Morgunblaðið - 14.11.2005, Blaðsíða 6
6 MÁNUDAGUR 14. NÓVEMBER 2005 MORGUNBLAÐIÐ
FRÉTTIR
Metsölubók
um allan heim
Allan og Barbara Pease
hafa selt yfir 19 milljón
eintaka af bókum sínum
Bókin sem varpar ljósi á
samskipti kynjanna.
Stórkostleg bók, er samdóma
álit lesenda.
Og ekki að ástæðulausu!
Vikan 19. okt. 2005
BÓKAÚTGÁFAN HÓLAR
Gildir til 30. nóvember 2005
30% afsláttur
„ÞAÐ þarf að kenna börnum sem
fyrst að það sé allt í lagi að vera sam-
kynhneigður,“ segir Ingi Þór Jóns-
son, en um helgina héldu Samtökin
’78, félag lesbía og homma á Íslandi,
opinn fund á Kaffi Reykjavík undir
yfirskriftinni Samkynhneigðir og
íþróttir. Til þess að fjalla um þessi
mál bauð félagið Inga Þór til lands-
ins, en hann hefur um árabil unnið að
málefnum samkynhneigðra innan
íþróttahreyfingarinnar í Bretlandi.
Hann keppti á sínum tíma í sundi
fyrir Íslands hönd á Ólympíuleikum,
en hrökklaðist úr íþróttum 21 árs
vegna fordóma.
Ingi starfar sjálfstætt og gerir
sjálfur grín að því hvað hann sé með
mörg járn í eldinum. Hann er evr-
ópskur sendiherra fyrir heimsleika
samkynhneigðra íþróttamanna sem
haldnir verða í Montreal á næsta ári.
„Svo er ég forseti nýrra samtaka
sem heita Proud Out Olympiens,
sem eru samtök samkynhneigðra
íþróttamanna sem hafa keppt á Ól-
ympíuleikum,“ segir Ingi. „Við berj-
umst gegn fordómum, störfum sem
hjálparlína fyrir ungt fólk sem er að
koma út úr skápnum og svo erum við
að halda upp á að hafa tekið þátt í Ól-
ympíuleikum, sem við gátum aldrei
gert á sínum tíma vegna fordóma.
Ég vinn líka mikið fyrir Manchester-
borg og er að fara að gera nýja
samninga við þá um hvernig ég get
breitt út starf mitt. Ég er á kafi í
öllu.“
Mikilvægt að læra sem fyrst
að samkynhneigð sé í lagi
Ingi segir að húsfyllir hafi verið á
fundinum á laugardaginn og líflegar
umræður hafi
spunnist um þessi
heitu mál. Ingi
segir að fólk
undri sig oft á því
að það sé eitt-
hvert vandamál
að vera samkyn-
hneigður í íþrótt-
um en þegar það
hugsi sig um átti
það sig á að það þekki fáa eða enga
samkynhneigða íþróttamenn.
„Íþróttasamband Íslands sendi
fulltrúa á fundinn og þarna voru
þjálfarar og íþróttamenn, bæði sam-
kynhneigðir og gagnkynhneigðir,“
segir Ingi. „Meðal annars komu
íþróttamenn sem voru með mér á Ól-
ympíuleikunum á sínum tíma og mér
þótti voðalega vænt um það.“
Ingi er líka aðalframkvæmdastjóri
Pride Games, en það er íþróttahátíð
sem haldin var í Manchester í sumar.
„Það var keppt í ellefu íþrótta-
greinum og þangað komu samkyn-
hneigðir keppendur alls staðar að úr
heiminum. Þetta gekk mjög vel og
opnaði margar dyr,“ segir Ingi sem
einnig vinnur að verkefni fyrir
bresku ríkisstjórnina sem nefnist
Proud Britain. „Þá fer ég og held
fyrirlestra í skólum sem íþróttamað-
ur og segi til dæmis það sem ég upp-
lifði sem krakki. Það þarf að kenna
börnum sem fyrst að það sé allt í lagi
að vera samkynhneigður.“
Þegar Ingi er spurður að því hvort
sérstakir viðburðir eins og heims-
leikar samkynhneigðra íþrótta-
manna geti ekki haft neikvæð áhrif
og jafnvel markað samkynhneigðum
íþróttamönnum sérstakan bás,
stendur ekki á svörum.
„Gay games eru bara fyrir sam-
kynhneigða en þetta eru nýir leikar
sem heita World Out Games,“ segir
hann. „Samkynhneigðir halda þessa
hátíð en bjóða gagnkynhneigðum
íþróttamönnum sérstaklega að koma
svo við erum að vinna á öndverðum
meiði við Gay games. Við bjóðum öll-
um að vera með og opnum þannig
nýjar dyr.“
Jákvæðir tímar framundan
Ingi hefur ekki búið á Íslandi í
átján ár og vissi ekkert um stöðuna
hérlendis áður en hann kom í þessa
heimsókn.
„Hér eru sömu erfiðleikar í gangi
og annars staðar en mér finnst til
dæmis mjög jákvætt hvað fram-
kvæmdastjóri ÍSÍ kom sterkt fram á
fundinum með hvernig ÍSÍ ætlar að
taka á þessum málum,“ segir Ingi.
„Svo kom þarna fram að mikilvægt
væri að breyta til dæmis þjálfara- og
íþróttakennarahandbókum til að
hjálpa þessum aðilum að taka á mál-
unum.“
Ingi bendir á að um tíu prósent
manna séu samkynhneigðir og því
hljóti margir sem stunda íþróttir að
vera í felum með kynhneigð sína.
„Inn í þetta spilar þó hversu
snemma missum við þetta fólk út úr
íþróttunum,“ segir Ingi.
„Það eru jákvæðir tímar framund-
an og það væri mér mikill heiður að
geta unnið bæði með Samtökunum
’78 og íþróttahreyfingunni að þess-
um málum í framtíðinni. Vonandi get
ég gert sem mest.“
Ef einhver vill hafa samband við
Inga og tala við hann um eitthvað í
sambandi við fordóma í íþróttum er
það velkomið.
Fordómar í garð samkynhneigðra íþróttamanna
Sömu erfiðleikar hér á
landi og annars staðar
Eftir Hrund Þórsdóttur
hrund@mbl.is
TENGLAR
..............................................
ingithor14@hotmail.com
Ingi Þór Jónsson
Á MIÐSTJÓRNARFUNDI Fram-
sóknarflokksins á föstudag sagði Hall-
dór Ásgrímsson, forsætisráðherra og
formaður flokksins, að Framsóknar-
flokkurinn væri og hefði alltaf verið
miðjuflokkur. Framundan væri kosn-
ingavetur og heilmikil barátta myndi
þá fara fram. Að hans mati myndi bar-
áttan, eins og oft áður, snúast um
miðjuna.
Ingibjörg Sólrún Gísladóttir, for-
maður Samfylkingarinnar, sagði á
flokksstjórnarfundi flokksins að hún
vildi verja miðjuna. Samfylkingin
þyrfti að sækja inn á hana nú þegar
frjálshyggjan í Sjálfstæðisflokknum
væri á undanhaldi.
„Það hafa verið miklar umræður í
okkar þjóðfélagi undanfarið um eitt-
hvað sem heita tveir pólar. Margir
hafa viljað stilla því þannig upp að
annar póllinn sé Sjálfstæðisflokkurinn
og hinn póllinn Samfylkingin,“ sagði
Halldór. Það mætti vel vera, sjálfur
hefði hann aldrei haft áhuga á því að
vera annað hvort til vinstri eða hægri í
pólítik. Hann hefði eins og aðrir fram-
sóknarmenn viljað
vera á miðjunni.
„Ég tel að sigrar ís-
lensks samfélags
hafi unnist á miðj-
unni, og það sé miðj-
unni að þakka að við
höfum sótt fram
með þeim hætti sem
við höfum gert. Og
það vill svo til að
flokkarnir í kring-
um okkur hafa sótt inn á miðjuna. Því
það er nú þannig að þegar að vel geng-
ur þá sækir allt inn á miðjuna, sækir
inn á þær slóðir sem Framsóknar-
flokkurinn hefur alltaf unnið á. Það er
stundum sagt að við séum að elta aðra
til vinstri eða elta aðra til hægri. Við
erum ekkert að því. Við höfum haldið
okkar striki í íslenskri pólitík síðan
Framsóknarflokkurinn var stofnaður,
á miðjunni, og þar eigum við að vera,“
sagði Halldór Ásgrímsson, formaður
Framsóknarflokksins á föstudag, dag-
inn fyrir flokksstjórnarfund Samfylk-
ingarinnar.
Formaður Framsóknarflokksins
Alltaf verið
miðjuflokkur
Halldór
Ásgrímsson
LIÐ Smáraskóla í Kópavogi, Land-
krabbarnir, vann í legókubbakeppn-
inni sem haldin var í húsakynnum
Marels í Garðabæ um helgina. Val-
gerður Sverrisdóttir iðnaðarráð-
herra afhenti verðlaunin. Tuttugu lið
tóku þátt á Íslandi en sigurveg-
ararnir fengu keppnisrétt á Norð-
urlandamótinu, sem haldið verður í
Noregi í byrjun desember. Alls tóku
um 400 lið þátt í legókubbamótum á
öllum Norðurlöndunum um helgina.
Sigurliðið skipuðu Ásthildur B.
Jensdóttir, Guðmundur Þor-
steinsson, Jón Gísli Björgvinsson,
Kristján Kristjánsson, Ólafur U.
Torfason, Sindri Þór Sigurðsson,
Victor J. Gressier og Vilborg Á.
Árnadóttir.
Auk Smáraskóla fengu lið frá
Salaskóla Kópavogi, Akurskóla
Reykjanesbæ, Grunnskóla Fá-
skrúðsfjarðar og Flúðaskóla verð-
laun.
Keppnir á móti í Noregi
Keppnin er hluti af alþjóðlegri
keppni sem ber heitið „First Lego
League“ sem haldin er á vegum
samtakanna FLL á Íslandi. Sam-
tökin voru stofnuð fyrr á þessu ári
og hafa það að markmiði að gera
raunvísindi áhugaverð og skemmti-
leg fyrir börn og unglinga með
sterkum tengslum við atvinnulífið.
Miða þau að því að FLL-keppnin
verði árlegur viðburður og ef miða
má við þátttökuna í ár ætti það að
reynast leikur einn.
Á undanförnum tveimur mán-
uðum hafa krakkarnir, sem eru á
aldrinum 10 til 16 ára, sett saman og
forritað vélmenni úr Legokubbum
sem leysa eiga ýmsar þrautir sem
settar eru fyrir þau á þar til gerðum
þrautabrautum. Einnig var þeim fal-
ið að útbúa viðamikið rannsókn-
arverkefni sem þau kynna fyrir
dómnefnd.
Þetta er í fyrsta skipti sem keppn-
in er haldin hér á landi. Úrslita-
keppni Skandinavíuflokksins fer svo
fram 3. desember nk. í Þrándheimi í
Noregi og þangað fer sigurlið
Smáraskóla sem sigraði í keppninni
um helgina. Evrópumót FLL fer svo
fram næsta vor.
Morgunblaðið/Brynjar Gauti
Landkrabbarnir, lið Smáraskóla, bar sigur úr býtum í Legokubbakeppninni. Á myndinni eru liðsmennirnir að æfa.
Smáraskóli sigraði í
legókubbakeppninni
Eftir Andra Karl
andri@mbl.is
LÍKUR á langlífi karla eru mestar á
Íslandi 2003 sé tekið mið af OECD-
ríkjunum, eða 79,0 ár. Lífslíkur ís-
lenskra kvenna voru þá 82,4 ár og
voru íslenskar konur í 7.-8, sæti með-
al kvenna í OECD-ríkjum. Þá voru
lífslíkur Íslendinga við fæðingu 80,7
ár, það er meðaltal af lífslíkum karla
og kvenna. Líkur á langlífi voru
hvergi meiri í heiminum, nema í Jap-
an þar sem þær voru 81,8 ár árið
2003.
Þetta er meðal þess sem kemur
fram í riti OECD, Heilbrigðismál í
hnotskurn 2005, um árangur á ýms-
um sviðum heilbrigðismála.
Íslenskir karlar lík-
legastir til langlífis
JAPANINN Hideshi Tamenori varð
heimsmeistari í karlaflokki í sjötta
sinn og Hisako Hoshi, einnig frá
Japan, vann í kvennaflokki á heims-
meistaramótinu í Óþelló sem fram
fór á Hótel Loftleiðum um helgina.
Tveir Íslendingar tóku þátt í mótinu
en alls voru 62 keppendur frá 25
löndum á mótinu.
Hálfdán Örlygsson, annar skipu-
leggjanda mótsins, segir að vel hafi
til tekist og til standi að halda fyrsta
Íslandsmótið í spilinu eftir áramót.
Þrír keppendur munu fara fyrir Ís-
lands hönd á heimsmeistaramótið á
næsta ári, sem fram fer í Japan.
Óþelló er borðspil sem á ýmislegt
sameiginlegt með skák og er mjög
algengt að fólk spili leikinn á Netinu.
Japanir heims-
meistarar í Óþelló
Morgunblaðið/Brynjar Gauti
Frá úrslitaleik Hisako Hoshi og
Mami Yamanaka í Óþelló á Hótel
Loftleiðum á laugardaginn.
TENGLAR
..............................................
worldothellochampions-
hips.com/2005