Morgunblaðið - 18.12.2005, Blaðsíða 26

26 | 18.12.2005
S tundvísi Geoffreys Þórs Huntingdon-Williams kom snemma í ljós því ólíktsystkinum sínum kom hann í heiminn nákvæmlega á þeim degi sem læknarhöfðu boðað komu hans. Þar sem sá dagur var 24. desember varð fæðing
hans til þess að jólin 1988 urðu foreldrum hans óvenju minnisstæð.
„Hann fór að láta á sér kræla einhvern tímann á Þorláksmessu,“ segir mamman,
Guðrún Þorkelsdóttir. „Ég fór upp á spítala snemma á aðfangadagsmorgun og hann
var fæddur á hádegi. Þetta var mjög sérstakt, ekki síst út af því að við fjölskyldan vor-
um nýflutt út til London og bjuggum enn hjá tengdaforeldrum mínum. Hann er síðan
nefndur í höfuðið á föðurafa sínum sem fannst auðvitað frábært að fá svona lítinn afa-
dreng í jólagjöf. Eldri bróðir hans, sem þá var bara eins og hálfs árs, var líka himinlif-
andi, sérstaklega yfir því að fá lítinn bróður að leika sér við.“
Hún segir heilmikla jólastemningu hafa legið í loftinu á fæðingardeildinni, sem var
bæði lítil og heimilisleg. „Það var mjög jólalegt,
góður matur og svo komu jólasveinar meira að
segja í heimsókn. Þarna störfuðu líka frábærar og
skemmtilegar konur og allt gekk glimrandi vel í
fæðingunni þannig að þetta var ekkert nema gleði.
Svo fór ég heim á jóladag og kom beint í jólasteik-
ina því jóladagur er í raun mun stærri hátíðisdagur
en aðfangadagur hjá Englendingum.“
Í seinni tíð hefur fjölskyldan nýtt sér þennan
mun á hefðum landanna til hins ýtrasta. „Fyrstu
jólin eftir að við fluttum heim vorum við með þrjú
börn og þá héldum við aðfangadag hátíðlegan eins
og hér er siður um leið og við héldum upp á afmæli
stráksins. Þetta fannst okkur allt of mikið stress svo við ákváðum að halda okkur við
ensku hefðina og halda jólin hátíðleg á jóladag með pökkum og tilheyrandi. Að-
fangadagur er hins vegar dagur Geoffreys. Frá því að hann var pínulítill hefur hann
fengið að ráða hvað við borðum á aðfangadag.“ Sá matur fellur þó ekki endilega alltaf
undir hefðbundnar skilgreiningar á íslenskum hátíðarmat. „Þegar hann var átta eða
níu ára vildi hann til að mynda heimabakaða pizzu og þá var ekki annað að gera en að
reiða hana fram. Sem betur fer hefur matarsmekkur hans þróast talsvert síðan þannig
að matseðillinn á aðfangadag er orðinn mun flottari en þá.“ | ben@mbl.is
JÓLASVEINAR
Á FÆÐINGARDEILDINNI
Ásamt
stóra bróð-
ur, William
Frey, jólin
1988.
FRÁ ÞVÍ AÐ HANN
VAR PÍNULÍTILL
HEFUR HANN FENGIÐ
AÐ RÁÐA HVAÐ VIÐ
BORÐUM Á AÐFANGADAG.
GUÐRÚN ÞORKELSDÓTTIR
Jólabjöllur, jólalög, hlátrasköll og glaðlegar samræður. Líklega er þögn það síðastasem við flest tengjum við jólin en svo er ekki um Ransu, sem upprunalega hétJón Bergmann Kjartansson, áður en andlegur leiðbeinandi hans gaf honum nýtt
nafn. Jólin 2000 eyddi hann helgidögunum í þagnarbindindi á samyrkjubúi á Costa
Rica sem gúrúinn Tyohar veitir forstöðu.
„Ég var þarna með konunni minni en þetta er alþjóðlegt samyrkjubú úti í skógi þar
sem búa um 80 manns. Fjórum sinnum á ári er þar þögn sem varir í hvert skipti í allt
að tvær vikur. Ég hef verið þarna nokkrum sinnum og þarna var ákveðið að hafa
þagnarbindindi yfir jólin sem var í nokkuð miklu
mótvægi við flest annað sem er í gangi á þessum
tíma. Á meðan þagnarbindindið varir er hug-
leiðsla fjórum sinnum á dag og þetta er alveg frá-
bær tími.“ Ransu segir hugann lítið hafa reikað
heim til hangikets og jólaljósa á Fróni þessi jól
sem orðið var forboðið, jafnvel þótt hann sé alla
jafna vanur að halda hefðbundin íslensk jól.
„Maður var ekkert að spá í jólin enda ekkert
slíkt í huganum þegar maður er kominn í þögn. Ef ég man rétt byrjaði þögnin fyrir jól-
in og varaði í níu til tíu daga. Allan þann tíma var grænmetisfæði á borðum en mig
minnir að á jóladag hafi verið margréttaður veislumatur og okkur þjónað til borðs. Það var a.m.k. í eitt skipti yfir þennan tíma
og mér finnst ekki ósennilegt að það hafi einmitt verið á jóladag.“
Ransu segir hljóðláta og innhverfa hugleiðsluna miðast að því að upplifa stundina hér og nú. Það er þó stutt öfganna á milli:
„Á nýársnótt var þagnarbindindinu slitið með teknópartíi úti í skógi þar sem allir dönsuðu til sólarupprásar en hugmyndin var
að fara úr þögninni inn í nýtt ár með dansi. Þetta voru mjög fín áramót. Tyohar er teknó–skífuþeytir og starfaði sem slíkur áður
en hann uppljómaðist svo það er honum eðlilegt að nýta sér þá tónlist.“ Aðspurður segir hann skógardansinn í sjálfu sér ekki
ólíkan regndansi frummanna. „Jú, þetta er taktföst tónlist og mikil hátíð. En í raun er þetta bara annað form hugleiðslu.“
EF ÉG MAN RÉTT
BYRJAÐI ÞÖGNIN
FYRIR JÓLIN OG
VARAÐI Í NÍU TIL
TÍU DAGA.
HLJÓÐLÁT JÓL
OG TEKNÓDANS
Léttklæddur
og þögull
á jólunum
2000.
RANSU