svar. Í þessu tilfelli gefum við okkur
að ekki sé vitað um hegðun þeirra
sem svöruðu ekki og ekki rétt að
áætla það á neinn hátt (9,5% fyrir
Morgunblaðið og 11,5% fyrir
Fréttablaðið) og því sé réttast að
sleppa þeim í útreikningunum. Ef
þessi aðferð er notuð reiknast lest-
ur á sérblöðin um atvinnu eftirfar-
andi:
Fréttablaðið (sérblað um at-
vinnu) 25,3%
Morgunblaðið (sérblað um at-
vinnu) 27,9%
Mismunur 2,6%
Í annan stað er hægt að gefa sér
að engin ástæða sé að ætla að þeir
sem svöruðu séu frábrugðnir þeim
sem svöruðu ekki um lestur á sér-
blöðum um atvinnu. Þá eru svör
þeirra sem ekki merktu við spurn-
inguna reiknuð (áætluð) inn í nið-
urstöðuna í sömu hlutföllum og hjá
þeim sem svöruðu. Ef þessi aðferð
er notuð reiknast lestur á sérblöð
um atvinnu eftirfarandi:
Fréttablaðið (sérblað um at-
vinnu) 31,5%
Morgunblaðið (sérblað um at-
vinnu) 33,7%
Mismunur 2,2%
Eins og sést gefur seinni aðferðin
hærri lestrartölur fyrir bæði blöðin
en sú fyrri, sem skýrist af því að
fleiri svör (raunsvör + áætluð) eru
notuð. Hins vegar, eins og sést af
útreikningum hér að ofan, er óveru-
legur munur á hlutfallslegri stöðu
blaðanna eftir því hvor aðferðin er
notuð. Fyrri aðferðin gefur 2,6%
mun en sú seinni 2,2% mun og því
munar bara 0,4% á þessum aðferð-
um á heildina litið.
Báðar aðferðir eru gildar en ekki
er hægt að fullyrða að önnur að-
ferðin sé réttari en hin. IMG Gallup
hefur hingað til ekki gefið út
ákveðnar tölur fyrir lestur á sér-
blöðum og efnisþáttum dagblað-
anna úr fjölmiðlakönnunum, enda
verið litið á þetta sem viðbótarupp-
lýsingar, heldur birt niðurstöðurn-
ar á því formi sem sést í töflu 1 hér
að ofan. Ef það er ósk samstarfs-
hóps um fjölmiðlarannsóknir að
IMG Gallup reikni slíkar lestrartöl-
ur um sérblöð og efnisþætti þarf
samstarfshópurinn að ákveða hvora
aðferðina á nota við útreikningana.“
Lestur atvinnublaðs Morgunblaðsins
er meiri burtséð frá aðferðinni
  
 
!
"

 #  $ #
%  #
 &

'
'
'
'
  '
'
'
'
'
  '
 
  
   ( 
$ # 
)*


$ # 
%+ ,  -
). /#%  / 
IMG Gallup sendir frá sér yfirlýsingu vegna fjölmiðla-
könnunar sem fyrirtækið birti í síðustu viku