Morgunblaðið - 15.09.2005, Blaðsíða 22

22 FIMMTUDAGUR 15. SEPTEMBER 2005 MORGUNBLAÐIÐ
DAGLEGT LÍF
Þ
að er í mörg horn að líta
hjá Geir Svanbjörnssyni
þessar vikurnar því fyrir
utan það að vera í fæð-
ingarorlofi með rúmlega
ellefu mánaða gömlum syni sínum,
Karvel að nafni, er nú sultað af kappi
á bænum og nú býður húsbóndinn
óþreyjufullur eftir sláturtíðinni. „Ég
er svo sem ekki ákveðinn ennþá hvað
ég kem til með að taka mörg slátur,
en ég er hinsvegar búinn að fá upp-
skriftirnar hennar mömmu af bæði
blóðmör og lifrarpylsu og svo er ég
líka búinn að kaupa þessa fínu frysti-
kistu fyrir sláturtíðina. Sömuleiðis
hef ég verið að leita mér upplýsinga
um hvaða verslanir koma til með að
selja slátur því ég hef hugsað mér að
vera í fyrra fallinu með sláturgerð-
ina. Það var alltaf gert slátur á mínu
æskuheimili norður á Akureyri og
fékk ég þá að hjálpa til, en þetta er í
fyrsta skipti sem ég stend í þessu
upp á eigin spýtur. Mér finnst mikil
stemmning fylgja því að fara í berja-
mó og gera slátur og ég man alltaf
hvað mér fannst ég vera virkur og
nauðsynlegur við þessi verk þegar ég
var krakki. Ég vil gjarnan að börnin
mín upplifi þetta líka. Svo er ég auð-
vitað líka að búa í haginn fyrir fjöl-
skylduna því sjálfur er ég mikill mat-
maður og borða örugglega tvöfalt á
við flesta aðra. Slátur hefur mér allt-
af þótt herramannsmatur og má
segja að sláturgerðin og sultugerðin
verði að fá að fylgjast að því það er
nauðsynlegt að fá krækiberjahlaup
með heitum blóðmörnum. Ég er
nokkuð viss um að klára mig af þessu
því mér er sagt að mesta vinnan sé
við að skera mörinn,“ segir Geir, sem
er tæknifræðingur að mennt og
starfar við landupplýsingakerfi
Orkuveitu Reykjavíkur.
Geir er nú í þriggja mánaða fæð-
ingarorlofi fram að miðjum nóv-
ember, en þá fer litli snáðinn til dag-
mömmu. Stóra systirin Bríet Reine
er hinsvegar komin á leikskóla enda
að verða þriggja ára. Eiginkonan
Jakobína Guðmundsdóttir er nýlega
farin að vinna eftir sitt fæðingarorlof,
en hún starfar hjá Íslandsferðum í
Lágmúla og fylgist því bara með öll-
um myndarskapnum í bóndanum úr
fjarlægð.
Er mikill berjakarl
Geir segist vera mikill berjatínslu-
karl og þurfi yfirleitt að komast á
hverju hausti í berjamó. „Að þessu
sinni tíndi ég bláberin við Móskarðs-
hnjúka, sem eru rétt austan við Esj-
una, og tólf kíló af krækiberjum tíndi
ég svo við Búrfell í Grímsnesi. Mér
finnst voða gott að borða ný bláber
og aðalbláber með skyri eða ís og
tími þess vegna ekki að nota bláberin
mín í sultu. Þau voru fryst heil að
þessu sinni og svo þíði ég slatta við og
við upp í örbylgjuofninum og nota
sem heita bláberjasósu út á ís og
skyr.
Yfir fimmtíu misstórar krukkur af
krækiberjahlaupi urðu hinsvegar til
þegar búið var til vinsælt kræki-
berjahlaup úr krækiberjunum. Upp-
runalegu uppskriftina af hlaupinu
fékk Geir hjá móður sinni, Reine
Margrét Sigurðsson. Hann fékk síð-
an aðra útgáfu af hlaupinu góða hjá
móðursystur Jakobínu, Matthildi
Gunnarsdóttur í Presthvammi í Að-
aldal. „Og síðan bjó ég til mína eigin
útgáfu og notaði mun minni sykur í
hana en gefið var upp. Hlaupið
heppnaðist bara vel og ég er ánægð-
ur með útkomuna.. Nokkrar krukkur
hafa endað á borðum vina og kunn-
ingja enda torgum við ekki öllu þessu
magni,“ segir Geir, sem einnig er bú-
inn að sulta vel úr rabarbara. „Maður
notar bara dauðar stundir þegar
Karvel er sofandi, en þó hann taki
venjulega daginn snemma, nær hann
yfirleitt tveimur dúrum á daginn úti í
vagni, bæði fyrir og eftir hádegi. Ég
reyni að fara að minnsta kosti tvisvar
út að labba á daginn og svo þarf auð-
vitað að sinna heimilisverkunum eftir
bestu getu. Þetta er bara skemmtileg
tilbreyting frá daglegum störfum í
vinnunni.“
Fastur við eldavélina
Hvað segirðu þá um hið forn-
kveðna að karlmenn geti aðeins ein-
beitt sér að einu verki í einu?
„Það er alveg laukrétt ef ég tala út
frá sjálfum mér,“ svarar Geir. „Ég
get bara einbeitt mér að einhverju
einu í einu, sérstaklega ef viðkom-
andi verk þarfnast einhverrar ein-
beitingar við. Litli guttinn þurfti því
að reyna svolítið vel á lungun um
daginn þegar krækiberjahlaups-
gerðin stóð sem hæst. Hann vaknaði
úti í vagni í miðjum klíðum. Það bull-
sauð í pottinum og ég gat mig hvergi
hreyft þar sem hræra þurfti stöðugt í
pottinum í heilar tíu mínútur.“
Geir var að lokum beðinn um upp-
skrift að krækiberjahlaupinu vinsæla
sem hann segir að sé líka gott með
ristaða brauðinu og ostum.
 MATUR
Geir tíndi tólf kíló af krækiberjum í Úlfarsfelli.
Morgunblaðið/JI
Geir Svanbjörnsson með hluta af afrakstri sultugerðarinnar og börnin sín
tvö, þau Bríetu Reine og Karvel.
Geir Svanbjörnsson
nýtir fæðingarorlofið út
í ystu æsar. Nú er hann
búinn að sulta ber og
rabarbara í margar
krukkur og bíður
spenntur eftir sláturtíð-
inni. Jóhanna Ingvars-
dóttir fór í heimsókn.
join@mbl.is
Krækiberjahlaup
með blóðmör
11 dl krækiberjasaft
1 bréf pectín-sultuhleypir
900 g strásykur
Krækiberin hökkuð í
hakkavél. Berjasafinn sigt-
aður vel í gegnum sigti og
hratinu hent. Safinn settur í
pott og pectín-sultuhleypi
hrært út í, en passa þarf að
hleypirinn fari ekki í kekki.
Kveikt undir pottinum, sem
gott er að sé í stærri kant-
inum. Þegar suðan kemur
upp, er sykrinum bætt út í.
Látið bullsjóða og hrært er
stöðugt í pottinum í tíu mín-
útur. Þá er slökkt á hellunni
og hlaupinu hellt á krukkur,
sem látnar eru standa opnar
yfir nótt. Lok sett á daginn
eftir.
Krækiberjahlaup
V
æntanleg er bókin Best
geymdu leyndarmálin
eða „Best kept secrets“
eftir Janet Reibstein,
sálfræðing og hjóna-
bandsráðgjafa í Exeter í Englandi. Á
vef norska Dagbladet er vitnað í bók-
ina þar sem Reibstein fjallar um
hjónabandið og byggir á viðtölum við
yfir hundrað hjón sem lifa í ham-
ingjusömu hjónabandi.
Mörg pörin hafa verið gift í áratugi
en níu ár að lágmarki. Ef hjónabandið
hefur varað skemur, er hætta enn
fyrir hendi á að það hrynji m.a. þar
sem börnin eru komin til sögunnar og
álag sem þeim fylgir.
Reibstein bendir á að þrátt fyrir að
hjón eigi ekki börn, virðist sem svo að
við níu ára mörkin fari fólk að nota
orkuna í annað en bara makann. Það
er tímabilið sem hefur vakið athygli
sálfræðingsins og bókin fjallar um.
Reibstein bendir á að hamingju-
samari pörin eru t.d. þau sem eiga
samræður yfir vínglasi og lifa kynlífi
þótt sjónvarpssófinn freisti. „Þetta
getur verið erfitt, en rannsókn mín
gefur til kynna að þau sem gera það,
verða hamingjusamari,“ segir Reib-
stein.
Borða saman og sofa saman
Reibstein bendir á að hjón verði að
vernda hvort annað til að byggja upp
traust og langvarandi kærleika. Þeir
sem reyni slíkt verði ekki aðeins ham-
ingjusamari heldur einnig heilsu-
hraustari auk þess að hafa það betra
fjárhagslega.
Til að auka líkur á betra hjóna-
bandi gefur hjónabandsráðgjafinn
ráð:
**COLR** Annaðhvort að
borða saman eða að fara að sofa
á sama tíma er nauðsynlegt,
helst hvort tveggja.
 Þakklæti. Hvort um sig þakkar
makanum fyrir mat eða annað
sem hann gerir fyrir fjölskyld-
una og hrósar einnig.
Reibstein segir að algengt sé að
fólk hætti að segja takk í hjónaband-
inu, t.d. þar sem fólk haldi að innileiki
og kurteisishjal eigi ekki saman. Það
er misskilningur, að sögn sálfræð-
 BÓK | Hvað gera hamingjusömu hjónin
Stunda kynlíf og
spara ekki hrósið
Morgunblaðið/Golli
Í BANDARÍKJUNUM er nú farið
að bjóða litlum stelpum að halda af-
mælisboðið fyrir bekkjarsysturnar í
verslanamiðstöðinni þar sem stelp-
unum er boðið að klæða sig upp sem
prinsessur eða poppstjörnur og fá
hárgreiðslu og förðun í stíl.
„Caitlin elskar að þykjast vera full-
orðin,“ segir mamma hennar, Mary-
Ellen Greene, þar sem hún fylgist
með sex ára dóttur sinni og vinkon-
um hennar við áðurnefnd veisluhöld í
verslanamiðstöð í Virginíu í Banda-
ríkjunum. Æ yngri stelpur vilja mála
sig og mamman vonar að ef dóttirin
fái að mála sig svona ung vilji hún
það ekki í 7. eða 8. bekk.
Það er fyrirtækið Club Libby Lu
sem býður upp á þessa þjónustu.
Framkvæmdastjórinn, Melissa Le-
vitt, segir þetta ekki frábrugðið því
þegar stelpur gera sér að leik að
klæðast fötum mömmu sinnar, bara í
öðru umhverfi.
Þessi furðufataleikur kostar hins
vegar sitt, þ.e. 150 bandaríkjadali
fyrir sjö vinkonur, eða yfir 9.000 ís-
lenskar krónur. Markhópurinn eru
stelpur á aldrinum 6 til 13 ára en
Club Libby Lu rekur nú 80 verslanir
í Bandaríkjunum og markaður er
fyrir enn fleiri, að mati forsvars-
mannanna sem hafa á prjónunum að
fjölga útsölustöðum.
 AFMÆLI
Prinsessur
í verslana-
miðstöð
K Y N N T U Þ É R S É R F E R Ð I R F E R Ð A Þ J Ó N U S T U B Æ N D A
s: 570 2790www.baendaferdir.is
til Saalbach - Hinterglemm
4. febrúar - 1 vika / 11. febrúar - 1 vika / 4. febrúar - 2 vikur
Fararstjórar: Sævar Skaptason & Guðmundur K. Einarsson
Skíðaferð Ferðaþjónustu bænda árið 2006 er til Hinterglemm í Austurríki,
en skíðasvæðið er einfaldlega nefnt Saalbach-Hinterglemm. Hótelið er alveg
við skíðalyfturnar og er þaðan hægt að komast yfir í allt skíðasvæðið. Brekkurnar
eru um 200 km langar. Saalbach-Hinterglemm hefur stundum verið nefnt
skíðaparadís Alpanna og ekki að ástæðulausu. Bærinn er í um 1.000 metra hæð
og hæsta skíðabrekkan í yfir 2.000 metra hæð. Fararstjórar fylgja hópnum alla
ferðina og sjá um að skipuleggja skíðaferðir fyrir þá sem vilja.
Verð: 104.900 kr. á mann í tvíbýli í 1 viku
Verð: 154.500 kr. á mann í tvíbýli í 2 vikur
Nánari upplýsingar í síma 570 2790 eða á www.baendaferdir.is