Morgunblaðið - 10.09.2005, Qupperneq 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 10. SEPTEMBER 2005 VERÐ Í LAUSASÖLU 220 KR. MEÐ VSK.
ÍSLANDSMET í hópknúsi var sett í Háskóla Íslands
á stúdentadeginum sem haldinn var í gær. Alls tóku
156 þátt í knúsinu í kringum styttuna af Sæmundi
fróða, sem verður að sögn Önnu Pálu Sverr-
isdóttur, formanns nýnemaviku- og stúdentadags-
nefndar, að teljast býsna gott þar sem hellidemba
brast á rétt áður en knúsið hófst. Í samtali við
blaðamann Morgunblaðsins sagði hún markmiðið
með knúsinu hafa verið að undirstrika samkennd
og kærleika í háskólasamfélaginu.
Stúdentadagurinn er árlegur viðburður við Há-
skóla Íslands í haustbyrjun þar sem brugðið er á
leik í því skyni að bjóða jafnt nýja sem gamla stúd-
enta velkomna í skólann.
Meðal þess sem bryddað var upp á í ár var ræðu-
keppni stúdenta og kennara, en umræðuefnið var:
„Eru konur að taka yfir í þjóðfélaginu?“ og voru
nemendur samþykkir fullyrðingunni, en kennarar
töluðu á móti henni. Lið kennara var skipað Hann-
esi Hólmsteini Gissurarsyni, Kristínu Ástgeirs-
dóttur, Gísla Gunnarssyni og Brynhildi Ólafsdóttur.
Lið nema var skipað þeim Atla Bollasyni, Maríu
Rún Bjarnadóttur, Katrínu Mixa og Jóhanni Alfreð
Traustasyni.
„Það má segja að Hannes Hólmsteinn hafi sannað
gildi einstaklingsframtaksins, því hann var kosinn
ræðumaður dagsins. Hins vegar fór hann einni mín-
útu fram yfir leyfðan ræðutíma og fékk lið hans
fyrir vikið það mikið af refsistigum að það varð að
lúta í lægra haldi fyrir liði nemenda,“ sagði Anna.
Settu met í hópknúsi
Morgunblaðið/Golli
Stúdentar við Háskóla Íslands létu grenjandi rigningu ekki aftra sér frá því að setja Íslandsmet í hópknúsi.
Fáskrúðsfjarðargöng voru formlega opnuð
við hátíðlega athöfn í gær. Sturla Böðvarsson
samgönguráðherra og Jón Rögnvaldsson
vegamálastjóri klipptu á borða við munna
jarðganganna Reyðarfjarðarmegin að við-
stöddu fjölmenni og voru göngin eftir það
opnuð almennri umferð. Sturla sagði við opn-
un ganganna að gott verk hefði verið unnið,
sem hefði mikla þýðingu fyrir íslenskt sam-
félag. Hver einasti hluti samgöngukerfisins
sem endurbyggður er væri í þágu allra Ís-
lendinga. Á Austurlandi drypi nú smjör af
hverju strái en brýnt væri að hafa í huga að
ein þjóð byggði landið og minnast þess að
samtakamátturinn væri það afl sem tryggði
sjálfstæði og varðveitti menningu.
Fáskrúðsfjarðargöng eru 5,9 km löng, þar
af 5,7 km göng í bergi og 200 m langir veg-
skálar. Nýir aðkomuvegir eru 1,9 km Reyð-
arfjarðarmegin og 6,6 km Fáskrúðsfjarðar-
megin. Með tilkomu nýja vegarins um
jarðgöngin er rutt úr vegi einum erfiðasta og
hættulegasta kafla Suðurfjarðavegar, vegin-
um fyrir Vattarnes, og mun þessi samgöngu-
bót bæta samgöngur á Suðurfjörðum og í
landshlutanum öllum verulega. Vegalengdin
milli Fáskrúðsfjarðar og Reyðarfjarðar
styttist um 31 km, og milli Suðurfjarða og
Mið-Austurlands um 34 km.
Morgunblaðið/Steinunn Ásmundsdóttir
Fáskrúðs-
fjarðargöng
opnuð

Manndrápsgil | Miðopna
Styttir vegalengdina til
Reyðarfjarðar um 31 km
TUTTUGU erlendir höfundar og níu ís-
lenskir sækja Bókmenntahátíð í Reykjavík
sem sett verður í Norræna húsinu á morg-
un og stendur til 17. september. Meðal
hinna erlendu gesta eru bandaríski höfund-
urinn Paul Auster, Margaret Atwood frá
Kanada, Lars Saabye Christensen frá Nor-
egi og ungur breskur höfundur, James
Meek, sem hefur slegið í gegn með nýrri
skáldsögu sinni, The People’s Act of Love,
en hún kemur út í íslenskri þýðingu í næstu
viku ásamt nokkrum öðrum þýddum verk-
um eftir hina erlendu gesti.
Höfundar munu lesa úr verkum sínum á
hverju kvöldi meðan á hátíðinni stendur og
það eru Javier Cercas, Vilborg Dagbjarts-
dóttir, Karin Wahlberg, Ólafur Gunnarsson
og Margaret Atwood sem ríða á vaðið í
Iðnó annað kvöld kl. 20. Flesta daga vik-
unnar verður svo dagskrá í Norræna hús-
inu kl. 12 og 15 þar sem spjallað verður við
erlenda rithöfunda um verk þeirra.
Tuttugu er-
lendir höfundar
Bókmenntahátíð
hefst á morgun

Lesbók
NÝ DÖNSK rannsókn bendir til þess að Ísland
sé vel í stakk búið til að hagnast á hnattvæðing-
unni, og trónir Ísland ásamt Bandaríkjunum á
toppnum yfir þau lönd sem eru helst tilbúin til
að græða á hnattvæðingunni. Framkvæmda-
stjóri Samtaka iðnaðarins segir líklega ekki tek-
ið tillit til óstöðugleika krónunnar þegar komist
er að þessari niðurstöðu.
Rannsóknin var unnin af Dansk Industri,
dönskum systursamtökum Samtaka iðnaðarins.
Ísland og Bandaríkin eru þar saman í fyrstu
tveimur sætunum, en næst koma Írland, Sviss,
S-Kórea og Svíþjóð. Botninn verma Ítalía,
Frakkland og Þýskaland.
Sveinn Hannesson, framkvæmdastjóri Sam-
taka iðnaðarins, tekur þessari rannsókn þó með
fyrirvara, enda ekki ljóst hvaða þættir nákvæm-
lega eru kannaðir. Hann segir þó líklegt að það
sé einkum sveigjanleiki vinnumarkaðarins sem
komi Íslandi svo hátt á listann, en trúlega sé
einnig tekið tillit til framleiðslukostnaðar og
skattamála.
Sveinn segir afar líklegt að niðurstöðurnar
taki ekki tillit til óstöðugleika íslensku krón-
unnar, enda sé sá vandi nokkuð sem aðrar þjóð-
ir hafi náð tökum á fyrir löngu og taka því varla
með í reikninginn í útreikningum sem þessum.
Niðurstöður dönsku könnunarinnar verða ekki
kynntar formlega fyrr en á ársfundi Dansk Ind-
ustri 28. september.
„Erlendir bankar og fjármálafyrirtæki eru í
stórum stíl farin að nýta mikinn vaxtamun milli
Íslands og annarra Evrópulanda. Þetta hefur
enn styrkt gengi krónunnar. Þar með eru líf og
heilsa íslenskra fyrirtækja í útflutnings- og
samkeppnisgreinum orðin háð ákvörðunum
spákaupmanna,“ sagði Sveinn á ráðstefnu
Starfsgreinasambandsins í gær.
Gylfi Arnbjörnsson, framkvæmdastjóri Al-
þýðusambands Íslands, tók undir áhyggjur af
genginu. „Það er ekki stöðugleiki á Íslandi.
Gengi sem sveiflast um 40% á milli ára er ekki
stöðugleiki í skilyrðum, hvorki heimila né fyr-
irtækja.“
Ísland er vel sett til að
hagnast á hnattvæðingu
Eftir Brján Jónasson og Ómar Friðriksson

„Hún hoppar og skoppar“ | Miðopna
♦♦♦
„ÞAÐ er dapurlegt að þetta skuli
ekki hafa gengið hraðar fyrir sig,“
sagði Valgerður Sverrisdóttir iðn-
aðarráðherra um áform um að reisa
pappabrettaverksmiðju í Mývatns-
sveit, á lóð Kísiliðjunnar, en þessa
dagana er unnið að því að rífa bygg-
ingar verksmiðjunnar.
Ríkisstjórnin hefur heimilað Ný-
sköpunarsjóði atvinnulífsins að
ganga til samninga um hlutafjár-
kaup í félaginu Grænum lausnum
ehf. sem stefnir að því að reisa verk-
smiðjuna.
Trúi á lausn
Landeigendur í Mývatnssveit
keyptu verksmiðjuna af eigendum
Kísiliðjunnar, „fyrir verulega fjár-
muni“, að sögn Valgerðar. Sam-
komulag hefur ekki tekist á milli
landeigendanna og forsvarsmanna
Grænna lausna um leigu á landinu,
en ráðherra sagði að landeigendur
vildu fá umtalsverðar upphæðir í
leigu. „Það er dapurlegt að það skuli
vera landeigendur sem verða til
þess að málið tekur lengri tíma en
ætlað var,“ sagði Valgerður en áætl-
anir gerðu ráð fyrir að hreyfing yrði
komin á málin nú í haust. „Ég hefði
gjarnan viljað sjá hraðari gang í
þessu, en ég trúi ekki öðru en að
málið verði leyst, þótt þessi ágrein-
ingur verði til þess að það mun taka
lengri tíma en ráð var fyrir gert að
koma verksmiðjunni af stað,“ sagði
Valgerður en hún nefndi að ekki
væri hægt að neita því að landeig-
endur gerðu sér ansi háar hug-
myndir um það verð sem þeir vildu
fá í sinn hlut fyrir afnot af landi og
byggingum. Eins væri meiningar-
munur varðandi það hversu marga
hektara lands ætti að leigja, land-
eigendur vildu leigja stærri hluta en
forsvarsmenn verksmiðjunnar telja
sig þurfa. Þetta mál stæði nú eitt út
af borðinu ef svo mætti segja varð-
andi uppbyggingu verksmiðjunnar í
Mývatnssveit.
Miðað er við að 20 manns starfi í
verksmiðjunni þegar hún hefur náð
fullum afköstum. Heildarfjárfesting
vegna þessa verkefnis er um 1.800
milljónir króna, þar af leggur Ný-
sköpunarsjóður fram allt að 200
milljónum króna. Áætlanir gera ráð
fyrir að verksmiðjan framleiði tæp-
lega fimm milljónir vörubretta úr
endurunnum pappa á ári.
Dapurlegt að
landeigendur
tefja málið
Togast á um leigu til
pappabrettaverksmiðju
LANDSVIRKJUN hefur eign-
ast þriðjungshlut í Þeistareykj-
um ehf. með kaupum á nýju
hlutafé í félaginu en skrifað var
undir kaupin á hluthafafundi
sem haldinn var á Breiðumýri í
Reykjadal í gær. Um er að ræða
hlutafjáraukningu upp á rúmar
110 milljónir kr., sem Lands-
virkjun greiðir um 260 milljónir
kr. fyrir. Eftir kaupin áttu Norð-
urorka, Orkuveita Húsavíkur og
Landsvirkjun jafna hluti í félag-
inu, tæpan þriðjung hvert, en
Þingeyjarsveit og Aðaldæla-
hreppur minna.
Að sögn Hreins Hjartarsonar,
veitustjóra á Húsavík og stjórn-
arformanns Þeistareykja, þýðir
aðkoma Landsvirkjunar það að
hægt verði að hefjast handa við
að bora tvær rannsóknaholur á
Þeistareykjum og forhanna
virkjun. Kostnaður við hvora
holu er á bilinu 200–250 milljónir
og er stefnt að því að bora eina
holu á næsta ári og aðra árið
2007.
Landsvirkjun eignast þriðj-
ungshlut í Þeistareykjum

Umfangsmestu | 20