Morgunblaðið - 10.09.2005, Side 4

4 LAUGARDAGUR 10. SEPTEMBER 2005 MORGUNBLAÐIÐ
FRÉTTIR
edda.is
Þegar Villi Wonka lýsir því yfir að fimm
heppin börn fái að skoða sælgætisgerðina
hans langar alla til að detta í lukkupottinn.
Kalli er heppinn og fær að launum ótrúlegt
ævintýri. Kalli og sælgætisgerðin eftir
Roald Dahl sló strax í gegn þegar hún kom
út og er löngu orðin sígild. Böðvar
Guðmundsson þýddi.
„Fyndnasta barnabók sem ég hef lesið í
mörg ár.“
- Elaine Moss, The Times
KOMIN Í
VERSLANIR!
MIÐSTJÓRN Samiðnar telur að forsendur
kjarasamninga séu brostnar miðað við núverandi
verðbólgu og ástand efnahagsmála svo og
launaþróun annarra hópa. Þetta kemur fram í
ályktun sem hún sendi frá sér í gær.
„Þegar við gerðum okkar kjarasamninga mið-
uðum við við að allir myndu fá kaupmáttaraukn-
ingu árlega. Núna búum við við það að meirihluti
okkar félagsmanna, á bilinu 60–70% þeirra, er að
verða fyrir kjaraskerðingu á þessu tímabili, þ.e.
verðbólgan er orðin mun hærri en þau vikmörk
sem við miðuðum við við gerð kjarasamninga,“
segir Finnbjörn A. Hermannsson, formaður
Samiðnar, í samtali við Morgunblaðið.
Að sögn Finnbjörns mun forsendunefnd skoða
málið í byrjun nóvember nk., en nefndin er sam-
sett af tveimur fulltrúum Alþýðusambandsins og
tveimur fulltrúum Samtaka atvinnulífsins. Segir
hann fyrstu skref nefndarinnar að reyna að ná
samkomulagi um einhverjar bætur ef um fram-
úrkeyrslu er að ræða. „Auðvitað leggjum við ríka
áherslu á að það náist einhverjar niðurstöður
þar,“ segir Finnbjörn og tekur fram að Mið-
stjórn Samiðnar er með lista yfir hluta sem fást
þurfi lagfæring á. „Þrír meginliðirnir eru að í
fyrsta lagi þurfum við innspýtingu, þ.e. ein-
hverja kauphækkun, í öðru lagi þurfum við veru-
lega hækkun á lágmarkstöxtum vegna þess að
það er verið að misnota þá núna með erlendu
vinnuafli og í þriðja lagi þurfum við einhvers
konar reglugerðir eða lög um það hvernig starfs-
mannaleigur starfa á vinnumarkaði. Þannig að
við höfum töluvert um að ræða við þessa for-
sendunefnd.
Náist hins vegar ekki nein niðurstaða þar þá
er ekkert annað en uppsögn um að ræða og þá
erum við komin í beint samband við okkar við-
semjendur,“ segir Finnbjörn og hvetur verka-
lýðshreyfinguna til að vera samstiga í aðgerðum
við að rétta hlut launafólks á almennum vinnu-
markaði. Spurður hvort hann telji að slík sam-
staða muni nást svarar hann: „Sérsambönd
verkalýðshreyfingarinnar eru að fara af stað í
þessum viðræðum núna, þannig að ég veit ekki
hvernig landið liggur annars staðar. En auðvitað
erum við sterkari saman ef við náum að tala
einni röddu og ég vonast til þess að við náum
því.“
Þess má geta að fyrr í vikunni bárust fréttir
þess efnis að Efling stéttarfélag teldi stefna í að
samningsforsendur á almennum markaði bresti
sökum þess að verðbólga hafi farið vaxandi og sé
nú 1,2% yfir verðbólgumarkmiði Seðlabankans
sem er 2,5%.
Samiðn telur forsendur
kjarasamninga brostna
Eftir Silju Björk Huldudóttur
silja@mbl.is
STÓRU viðskiptabankarnir þrír,
Landsbankinn, Íslandsbanki og KB
banki, auk þróunarfélagsins Þyrp-
ingar, munu leggja samtals 21
milljón króna í hugmynda-
samkeppni um skipulag Vatnsmýr-
arinnar, en samningar þess efnis
voru undirritaðir í Listasafni
Reykjavíkur í gær.
Með þessum samningum gefst
tækifæri til þess að hafa hug-
myndasamkeppnina enn glæsilegri
en ella, sagði Steinunn Valdís Ósk-
arsdóttir borgarstjóri í Listasafni
Reykjavíkur í gær. Reiknað er með
því að féð renni a.m.k. að hluta til
þess að gera verðlaunin vegna hug-
myndasamkeppninnar veglegri en
ella og þar með kalli það á hæfa
þátttakendur víðsvegar að úr heim-
inum.
Auk þess verður fénu varið til
þess að bjóða ókeypis aðgang á sýn-
inguna „Hvernig borg má bjóða
þér?“ sem var opnuð í Listasafni
Reykjavíkur í gærkvöldi. Sýning-
unni er ætlað að varpa ljósi á fortíð
og framtíð skipulagsmála í borg-
inni, með áherslu á Vatnsmýrina,
og vera opinn vettvangur til að
skoða skipulagið og koma með hug-
myndir að nýjum lausnum.
Steinunn sagði ljóst að umræðan
um Vatnsmýrina hefði verið að
þróast og þroskast. Nú virtust allir
búnir að sjá ljósið og því líklegt að
þverpólitísk samstaða næðist um að
taka Vatnsmýrina undir byggð.
Svæðið er um 150 hektarar og get-
ur rúmað 10-30 þusund manna
byggð auk háskóla og þekkingar-
iðnaðar.
Bankarnir og Þyrping leggja 21 milljón króna í hugmyndasamkeppni
Morgunblaðið/Jim Smart
Ingólfur Helgason, forstjóri KB banka (t.v.), Bjarni Ármannsson, forstjóri Íslandsbanka, Steinunn Valdís Óskars-
dóttir, borgarstjóri, Björgólfur Guðmundsson, bankastjóri Landsbankans, og Oddur Víðisson, framkvæmdastjóri
Þyrpingar, handsöluðu samninginn í Listasafni Reykjavíkur í gær.
Vegleg verðlaun kalla á hæfari þátttakendur
FULLTRÚAR Sjálfstæðisflokksins
sátu hjá þegar tillaga um alþjóðlega
hugmyndasamkeppni um skipulag
Vatnsmýrarsvæðisins var borin
fram. Þeir telja samkeppnina ekki
tímabæra.
„Alþjóðleg hugmyndasamkeppni
um Vatnsmýrarsvæðið, sem talið er
að kosti allt að 100 milljónir króna,
er ótímabær fyrr en lokið er við-
ræðum fulltrúa Reykjavíkurborgar
og samgönguráðuneytis á grund-
velli samkomulags borgarstjóra og
samgönguráðherra. Að efna til hug-
myndasamkeppni um skipulag
svæðisins núna brýtur einnig í bága
við ráðleggingar frá ráðgjafarfyrir-
tækinu Alta, eins og sjá má í álits-
gerð þess, auk þess sem þessi tíma-
setning mun ekki nýtast verkefninu
sem skyldi og þannig minnka lík-
urnar á farsælli niðurstöðu í þessu
mikilvæga máli.
Þau áform meirihlutans í Reykja-
vík að halda fast við þessa tímasetn-
ingu, án þess að fullnægjandi for-
sendur séu til staðar, getur þannig
því miður ýtt undir frekari deilur
vegna Vatnsmýrarsvæðisins, þegar
samstaða hefur tekist um það meg-
inmarkmið í borgarstjórn, að huga
að skynsamlegustu leiðunum að því
markmiði, að flugvöllurinn fari úr
Vatnsmýrinni,“ segir í bókun sjálf-
stæðismanna.
Fulltrúi Frjálslynda flokksins
taldi eins og sjálfstæðismenn að
ekki væri tímabært að fara út í sam-
keppnina. „Ég tel það ótímabært að
efna til hugmyndasamkeppni um
Vatnsmýrarsvæðið fyrr en aðrir val-
kostir um staðsetningu flugvallar
hafa verið fullkannaðir. Þessi vinnu-
brögð bjóða þeirri hættu heim að
flugvöllurinn verði fluttur til Kefla-
víkur.
Það eru augljósir hagsmunir og
öryggisatriði fyrir höfuðborgar-
svæðið að flugvöllur sé staðsettur á
svæðinu. Athygli vekur að á meðan
sumir borgarfulltrúar Reykvíkinga
vilja flytja flugvöll af höfuðborgar-
svæðinu suður til Keflavíkur, þá rík-
ir þverpólitísk samstaða í Reykja-
nesbæ um að fá flugvöllinn þangað.
Þannig virðast sveitarstjórnarmenn
í Reykjanesbæ meðvitaðri um hags-
muni síns sveitarfélags en þeir
borgarfulltrúar í Reykjavík sem
vilja flytja flugvöllinn til Keflavík-
ur,“ segir í bókun F-listans.
Samkeppni
ekki tímabær
VIÐSKIPTATÆKIFÆRI á vett-
vangi Evrópu- og Atlantshafsher-
stjórna Norður-Atlantshafsbanda-
lagsins NATO verða kynnt
íslenskum fyrirtækjum á kynningar-
fundi í næstu viku á vegum viðskipta-
þjónustu utanríkisráðuneytisins, en
á fundinum verða yfirmenn verkút-
boða NATO austan hafs og vestan.
Fundurinn verður haldinn í utan-
ríkisráðuneytinu á þriðjudaginn
kemur, 13. september, og þar munu
yfirmenn útboða hvorrar herstjórnar
um sig kynna starfsemi þeirra og
gera grein fyrir útboðsferlum og eðli
þeirra verkefna sem boðin eru út á
vegum herstjórnanna. Þá munu þeir
kynna íslenskum fyrirtækjum hvern-
ig nálgast megi þessi verkefni.
Þessir yfirmenn verkútboða
hvorrar herstjórnar um sig eru Paul
Buades, yfirmaður verkútboða
NATO í Evrópu, og Lee H. Weber,
yfirmaður verkútboða NATO í
Bandaríkjunum.
Þá eiga íslensk fyrirtæki einnig
möguleika á að panta sérstakan
fundartíma til að fara nánar yfir
möguleika síns fyrirtækis á að taka
þátt í útboðum á vettvangi herstjórn-
anna beggja vegna Atlantshafsins.
Samkvæmt upplýsingum Morgun-
blaðsins verður á fundinum reynt að
kortleggja þau tækifæri og mögu-
leika sem eru á þessu sviði fyrir ís-
lensk fyrirtæki. Um ýmiss konar
verkefni getur verið að ræða og farið
verður yfir hvaða verkferlar og út-
boðsreglur gilda í þessum efnum af
hálfu herstjórna NATO.
Viðskiptatækifæri
á vettvangi NATO
kynnt hér á landi
Heildarframleiðsla mjólkur verðlags-
árið 2004/2005, sem lauk um síðustu
mánaðamót, nam 111,4 milljónum
lítra. Mjólkuriðnaðurinn hafi hins
vegar óskað eftir að kaupa samtals
112,5 milljónir lítra, þegar svokölluð
umframmjólk er talin með. Eftir sem
áður er þetta talsverð aukning miðað
við verðlagsárið á undan en þá voru
framleiddir 109,7 milljónir lítra af
mjólk.
Það sem af er þessu almanaksári
hefur framleiðslan verið töluvert
minni en árið 2004 og skiptir þar
sköpum hve framleiðslan í júní og júli
sl. var lítil miðað við árið 2004. Heild-
arframleiðslan í ár nemur nú um 76,6
milljónum lítra en árið 2004 var hún á
sama tíma 77,2 milljónir lítra.
Mikil mjólkur-
framleiðsla
♦♦♦